英國移民雜談/攻略/你問我答 (不定時更新) (2)

開返個citibank account就可以免費電匯

但Citibank 個rate好差

大額一係用ib轉囉，market rate

Wise個rate其實只係好銀行少少

冇IB戶口 好似要一萬美金黎開？

我好耐之前開，唔肯定

頭先check返Wise同citibank個rate差幾多，換25000hkd，最尾先差2鎊我諗你揀個自己方便嘅就得

一萬港元，啱啱開咗！

想問下申請visa果度upload bank statement係咪一定要up晒成份？ 因為我頭頁有寫到有p loan還緊 唔知交上去會唔會有影響

我係咪應該開過個ac放錢落去再cap圖會好d

幫推

Agger，even Lidl 都無試過

我返黎啦
黎緊新一篇應該會講下個人嘅家居保安心得

呢排啲士多啤梨當造，甜到糖尿病
香港食士多啤梨中間成日都中空，英國買嘅士多啤梨就唔會（本地或者EU 入口）

Welcome back
等你繼續分享

Welcome back

推

可唔可以分享吓，英國有無邊啲地方可以俾錢print/影印文件？

幾張紙唔想專登買printer

圖書館或者郵局

郵局都有？
上郵局網睇過又好似無介紹

anyway, thanks

[其十一] 家居保安

英國唔同城市嘅治安可以好唔同，even 同一個城市都有分好同唔好嘅area。英國嘅入屋爆竊其實比想像中常見，所以做好家居保安係好緊要。所有嘅賊都係取易不取難，如果做足家居保安，唔單止保障你嘅財物，重係保障埋你屋企人嘅安全。

家居保安將會係一個比較複雜嘅topic，亦都會好受唔同因素影響，包括你係租戶定屋主、住House 定住apartment、你嘅budget 同埋你對科技嘅熟悉程度。以下我將會分享我自己個人嘅經驗，但係唔代表係最好嘅選擇， 如果出咗咩事我都唔會負責。

現今嘅家居保安同智能家居息息相關，而Smart home 嘅牌子本身都五花八門同日新月異。當大家睇到我篇文嘅時候某啲product 可能已經過時，大家請自行做research 睇下最新嘅科技同product，我之後都會分享幾個我睇開嘅專介紹Smart Hhome 嘅Youtuber 俾大家參考。事先聲明，如果我分享嘅嘢包括任何牌子，我全部都冇sponsor。

以下我會將家居保安分成唔同部份，再將各部份分成唔同等級。大家可以視乎自己嘅能力選擇做到咩程度。

一。唔俾人知間屋無人
二。門鎖
三。Surveillance

[十一。一] 唔俾人知間屋無人
Level 1 打理好正門
家居保安嘅第一步就係打理好正門。
首先 ，同香港一樣，啲賊爆格實係嘗試搵無人嘅屋企黎爆。一間屋其實有唔少蛛絲馬跡可以透露俾人知間屋有無人，例如個信箱滿左、門口有parcel 放咗喺地下無人收、過咗垃圾回收日個垃圾桶重係街邊（只限House）、前門無人打理雜草叢生等。啲賊黎踩線嘅時候見到呢啲跡象，自然會揀呢間屋做對象。套用番破窗理論，當你黎到英國睇樓嘅時候，睇下你附近嘅住宅打理成點樣都可以對附近嘅治安略知一二。如果你係住House 而有養狗或者將來會養狗，係花園正門貼張內有惡犬嘅sticker 都會減低有賊入屋嘅機會。


打好鄰里關係都好緊要。如果你因為唔同原因要離開間屋一排，例如出國旅行，建議事先拜託定鄰居幫手收信／parcel 或者收垃圾筒。同鄰居打好關係都可以係佢地口中知道唔同情報。以我嘅鄰居為例 ，佢係呢一頭已經住咗幾十年。所以佢基本上都識曬全條街嘅住客同埋認得出邊啲生面口。佢直頭講得出條街對上一次有人爆格係幾多年前，亦都提醒左我附近有咩地方治安比較差。之前試過出門口一個星期但係唔記得鎖後花園門，都係靠佢地contact 我提我返去鎖門。

以上就係最基本表示間屋有人嘅方法，再進一步就要用空城計，用唔同設備扮間屋有人。

Level 2 Fake TV，收音機等
如果間屋成日長時間都無人，就要開始裝假狗扮間屋有人。除左開收音機，最基本嘅做法就係買部所謂嘅fake TV 放係睡房或者客廳。當你離開間屋嘅時候就開著佢同埋落窗簾，咁啲賊夜晚見到嘅時候就會以為間屋有人睇緊電視，唔會嘗試爆入黎。


Fake TV 呢個方法只係夜晚先有效，但係唔少家居爆竊係係朝早返工時間發生， 所以係有佢嘅限制。

Level 3 智能燈
如果大家對smart home 有認識又或者近年行過下大間嘅豐澤或者百老匯，都可能知道智能燈膽係smart home 最基本嘅一個範疇。Smart bulb 除咗可以用手機app 遙距開關，重可以set programme 自動開關，比起就咁一部假電視更加逼真。不過裝假狗始終都係裝假狗，假電視同smart bulb 都唔可以真正實際阻止個賊入屋。不過其實smart bulb 本身日常生活都好方便，價錢都開始平民化，大家黎到英國不妨研究下。


智能燈最大路嘅就係Philip Hue （特貴）同埋IKEA TRÅDFRI，Lidl 最近都開始有自己嘅智能家居，佢啲燈膽我覺得比得上Philips Hue 有餘。以上三個牌子都係行Zigbee （一種制式，本質上其實都係Wi-Fi，不過你當好似Bluetooth NFC 咁），要額外買一個hub 接駁你個router 先至可以用。如果嫌太複雜啲嘅可以選擇行一般2.4 Ghz Wi-Fi 嘅智能燈膽，咁就只要電話安個app 就得。但係大部分都係中國牌子e.g. 小米，用唔用得過就自行斟酌啦。


[完]

Sorry 因為琴日有突發事所以出唔切文，多謝咁多位幫手推post 黎緊出文會regular 啲，大家有咩想我分享都可以提出，如果我熟嗰範嘅我就會加入個to-do list 到將來出post 分享

Google doc archive: shorturl.at/kuDKO

Update:
[十一。一] 唔俾人知間屋無人
--------------

Between 大家唔駛怕入左個Google document 會俾我起到底，因為Google 會幫你匿名