81 Like
6 Dislike
固菇顧
2020-07-14 02:17:15
Live
月牙
2020-07-14 11:59:04
「你放心,我今次冇惡意,佢仲好清醒,屍毒唔深」英叔用手指夾住劍
九叔半信半疑的後退兩步,但劍是繼續指向英叔「你試下亂嚟,你個頭會多個窿」
英叔幫我檢查傷口,眉頭間一直緊鎖,是我情況太壞嗎?
「嗯......」英叔
「情況好差?」葉靈替我問
「唔係啊,佢屍毒唔算太深,暫時未去到心脈」英叔說出令我放下心頭大石
「咁就好啦~但係可以點清除啲屍毒啊?」葉靈問
「繼續用糯米敷住個傷口,連續浸糯米水七日,用蛇擦身,同埋要多啲曬太陽,吸收返啲正氣」英叔說出方法
「就係咁簡單?!」我驚訝
「唔係你以為有幾複雜」英叔反問
九叔的表情也有點愕然,當中應該還包括一點疑惑
英叔說起來事情好像變得很簡單一樣,但做起來就...
「要浸一個鐘?!」我驚訝
「係啊!落去啦」英叔一手推我進大木桶裡
落到水後,我身體每一吋都感到劇痛,我嘗試爬出木桶,但英叔按著我的頭,阻止我上水
「後生仔,你估真係咁容易?」然後就將我按回水中
這時,我身上開始散發著綠煙,水亦慢慢變黑,我咬緊牙根忍著痛
「點解....會咁!啊!!」我痛得接近說不出話,但身上的綠煙到底是什麼啊
「正常,係屍氣,屍毒裡面含有屍氣,依家就係幫你逼緊啲屍毒屍氣出嚟」英叔解釋
那我只好強忍一個小時的痛楚...途中還要用蛇來擦身,好不容易才捱過第一天......
浸完後,我一拐一拐的回到大廳,葉靈馬上來到我身邊扶着我
「天航,你點啊?」葉靈問
「佢算好叻仔㗎啦,可以忍到咁耐」英叔笑著說
「你點識咁做㗎」九叔問
「九,我成日都叫你唔好淨係跟住師父個一套做法,佢冇教你唔代表冇其他方法,要睇多啲學多啲先得㗎嘛」英叔正經的說
九叔沒有出聲,看來是接受英叔說的意見,明顯地,他們兩個之間的關係已沒有當初那麼僵硬,但偏偏就像小孩一樣喜歡鬥嘴
「九叔叔,咁接下落嚟我地應該點做?」葉靈問
「我都諗緊,我地個個都有傷在身,打起上嚟會好蝕底,但如果比屍王出世就麻煩啦」九叔說
「唔可以比屍王出世」英叔肯定地說
「其實唔係仲有其他門派嘅人咩?點解唔搵佢地幫手?」我問
「我地唔同門派好少聯繫,或者可以話已經斷絕咗聯絡」九叔說
「咁啊....」我也沒想到什麼辦法
「其實點解我地要諗咁多呢,想做就去做啦,我地又唔係重傷,𡃁仔想幫𡃁妹查死因,我地又要對付屍王,根本冇得比我地揀,點都要去㗎啦」英叔說出重點
「啱啊!」我附和
「我只係想深思熟慮,唔係大家有危險」九叔說出他的想法
「九,我明你諗咩,但有時候諗太多反而會令自己更煩㗎」英叔拍一拍九叔的肩膀
「嗯」九叔回應
「咁家今晚好好休息下,我地聽日出發」英叔說
突然!窗口破碎,一支箭從我們面對飛過,插在牆上,是英叔的箭!
月牙
2020-07-14 17:31:42
「唔洗煩啦,有人自己搵上門啦」英叔拔出牆上的箭,走到門外
我們跟著出去,望向地下中庭,有兩個站在中心,正正是段一凡和莫平,我們對視,英叔率先到達中庭,我們回去拿武器
「我地未搵你,你地咁快就自動送上門?」英叔蹺住手,笑著說
「係咪送上門好快就知~」莫平說
「你個痴線佬...」英叔震驚的後退兩步
這時的我們剛剛趕到下來,英叔震驚的原因是...莫平的笑容,可以看到他長出了獠牙,他....變成了殭屍
「莫平你...」我說不出話
「哈哈~原來變成殭屍係好爽㗎!成個人充滿力量,本身嘅傷都好返曬!!」感覺莫平變得瘋瘋癲癲
「依啲咁嘅人唔洗同佢講咁多」九叔放話
「哈!要同你地打唔係我地啊!!哈哈哈哈~」莫平瘋狂的笑
「有請我嘅寶貝!!」莫平拿出三清鈴,搖一搖
頓時周遭狂風四起,大風得快要站不住腳,之後遠處響起了一聲野獸的咆哮聲!天空閃過一個黑影,呯!那身影著地,
身材高大,皮膚呈啡黑色,全是龜裂紋,眼是紅色的,身穿清朝官服,冠帶孔雀毛,袖有綉花,一身寶藍色,胸前圖為麒麟
「麒麟?清朝裝唔係龍㗎咩?」我問
「你係邊度聽返嚟?皇親國戚係龍,文官係雀,武官係麒麟,睇佢依身裝束,佢生前應該係一品武官」英叔解釋道
「一品武官?!咁咪好揪得?!」我驚訝
「你條癲佬」九叔說
「哈哈哈哈~你地知唔知我幾辛苦先煉到依隻野㗎!佢簡直係我嘅寶貝~」看來莫平真的瘋了,竟然製造一隻這樣的怪物出來....
「今朝你先同我講要吸夠四千九百個人先可以煉成,我算過,應該仲差三百幾人,邊有可能咁快可以出土」英叔疑惑的問
「嘻~商場咁多細路~好快姐」莫平說
「童子血....條友傻撚咗,大家小心,隻野唔係講笑」九叔馬上戒備著
「細路仔.....童子血....你係咪傻㗎!!」葉靈激動
「隨你地點講啦~」莫平眼睛像是發光的看着他「寶貝」
「遊戲開始啦喎~」莫平搖動手上的鈴
屍王隨即發動攻擊,他跳到我們面前,動作極快,舉起手抓向我們,我們各自散開,葉靈飛出袖布,纏著屍王的手,但不出一秒就被扯繼,葉靈被扯倒
「靈,有冇事?」我問
「冇事!」葉靈站起來
「你地執生」九叔衝前
九叔、英叔左右開弓,一人攻擊一邊,九叔依舊拿銅、木雙劍,上下斬擊,英叔則用弓作武器,三人混戰暫時打得五五分平,不見高低
「有啲本事啊~」莫平再次搖動三清鈴
屍王聽到鈴聲後,仰天咆哮,身上散出紫黑色的屍氣,眼神變得更銳利,橫手一批,撞開了九叔,轉向英叔,英叔一腳前撐,屍王卻絲毫不動,一掌打向英叔,英叔倒地,屍王想追擊,我拋出捆仙索,套住屍王的脖子,用力拉緊!希望為九叔他們爭取時間
被套住後,屍王轉向我
曲奇雪糕
2020-07-14 18:23:18
關鍵位先停
初一初二初三
2020-07-14 21:02:52
我入黎推下啦
月牙
2020-07-15 14:50:21
我後退兩步,從袋中飛出朱砂黃符
呯!呯!呯!呯!
黃符確確實實的他身上爆開,但對他沒有任何損害,他步步逼近我,我拿出桃木劍打算抵抗
「航!你唔係佢對手!走!」九叔叫
我還未來得及回應九叔,屍王就跳到我面前,他向我抓擊,我勉強避開,打算趁機從旁逃離他身邊,但似乎他發現我的行動,搶先一步攔住我的去路,我被它一步一步的逼去牆邊,我才發覺他比我足足高出一個頭有多
「想點啊.....」我無奈
我拿著桃木劍,指在他面前,他手一揮就把劍打飛,向我撲來,他的影已蓋過我的人,幸好!九叔向英叔及時趕到,他們一人一邊拉着捆仙索,攔在屍王面前,然後交叉走位,成功將屍綁住,屍王越想掙扎繩就收得得越緊,暫時擺脫不了
「叫你走,你又戇居居企係到,佢一埋身就要走開,唔好比佢接近」九叔吩咐,之後就向屍王追擊
「好...」我驚魂未定,手忙腳亂的把東西都弄掉在地,我趕緊收拾好,就跑往幫忙,沒留意地上還剩下一支棺材釘
「九,你攻後頸」英叔叫
九叔跳起,踩著屍王的頭,打了一個空翻,落地的過程不斷向屍王的後頸斬擊,著地後更刺向他的尾龍骨,但屍王依然不為所動,九叔繼續揮劍,斬向關節位,希望找出他的弱點,英叔則用箭射向他的五官,但似乎他們的方法都不奏效
「哈哈哈~你估你地可以打得贏佢咩?!」莫平在一旁落井下石
「哈~估唔到先生你依隻野又犀利喎~」段一凡在旁笑說
「佢係集合天地間極陰之氣嘅殭屍!係無人能敵㗎!」莫平再次搖鈴
屍王幾經掙扎,終於擺脫了捆仙索的捆鎖,捆仙索被分成碎條,九叔、英叔馬上後退,免得屍王突襲
「隻野銅皮鐵骨,打極都打唔入,唔係辦法」九叔邊退邊說
「硬攻一定唔得㗎啦,要諗辦法限制佢動作」英叔說
屍王再次向他們二人跳去
我趁機走到莫平身旁,用劍指著他
「叫停隻怪物!」我說
「點解我要聽你講呢」莫平問
「你再唔叫停佢,我依家就殺咗你」我揮劍斬去,但劍卻停住了
是段一凡出手,我再次跟他交手
「喔~上次未玩完~今次繼續啦~」段一凡笑說
「你真係好煩」我刺向他,他跳起,一手把我按在地,我轉身斬擊,他用手擋住,然後退開,我趁機起身
「其實先生你身手真係唔錯,不如加入我地啦~」段一凡想拉攏我
「算吧啦,你地咁核突,我冇興趣」我鄙視的說
「你只係未明我地嘅高貴~」段一凡搖頭
「未明,亦唔會明」我拿出符紙飛向他,他低身躲開,葉靈趁這空檔用飛袖纏著他的雙腳,把他拉倒,令他趴在地上,我馬上跳起,瞄準他心臟處插去,他在轉身,避開了,我繼續追擊,不讓他有起來的機會,而葉靈配合我,綁住他的雙手,不讓他繼續後退,他來不及反應,被我斬中雙腿,他想一腳撐開我,但被我捉住了腳,我對準膝關節,一個踭擊,他的腳斷了,但我清晰知道他好快就能復原回來
「靈!綁緊啲!!」我大叫,葉靈馬上再飛出兩條袖布
我踩著他的肚,然後捉緊他小腿,扭!徹底把他的骨骼扭斷,拿起劍!一刀斬斷整隻小腿,這回他應該不能回復過來了吧,總不可能將整隻小腿重新長回來,如果真的可以的話,我們人類活該輸
「啊!!!!」段一凡慘烈的吶喊
月牙
2020-07-16 14:05:15
段一凡痛得在地上打滾,瘀黑色的血不斷流出,血淺得我滿面都是,莫平站在遠處,看來不打算插手
「你都識得痛㗎咩?」我俯視他,一腳踩在他胸口
「唔好講咁多,殺咗我」段一凡直說
「你講比我知,點解你地當初要殺葉靈我就放咗你」我拿劍指在他面前
「哈哈哈哈!你好想知道啊?我偏偏唔話你知~講咗遊戲就唔好玩㗎啦」段一凡堅持
「講定唔講?」我用劍慢慢一吋一吋的插入他肩膀
「啊!唔...講...」段一凡咬緊牙根
「好~」我用力一插,劍穿過了他的身體
「都係唔講?」我再三問他
「都叫你殺咗我啦!哈哈哈哈」段一凡大概是瘋了吧
我也不想再跟他糾纏了,我一劍橫揮斬向他的脖子,頭顱從身上掉下來,在地上滾了幾個圈,我上前,一腳把頭踩爆,瞬間血肉模糊,地上全是血液,腦漿滲出,眼珠滾到地上,碎骨飛淺到周圍,我仔細看看地上的眼珠,發現眼還在轉動,居然還未死透....
「你老味....正怪物」我再把眼珠踩爆,然後一劍刺向段一凡身體心臟處,開始慢慢化灰,這次真的死去了
回到九叔那邊,他們二人的體力一直消耗,而屍王有著無窮無盡的體力,佔了很大的優勢,但還是打得激烈,平分秋色
「靈!去幫手!」我跑去幫忙
九叔單手撐地,起腳踢在屍王的面上,英叔用弓打向膝關節,屍王被逼跪下,繼而九叔雙腿夾著屍王的脖子,用力轉腰,屍王被鎖在地上,英叔正想刺穿他心臟時,屍王舉手抵抗,把英叔的弓打飛了,好快九叔也鎖不住,被屍王擺脫了
「九叔!」我和葉靈跑到九叔旁
「你過嚟做咩?好得閒啊」九叔滿頭大汗
「段一凡死咗啦」我回答
「嗯?!好!」九叔呆一呆就繼續投入戰鬥
「英!你遠攻!分散注意」九叔上前低掃
「曬氣啦!哈哈~你地就算有幾多人都唔會係佢嘅手腳㗎啦!」莫平繼續瘋瘋癲癲的
屍王口吐屍氣,把九叔彈飛了,英叔發箭,屍王擋開,葉靈用袖布纏住屍王整個身體,我用桃木劍斬擊,每斬一下他身上都發出火花,但感覺他好像都不痛不癢一樣,他一運氣就掙脫了袖布,我跳起雙腳撐向他胸口,他後退數步
屍王突然痛苦大叫,我仔細留意才發現他踩中了地上的棺材釘,這釘應該是我剛才掉下的,踩中釘隻腳冒着黑煙,仰天咆哮
「點解會咁㗎!?」莫平驚訝
「九叔,棺材釘啊」我將發現的說出來
「點解會諗唔到,佢集天地陰氣所生,係極陰之體,我地要做嘅係破佢陰氣!」九叔說
「你仲有幾多隻釘係身?」九叔問我
我數一數袋中的釘
「九支」我答
「好,你比三支我,另外六支你諗辦法將釘同地下啲箭綁埋一齊,之後交比英叔」九叔吩咐
「靈,你過去幫手,依到交比我」我說
「好!」葉靈加入戰場
我拿起地上斷碎的捆仙索把釘和箭綁起來
呼...呼...呼...呼
後方傳來聲音,我本能地低身躲避,回頭看,原來是莫平的彎刀,莫平正向我步來
月牙
2020-07-16 23:25:35
「點解!你地做咩咗啲咩?!點解佢會受傷㗎!」莫平發瘋似的衝向我
「你隻寶貝好快就會死㗎啦!」我拿起劍應戰
「你亂講!」莫平向我斬擊
我用劍身格擋,順勢反手刺向他的肚,他後跳一步,向我
飛出彎刀,我後彎腰避開,看準時機接住彎刀,雙刀在手,我反擊,雖然莫平手上沒武器,卻沒因此處於下風,變成殭屍的他身手矯健,全數避開我的攻擊
「打唔中我喎~哈哈哈~」莫平囂張的說
「你唔好咁得戚!之前就做狗,依家就做埋怪物」我說
「哈哈~但你地偏偏會輸係怪物手上~」莫平大笑
對付他應該要出奇制勝,我飛出符紙,分散他注意力,趁他躲避時,衝上前抱著他的腰,以爛仔交的方式跟他纏上,把他拉到地上,轉到他後背,先是雙腳夾著他的腰,再箝制他的腳,因為我在他的背,腰腳被我鎖住,他很難轉身攻擊我,,只能不停的掙扎,但他的力氣也不是說笑,力勁很大,我拿起彎刀,直插在他的肚
「啊!!!你條仆街!」他發瘋似的胡亂掙扎,擺脫了我的箝制
他站起來,我緊追上去,握著他上肚彎刀的刀抦,用力扭動彎刀,我感覺到彎刀扯著內臟轉動,我繼續扭動,莫平肚裡傳出攪拌的聲音,他表情變得猙獰,血從口腔流出
「呃....你地..唔好贏」莫平把血噴到我一臉都是
「起碼我贏咗你先啦」我說
「咁....又點啊,背後仲有好多野你地唔知㗎~哈哈哈」莫平軟跪在地上
「你話比我知,到底當日發生咩事,點解葉靈會死,你地背後仲有咩秘密,你講咗,我痛快啲咁殺你」我拿著桃木劍指在他面前
「講唔講都死,點解我要講,哈哈哈~」莫平躺在地上
「咁你想慢慢死都得」我行近他
「唔緊要啦,你一陣都好快會死㗎咋~哈哈哈哈」他張開嘴大笑
我一劍插入他的口中,直穿頭顱
「繼續笑啦,點解唔笑,你地不死㗎嘛」我蹲下望著他
「你地不死係優點亦係缺點,就係半死不生,可以享受無盡痛苦」我拔出他肚上的彎刀,瞬間腸臟全都傾瀉而出,我把他的四肢都一一斬斷,只剩下身和頭是連著的,名符其實的「屍桶」,手腳長不回來,但又不會死,真是可悲的生物
我重新撿起地上的箭,把箭和釘綁在一起後就跑往九叔那邊的戰場
「英叔!箭!」我將箭拋向英叔
「好!」英叔接住,轉身發箭!三箭齊出
葉靈見機用袖布擋住屍王視線,九叔和我上前左右夾攻,分散他注意,以配合英叔的箭
射出三箭中了兩箭,分別中了頭和右肩,中箭後,屍王沒有減弱的跡象,反而像是暴走!他發功,周遭刮起猛風,他一掌打開九叔,轉身扯斷葉靈的袖布,他拔出頭上的箭,箭一拔出,一個個的魂魄從傷口湧出,是商場遇害的無辜市民,他們猙獰地擺脫屍王的束縛
月牙
2020-07-17 19:03:51
「英叔!趁依家!」我大叫
英叔瞄準,三箭皆中,屍王已僵硬的直站在原地,九叔把手上剩下的三支釘都飛向屍王
屍王最後一次仰天咆哮,咆哮過後,他原地爆炸,化體內的魂魄全數衝出,飛上天後都消失不見
「九叔,佢地會去邊?」我問
「去返應該去嘅地方,返去主魂魄,輪迴轉生」九叔回答我
「邊個夜媽媽放炮仗啊!」一個婆婆行出走廊,喊罵
「唔好意思啊!靚女!嘈親你,我地唔嘈㗎啦!」我連忙道歉
「算你有眼光啦!𡃁仔!啊婆我四十年前.....」她邊說邊回屋
「九叔,仲有佢」我指著莫平
「嘩,你將佢搞成咁」九叔嚇了一跳
「𡃁仔!有啲前途喎,咁都冇穿冇爛」英叔搭著我
「都係好彩姐」我謙虛的回應
「好彩係命嚟嘅,好多人好打過你,實力高過你,但偏偏就死係依啲人手上」英叔望住莫平
「你地...有種就殺咗我,唔好搞咁多野」莫平說
「放心,我絕對唔會咁易殺咗你」我看著他說
「就天光,返上去先講」九叔轉身上樓
我扯著莫平的衣服把他拖上樓,還好現在不會有人經過,不然我應該會被人當作變態殺手
回到家中,我們都軟癱在沙發上
「喂!!你地到底想點,搵人理下我先好唔好!」莫平大聲的在叫,原因是我到家時就隨便把他掉在門口位置
「你好煩啊,比我地靜下啦」我一手把工具袋掉過去,袋剛好壓著他的嘴巴
「嗯!嗯!%#~¥&+^}&%、~」莫平繼續吵鬧
「九叔,我地點處置佢好啊?」我問
「一陣搵符繩困住佢,慢慢同佢玩」有叔說
「嘩!師弟!你依家好依味野?!」英叔笑說
「好你條命,慢慢拷問佢啊!」九叔無奈
九叔扯起莫平,拉到那太極門前,打開門後,把他放到裡面,然後用捆仙索封住門口
「我地休息下先,唔急住問佢」九叔打個喊露
光線從窗口滲透進屋裡,天亮了,經過一夜的戰鬥,大家都筋疲力盡,好快便各自休息
下午時分
「天航起身啦,九叔買咗野食返嚟比你啊」葉雪叫我起床
經過昨晚一戰,我起床時周身酸痛,我走出大廳,英叔和九叔正在喝茶食點心
「係囉~兩師兄弟坐低食個包,傾下計咪幾好」我坐下
「邊個同佢傾計,我去買野食,佢自己跟住我,叫佢走又唔肯走」九叔一臉嫌棄的盯著英叔
「早晨啊,𡃁仔」英叔無視九叔的嫌棄,笑著舉起手跟我打招呼
「早晨,其實我叫陳天航啊,可以叫我啊航㗎」他總是叫我𡃁仔,才讓我想起一直沒自我介紹
「都係名一個姐,冇所謂啦,快啲埋嚟食野先」英叔亦無視了我的自我介紹,那我沒多理,坐下來吃東西
「九叔,咁我地嚟緊要點做?」
「唔急,段一凡死咗,莫平係我地手上,佢個養屍地都比我地知道咗,佢地一定唔會再留係嗰個商場,我地好難再係嗰到查到啲咩,我地可以先搞掂莫平先」九叔說出他想法,的確很有道理
吃完東西後,九叔打開太極門
「你地終於開門啦咩!?你地到底想點啊!」莫平吵耳的聲音再次傳出
「冇想點,淨係想你講到底葉靈做咗啲咩要令你對佢施展封憶術,同埋你地仲策劃緊咩陰謀」相信莫平亦不會那麼輕易就說出
「你覺得我會講比你地知咩?哈哈哈」莫平又瘋狂的笑
九叔一巴掌打在莫平臉上,但莫平因為沒手沒腳,已不能還手
月牙
2020-07-18 16:24:12
「你覺你有得揀?」九叔說
莫平沒出聲,死盯著九叔看
「你話你,點解好好地有人唔做要做狗呢?」英叔說
「你地試過餓到就死未啊?!做狗都好啊!起碼唔洗好似你地咁,日日食飯盒,打工捱世界,仲要日日將啲仁義道德擺係口邊!嘔心!」莫平激動起來
「你依家好好咩?」英叔指著莫平的身體
「起碼我願意去搏啊!哈哈哈哈!」莫平說出他的想法
「你係決定唔講啦嘛」九叔問
「唔講!哈哈哈哈哈哈!」莫平大笑
「好!」九叔一手關起太極門
「你地冇我批准都唔好開門!」九叔吩咐
「呃...知道」我回應
這晚,大家都當幾天的事沒發生過一樣,開心的吃著火鍋,聊天,頓時感到一種家庭溫暖的感覺,是一種我從小到大就沒感受過的事情....
「航,你咁多日冇返屋企,唔洗打個電話返去?」九叔夾起鍋裡最後一片肥牛
「我....冇屋企人㗎」我回答完後就低頭吃碗裡的東西
「我舊肥牛呢?!明明擺咗落去㗎!」英叔大聲呼喊,尋找他的肥牛
九叔看著英叔正忙著在鍋裡找肥牛,便快速地把偷來的肥牛放進口裡咀嚼
「你係咪自己食咗唔記得啊?」九叔把肥牛吞下肚後,裝作不知的反問英叔
「可能係掛...唉!咁食牛丸啦」英叔向其他食物進攻
我偷偷在笑,九叔在桌下踢我一腳,盯著我,應該是知道我發現他偷吃了英叔肥牛的事
「𡃁仔啊,你話你冇屋企人,咁你以後跟住啊九咪得囉,唔洗佢成個孤獨老人咁」英叔塞到滿口都是食物
「好啊,反正我平時都係得啊武一個朋友,佢又走咗,得我一個人都唔知去邊」我對英叔的建議很感興趣
「我好似冇講過同意」九叔說出一句令我和英叔都呆住話
「咁即係...」我問
「但九叔叔冇話反對啊嘛!」葉靈說
九叔沒說話,繼續食飯
「多謝九叔!」我笑說
九叔依然沒說話,但可看到他偷偷在笑,就這樣,我正式住進九叔家
深夜時分
英叔和葉靈都睡覺了,我躺在床上睡不著,我打算起床走走,出到大廳,看到九叔再次靠著門外的欄杆抽煙,我走到他旁邊
「九叔,諗緊咩啊」我跟他靠欄杆
「冇,好耐都冇咁多人係我身邊」九叔抽著煙
「咁依家咪幾好囉,熱熱鬧鬧又一日」我也抽起煙來
「的確,對上一次係咁已經廿幾年前,真係不知不覺」唏噓的感覺表露在九叔的臉上
「放心啦九叔,以後都會係咁㗎」我說
「係呢,你話你冇屋企人?」九叔問中我的弱點
「嗯」我回答
「孤兒?」九叔追問
「唔係...我啊媽生我個陣難產死咗,後來去到我讀小學個陣我啊爸係地盤做野個陣失足跌死咗,之後就比人送咗去兒童之家」我說出身世
「咁啊武呢?」九叔問
「我同佢係中學同學嚟,一齊比人罰一齊留班,一齊比人踢出校,最後就一齊跟咗之前個大佬,估唔到最後會變成咁」我也不敢相信自己幾天自己經歷的事情
「可能已經係最好嘅結果」九叔淡淡說出
「係呢,你諗住點對付莫平?」我問
「冇,預咗佢唔會講任何野」九叔答
這晚,我和九叔聊了很久,感覺他沒有了之前的冷酷,多了一份親切感
月牙
2020-07-19 01:15:09
就這樣,平靜的生活過了好幾天
「其實你諗住幾時走?」九叔問英叔
「呃...嗱!師弟,其實咁多年冇見,我都好掛住你,等我見多你一排先」英叔說
「但我唔係好想見到你」九叔看似冷漠的說
「仲有啊,我都成日係出面聽講你有幫人捉下鬼,睇下風水,嗱!我留低可以幫下你手」英叔說
「唉,是但你」看得出九叔是口不對心的
「九叔,原來你有幫人捉鬼睇風水㗎?」我打圓場的問
「唔係平時食咩?我成世人淨係識捉鬼,咁咪做下生意」九叔說
「咁你收幾錢㗎?」我問
「睇下隻野難唔難搞,棘手嘅就收貴啲」真的猜不到九叔也會收錢辦事
「咁好似上次個隻咁嘅黑熾靈呢?」我突然想起黑熾靈,應該是難對付的一種吧
「嗯.....一萬至萬五左右啦」比我想像中的貴
「嘩!賺咁多㗎咩?」我驚訝
「話說,上次幫你搞掂咗隻野,你差我一萬」九叔看著我
「呃.....九叔啊,你認真㗎?」我呆著
「仲有照顧你兄弟、荃新天地單野,你諗住點還比我」九叔問
「呃.......」我不知怎回答,英叔也看著我
「我講笑」九叔搖搖頭
「嘩...啊九!你真係唔太適合講笑...」英叔說出了我的心聲,剛剛嚇得我手冒汗
「不過,𡃁仔你身手都算唔錯,識變通,比著其他𡃁仔可能死咗㗎啦」英叔再次讚我,都令我有點不好意思
「一般啦,以前成日打交啊嘛」我回答
「有冇興趣跟我地學下野啊?」英叔說出一個建議
「好啊!等我都可以傍下身!」我馬上叫好
「你教你嘅事,做咩拉我落水?」九叔錯愕的看著英叔
「你更加要教佢啦,佢依家住係你到,點都要幫下你手做野㗎嘛,咁一啲野都唔識點幫啊,唔係次次都咁好彩冇穿冇爛」英叔看似比平時認真
九叔沉思了一會,點頭答應了
「多謝九叔,多謝英叔!」我興奮道謝
「但應承我,一定要認真學,靈幻世界變化不定,你永遠唔會知自己下一秒要面對啲咩」九叔認真的說
「放心啦九叔!我一定會比心機學㗎」我肯定的說
如是者,我正式開始跟九叔、英叔學法
第一堂開始,我幻想會是用符、用劍、借法等等的事情,但結果是.......
「航!個馬要扎得穩陣啲,成隻軟腳蟹咁點得!」九叔拿著藤條抽打我
「啊!痛啊!九叔啊!我扎咗成個鐘啦,好攰啦」我的腿感到灼熱疼痛
「冇鬼用,休息一陣」九叔批准休息後,我馬上軟癱在地
「𡃁仔,起一起身先」英叔走近我
「咩事啊」我滿頭大汗
突然英叔出拳襲擊我,我及時擋住
「英叔!你做咩啊?!」我被嚇一跳
「扎馬係用腳嘅,佢比你休息,咁你咪休息對腳,放心,我淨係打你上身」英叔說完後繼續出拳
他揮出一個左勾拳,我舉手護頭,拳頭一到即幾打腰,我將手縮低,及時擋住,他左手剛收起,右手即到,我重心傾後避開,不夠半秒他前手直拳已追到,我同樣用前手拍擋,他這幾拳力氣不大,是試探的,果然!右勾才是重點,我低身避開,一低身就看見他想起踢,我上前把住他的腰,令他不能起腳,但算錯了,他一個踭擊將我打倒在地
「反應唔錯,但可以再快啲,對拳擊都叫有啲概念,但可惜計錯數」英叔說出我的問題
「好......」
月牙
2020-07-19 15:47:28
就這樣,日復日訓練著第一堂的內容,扎馬、拳擊、扎馬、拳擊......
「嗄..嗄...嗄......啊!!好攰啊!九叔啊!要練依啲練到幾時啊」我攤在地上
「依啲只係基本到冇得再基本嘅野,有排你練」九叔坐在搖椅上
「練依啲有咩用啊......」我抱怨著
「你想知有咩用?好簡單姐」英叔的聲音從我背後傳出
又再次偷襲我,這陣子英叔都會時不時偷襲我,我已感到有點精神衰弱....
他從後想鎖我頸,我先低身再轉身,推開他,他前直拳攻向我,我一一都拍開,突然直拳揮出後轉踭,我伸手擋住,再出拳反擊,英叔退後,我追上,他低身上勾拳,我雙手夾緊及時護住下巴,但他極快地踢出低掃,我來不及提腳擋,唯有「硬食」一腳,但居然沒想像中的痛,我揮拳還擊,打中了,正中英叔的面頰
「天航好野!」葉靈在旁為我歡呼
「叻仔啊,打得中我啦」英叔傻笑說
「英叔你留力姐」我大字型的攤在沙發上
「我冇啊,我同平時一樣㗎咋,你動作的確係快咗啊,硬食我一腳都冇嘈喧巴閉」英叔坐下喝茶
「又好似係喎」我有一種恍然大悟的感覺
「咁練依啲有冇用?唔想練可以唔練㗎,我唔逼你」九叔站起來,走到我旁邊
「我練啊!」我馬上回答
「好,咁扎多一個鐘」九叔說
「下.....好...」我極不願意的繼續訓練
難熬的一個小時過去...
「夠鐘」九叔從搖椅下來
「嘩.....終於...夠鐘啦!」我大叫,葉靈上前扶著我
「今日好好休息,聽日準備學其他野」說完九叔就回房間
「哈哈哈哈!終於學其他野啦!!!」我大笑起來,看來我也是瘋了
英叔走到我身邊
「𡃁仔啊,你要好好比心機學,啊九好難得先走得出啊仁嘅陰影,佢肯教你即係當你徒弟㗎啦,佢口硬唔認姐」英叔說出九叔的想法
「明白,我會㗎啦」我也明白張仁對九叔的影響,上次九叔見到那個冒牌張仁馬上沒有了戰鬥的意志,差點被殺死,徒弟這陰影對九叔來說可說是致命點
!!!!
想起荃新天地!莫平!!我們完全忘記了他.....
「九叔!我地唔記得咗莫平啊!!」我呼喊
九叔冷靜的走出房間,走到太極門前
「你特登唔理佢㗎?」我見九叔十分冷靜
「嗯.....我真係唔記得咗佢」九叔也忘記了
打開太極門,莫平變了屍乾一樣,皮膚都變得乾涸
「嘩!變成咁嘅」我驚訝
「佢太耐冇吸血」九叔解釋
「即係餓到乾咗?」我問
「係」九叔回應
「你地...終於開....門啦咩....」莫平半死的說
「死得未啊你」英叔問
「你班...仆街..」莫平奄奄一息的
「仲識鬧我地即係冇事,閂門」九叔說
「你地...唔好得戚,你估佢哋真係...咁易對付」莫平說
「又係喎,九叔你話過封憶術要好高法力先施展到,佢點睇都唔似」我說
「都係...」九叔思考著
「因為.... 根本就唔係我施展~哈哈哈哈哈~」說完後,莫平就化灰了,是餓死的
他出賣自己的尊嚴,就是為了不用捱餓好好生活,但結果卻是被活生生餓死
月牙
2020-07-20 12:19:06
「唔係佢?咁即係背後仲有一個?」我問
「睇嚟就係啦」英叔蹺著手
「依家想查都查唔到,線索斷曬,依段時間你先專心練好基本功,遲啲要應付啲咩上嚟都易啲」九叔認為不急於追查
「都啱嘅,如果依家遇到高手,你死梗」英叔也認同
「咁好啦」我說
「靈,我一定會幫你查到㗎,比啲時間我」我轉向葉靈
「嗯!我信你!」葉靈給予我肯定
大家表面對莫平死前說的話毫不在意,但心底裡也是有根刺的,但現在的我只要戰場上有高手的話就算去也幫不了什麼,只好先好好修煉
翌日
「九叔!今日係咪教新野?!」我雀躍的問
「嗯!」九叔點頭
「學咩啊!」我雙眼發光的看著九叔
「桃木劍,金錢劍」九叔說
「下?!我用過好多次啦喎」我有點失望
「你個陣係亂用,同真係識用係兩件事」九叔
「但我都係殺到段一凡同莫平啊~」我叉著腰
「你好彩,如何係再高一級嘅對手,你麗咗啦」九叔淡淡說出
「......」
「唔信?試下」九叔把桃木劍拋給我,自己手上拿著一把
我接住劍,九叔已向揮劍我攻來,我用劍擋劍,九叔轉揮為刺,我馬上退後數步,九叔追擊,轉身橫斬,我揮劍相撞,此招打個平手
「都叫擋到啊」我沾沾自喜
「好,咁繼續」九叔繼續攻擊
是當時攻擊段一凡的手法,不斷上下揮斬,只要動作稍為慢點都會被打中,九叔的動作行如流水,雖說是不停上下揮斬。但每次打的位置都不同,一步一步的把我逼後,我開始有點吃不消
我擋住上身的攻擊,在九叔轉向下身攻擊時,我飛身撲出,在地上打了個翻滾,以擺脫單方面被攻擊的困局
「唔錯」九叔出一句,之後就向我走來
這次我率先出招,刺向九叔,九叔用他劍的劍格來卡住我的劍,一直順住我的劍脊推向我,一個翻手,我的劍掉到地上,九叔的劍狠狠的橫拍在我臉上,我倒坐地上
「點啊,仲會唔會覺得自己唔洗練?」九叔拿劍指在我面前
「呃....練啦練啦」我的確是差很遠
九叔的練劍方法就是將每一招都揮一千次.....
「你要習慣劍嘅重量,每招揮一千係因為要令身體記得,只身體記得你對打個陣就唔洗諗」九叔解釋道
「好,明白」我回答
「你本身打得唔差,但就係因為要諗,諗下一步要點做,一諗就慢,如果對手比你快,你就死硬」九叔繼續說
「唔可以諗...好難喎」到底九叔是如何做到
「練,你肯練,你都得」九叔說得簡單
九叔先教了我幾招最常用的招式,例如:反手刺劍、上下揮斬、順脊脫劍等等,其實這些招式就是剛剛九叔對我施展的招式,看來他一早就想好了要教我什麼
我拿著劍一直揮、重覆再重覆,由早餐後一直練到午餐時分
「好,食飯先,一陣再練」九叔在廚房拿出餸菜
「嘩....隻手好似唔係自己咁」我按著自己的手
「一陣食完飯,轉手再練」九叔說
「左手?點解嘅?」我問
「對打個陣,如果你隻右手比人捉住或者斷咗,咁點算?所以左手都要有一定水平」九叔解釋
「喔.....都好,右手有得休息」我還在按摩自己的右手
「揮劍只係基本,再深一層就要配合埋真氣同靈力,不過你有排都會練到」九叔說
「靈力?!點練啊」我問
「依啲遲啲先講」九叔坐下,開始吃飯
月牙
2020-07-21 16:25:07
「靈力,意志力愈高靈力愈強,有少少似你地口中講嘅特異功能,可以隔空取物,可以係你用武器個陣輔助你,令攻擊力更大」九叔解釋
「咁真氣呢?」我問
「真氣就等同於修為、道行,你修為有幾高你嘅真氣就有幾高,當真氣愈高可以借嘅法就愈多愈勁,但反噬能力一樣咁強,所以作法個陣唔好分心,不過依樣對現時嘅你嚟講有啲難,一步一步嚟」九叔說
「咁莫平道行算唔算高?」莫平應該不算高吧,他變成殭屍後都能被我殺掉
「唔高,佢係當年嘅北門派最多係守門口」九叔說
「係喎!我上次聽到莫平話北門派係四派之首,係點分㗎?」我問
「其實當年係有五大派,分別係東道西樓,南陽北門、上無極....」九叔正在說
「上無極?!個名好型!」我打斷了九叔的話
「係無極門,上無極嘅意思係佢地實力係我地四派之上,當年佢地人才輩出,每一個門徒都有極高嘅修為同靈力,我都好好奇佢地到底係點樣修煉」九叔繼續解說
「咁點解依家得返四派嘅?」我追問
「佢地係五派之首,實力最高,肯定冇人會質疑,我記得個陣我得十八歲,無極門嘅掌門親自嚟搵我師父,話有要事相討,佢地入咗書房好耐,由朝傾到晚,臨走前仲同師父講咗句:以後有咩事就交比你啦,之後就走咗,一晚內,無極門嘅人就銷聲匿跡,我地四派不停發散人手去搵,但一啲線索都搵唔到,佢地完全人間蒸發咗」九叔說出當年的事
「全部唔見曬?!當時嘅無極門有幾多門徒?!」我問
「八百三十一人」九叔說
「八百三十一人?!一晚全部唔見曬?!」太誇張了吧
「嗯,完全冇任何蛛絲馬跡留低」九叔點頭
「之後點啊?」
「之後四派之間都有明爭暗鬥過,後來當時四派掌門相議後,決定各自派出四個代表決戰,一決高低,最後我地北門派就當上咗四派之首」九叔的表情帶著一點懷緬
「決戰?!咁個四個代表咪係成派最勁嗰四個!」
「冇錯,我係其中一個」九叔說出
「你當年唔係得十幾歲咩?!」我驚訝
「十幾歲唔可以好打?」九叔斜視我
「可以可以,你緊係好打啦!」我馬上附和
「喂!死仔!你唔講埋我嘅?!我都係其中一個啊」英叔從旁叫喊
「你地兩個都係犀利...咁個比賽係點㗎」
「當年就精彩啦!四派嘅人都出盡渾身解數,全靠啊九我地北門派先贏到!」英叔搭著九叔
「嘩,九叔咁勁?!」我瞪大雙眼
「都好多年前啦....
當年我得十八歲
「師父!你真係決定派我出戰?」我沒有信心能應付
「師父對你有信心,你一定唔會令我失望」師父拍一拍我
「好啦....我會盡力」我低頭
「仲有三日就比賽啦,好好休息,養足精神」師父說完就出了中庭
接下來三天我都不停練習,不敢放鬆
「放鬆啲啦,好簡單㗎咋」是師兄—張英
「唔得,師父對我咁有信心,我唔可以輸」我繼續練習
「你依兩日唔休息,比賽嗰陣根本冇可能發揮到全力,休息下啦」他繼續說服我
「但我真係好驚輸!好驚會令師父失望」
「你唔驚可以唔洗輸,你驚就一定輸,邊有人未打就驚定先㗎,任何事未做之前都唔可以驚!」師兄蹺著手,靠著牆
「點可能唔驚...三派高手」
「對自己有信心咪唔驚」師兄笑了一笑
「我就係冇.....」我低頭
「咁啦,你依家試下同我打一場」師兄走近
「唔得!我點夠你打啊!」我退後
「唔試點知啊!」師兄出拳
我退後一步避開
「師兄!」
「還手啦,咁樣你點出賽啊?!」
師兄繼續出拳,我不斷躲避,一直被逼近牆邊
曲奇雪糕
2020-07-22 00:09:32
比啲g持你
月牙
2020-07-22 02:12:28
多謝
三碗細牛腩河
2020-07-22 09:43:04
陰我細佬
椒鹽蝦米
2020-07-22 10:43:21
己有畫面
月牙
2020-07-22 10:47:24
佢細佬穿曬窿
三碗細牛腩河
2020-07-22 11:07:19
本來有一窿
何苦要多個?
月牙
2020-07-22 11:11:50
就係比人陰到多咗個窿