英國移民雜談/攻略/你問我答 (不定時更新) (2)

wire transfer?citi/hsbc唔得咩

Reading 附近好多l丅工，住都唔平。

Interactive broker 個 rate 好。買賣差價好細。

但你你出入金d手續費可能都係返到

多謝巴打比意見!

我都有諗過住flat，不過睇過下D價錢，都貴sharehouse幾多下，同埋都想走出個comfort zone見識多D唔同嘅人，所以sharehouse對我黎講都係一個唔錯嘅選擇。依家係希望可以撞到D好相處D嘅housemate

有個雪藏車牌，不過一去到都唔打算買車住，等情況定少少先再做決定

依家應該都係會出發去reading先，過咗個隔離再決定留低定入番london睇sharehouse

我見D sharehouse大約500-600pounds per month，有D 4字頭TIM，價錢都叫中中等等，貪佢叫大village，應該易少少揾工

正解，入港幣用轉數快免費
唱完錢之後，出金每月免費一次

我本身打開1個月個隻針
我上網search英國係咪得 8星期 12星期 同13星期？
隔耐咗咪會容易M亂咗囉

問完都照𨍭到。例如問比錢做乜，地址，電話等。

Home office 提你要先通知銀行有大額轉賬。

Arlo 好似係netgear? 少數唔係中國牌子嘅cctv
有啲cam 好似可以買個hub 做local storage，不過好似好撚貴

我哋宜家去一定供唔夠三十年啦

借post offtopic問
用bno離港咁啲稅點搞？
係咪要去稅局清稅？

你可以top up 你 NI contribution. https://www.which.co.uk/money/pensions-and-retirement/state-pension/can-i-top-up-my-state-pension-an0q09p37nsj

我有諗過買eufy 但係真係無信心

[雜談] 深夜隨筆

相信大家黎得呢個post 都係有嘢想知或者想問，對我個人嘅生活唔會有興趣。我自己都掙扎左好唔好打呢篇嘢，亦都唔想將呢個post 變左個人嘅樹窿。不過考慮到除左我之外可能會有其他巴打未來會有類似嘅情況（當然我衷心希望大家唔會咁），所以最後決定打呢篇嘢出黎，亦嘗試用一個對大家都有啲幫助嘅方式去表達。

孤單係英國生活係一個好嚴重嘅問題。係英國，有五十萬嘅老人家經常連續一個星期無同過任何人接同交流。事關英國人唔少仔女大個左之後就會離開屋企去其他城市搵食，而英國地方咁大，交通嘅時間同金錢都令好多人好少去探自己父母。香港人移民過黎英國，面對一個陌生嘅環境，未必有親戚同朋友同樣係英國定居，英文能力又未必足以係英國識local 朋友，Loneliness 嘅問題會比local 更加嚴重。

我過左黎英國就黎十年，去過大大小小嘅城市居住。我曾經識過唔少嘅朋友，但係都隨住每次自己或者朋友搬屋或者回流香港而同佢地失去聯絡。驀然回首，最後都係得返自己一個人對住四道牆。

好多人問過我：你有無思鄉、又或者點解決思鄉？坦白講，我真係無咩經歷過好嚴重嘅思鄉病。唯一一次嘅真正「思鄉」就係去左一個窮鄉僻壤住左幾個月，搵到成個城唯一一間中餐館嗰陣。好記得間餐館嘅老細已經移民左過黎幾十年，係嗰個城市本身無咩華人，見到我呢個生面口就好熱情咁招呼我。我記得我叫左碟燒味飯，老細上菜時順手送多左碟菜俾我，再打開speaker 播起許冠傑嘅《鐵塔凌雲》，成間好幽暗殘舊嘅中餐館就得返我、老細同佢老婆三個人坐係到數香港政府嘅不是。

https://youtu.be/uVNmwzy8eVk

雖然我係香港土生土長，但係除左嗰次之外我自己真係無掛念過「香港」呢個城市。我留戀嘅就只有身處香港嘅屋企人、女朋友、朋友同埋嘢食。我個人認為「香港」嘅核心價值係「香港人」同「香港文化」，地理上嘅位置只係一個虛名。係2014 年嘅社運期間，我係宿舍到睇住唔同嘅直播，除左心痛香港人受到嘅對待同埋憎恨如此對待香港人嘅政權、重有就係對香港未來變好嘅渴望。不過到左2019 年，同樣身處英國嘅我，再次望住香港九個台同時直播，心痛同憎恨更加強烈，不過就加上左對自己無得參與其中嘅自責以及對「香港」嘅死心。

相信唔少依家想移民嘅巴打都有諗過自己係咪「食緊人血饅頭」同埋「做逃兵、當義士係condom」。對於呢兩條問題，坦白講我自己都無答案。不過我可以同大家講，「香港人」先係「香港」嘅核心價值。雖然身處國外嘅我為香港可以做嘅嘢係有限，但係開呢個post 分享自己嘅經驗係我自己能力內可以做到嘅事，希望可以幫助各位因為各種原因而離開香港嘅人，以及為我係2019 至20 年嘅無能為力贖罪。

我自己個人對「香港」嘅呢一個地方已經死左心，所以老實講我真係講唔出「我真係好撚鍾意香港」。係2019 年之前我都重有諗過下回流返香港賺幾年錢，等香港形勢再唔對路再返黎英國。當時我錯失左回流返香港嘅機會，但係依家諗返轉頭都係塞翁失馬，焉知非福。香港依家嘅景況對我黎講亦都已經係萬劫不復，所以我都已經打算非必要都唔會返香港。不過我永遠都會係一個「香港人」，同鬼佬介紹自己嗰陣都係話自己係Hongkonger。當然，移民去一個國家就要融入當地嘅生活，但係咁唔代表你唔可以同時保留「香港人」嘅身份。每個人本身就係一個獨特嘅個體，只有中共呢個法西斯政權先鍾意抹殺個人特色，盲目追求統一。連登嗰啲咩「出到外國重去食中餐係賤種華人DNA」只係啲未見過世面嘅小朋友鳩噏，大家唔駛理會。當然移民本身係人生一個好大嘅決定，我自己嘅人生閱歷都比呢到嘅巴打少（例如有好多問題我都唔識答，要靠其他巴打補充同代答），不過我強烈建議大家唔好比移民嚇怕，其實出面嘅世界真係好大。

講返我自己最近嘅狀況，我自從五年前到情緒就開始有問題，但係因為畏疾忌醫同埋個人原因難以access healthcare 而一路拖到依家，直到最近因為太過孤單同埋生活上嘅唔如意而終於爆煲。我曾經有諗過如果我一早就去面對自己嘅情緒會唔會有所改變，唔駛落到如斯田地。坦白講，我依家嘅情緒都重係好差，亦都經常想自殺，不過有各種理由同責任令我就算keep 唔到calm 都要carry on。不過我已經開始安排緊治療，希望可以係短期內開始療程。係香港呢個咁壓抑嘅城市，香港人對mental health 嘅awareness 非常低，亦都對自己嘅情緒好避忌，會主動收起自己嘅情緒。希望大家唔好學我，要係需要嘅時候宣洩自己嘅情緒，亦都要係適當嘅時候求醫。

最後為大家同為自己點一首我好鍾意嘅歌，就係麥俊龍嘅《彳亍》。

https://youtu.be/wXeE2v9LcVc

作詞：周耀輝   作曲：馮穎琪

風和風之間隔了風波 無數風波
如你信我 換過絲的衣著行入每顆心臟
天和天之間隔了天荒 地老天荒
踏出啞的感覺 行入幾多個軀殼

若你說東風破甚麼 西天降甚麼
只想一覺瞓天光
若你說已到了天堂 太快樂
神遇到 佛碰到 但我希望碰到我

很想抱月光 很想鑽漩渦
可否跟我沿著甚麼邊走邊看藏著甚麼
方知一切故事在遊蕩
很想到無邊搜索 然後與歲月摔角
為了知生存過不生存過
很想在桂花飄下時 去過 看過

山和海之間永遠蒼蒼 雲雨蒼蒼
如你信我 望向瘋的孔雀行入赤色的浪
身和心之間永遠剛剛 眉眼剛剛
認識新的乾涸 行入浮泥仍在喝

很想唱驪歌 很想探洪荒
可否跟我沿著甚麼邊走邊看藏著甚麼
方知一切故事在遊蕩
很想到無邊搜索 然後與歲月摔角
善惡多 生命更多 味更多 道更多 路更多

經書向前翻 薪火向上燒
初生的我緩慢站起彳亍走向十方
在我的無邊搜索 然後與歲月摔角
為了知生存過不生存過 很想在雨點崩裂時 去過 聽過 華麗與沮喪

啱啱做完，AML process 要見到你要使嗰筆錢要係你嘅戶口存在咗一年以上。我比咗一張一年前嘅 statement 比佢，OK咗！如果係月供基金就仲好。股票要show 交易單據。（當然要show 你hold 咗一年，如果你買賣幾廿次，又冇單據，又冇 全年 statement 就麻煩啲。