［殭屍/鬼怪/打鬥］《噬魂》我由古惑仔變左做現代道士

多謝支持！！

大家中意依個故事嘅記得點個正評！比個支持

再看看周圍，原來有很多骸骨在地上，應該是被巨蠍殺死的探墓者或盜墓者，他沒我那麼好運，有兩個高手同行

「九叔，佢地會一直留係到？可唔可以超渡佢地」其實從進入地道的一刻我已感覺到這裡陰風陣陣，一定有不少怨靈在此

「睇佢地自己做化，如果佢地一直放唔低貪念同怨念嘅話，永遠都會留係到」九叔解釋

「各位大哥大姐，早日放低依到，早日投胎啦」我雙掌拼合，閉上眼

「做咩突然咁關心啲怨靈？」英叔問我

「你唔覺得佢地好慘咩？困咗係依到咁耐」

「都係佢地嘅執念，都係個句，要睇佢地自己」九叔淡然的說，應該是看化了吧

「話說，𡃁仔！唔好再烏鴉口，啱啱你一講完就有野彈出嚟」

「又關我事？！」

「唔好嘈！到啦！」

面前的是一道石壁，這石壁氣勢磅礴，石壁起碼高四米，在石壁上雕出了一幅七龍爭珠，龍和天都用了金箔裝飾，令整幅壁畫變得金光燦爛，而那龍珠則是用一顆紅的寶石造的，但最詭異的是七龍之中只一條是有金箔，並盤旋在空中，手執龍珠，其餘六條都是暗淡無光，低盤於石壁的最低點

「嘩...依幅野」我被牆的氣勢震懾到

「幅牆講緊秦始王自己」九叔蹺著手

「一人統一六國，高高在上，手執天下萬民，條友真係正一痴線佬」英叔走近石壁

「個粒係紅寶石？」我指著那紅石

「血石，要用幾千個人嘅血煉成」九叔輕輕搖頭

「幾千人....」

九叔亦走近石壁

「依個...」

在那六龍的正中央有一個石轉盤，上刻有很多字，像是一個密碼鎖一樣

「依個係密碼鎖？」我問

「你可以咁講，依個應該係五行八卦盤，佢改咗用途，當係鎖」九叔仔細的看著那盤

「五行八卦盤，個名幾型」

九叔反一反我白眼，開始解鎖

「依個鎖點樣解㗎？」我亦上前觀看

「唔好問，用隻眼睇」

那石盤上有三個石圈，由大至細，每個圈都有一些坑紋，而且圈上都有不同的字

大圈是十二時辰：子、丑、寅、卯、辰、巳、午、未、申酉、戌、亥

中圈是八卦：乾、坤、坎、離、震、巽、艮、兌

最後，細圈是五行：金、木、水、火、土

而在五行那圈裡分別有五顆鐵錐對應著五行


突然九叔一手指拿轉盤，將五指指頭用力插入那些鐵錐上！！血液開始從手指流出

「九叔！！個鎖一定要咁開？！」我驚訝

「嗯！」九叔點頭

血液在手指流出後便流進到轉盤上的坑紋，隨著血液的流出，九叔開始扭動轉盤，一扭動轉盤，三個石盤都一起轉動，大的往左，中的往右

「航！記住，五行對八卦係金對兌，木對震，水對坎，火對離，土對坤」隨着血液一直流出，九叔的面色也變得蒼白

「好！九叔你得唔得啊？」我上前問

「我唔得，你得唔得？」九叔盯著我

「加油...」我無奈的說

「繼續聽住！留心！

子、亥時屬水；丑、戌、辰、未時屬土；寅、卯時屬木；巳、午時屬火；申、酉時屬金」

咔！

咯！

是機器的聲音，聲音來自轉盤內部

九叔鬆手，轉盤自己在轉動，然後慢慢的打開，中間分成了兩等份，解開了，分成兩份的 轉盤掉到地上

「開咗？！」英叔從後問

九叔點頭

「航，袋起個轉盤佢，帶返去」九叔撿起轉盤遞給我

我接過轉盤

九叔上前，推開石門

推開石門後，眼前的景象可算十分壯觀

「如果我公開話我發現依到，一定發達」英叔笑說

「仲一定死好多人添」

自推

係咪即係疆屍套戲入面個舊

有参考小小不過佢嗰個淨係金木水火土

石門打開後，進入我們眼簾的是一大片兵馬俑，數以百計，分有十行，每行五十，有騎兵、步兵、箭兵，這場面一定比博物館還要壯觀，我只祈求他們不要像暗道那幾隻兵馬俑一樣會動起來，不然就麻煩啦

整個石室都是以冷色調為主，石壁、石柱，而且不知從何處滲出幽藍色的微光，這藍光影射在兵馬俑身上，令兵馬俑塗添了陰沉的感覺

另外，石室內有五條大石柱，石柱上皆有一顆血石，其中一支座立在正中央，另外四支分佈在石室的四個角落，那四支石柱分別雕上了朱雀、玄武、青龍、白虎

「不得了..」我整個人呆了，站在原地

「行啦，唔等你㗎啦」原來英叔和九叔已經下去了

「行！等埋！」我馬上跑下樓梯，追上他們

「依幾條柱真係幾靚」我走到其中一柱旁邊

「啲柱係風水陣嚟」九叔走近

「用嚟做咩㗎？」

「你當係幫助佢風山水起」

「有時真係不得不佩服佢，可以為自己做咁多野」英叔搖頭

「參觀完未？睇完就行」九叔轉身

「你知點行？」英叔問他

九叔用劍指著一個方向

又是一道石門，但要走近石門就要穿過兵馬俑陣

「要行過去？....」我看著那一大批兵馬俑，心裡是極不願意走過去的

「有咩辦法？你識飛咩？」英叔率先走到兵馬俑陣前

「行啦」九叔亦跟著前進

那我只好硬著頭皮跟著過去

還好事情沒有好像我想像的一樣，我們在兵馬俑被穿梭時，他們並沒有活過來

來到另一道石門前，這次門上沒有任何鎖或裝置，應該安全了吧

我上前打算推開門，當我走到門前時

「睇住！」九叔突然一手把我拉倒

「咩...」我正想問九叔為什麼拉低我時

嗖！嗖！

兩支箭從我頭上飛過

「細心啲留意周圍環境，邊有咁易比我地入到去」九叔扶起我

「唔該九叔...」我心裡是十分無奈的，為什麼又有機關...

九叔小心翼翼的上前，慢慢的走近石門，他用力推石門，但石門卻不為所動

「推唔郁..」九叔有點尷尬的說

「依到有幾行字！」英叔在石門旁的牆上找到線索

牆上寫著

「天下一皇帝，十三已登基，行政三十七，統一六大國，年僅五十載，名留千萬世」

「依幾句係講緊秦始皇生平，但有咩用呢」英叔蹺著手在思考

我也幫助在想這幾句到底是什麼意思，然後我看一看身後兵馬俑，突然靈光一閃！

我走到兵馬俑陣中

「𡃁仔！你落去做咩啊？」英叔發現我落到兵馬俑陣中

我沒回應英叔，繼續想著那幾句這話

「天下一皇帝.....第一行第一個？」我跑到最前排

我走到第一排第一個兵馬俑旁邊，看看它有什麼玄妙，我輕輕的一推它，發現它能左右旋轉

「可以郁..」我把它轉向石門

咔！

是機關的聲音，看來我猜對了

「第二句，十三已登基」我走到第二行的第十三個兵馬俑，並把它轉向石門

又是咔一聲

如此類推，我將第三行的第三十七、第四行的六、第五行的五十都轉向了石門

石門抖動，灰塵和碎石在門縫中落下，門慢慢打開

「Yeah!！我估啱咗！！」我興奮的大叫

「叻仔！」九叔少有的主動讚我

一關接一關的，我們又繼續前往下一關

咁簡單

Push push

thx

正當我們準備穿過石門時，門裡突然從上跌下一塊大石，幸好我們及時停步，不然一定被壓成肉醬

那大石等同於另一道門，狠狠的封死了進去的路

而剛剛進來的入口亦緊緊的關上了，怎樣也推不開

「唉！都估到冇咁易㗎啦！」英叔抱怨著說

「馬後炮！」九叔狠狠盯著英叔

「嘩....佢依招都幾陰濕，整個咁易嘅機關，等人入去，入去第一步就要死」我拍一拍那巨石

「唔陰毒啲點統一天下？」九叔問我

「周圍睇下邊到仲有路入去」九叔沿著牆壁行，仔細的尋找入口

我跟英叔也開始跟著尋找

我嘗試再轉動那些剛才轉動過的兵馬俑，但任我怎樣轉動都沒有反應，之後我向其他的兵馬俑下手

我剛轉動旁邊的兵馬俑，馬上就有一塊綁著石頭的繩子從旁邊飛過來，還好我及時躲進兵馬俑的行列中

石頭慢慢停下

「小心啲兵馬俑啊！郁到會有機關㗎」我大叫提醒

「你地過嚟！」九叔在遠處呼叫

我跟英叔馬上跑往

「咩事？！」英叔率先跑到，我隨後跟到

九叔在密室的角落發現了兩具屍體，經已化骨，其中一具明顯死去比較久，但他倆卻是並肩而坐

「佢地....」

「應該同我地一樣，困咗係到，活生生餓死」九叔道出我們不想說的事實

「咁我地會唔會都....」

「唔會，我地一定入到去又出得返去」九叔堅定的說

九叔上前，向兩具屍體鞠躬，然後開始搜索一下他們身上的東西，在他們身上只找到他們的錢包和電話

打開其中一個錢包後，九叔的眉頭皺了一皺

「咩事啊？」我問

九叔把錢包遞給我，錢包內有一張身份證，而身份證的主人是王奇....

這個人不就是夢晞的老公嗎....

我翻查他手機，都一年多了，手機居然還有2%的電量，我解鎖，一打開屏幕，就是一篇文字

「晞

今日已經係我困係到嘅第十日....我諗我應該返唔到出去㗎啦，好對唔住，係依個時候離開你，但我查到關於我啊爸嘅消息，我唔可以唔查落去，記住你要同BB要好好咁生活，幫我照顧好啊媽...

BB個名我諗好㗎啦，女嘅叫王日菱，男嘅叫王軒

雖然我唔知你有冇機會睇到依段野......但祝你幸福快樂
王奇絕筆」

「佢真係嚟咗依到....啊晞仲以為佢唔想要個BB先走咗去」英叔從後亦看到屏幕內容

「我應唔應該比夢晞睇....？」

「依樣交比你自己諗」九叔拍一拍我

而另一具屍體就是王尚，他的小腿骨有明顯的骨折，應該是從密道過來時遇到巨蠍和兵馬俑所受傷的，身上其餘地方也有不同程度的骨折

所以就這樣坐在角落等待死亡來臨？.....

九叔確實了他們的身份後，再次向他們鞠躬，然後把他們躺平，再用符紙把屍體燒掉了

「咁樣對佢地嚟講可能係最好嘅結果」看得出九叔有點慨嘆

「估唔到王尚竟然會死係依到」英叔同樣也，始終他們也是有過交情的人，也難免會有一點感慨

屍體處理完畢...

我拿著手中的電話，在想應該怎樣處理，九叔走到我身旁

「我記得我同你講過，未到嘅野唔好諗住，依家專注諗下點出返去先」

「好！」我把王奇的電話放到袋裡，繼續尋找可以前進的路

我順著密室的牆壁尋找，發現牆上斷斷續續有一些文字，但都是古文，不太看得懂

大概的意思應該是：有危才有機！

「有危才有機...」

「你講咩話？」原來英叔在我身後

「依到寫住好多古文，我估大概意思係有危才有機」我指著牆上的字

「依啲小篆，係秦國統一六國之後整合出嚟嘅字體」九叔亦走到過來

「點解你咩都識啲？」英叔滿臉疑惑的望著九叔

九叔沒回答，只是縮一縮肩膀，戚一戚眉

「咁會唔會係提示我地要係危險當中尋找出路呢？」我問

「可能係，但問題係邊到會有危險？」九叔問

「啱啱我係個度發現幅牆有啲古怪，唔知關唔關事」英叔帶我們走到另一邊的牆壁

深夜自推

新讀者留名 推

多謝支持

文呢

☹️我個F5就快爛啦

要等聽日再更新～

他們聽到我的提示後，都各自想出辦法對付鬼蠍們

九叔在衣袋拿出一疊爆破符，在鬼蠍群中穿梭，他跑到鬼蠍前，突然跪下，在鬼蠍的肚皮下滑行，並將數張爆破符貼在牠肚皮上

從牠的尾部下滑出來，站起，再衝到另一隻鬼蠍面前，鬼蠍想用鉗撞向九叔，九叔跳起！跨過整隻鬼蠍，然後捉著牠的尾巴，順著向下轉了一個圈，把符貼在肚皮附近位置

鬼蠍揮動尾巴，用毒刺刺向九叔，九叔側身避開，用劍打開尾巴，後退數步

「破！」

轟！！畫面瞬間血肉模糊

肚皮位置被貼上符紙的兩隻鬼蠍瞬間爆肚而死，內臟血肉都順著破洞流出，幸好九叔退後了，避開了帶有腐蝕性的血液

九叔沒停下來，繼續跑向其他鬼蠍

看看英叔這邊

英叔選擇了跟鬼蠍硬拼，他用斷弓揮打在鬼蠍的腿上，鬼蠍站不穩，右邊的一排腳都倒下了，導致身體一邊高一邊低

英叔跑到鬼蠍的左邊身，一腳前撐，直接把鬼蠍踢反了，肚皮向天

英叔拿著斷弓跳起，把斷弓直插在鬼蠍的肚上，鬼蠍發出刺耳的叫聲，英叔向下拉，把肚皮劃破，英叔拔出斷弓，斷弓再短了一截

這時，他在地上看到背後有陰影襲來，馬上轉身用剩下的弓擋住，斷弓被打飛了，是最巨型的那隻鬼蠍！！

牠用巨鉗橫掃，把英叔撞飛，英叔飛撞到中庭的兵馬俑處

英叔在兵馬俑的「殘肢」上爬起來，剛想起身，發現有兩塊大石正從高處掉下，他被迫向前打個筋斗

那鬼蠍依然把英叔當作目標，開始走向英叔那邊，我跟九叔都同時衝前，想幫英叔引開鬼蠍的注意

但當我跟九叔跑到鬼蠍的後方時，牠用尾巴對著我們，我跟九叔停步

「佢想點啊」我握緊彎刀

「睇定啲先」九叔拿出符紙

那鬼蠍向英叔攻擊！一鉗插向英叔，英叔及時跳開，鬼蠍的鉗沉重地擊到地上，更插入了地下，碎石橫飛

「航！依家！」九叔大叫

我懂他的意思，我跑向鬼蠍的左邊，九叔偷偷跑塊右邊，向鬼蠍飛出爆破符

突然！鬼蠍的尾巴高速的向我揮來，我無從躲避，被牠的尾巴狠狠地擊中，飛往九叔的爆破符

隆！！

我和九叔的爆破符在空中相撞，符紙在我身上爆炸，飛到密室的另一邊，我被爆得頭昏腦脹，一時間起不了身

「佢點睇到....」九叔一臉疑惑

剛剛鬼蠍明明是在攻擊英叔，怎可能留意到我跟九叔的行動呢

答案即將揭曉

鬼蠍把英叔撞飛到我的身邊，英叔吐出一口鮮血

「英..叔，你點...啊」我自己也還沒回氣

「頂得住...係有啲痛姐」英叔情況也不太樂觀

鬼蠍沒轉向九叔，依然是看著我和英叔，尾巴對著九叔

突然，鬼蠍的尾巴上張開了一隻眼睛！！

不是！！不是一隻！是整條尾巴都是大小不同的眼睛！簡直是密集恐懼症的地獄

「咩啊.....」九叔呆住了

「嘩屌....仲有啲咁嘅野.....」我十分驚訝

「唉....真係好麻煩」英叔勉強撐起來

我也跟著起來

「咁依家點打好」我問身邊的英叔

「可以點？都係焗打㗎啦」現時的英叔沒有武器在手，能打嗎？

「分散打！」九叔大叫

然後就圍著鬼蠍奔跑，我跟英叔就左右分開跑，鬼蠍亦隨即殺到，牠收不及腳步，撞到牆上

「九叔，你諗住點打？」我跑到九叔身邊

「未知！試下佢弱點係咪都係個肚先！」

九叔說完後就衝向鬼蠍

忍手唔睇住快啲更新啦 加油加油

多謝支持我會盡力打快啲

加油！唔好急！最緊要有質素！
期待！

多謝！！

支持下