［殭屍/鬼怪/打鬥］《噬魂》我由古惑仔變左做現代道士

第時外傳/第二季就講佢上連登見到我
我就係下個啊航

可能係啊航收你為從

徒打錯字

「記唔記得點識我？」九叔問我

「記得！黑熾靈件事啊嘛」我答

「之後呢」

「之後....之後咪去咗荃新天地」

「點解會去？」

「呃......」

「得啦，唔記得唔緊要，唔重要」九叔搭一搭我肩膀

「哦.....」

之後，九叔他們就再沒有提起葉靈這名字，就這樣，這名字慢慢淡出了我的生活

平靜的生活過了三個月，我們的傷都已經好了大半

夢晞依然是每天都過來這邊，我們都好像習慣了她的存在

「啊晞啊，今晚有咩餸食啊？」英叔跟夢晞的關係較好，常常有講有笑，這應該是性格的關係，英叔比較健談友善，九叔就嚴肅認真，令人難而接近

「今晚啊，未諗啊，你想食咩啊～」夢晞問英叔

「嗯...今晚想食牛」

「好，我一陣出去買餸，苦瓜炒牛肉啱唔啱？」夢晞笑說

「好！緊係好啦，你煮野咁好食」

突然，九叔從後拍了一下英叔的頭

「你真係好意思㗎喎！成日叫人做野」九叔蹺著

「咩啊！人地啊晞好人啊嘛，邊似你」英叔反口

「哎啊～唔緊要啦～好少事咋嘛」夢晞馬上打圓場

「嗱！你睇下人地幾好人！」英叔推九叔一下

「你兩個又嘈咩啊？出面都聽到啦」 躺了三個月病床的我出外散步回來，從門外就聽到他們的聲音

「冇野啊，佢地玩咋嘛」夢晞回答我

「鬼同佢嘈」英叔坐下喝茶

九叔亦在搖椅坐下

「唉～真係辛苦你啦，日日睇住佢地嘈」我跟夢晞說

「唔係啊，幾得意啊」夢晞看著我的笑容特別燦爛

「佢地得意？哈」我認真的笑了出來

「有意見？」九叔盯著我

「冇冇冇！冇意見！」我連忙掩著嘴巴

「唉～你同佢地咪又一樣！」夢晞拍一拍我的額頭

「我去買餸先啦」之後她就走了

「𡃁仔，其實你同啊晞點㗎姐？」英叔喝著茶問我

「下？冇咩點啊」

「咩叫冇咩點？」英叔追問

「大家都冇出過聲，咁依家又大家都舒服」

「你地啲後生真係好難明嘅」英叔搖頭

「你等佢地自己處理，咁大個人識點做」九叔躺在搖椅上說

英叔沒出聲，打開電視

又是平淡的一天，到了晚飯時候

今天我們過了王婆家吃飯

「大家！食飯啦！！」不知是不是王婆聽不清自己說話，她說話的聲浪真的很大

「啊媽啊！講野細聲少少啦」夢晞馬上在王婆耳邊說

「哦！好啊」但王婆依舊大聲

夢晞拍一拍額頭

「算啦，唔緊要，我地食飯啦」九叔拿起碗筷

「啊奇！食飯啦！」王婆突然說出沒聽過的名字

「呃.....啊媽，佢唔係啊奇啊」夢晞面色尷尬的低頭

「啊！你係靚仔！我記得啦」王婆又沒什麼大反應

英叔和九叔都有看著我，搞到連我也感到有點尷尬

這餐飯以尷尷尬尬的氣氛來告終

飯後，夢晞陪我出去散步

「頭先唔好意思啊...」夢晞低著頭

「哦～唔緊要啦，小事」我彈了她額頭一下

「做咩彈我喎！」她鼓起面，可愛的表情

我一手捏著她的面頰，令她嘟起了嘴

她閉起了眼睛，是想我親下去嗎？

我沒有....我放開了手

「你話我八卦都要問㗎啦，邊個係啊奇？」

「係.....BB個老豆，佢叫王奇」

「都估到㗎啦，王婆又會突然叫咗我做啊奇都有嘅，明明就我靚仔咁多」

「自戀狂～你有冇見過佢你點知你靚仔過佢」

「聽個名就知啦！王奇！咁難聽！吞拿魚咩！」

「呃.....」

「個gag好爛咩？」

夢晞點頭

「唔理啦！總之我靚仔啲啦」

「係係係～你最靚仔啦」

夢晞跟我就這樣打打鬧鬧在月光下行了一晚

九叔跟英叔就在王婆家聊天

「王婆啊，其實係你老公姓王定你姓王？」英叔問王婆

「我老公！」王婆大聲的回答

「咁啊晞咪叫王夢晞」

畫面來到我這邊

「唔係，我唔係姓王㗎，其實佢唔係我啊媽嚟㗎，佢係啊奇嘅媽咪，不過我叫佢做啊媽姐」夢晞解釋

「原來你唔係姓王，識你咁耐都唔知添～」

「係你對我啲野唔上心姐～」

「嗱！唔係啊！係你識我到依家我唔係忙緊就係受緊傷咋，都冇機會了解」

「咪係囉你睇下你！成日受傷！要人擔心！」

「好好好，咁以後我盡量少啲受傷啦，好唔好？」我靠近她

「你...你受唔受傷關我咩事喎」她面紅的從我旁邊走開了，我在後面看著她走遠的身影，真可愛

到底那個什麼啊奇為什麼會離開一個那麼可愛的女生

「咩話？！」英叔在王婆口中聽到震驚的消息

「你老公叫王尚？」九叔也有點驚訝

「係啊！三劃王，高尚個尚！」王婆再次確認這消息

「嘩....依個世界唔係咁細啊嘛」英叔低聲的跟九叔說，然後再離望向王婆「你有冇佢啲相係到啊？」

「冇！佢話塊面爛曬，唔中意影相」

「咁係我地識嗰個王尚啦，當年比莫坤爆傷咗塊面」英叔再望向九叔

「嗯，應該就係佢啦」九叔點頭

九叔他們回到家中

「估唔到王婆係王尚老婆...」

英叔跟九叔「你住咗咁耐都唔知！」

「佢從來冇出現過」

「冇出現過....」

「我突然覺得佢個仔消失唔係咁簡單....」九叔說出他的疑慮

「的確係，王尚唔會唔教佢個道術，咁王尚咁多年都唔見人，佢個仔又唔見埋....當中一定有啲古怪」

這時，我回到家

「你地兩個做咩咁嘅樣？又嘈交啊？」一入門我就感覺到氣氛不妥

「坐低先講」

英叔將事情告訴我

「唔係啊嘛？！所以你地覺得佢地消失係有古怪？」

九叔點頭

「咁我地依家要查下佢地點解失蹤？」

「我覺得可以直接問王婆，斷估佢唔會唔知自己老公係做咩」九叔已有想法

於是我們就計劃，明天由我引開夢晞，九叔英叔負責去問王婆，要引開夢晞的原因是不想她知道啊奇的消失可能內有詭秘

計劃開始！

我走到夢晞家門前，敲門

「咁早嘅？做咩啊？」開門的是睡眼惺忪的夢晞，她手抱著女兒

「我想出去行下，你陪我啊」

「依家唔得住啊，要餵埋奶先啊」

「王婆！幫我睇住個B！」我大叫

王婆出來，我把BB抱給她，然後就一手把夢晞拖出大門

一段路後，夢晞用力擺脫我的手

「喂啊！你今日做咩啊！奇奇怪怪咁！」

「唔知點解，今日突然好想你陪我」我看著她

她沒說話，面紅的看著我

「咁可以行未？」我問

「嗯嗯」她點頭

就這樣，夢晞跟著我離開了象山邨

九叔他們應該也開始行動了

「王婆！早晨啊」英叔叫門

「嘩！你哋咁早嘅！」王婆拉開鐵閘

「搵你傾計啊嘛」英叔笑著說

英叔九叔成功入屋

「王婆！講返琴晚個話題先！你老公叫王尚咁有型！」

「緊係啦！唔係點追到我！」王婆擺出自豪的樣

「係囉係囉！但點解唔見佢嘅？」

「唉！唔見咗好多年啦」

「佢唔見咗好耐？有冇講佢去邊啊？」

「都成十幾年啦！個陣啊奇得十幾歲，我記得個晚佢話有啲緊要野要去做，個之
次出門之後就冇再返過嚟，音訊全無」王婆馬上顯得有點落寞

「可能佢都唔想唔返嚟」九叔出聲

「或者啦！都唔緊要啦」王婆自我安慰

「咁啊奇呢？佢又點解走咗去？」英叔繼續追問

「佢睇完佢老豆留低啲野就走咗啦，臨走個陣仲同我地講對唔住！正衰仔！」

重點來了！！

「咁王尚留低個啲野係邊？！有冇掉到」英叔九叔同步問出

「冇！點捨得掉！係曬房」王婆指著床低的箱

「我八卦，想睇下佢留低啲咩啊！得唔得啊？」英叔主動問出

「得！不過要還返比我㗎！」王婆走到床低，想拿出箱子

九叔上前

「我幫你拎」原來是九叔不想王婆彎腰去拿箱子

「王婆！咁我地睇完轉頭比返你！我地返過去先！」英叔拿著箱子跑回家中

「一陣我拎過嚟」九叔則慢慢走回去

箱子比想像中大

英叔已打開了箱子，面層的都是一些西樓派的古書雜物，不太重要的東西

「冇料到嘅？！普通野嚟，黃紙、紅筆、黑墨、真刀、木劍」

「等陣！」九叔蹲下，在地上撿起一本簿

「唔係古書嚟咩？」英叔看著九叔手上的簿

「你睇清楚啲，成本野貼滿貼紙，應該有寫低啲咩」 九叔打開那本記事簿

記事簿記載着：

「
秦始皇；嬴政

出生於公元前259年2月，中國史上第一位使用「皇帝」稱號的君主，統一六國

施政急躁，兇殘成性，在位期間不斷進行大型工程，修築長城、阿房宮，驪山陵等等，過分勞役人民

公元前212年，在焚書開始之後的第二年，有人散布對始皇不利、甚至毀謗的言論，因此秦王下令在咸陽，將四百六十餘名活埋坑殺

逝世於公元前210年7月，秦王在全國出巡時在在沙丘平台駕崩，

巧合/奇怪：

1:出生地點與逝世點，僅相距一百公里左右

2:坊間對秦王死因有不同版本的說法

」


「秦王？點解佢會查佢...」英叔不解

「後面仲有，睇埋先」九叔翻開下一頁

「

秦王未死？真陵墓？

兵馬俑用處何在？

李鄭屋漢墓低下！地下兵馬俑？！

」


「最依幾句啊係講笑咋嘛.....」英叔不敢相信

「最好係假.....」九叔亦被震驚到

「玩咁大....」

這時的我正在跟夢晞倒處逛商場

「依件襯唔襯我啊？」夢晞拿著一條裙拼在自己身上

「我覺得淺色個條好睇啲」我托著下巴

「係咩？我覺得兩條都好睇添！好啦！兩件都買」她開心的拿著衣服去櫃檯

「咁你啱啱諗咁耐做咩呢～」我笑著問

「你都唔明，買衫就係要咁先有樂趣㗎嘛」她吐一吐舌頭

「係係係～你開心就得啦」

買完衣服後，夢晞帶我去了路德圍「掃街」，那邊很多不同的街頭小食

她買了串燒、手卷、珍珠奶茶和炸雞排

「哎呀！都唔記得問你添，你啱食㗎呵～？」夢晞用大又圓的眼睛看著我

「啱～但你食得曬咩？」我看著手上拿滿的食物

「我食唔曬仲有你幫我清曬佢啊嘛！」她露齒笑

「好～」

吃完午餐，夢晞說想去看電影

「點啊？想睇咩戲啊？」我跟她站在屏幕面前

「不如我地睇鬼片！」她興奮的扯著我衣袖

「你唔驚咩？」我問她

「真都見過啦！假嘅有咩好驚！同埋有你係到！你會保護我㗎嘛！」她雙手叉腰

「好，你唔驚就得啦」我上前買票

當電影開始後，夢晞的手基本上沒放開過我的手，當有驚嚇位時，他就用我的手擋住自己視線，其餘時間就拉着我的衣袖

「你好驚啊？」我輕聲的問她

「冇...冇啊，一啲都唔驚！」她都驚得口齒不清了，卻在逞強

「好，咁我去個廁所先」我拍一拍她手，離開座位

她馬上跟著我離開播映室，傻傻的站在男廁外等我，我一出廁所，她又繼續扯著我衣袖

好快，就到了晚飯時候

「差唔多啦，我地買啲野返去比佢地食？」夢晞轉身問我

九叔他們應該搞定了吧

「好啊，返去啦」

坐小巴回去時，她睡著了，隨着車子的震動，她慢慢靠在我的肩膀

到站！

「起身啦，到啦」我輕輕拍她

她沿路睡眼惺忪的上樓

我把她送回家後，就回到隔壁

我打開家門

「我返嚟啦」我關門

我轉身後才發現家中沒人，九叔跟英叔不在家中

桌面上擺放著一本本的古書、劍、刀、符紙等等

我定睛一看才發現枱上有一本記事簿

得閒推一推

「唔係啊嘛.....」我看到簿寫的字，整個人都呆了，秦始皇未死，而且在香港？！

而在簿的旁邊有一張紙條：

「航：

我地去睇下，你傷未好，係屋企等我地

九叔字
^仲有英叔」


他們竟然拋下我一人出發？！

我當然不會就這樣留在家中等他們回來，我馬上換上一身適合活動的衣服

準備出發時，我才發現自己沒武器在手...存放武器的太極門卻是鎖著的

正當破門進入太極門的我突然想起桌上的箱子，箱子裡有符紙和桃木劍，還好我沒有衝動弄壞太極門....不然九叔一定打死我

由於我已用慣了雙劍，手上只得一把桃木劍，總有點不慣，所以我把掛在牆上的彎刀亦帶上，雖然我沒有用過彎刀，但總比沒有好吧

而這把刀的主人是正是莫平，是上次生擒時他是留下的，我也猜不到會有用上的一天

好！可以出發，不過...還有一件事要先做一做

我敲響夢晞家門，她開門

「晞..我有啲野要出一出去」

「果然....你敲門個陣我就有預感」

「放心，聽朝我就會返嚟㗎啦」我拍一拍她頭

「你記得自己講過咩先好啊」她蹺著手說

「冇問題！等我返嚟」

交代完後，我正式出發李鄭屋古墓

「九叔佢地應該入咗去一段時間，唔知裡面情況點」我心裡想著

九叔他們的傷也沒有比我好得多，古墓會不會有什麼意外

一小時左右後，我到達古墓入口

由於這時候古墓已關門，門前亦有保安在看守，所以我只能從旁邊的圍牆跨進去，我退後助跑

跳起！雙手捉住了圍牆頂，用力一按！成功跨過圍牆，進入到古墓內

之前一直沒來過李鄭屋古墓，這是第一次

進去後，基本上都是一些好普通的博物館展覽，介紹一下背景、文物，今天的重點不在這

我走到一塊玻璃前，這塊玻璃隔絕了古墓和外面的世界，讓平時的參觀者觀看的，但我總不能直接敲碎玻璃進去吧，這樣一定會觸發到警鐘，旁邊應該會有屬於工作人員的通道

我走回展覽區那邊，看看有沒有一道門是寫着員工通道

我在展覽區遊走了一圈才找到員工通道....到底我浪費了多少時間啊！

走過一段路後，我終於走到古墓範圍，古墓的內部為十字形，一共有4個墓室，分別為前室、後室、右耳室及左耳室，牆壁皆由磚塊砌成

「依到咁細....邊到會有其他路啊」我拿著電筒照著地上

沿路一直走，我發現有一個類似水渠蓋的通道被打開了，應該是九叔他們打開的

所以我也跳下了這洞口

下去後，這裡的確很像下水道的樣子，但沒有水，這裡沒有燈，漆黑一片，我帶上電筒果然是明智的決定，我打開電筒照明，腳下踩著的都是沙，地上有兩組腳印，毫無疑問應該是九叔英叔的腳印，所以我跟著這腳印前行

沿路跟著走，他們的步伐都很平均，沒有什麼變化，直至到一個轉角位，兩組腳印變成了四組，而多出來的兩組腳印異常的大

我身高一米八四，腳碼穿四十三號鞋，但我的腳拼上那腳印旁還是小了一截，那兩組腳印的主人豈不是巨人？！

但九叔英叔的步伐卻沒有任何變化，他們沒可能察覺不到背後有人啊，真奇怪，但現在我也只能繼續跟著腳印前行

再走前，我看見遠處有兩人在地上！！

我馬上跑上前！不會吧！！拜托不要是我想的事情發生了！！

當我走近時，發現只是兩個兵馬俑，呼！還好不是九叔他們！繼續前行

等等！！我突然回神...地上的是兵馬俑？！香港真的有兵馬俑？！而且現在有戰鬥過的跡象，不會是這些兵馬俑是活的吧....

我看看地上的兩個兵馬俑，腳底的確有泥沙，而腳的大小亦很符合沿路的腳印.....看來是活的無誤

發現這恐怖的事情後，我前行時亦特別留神，不知道兵馬俑會不會突然出現偷襲我

一段路後，出現了一個分岔路，地上的腳印亦分道而行

我應該跟著哪一邊行啊.....

行左邊，玩迷宮都係一路靠左行就冇死

原來有啲咁嘅原理

最後，我選擇了走左邊那條路，步入分盆路後四周比剛剛變得更加漆黑，就算有電筒的照耀都只能看到一小範圍的路，感覺比剛剛的路多了一份危險的氣息

由於我已經知道路上隨時會有兵馬俑突然襲擊，所以我亦從背囊中拿出彎刀傍身，本來是想拿出用慣的桃木劍，但我仔細想了一想，兵馬俑比較堅硬，用桃木劍可能會斷，所以這一刻還是金屬造的彎刀比較可靠

我繼續前行，突然！我腳下踩著的地方下陷了一格，是一個正方形

看過盜墓片的都應該知道，這是機關！！

然後，不知從何處傳來風聲，我本能的向前趴低

嗖！嗖！兩聲！

我看見兩支箭從我上方掠過，我成功躲開了箭，箭理應是往前繼續飛前的，但我卻聽到箭射中東西的聲音

我回頭一看！才發現原來我背後已有一個兵馬俑！他身穿長襦，外披鎧甲，脛着護腿，頭戴中幘，右手持戟，看上去起碼高出我一個頭，而我剛剛卻毫不知情，我是不是應該慶幸我觸動了機關....

中箭的兵馬俑好像不痛不癢的，他的頭轉向望著我，動作極其生硬

他舉起手中的青銅戟，揮向我，我立刻舉起彎刀抵擋，一瞬間火花閃出

交手過後，我被震得後退數步，肋骨的傷隱隱作痛，他則絲毫未動，猜不到他力氣這麼大，不能跟他硬碰

我試探地走近他身邊，他揮戟，我馬上跑到他身後，他頭轉向了我，但身體卻跟不上，還是向前揮動戟

動作慢應該是他的弱點，我從後跳到他身上，再爬到他肩膀上，幾彎刀卡著他頸與身之間的空隙，手夾實他的頭，用力扯！

這時，他已反應過來，用戟刺向我，我雙腳蹺著，夾緊他的頭，身向後靠，半身凌空，避過了攻擊

他收回戟，轉用手來捉我，幸好他動作不快，尚算能輕易避開，我避開後，雙手捉實他頭，雙腳踩著他的肩膀，然後一個後空翻！成功把他的頭拔了出來！

著地後，我將手上的兵馬俑頭用力狠狠地掉在地上，再加上一腳，令他徹底粉碎

而兵馬俑沒了頭，就好像沒有靈魂的軀殼，不斷的轉身，盲目地揮動著手和戟

我低身走近他，從後一腳撐在他的膝關節，他頓時跪下了

我騎上他身上，用彎刀插入肩膀、膝蓋和手踭等的位置，把關節撬開，這樣他就變回不能動彈的陶俑

我呼一口氣，繼續前行，要加快腳步了，但經過剛剛的教訓後，我決定靠著牆邊走

但我猜不到的是，連牆身上都有機關，我的手踭不小心撞到了一塊石磚，那石磚瞬間陷入牆內，我馬上四處張望，看看這次的陷阱從哪邊來

頭上突然掉下一些碎石和塵土，我往上看！！

一塊大閘刀正高速地從天花掉下！！我立即向前飛撲！

呯！！ 一聲巨響！瞬間沙塵滾起，閘刀重重著地！

我剛好躲過了....閘刀跟我腿的距離應該不多過五厘米，只有一條小縫隙，反應遲一秒都出事啊！

閘刀落下後，完全封死了來時的去路，即是說我現在只可以繼續前行，沒有後退的路

我正想起步，繼續出發時，突然！前方傳來一陣腳步聲！

我立即拿起彎刀和電筒並架起作戰的姿勢，迎接正在迫近我的腳步聲

喂呀
又停呢d位
陽萎啦 ！！！！

忍下啦

我握緊彎刀做好作戰的準備，腳步聲逐漸迫近，愈來愈近！！應該只有數十米的距離

躂、躂、躂、躂

到了！

一身影步入了我電筒的照明範圍，是英叔！！

「𡃁仔？！點解你係到㗎？！」英然驚訝

「睇到枱面張紙啊嘛，想掉低我？冇咁易」

「唔係掉低你，我地驚你啲傷未好姐」

「你地啲傷夠未好啦」

「唉，唔嚟都嚟咗啦，一齊行啦」

「你地有冇中機關？」我問英叔

「機關？冇喎，兵馬俑就有兩隻」

「冇機關？！你睇下我！」我轉身指向那大閘刀

「嘩！咁大塊？！」英叔走近閘刀，用手拍打

「差啲命都冇啊」真是回想起都一額汗

「冇鬼用！小小野就驚成咁」英叔搖頭說

「咩冇鬼用啊，啱啱個隻兵馬俑我三兩下手勢就搞掂咗佢啦」

「講你就叻，你係咁叻嘅上次就唔會差啲比莫盡打死啦，好彩有高手出招我地先大步擸過咋」

「到底會係邊個幫我地呢？」

「鬼知咩！你又無啦啦失.....」英叔說到一半停下來

「失咩啊？」我問英叔

「睇住！」英叔一掌推開我

一支巨型的箭在我倆之間飛過！！

噹！！巨箭直撞上閘刀上

「前面有人觸發到機關！」英叔

「九叔！！」

「啊九！！」

我跟英叔同時向前跑

畫面轉到九叔

九叔正在跟三個兵馬俑周旋

九叔被中間身形比較高大的兵馬俑捉住了，兵馬俑比九叔高很多，直接把九叔抱起了，雙手被抱住，九叔一時反抗不了

左右兩邊的兵馬俑，一個拿著青銅劍，一個拿著長矛，他們同時向九叔揮動武器

當劍和矛快要劃到九叔身上時，我跟英叔剛好趕到！！

我用彎刀擋住了青銅劍，英叔用弓打開了矛

「啱啱好！」英叔回頭看一看九叔

「搞掂先啦！講！」九叔大聲說

九叔沒有了另外兩個兵馬俑的影響後，瞬間輕鬆，他腹用力，將整個人向前傾，成功為自己爭取到空間，腳能觸地，他馬上以過肩摔將兵馬俑飛出

兵馬俑頭部直撞到牆上，整個頭粉碎，一招完場

我重施故技，跳上兵馬俑的肩膀上，用力把他的頭拔了下來，再將其粉碎

英叔就更簡單，直接用弓把兵馬俑打飛了，快、狠、準

處理完兵馬俑後我們三人總算是成功集合

「點解你會係到？」九叔的反應跟英叔剛剛見到我的反應一樣

「我特登嚟幫手㗎！」我說

「叫咗你唔好嚟㗎啦，行啦」就這樣我們三人同行

「電筒！」我把電筒遞給九叔

「唔洗」

「冇電筒點行啊，依到咁黑」

「你睇下你後面」九叔指一指我身後

我轉身抬頭望才看到原來我們頭頂有一個好像火球的東西，但它是呈藍色的，它的光足以令我們看清前方的路，難怪剛剛在跟兵馬俑對戰時不用電筒也看得到清

「咩嚟㗎？」我看著那藍火球問

「你可以當佢係鬼火，不過係我整出嚟」九叔轉身向前行，那藍火也跟著九叔一起前進

「九叔！依個幾型！返去教我用」我追上前

「好，但你學得識先算」

「咩啊！我一家學得識！」

「睇下點」

走了一段路

「都好風平浪靜啊，希望唔好突然又彈啲咩出嚟啦」我把地上的一舊碎石踢飛，飛到藍火照不到的距離

咔！碎石撞到東西

嗞.........

躂！躂！躂！躂！

一陣密麻麻的腳步聲的聲音傳出，但又不像是人的腳步聲

「咩聲？！」

「唔知」九叔拿出雙劍，做好作戰狀態

在漆黑中突然出現了兩點大大的紅光，愈來愈近，那腳步聲亦愈來愈大

「聽聲隻野唔細，自己執生！」英叔挽弓對著前方

我也拿著彎刀和桃木劍準備作戰

躂！躂！躂！躂！躂！

聲音去到前方時突然停下

「走咗？」我問

「得一條路，點走」看得出九叔都感到緊張

「唔好鬆懈住啊，氣流話我知隻野就係前面」
英叔是一個箭手，箭手對空氣的有著十分敏感的觸覺

躂躂躂躂躂！！！！

那怪物突然衝出！殺我們一個措手不及！！

樓主真係次次停到我措手不及

儲幾日文再番嚟
樓主唔好偷懶

我都停得好辛苦㗎

唔會

頂,追到LIVE, 好想繼續睇呀！
加油呀！樓主！

多謝支持

終於甩p牌自推一下先！

無文嚴禁自推

打緊今日出左街

那怪物是一隻蠍子！！

但不是我們認知的蠍子，牠異常的巨大！比我還要高，身長應該有兩至三米長！

英叔發箭！準確的射在蠍子身上，但牠有著堅硬的外殼，箭根本射不穿

「嘩！！咩料啊！咁大隻嘅！」英叔驚訝

「依隻係鬼蠍！」九叔說

「你又識？！」英叔看著九叔

「師父啲書有講，依家唔係問我點解識嘅時候....」

牠向揮動牠的尾巴，我蹲下避開，尾巴撞到牆上，牆壁被劃上一道道深深的劃痕

「小心啲，千祈唔好比佢尾刺拮到，條尾好毒！」九叔在蠍子身後說

「咁大隻蠍子？！係邊到嚟㗎......」我被那有力的尾巴嚇到

「正常就阿鼻地獄先會有嘅，但依隻野點睇都唔正常」

「即係有人故意放佢係到㗎啦！」英叔繼續在發箭，但依然無效

巨蠍繼續攻擊我們

「算啦，唔好理佢係邊到嚟！搞掂咗先！」九叔邊說邊避開蠍子的鉗

牠同時亦向我揮鉗，我躲避不了，唯有用雙臂去硬接，總好過用胸口接吧

牠的鉗比我想像中大力，我整個人被巨蠍的鉗打飛在牆上，還好沒有震傷內臟

「有冇事？」九叔跑到我前旁，為我擋住巨蠍的前進

英叔見刻馬上在胸口袋拿出爆破符，飛往巨蠍

巨蠍用前鉗擋住，爆破符對牠堅硬的外殼完全不奏效，簡直是絲毫無損

「爆到爆唔入」英叔詫異

英叔的舉動成功吸引巨蠍的注意，巨蠍直奔往英叔

「喂！喂！喂！冷靜啲！」英叔對著巨蠍大叫，奈何巨蠍根本不會被英叔的話

在巨蠍快要撞上的一刻，英叔蹲下跳高！成功避過了撞擊，更騎在了那蠍子身上，蠍子感到後就不斷的亂衝亂撞，應該是想把英叔擺脫

英叔整個人趴在巨蠍身上，用力的捉緊

「英叔！你睇住啊！」我在旁大叫

「得啦！你同我定啦！我當佢馬咁騎啊！」英叔仍有力氣回答我，應該是能應付吧

英叔雙腳找到位置夾穩後，就拿出捆仙索，雙手捉住繩頭和繩尾，然後拋向巨蠍的下去，拉緊！

成功約束到巨蠍的雙鉗

九叔拿雙劍圍著巨蠍的身體斬擊，在尋找一個突破口

「隻野點都會有弱點，幫手搵！」九叔叫

「好！」於是我也拿着彎刀上前幫忙

我反手拿著刀，由下而上的斬上去，居然成功讓我在巨蠍外殼上斬出一條坑紋

真的猜不到莫平的彎刀居然有這樣的能耐！

於是我再用彎刀在同一個地方斬擊幾次，成功劃出一個缺口！堅硬的外殼裂開，露出了脆弱的血肉！

我用彎刀狠狠的插入那裂痕，巨蠍馬上發出刺耳高頻的聲音

我把刀拔出，牠的傷口流出綠色的黏液，那黏液滴在地上後，地板冒煙，被腐蝕了一個洞

「小心！佢啲血有腐蝕性！」我大聲提醒他們

「我已經知道啦」英叔大喊

我往上一望，發現原來英叔已經把弓插在巨蠍的頭上，衣服和面頰被牠的血液淺中，而巨蠍的動作亦停下了

「你塊面！」我指著英叔

「得啦，冇事」英叔用衣服擦一擦臉頰

「好彩把弓夠硬淨」英叔從巨蠍頭上拔出弓，弓已經被腐蝕了，沒法再用，但英叔沒把它掉下，繼續拿在手中

九叔用符燒了那巨蠍的屍體，防止牠突然復生，再次攻擊我們

繼續出發！

留名寫得好正一個唔小心半日已經追曬