『薪火post』BNO 續期資訊(109) 睇頂置 –– 遲黎先上岸，護照我攞先

講得出親戚個關係就唔得啦，表親都係吖

呢度咁多年嚟，一向國籍行先，職業次之，係最近先有啲人話嚴咗，但又無講話有幾嚴！根據經驗呢，問都係抽本下，另外有啲係個PE低能唔熟例，溝通完又得咗。但寫咗識唔夠兩年，關係寫client呢啲低能嘢就要搵過個了。而英國本土續同香港我哋續係有分別嘅，英國一向跟足，香港人海外續，幾乎有份工返就得，你能夠搵到專業人士當然好，搵唔到嘅，指定國籍就可以了，依家香港人仲可以網上副署添，方便好多啦

揸外國護照嘅香港人，bno都幾十萬啦，其他有外國護照夾埋都有成百萬人有，你當十個都有一個中，而且你唔發散去問，又點知原來佢有？你倒不如花時間問咗先，好過喺度

我教人咁耐，超過一半返嚟報告，先知道原來自己唔係無揸外國護照朋友嘅！

其實如果你肯分享多啲，或者早啲出聲，相信中間唔會咁多波折，有啲嘢可能前人中過晒，我哋會講返俾你知唔會踩落去，其實跟doc就應該九成人啱用㗎喇

外國護照方面，英/愛佢哋會直接認到，但其他指定國就要印資料頁俾佢哋。其實佢套系統唔簡單嘅，相信唔係單用我哋俾嘅資料就得，會比對佢系統內有關人士資料嘅。抽查嘅，多為直接抽查副署人，佢會用唔同方法抽問，但唔覆呢又會彈，所以彈副署人一定要問清楚咩事彈。上嚟報告分享經驗，咁我哋就可以更新資訊

從嚴呢個係趨勢，但希望唔好咁快，依家剩低未續嘅，有啲唔係簡單case，知佢哋最近做法，有助應對，數字上，仲有接近兩百萬人合資格未續…..唉

想問搵左人副簽 之家status係application received 無叫我用紙再簽 叫我可以寄野
係咪即係副簽pass左？

寄文件去啦，唔得會叫你補，補亦有唔同方法，假如副署轉paper form，你可以send俾副署人，佢簽完scan俾你，再電郵返俾PE，唔需要再嘥錢寄單份副署表

以往香港人唔可以online副署時代，我哋都係印副署表俾朋友簽，然後連文件一次過寄返去，有問題PE會要求補，到時視乎需要咩文件而決定寄定電郵過去

即係網簽完 通常要等多幾日會叫我轉紙簽？

Online副署我估你朋友都多數係英國護照持有人，咁要PE睇咗唔得先，你唔寄文件去，佢唔會話你知得唔得

BTW，副署人做咩職業？參考吓睇吓之後會唔會有問題，有問題到時再上嚟睇吓點解拆

另外，online簽完，如果有技術上問題簽唔到會即時知，簽得到就應該到你交埋文件pe 先至睇得唔得

你識幾多個朋友？一百個咪問盡佢囉，你聯絡人名單既然加得入去，都算係朋友吖，咪廣播訊息發出去囉，怕無臉就無㗎喇，呢度報告上嚟嘅，好多都話係之前估唔到嘅朋友幫到佢，你跳出comfort zone啦

加拿大係指定國籍梗係得，但要轉paper form俾佢簽同影印佢護照資料頁俾你，至於退休呢，印象中少人有咁做，係有少量成功嘅，但因始終無工作中有危機，你不妨研究吓

又諗吓自己點解要續bno？想搵著數？定覺得生命安全受到威脅？如果係後者，你會唔會用盡一口氣，去搵個人同你副署？假設你交晒文件pe睇完爭副署叫你補，補咗一定批，會唔會多一份勇氣，死返份副署交俾人？

掙扎呀！

事頭婆無放棄任何國民，只有自動放棄嘅申請人！

依家從嚴，寫信解釋係最後一步棋，唔保證得

再問啦，上ig/fb 出post問吓囉

公司呢？有啲老細仲特登問同事有無需要，都係啲巴絲之前報上嚟嘅，其實仲有前人搵區議員，不過依家遲晒職啦

我諗你教會機會高啲

記住，朋友一詞係百搭嘅

祝你好運

想問而家拎有效BNO係咪可以幫手做online副簽？
當然認識2年，非親屬，on list 專業人士

無錯