［殭屍/鬼怪/打鬥］《噬魂》我由古惑仔變左做現代道士

好似快D番主線好D?

差唔多㗎啦

一日追到live 好睇

咁快手？！多謝支持

以為有文

比你呃咗

好難估架 1個cm都可以係有文

「焯哥會為咗嗰個人咁做，佢地一定好好兄弟」

「係同佢細玩大嘅朋友嚟」啊烈慨嘆地說

「咁...難怪焯哥會同佢玩咁大」我說

「咁收科啊？」啊武問

「唔知啊，我都好少過問佢依啲野」啊烈縮一縮膊

那晚我們再聊一會後就各自回家，啊妍明天還要上學，免得那麼晚才回去

焯哥話題到這裏就完了，直至去到一天......

那天是星期六，我跟啊烈啊武一大早就去了拳館，但焯哥還沒回來，還好啊烈有拳館的鎖匙，我們先進去活動一下

當我們正準備換衣服時，啊烈的電話響起了

「喂！」是焯哥

「哥，你咁遲㗎！我地.....」啊烈說到一半被焯哥截停了

「唔好嘈！快啲走！！走！啊！！」焯哥緊張的說，背後是嘈吵的打鬥聲，最後更傳來一下慘叫聲

「哥？？喂！！」啊烈掛斷電話

「快啲走！！」啊烈大叫

我們意識到危險所以就沒問太多，但也太遲了，我們剛步出拳館就看到電梯口正跑來一大群人，手上拿著武器

「入返去！」啊烈轉身

我們跑回拳館內，啊烈把大閘關上

「希望道閘頂到一陣啦...」啊烈頂住大閘說

「咁大鑊嘅」啊武也加入頂閘的行列

「我都唔知，啊哥打嚟叫我地走，之後仲叫咗一下，可能出咗事啦....」

「冇野嘅，焯哥咁抽得！同埋我地擔心下自己走唔走得甩先講啦」啊武

我去把沙發、椅桌都搬過來幫忙頂住，就算成功讓他們衝進來也可以多撐一會

「烈！諗唔諗到計仔走？」我問

「依個時候點諗啊？！」

啊烈用盡力按著大閘

「依到十三樓.....爬窗都走唔到」啊烈一直喃喃自語的說著

「搏一搏啦！」啊烈應該是想到辦法

他輕聲的說

「一陣搵張梳化頂住道閘，我地即刻匿入雜物房，佢地一衝曬入嚟我地就衝出去」他指著我背後的暗門

「好！！」

1！

2！！

3！！！

我們鬆開手，迅速推門進了雜物房還好這雜物房空間不算少，我們三人進來後都還有一點位置活動

嘭！！！

大閘被拉開了，一群腳步聲進入館內

「走啦！！」啊烈衝出雜物房，我跟啊武緊隨其後，在離開雜物房前我發現內裏有兩支棒球棍，我順手就拿起

我們都衝出拳館後，啊烈馬上轉身關上大閘並鎖上，把那班人困在拳館內

「呼.....有驚無險」啊武嘆氣說

「係咩？」一把陌生的聲音

原來還有一班人在電梯大堂，為數不少

「仲有.....」啊烈無奈的說

「航，比支棒球棍我」啊武伸手

我把一支遞給他，一支自己握緊

「烈！你去搵焯哥！」我舉起球棍

「但係....」啊烈猶豫

「快啲啦！」啊武也舉起球棒

「好！小心！」啊烈從後樓梯跑走了

「武，執生啊」我說

「未驚過！」啊武轉動球棒

「郁佢！」看似是對面那班人的首領揮手

那班人馬上衝向我們，我與啊武上前迎戰

瞬間刀光劍影，兵器磨擦，火花四起

啊武表現得十分勇猛，棍一揮腳一踢，又打倒一人，像是已經歷很多次這樣的事一樣

相反，我比較吃力，跟每一個人都要糾纏好幾招才能把他打倒，但在糾纏的時候又會被背後的人攻擊，好快我便吃不消，背脊的疼痛讓我動作變慢了

我邊打邊退，慢慢將背貼在牆，減少能讓別人攻擊的地方

「武！」我求助

啊武聽見後馬上轉身，將我面前的對手踢開，再補上一棍

「點？得唔得？」啊武問我

「中咗好多野..」我用球棒支撐著

「咁退啦！」啊武一手扶著我，另一手拿著球棒，退到後樓梯

「你行前，我殿後」啊武讓我行前，他負責把追兵擊退

在啊武的掩護下，我們成功跑到底層，並把樓梯的閘鎖上了，追來的人不停拍打鐵閘

「走啦，佢地咁多人道閘唔頂得好耐」啊武扶著我

在這樣的時候啊武變得莫名的可靠.....

我們在走遠後致電啊烈

「你地點啊？」啊烈問

「走甩咗啦，你個邊點？」我說

「我知佢係邊㗎啦，趕緊過去！」

啊烈告訴我們地址後，我和啊武也趕往現場，當然啊烈也有告訴他爸，他爸亦帶著一群人趕來

我和武坐的士過去，比啊烈爸早一步到達，下車後已看到遠方有一群人在打鬥，我們馬上跑上前，看看什麼情況

啱啱先收工咋

推

焯哥身上有傷，正處於劣勢，啊烈亦在人群中被人步步逼退，啊武二話不說就衝上前

我沒啊武的勇氣，稍作準備後才衝上去，我追著啊武的步伐，啊武打得兇狠，棍棍關節，好快就在人群殺出一條路，順利去到啊烈的旁邊

「嗄...你地入嚟做咩啊？！」啊烈氣喘連連

「我地唔入嚟，你地出到去咩？！」啊武應付著攻來的人

我幫忙扶著焯哥，他身上已多處傷痕，滿身是血

「武！要衝出去啦，焯哥唔多掂啊！」我跟啊武說

「得！跟貼！！」啊武瘋狂的揮棒，揮棒打膝，繼而前撐，把面前的人飛開，撞到後排的人，阻礙他們前

啊！！

嘩！！

啊武開始招招打頭，瞬間慘叫聲四起，但對方人實在太多，啊武打倒多少，就有多少湧來，他也開始吃不消

「喂！搞唔掂喎，打極都咁多人！執生啊！」啊武的動作開始變慢了

「烈！護住焯哥！」這次恐怕都插翼難飛了

突然從旁衝出一大幫人

「屌....唔撚係掛，仲有？！」啊武崩潰的說

「唉....頂硬上啦」我也準備重新迎戰

「等陣！係我老豆啲人啊」啊烈興奮的說

啊烈老豆帶著一大群人來支援，手上都有武器，好快就將對家的人全都擊退

「哥！頂住啊！老豆到啦！」啊烈跟焯說

「老....坑？」焯哥朦朧的說

在有支援的情況下，我們好快就安全了

「點啊？人有冇事？」啊烈老豆走到我們面前

「啊哥傷咗」啊烈扶著焯哥

「傷成點啊？」啊烈外表冷漠，但行動卻看得出是很緊張的，他聽到焯哥受傷後，腳步馬上加快了

「我...冇事」焯哥硬撐著

「冇事冇事，得返半條命都仲冇事？！」啊烈老豆激動的說

「你地快啲車佢去黃叔到」

在啊烈老豆吩咐下，身邊的手下馬上上前把焯哥帶走了

「黃叔？唔係應該去醫院咩？」啊武問

「黃叔我地私人醫生，我地有咩都會搵佢，好少去醫院」啊烈為啊武解釋

「依兩個咩人啊？」啊烈老豆問啊烈

「依兩個係我兄弟，同我一齊嚟救啊哥」

「救啊哥？我唔到你地比人溶咗啦」

「......」啊烈不語

「不過，我啱啱離遠都見到你幾好抽喎」啊烈老豆走近啊武

「我唔知叫唔叫好打！但要打交我就有信心贏」啊武自信的說

「好！講得好！哈哈」啊烈老豆笑說

「咁你呢？冇佢咁好打，都敢衝入去救人？」這次是問我了

「我...我冇諗咁多，朋友有事我就去救」我直白的說

「哈哈哈！有意思！衰仔！你依兩個兄弟有意思！」啊烈老豆笑得高興

「你地兩個有冇興趣跟我搵食？」啊烈老豆突然問...

「呃....」我跟啊武都嚇了一跳

幾秒後啊武才緩過來

「好啊，只要搵到食，夠養起頭家就得啦」啊武居然那麼快就答應了

他家的環境的確需要他幫忙養家，他媽媽一早離世了，家裏只有他爸一個在養家，這兩年身體變差了，常常也要請假休息，所以這樣做我不難明白

「非常好！咁你呢？」啊烈老豆望向我

「呃.....我」我也不知道，腦袋空白一片

「依家諗唔到唔緊要！過兩日諗好就同我衰仔講」

「好」

就這樣我帶著一個難題回家，啊武啊烈也是跟了，我不跟？又好像不合群，但跟了，讓啊姨知道了又一定會罵得我狗血淋頭，就算啊姨不罵我，洛兒應該也會不喜歡吧....

.......

過了兩天，我還是沒想到答案，我打算回到學校再跟他們兩個聊一聊

但沒想到今天我將會聽到一個令我影響一生的事情

係咪洛兒轉校

好快就有答案㗎啦！！

係咪加更啦

聽日篇文打到一半等有假放我就會加更㗎啦！！

快D去番主線

返緊啦！幫緊你幫緊你！
應該兩至三日內會返主線㗎啦！！

這天我如常回到學校，洛兒也是如常的一早回到學校，坐在座位上

「早晨啊」我也回到座位，也就是她的旁邊

「嗯」她只是輕輕點頭

我感覺到她有點古怪，看上無精打采的

「你今日做咩啊？唔開心？」我主動問她

「冇野啊」她也是冷淡的回應

「唔係喎～一睇就知你有野啦，做咩啊？」我再問

「都話冇野咯！好煩啊！！」洛兒哭著跑出課室

我呆了....發生什麼事了？

我轉頭望望，發現班上的人都在用奇怪的眼光看著我，尷尬的氣氛...我決定追出去，看看洛兒怎麼了

我追著她

「你唔好跟嚟啊！」洛兒發現我跟著她

「發生咩事啊？係咪我做錯野啊？」我問

「唔係啊！你走啦」洛兒再加快腳步

她為了避開我，準備走向女廁，還好我早一步看穿她的想法，我衝前捉著她的手，把她一下拉來我身邊

她被我拉到撞在我胸膛上，我捉住她

「到底咩事？」我低頭問她，這時的我已高她一個頭

「.......」她糾結著

「有咩唔同得我講？」我問

「唔係啊....係我唔知要點講....」洛兒吞吞吐吐的

「講！」我看著她

「琴晚我爹哋同我講，話我地要移民....」洛兒低頭說

移民......

「咁突然嘅....」我無奈地說

「我都係琴日先知.....」她的眼淚滴到我的手上

「做咩要喊啊？傻妹」我摸摸她的頭

「我唔捨得香港....唔捨得....」她沒說下去，但我想我大概也猜到她想說的

「傻妹嚟嘅，你又唔係走咗唔返嚟」

「係就係.....不過...」她用她通紅的眼看著我

「唔好不過住啦，乖，我地返咗課室先」之後我就拉著她的手走回課室

今天的她比平時安靜許多，沒有了以前的開朗...所以今天的小息都在陪她

直至午飯時間她去找隔壁班的同學吃飯我才去找啊武他們

「你女神今日做咩？喊住跑出課室嘅？」啊烈問

「你係咪做咗啲咩，但又唔負責任啊？」啊武奸笑看著我

「負你條命啊！洛兒要移民，下個月就走」我裝無事的說出來

「下？！咁突然？咁你點啊？」啊武問我

「咩點啊？冇點啊」我說

「扮咩啊，一睇就知你係死頂啦」啊烈搭著我說

「咁我可以點姐....人地都要走啦」我無奈的說

「其實咁多年嚟你有冇正式同人講過你點諗？」啊烈認真的問我

「冇....」我回答

「咁就出事啦！你係咪戇鳩㗎.....」啊烈激動的說

「我驚如果我出咗聲會連朋友都冇得做啊....」我反駁說

「講真啦，依幾年佢點對你，你自己唔知㗎咩？」啊烈反問我

「連我都睇得出佢中意你啦」啊武也加一把嘴

「......但佢依家都要走啦」我低下頭

「咁就更加要講啦！再唔講就冇機會！」啊武比啊烈還激動

「好.....」

當天放學，我打算跟洛兒說清楚自己的想法，正想開口時，洛兒先開口說話了

「肥仔啊，我爹哋媽咪叫你今晚去我屋企食飯」

「今晚？！」我嚇了一跳

「係啊，佢地話之前講過會約你返去食飯㗎嘛」

「我記得啊」

「咁你今晚得唔得閒啊？」洛兒問我

「得，咁就今晚啦」事情的發展跟我想像中的不太同......不過也沒差吧

我打算先回家換套衣服再出發去洛兒家，當我準備出門時，洛兒打電話來

「肥仔，我同媽咪係你屋企出面啊，我地車你過去」

「好！依家落嚟！！」免得要她們等，我馬上衝出門

上車

「姨姨你好」我跟洛兒媽咪打招呼

「你好啊，好耐冇見啦，唔好意思上次洛兒入醫院個陣話請你食飯，隔咗咁耐先請」洛兒媽咪依舊有禮貌

「唔緊要啦～佢唔介意㗎」洛兒幫我回答了

「係啊，我唔介意㗎」我點頭

去到洛兒家樓下，是私人屋苑，清新格調

「依到好靚喎」我望出窗

「係啊，我同洛兒爸爸揀咗好耐先決定住依到㗎，想比個好嘅環境洛兒」洛兒媽咪說

「對洛兒真係好」我笑說

「我睇得出你對洛兒都好好啊」洛兒媽咪在倒後鏡看著我

「媽咪啊！！」洛兒面紅了

「好啦好啦，唔講啦，到啦」洛兒媽咪泊好車

上到洛兒家，內裏乾淨整潔，裝修有格調，以深藍為主調色，十分優雅

「你屋企好靚...」我輕聲的跟洛兒說

「所以咪住到我都咁靚囉～」她也在耳邊輕聲回答

「你幾時咁自戀㗎？」我看著她

「唔得咩！」她蹺手說

「得得得～」

「咁早到咗啦」洛兒爸爸從房間走出來

「係啊，媽咪收工車埋肥仔返嚟」洛兒說

「肥仔？佢邊到肥啊？」洛兒爸爸問

「佢以前好肥㗎！！係佢減咗肥咋嘛！」洛兒連忙說

「咁你都減得好成功喎！」洛兒爸爸看著我說

「還好啦」我尷尬的笑

洛兒跟她媽咪進了廚房煮飯，剩下我和她爸在客廳

「我冇記錯你應該叫啊航啊呵」她爸問我

「係啊」我點頭

「我接下落嚟講嘅野，我希望你唔好同洛兒講返，可以？」她爸突然凝重的問我

「可以....係咩事？」我呆了一呆

「嚟緊依一個月我希望你唔好再同洛兒關係咁好」她爸說

「點解啊...」我不明白

「我諗你都知我個女中意你，佢係香港最唔捨得嘅係你，我唔想佢係英國生活得唔開心，所以我想佢可以冇牽掛」她爸認真的看著我

「我明白啦，咁我依家走先啦」我站起來，頭也不回的離開洛兒家了

嘭！

用力的關門聲引起了洛兒的注意

「肥仔呢？」把頭探出來的洛兒發現我不見了

「呃....佢話有事要走先喎」我想洛兒爸也反應不了，想不到我會就這樣走了

「下....搞錯啊！就咁就走咗去！聽日佢就知死」洛兒皺起眉頭

「唔緊要啦。我地一家人食吃飯都好開心㗎！」洛兒爸跟洛兒說

翌日，我跟啊武他們吃完早餐，剛回到課室，洛兒一見到我就問我

「你琴日做咩走咗去啊！電話又唔覆機！」

「咁有野做啊嘛」我故意態度差的說

「明明係你走咗去！你仲咁惡！」洛兒生氣了

「都話有野做！你好煩啊！」我大聲的說

「你話我....」洛兒哭著跑出課室，但不同的是這次我沒追出去.....

其實我的心也痛得要命....只是洛兒爸爸說得對，要她在英國可以盡快投入新生活，就必需要她讓她放下香港的事，例如我.....

啊武啊烈走過來問我

「喂！你痴咗啊？咁大聲同你女神講野！琴晚衰咗咩？！」啊烈問

「唉，你地唔好理啦」我知道我說出來他們一定會罵我白痴，所以我決定不說出來

「搞咩啊你...唉！你自己中意啦」啊武說

「得啦，我知我自己做緊咩㗎啦」

自此之後，在未來一個月我和她都沒有講過話，相見如同陌路人，相遇也只會擦肩而過....

直至到...她起飛的那一天，我忍不住撥了一通電話給她

「喂」接通了

「你過到去要好好生活...」我忍著淚水

「我知道㗎啦，多謝你...」洛兒的聲音已哽咽

「多謝我？多謝我啲咩？」我的淚亦在眼角流下了

「所有野...多謝你可以唔要命咁衝入火場救我，多謝你係我驚嘅時候陪住我，可以同你做到...最好嘅朋友，我好開心」她哭著說

「我都好開心我嘅中學生涯入面有你.....」我好想說心底裏的一句話，但...就是沒說出口

「我差唔多要上機啦...再見啦肥仔」她不捨的說了一句再見

「再見啦...」

電話掛斷的一刻，我的淚如湧泉一樣，忍不住了，我在自己房間中放聲的哭，有一種撕心裂肺的感覺.......

今日兩更！！

有冇搞撚錯

咩事

咁樣搞洛兒，去機埸打個車輪先走啊麻