［殭屍/鬼怪/打鬥］《噬魂》我由古惑仔變左做現代道士

努力寫緊！

Btw多謝支持

我都努力睇緊
加油

好正

多謝

加更ok?

聽日！朝早一更！夜晚一更

靈 晞 雙飛

咁識食

當我打算真的離開時，背後令來葉靈的聲音

「點解！！」

我轉身望向後！發現葉靈變得面目猙獰！不停狂號

「靈....你做咩啊」我驚訝的後退

「啊！！點解你唔救我！！陳天航！！」

「靈....咩事啊」我上前捉實她

「懦夫！冇用！係你救唔到我！三次都救唔到！」

「靈啊.....你怪我都啱！係我冇用，如果我比心機啲練習....你可能唔洗死多一次..係我冇用！！」我掌摑著自己

這時！醫院的醫生護士突然衝進來，把我抬到手術床上

「咩事啊你地！！放開我！！」我不斷的掙扎，但他們用捆住精神病人的綁帶把我綁在床上

葉靈從他們身後走來

「陳天航！你睇住我死三次都救唔到我！今次我要睇住你死！」葉靈瘋狂的笑

那班失控的醫生和護士開始拿著手術用具在身上瘋狂宰割，其中一名醫生直接劏開我的肚皮，用手攪拌我的腸臟，腸臟攪拌的聲音咕嚕咕嚕的響起，護士則𠝹開了我手臂的皮肉，把我的血管抽出來

我現在的情況就像是被電影裡的喪屍活剝生吞一樣，活生生的看著自己被分屍

葉靈一直在他們後面看著我被分屍，不停的在笑，她一步一步走過來

走到我面前，一手插入我胸口！！把我的心臟硬生生扯了出來

「仲跳緊㗎！」其後她更把我的心臟一手弄破碎！！

「唔好啊！！」我掙脫了綁帶，但當我起來時，地方卻轉換了......

.........


「九叔！啊航嘅燈熄咗一盞啊！！」夢晞一直守在我旁邊

九叔從外衝到房間

「佢已經輸咗一關.....」九叔沉重的說

「𡃁仔！頂住啊，有咩事起身英叔幫你頂」英叔也聞聲跑來

「........」夢晞沒說話

回到意識界...

在病床掙脫的我坐起來，但當我一起身時，眼前的影像在轉變，病房的牆壁一塊塊的掉落，掉落的牆墜下時變得像肉塊一樣，血淋淋，血液亦從天花開始流下

場景慢慢地變成了三年前被我放火燒掉的卡啦OK內.....

突然身處火海的我有點反應不了，呆站在原地

「救命啊！有冇人啊！」在遠處的房間中傳來一把求救的聲音

我這時才回過神來，直奔往那房間

我打開房門，看到一名男子正抱著一個孕婦，認真一看就認得出是那個黑熾靈

「先生！可唔可以幫手啊！」那男人向我求救

原來他逃不掉除了是因為那孕婦動了胎氣外，那男人的腿被音響掉下來壓住受傷了

「我數三二一，我抬起舊野！你拎走隻腳！」因為火場十分嘈吵，我要提高聲量才能溝通

「好！」那男人回答我

「三！二！一！走！」

成功幫那男人逃脫後，我跟他一起扶了孕婦，因為房間門口太窄，不能三人一起走出去，所以我就讓他們倆先出去

誰不知....

他們才剛剛出去，就發生爆炸，火海瞬間吞噬了他們.....

而我就被爆炸產生的氣壓震開，撞到牆上再掉在地下

我不斷咳嗽，撐起來，打算探頭出去看看清況，但後樓梯又傳來一次爆炸，我也被爆得頭昏腦漲，身於走廊的夫妻倆經歷了兩次大爆炸....應該也回天乏術了

但我也決定出去查看，當我站起身時

黑熾靈站在我面前....

她一掌打在我胸口，逼得我後退數步

「頂....手上又冇架撐」我喃喃自語

「係...你.....害死..我！！」她向我進攻，我沒武器在手，她的皮膚又是熾熱的，我只能不停的閃避

我趁她向我攻擊的空檔，在她旁邊走出房間，走到被猛火吞噬的走廊

本打算忍住酷熱尋找出路，但我走了兩次後就發現每一次往出口走出去時，都會回到房間的門口外，只會帶我不停在兜圈，我被困在了一個循環.....

就是代表我被迫在沒武器的情況下再次面對這隻黑熾靈....

她突然衝向房間！我馬上做好戰鬥的準備，我脫下外套，把它撕開，薄薄包著雙手，以抵擋一下她身體的熱力

就這樣我們開始了一場在火海中的戰鬥！她的戰鬥模式依舊是揮動著她的鋒利的爪！

我側身避開，捉著她的後頸和手，起膝撞向她，她反應也不慢，在我背上劃上爪痕

雙方也後退數步

我已感覺到我後背的傷有東西在蠕動.....我好清楚這東西是黑蔓.....

動作要加快了！！我主動衝前，一腳踢在她肚上，她後退，我再追擊！上勾拳打在她的下巴，她被我打得翻了一個後空翻

這刻我知道，在多次實戰經驗後，我的實力已比她高出不少

我沒給時間讓她起來，我馬上追上去，一腳踩在她胸口，不停的揮拳打在她面上，直至她意識模糊

「為咗個女！走啦！」我說出她的牽掛

這時，周遭的火慢慢熄滅，黑熾靈亦變回正常人的模樣，離去，我背後的黑蔓也消失了

然後，場景又開始轉換，周遭變得漆黑一片，伸手不見五指，只在遠處有一點光，我朝著那方向走去

.........

今天都已是我昏迷的第五天了，七星燈還剩下三盞是亮的....

「九叔啊，其實你同啊航係點識㗎？」夢晞又來了九叔家，她還是天天過來

其實我跟九叔怎麼認識，夢晞一早就知道了，她再問九叔應該是想跟九叔打好關係，留在這裡時不用那麼尷尬吧

「算係緣份，第一次見佢，見到佢係車上面瞓緊教，我一睇就知佢成個人嘅陰氣好重，比咗個銅錢佢，提佢自己執生」

九叔在回想

「之後就跟住你生活？」

「未，之後我係街又見到佢，佢個陣受咗重傷，係比惡靈搞，見同佢有緣，咪抬咗佢返嚟，之後教佢對付隻惡靈，發現佢心有正氣，有情義，所以就叫佢跟我生活」

「咁真係幾有緣」

「嗯」九叔點頭

「咁英叔呢？一直同九叔一齊生活？」夢晞問

「唔係、我同啊九好耐冇見㗎啦，係一次佢地遇難個陣，我出手救咗佢」英叔指著九叔，笑說

九叔沒出聲，但就蹺著手盯著英叔

「我發覺你地嘅相處方法好得意」夢晞天真的笑

「得意？....」九叔有點無奈

「唔好亂講野啊，你後面紮辮個條友好小氣㗎」英叔再指著九叔

夢晞繼續傻笑地看著九叔和英叔的相處方式，她的存在好像為原本沉寂的家增加了一點生氣

意識界...

我倒臥在地上，沿路走來，身體上的確沒有任何傷痕，但精神都快要崩塌了，不繼經歷過往的心結，家庭、愛情、惡行.....

周遭突然傳來吵雜聲

「喂！啊航」

「喂！啊航」

「喂！啊航」

叫我的是.....

啊武！！是我....難得的交心好友...

這次是酒吧的情景

「 今日咁早嘅....」我放下手中的酒杯，望著雙手還健在的他

「今朝幫啊大收左兩條數，已經攰到仆街啦，所以咪係咁咦上.....

我知道接下來的事，所以就提前行近啊武，把他推開，接住了飛來的玻璃樽

隨後啊武馬上轉身，看看是誰偷襲我們

「原來得十幾個咋，邊個咁睇小我地啊」啊武隨即擺出囂張的嘴臉

「唔知呢」

「今次你要左定右啊？」啊武問我

「照舊啦！」我決定跟著劇情進行，衝前！

依舊，對方的打手好快就全數倒下了

「嘩，你好打咗咁多嘅？！瞞住我偷偷地練野？！」啊武問我

「呃......冇啊，邊有姐，你攰啊嘛，咪顯得我勁囉」隨便找個藉口敷衍過去吧

「都啱啦！肯定係我太攰啦」

推

接下來，我跟啊武坐下來喝酒

「啊武，其實你有咩想做？」這麼多年來，我好像都沒認真問過他這個問題

「我啊...其實都冇咩想做，最緊要我個妹開心，唔好比人蝦就得啦，同埋可以繼續同你一齊做野囉」

想啊妍開心.....她已經....怎會能開心

我眼框泛紅....

「航！你做咩啊？」啊武察覺我的異常

我擦一擦眼

「冇事啊」

「我係問你自己啊，你自己冇野想做㗎咩」我確實的再問一次

「自己啊....如果係最想做嘅，應該係想係擋台上拎一次冠軍」

「冠軍...」現實中啊武的手已經....

我站起來

「企起身」我看著啊武

「做咩啊」他跟我站起來

我出拳打向他臉頰！他後彎腰避開了

「做咩突然打我啊！」啊武驚訝

我沒回應他，繼續出拳

左手出直拳，他一手接住了，但其實右手才是真，我右勾拳重重打在他側腹

「你嚟真㗎？！」他問我

「嗯」我點頭

「好」

這次換他主動出擊

他起腳側踢，我提手擋住，然後捉他的腳往後拉，正打算起腳時，他跳向我起膝，我馬上放手擋住

他雙手箝制著我的頭，不斷的起膝攻擊，我用雙手前臂頂住，好快便瘀青了

我趁他換腳時用手踭對準他大腿，他再起腳時，我的手踭就撞向他大腿，這一撞應該可以令他整條腿發麻了

雙方分開，他按著大腿，我按著前臂

再來，我低身衝向他，踢出掃堂腿，他跳起避開，著地後起腳踢向我頭，我馬上躺下，他踢空

待他放下腳時，我蜈蚣彈，雙腳踢在他胸口，他被我踢得後退數步後坐在地上

「死仔！你一定冇偷偷練野」啊武按著胸口說

我上前伸出手，他亦拉著我站起來

「繼續」我笑說

「好」

啊武率先出拳，我側頭躲過，踏步上前，右手在他腋下穿過，反到他頭後，人側走到他身後，左手疊著右手，向下壓，箝制住啊武，他左手向後批踭，因為他位置不利於攻擊，攻擊全數被我前臂擋住了

他見一計不行又施一計，他捉實我雙手，身向前傾，一個漂亮的過肩摔，把我重重摔在地上

我沒有再進行反擊

啊武走到我旁，伸出手

「你係我心目中永遠都係冠軍」我邊伸手邊笑著說

最後我們相視而笑

啊武也慢慢消失......

四周再次變得漆黑，只剩下我一個坐在原地，我慨嘆一聲後，看見遠處有光

應該是出口了吧，我起身走往那光看看

當快走到出口時，背後傳來呼喚我的聲音

我轉頭看去，是葉靈和啊武....

「喂！啊航，咁快走？飲多兩杯先啦」啊武招手叫我留下

「天航，多謝你咁努力幫我，不如你留係到陪我啊」葉靈微笑著

我也不由自主一步一步的走向他們二人

........

「啊航啲燈全部變到好暗啊！」夢晞大叫

「死仔！醒啊！聽唔聽到啊」英叔也在旁

九叔緊緊的看著燈，沒出聲

「九叔啊，我地有冇野可以幫到佢啊？！」夢晞問

九叔沒回應

「死仔包....」英叔說

「啊航！你醒啊！！醒下啦！」夢晞哭著，不斷的拍打我

九叔突然走出房間

這時，意識界裡的我已走到葉靈和啊靈的身邊

大力一推！！！

Thx

又停
谷到就黎萎縮

「天航！你留低就好啦」葉靈蹺著我的手

「係囉，繼續同我飲酒啦」啊武搭著我肩膀

這裡對我來說簡直是天堂......葉靈沒死，啊武的手還是安然無恙

我....留在這裡，好嗎？

「陳天航！」聲音在我後方傳來

我正轉頭時，已被一巴掌打在臉上

是九叔！！

「九...九叔？！」我驚訝

九叔手執劍，腰間綁著一條紅色的繩

「走得未？」他問我

「呃.....」

「走！」他扯著我的衣領

「天航..」葉靈捉住我的手

九叔轉身就是一劍，斬斷了葉靈的手

「九叔！你做咩啊！」我扯著九叔

九叔沒理會我，反手一劍，把葉靈一分為二

啊武衝上前，九叔一腳把他撐開了，然後繼續扯著我走向那滲光的出口

「天航！」被一分為二的葉靈在地上叫

我回頭看她，九叔卻在我身後一腳把我踢往出口

........

我張開眼睛

在我身邊的是夢晞，英叔就在她後方

「天航！你終於醒啦？！」夢晞滿面眼淚的，撲向我

「冇事啦，但我好痛」我滿身是傷，肋骨還未癒合，她這樣一撲，我痛得入心

英叔走近，拍了我頭一下

「捨得起身啦咩，人地日日守住係你身邊」英叔向我打眼色

我點頭示意明白

「九叔呢」我這才想起剛剛九叔在我的意識界裡救我出來

「係個到」英叔指一指另一邊

九叔盤著腳坐在地上，腰間綁著繩

「九叔！」我叫他

九叔沒反應

「喂！老野！」英叔走去拍九叔

九叔張開眼睛

「你地好嘈，想休息下唔得？」九叔站起來

「你頭先做咩唔走？想留低？」九叔問我

「呃......有諗過，但唔會」我回答

「....搞到我要進魂入嚟救你，麻煩」九叔走出房間

「好啦，你都返去先啦，比𡃁仔休息下」英叔跟夢晞說

「好啦...我聽日再嚟探你」夢晞看著我

我點頭回應

夢晞走後，英叔走過來

「喂𡃁仔，你到底做咗啲咩？依個𡃁妹好似好中意你喎」

「上次食嬰靈個次救咗佢一次，又同佢傾過幾次計」

「估唔到你都幾受歡迎，葉...」英叔停下沒說下去

「葉？葉咩啊？」我問

「算啦，你休息下先，有咩聽日瞓醒再傾」英叔拍一拍我，走出房間

房間外

「𡃁仔都算命硬啊呵」英叔坐在沙發

九叔坐在搖椅，點頭

「個樣做咩咁攰啊」英叔問九叔

「離完魂，依家成個人散曬...」

「依排太攰啦，傷又未好，緊係攰啦，好好休息下啦」

「嗯...」九叔點頭

翌日清晨

敲門聲響起

不用猜也知道是夢晞

「九叔、英叔早晨，我煮咗早餐過嚟啊」夢晞步入

「早晨啊，咁好～？一起身有早餐食」英叔接過早餐

「啊航呢？」夢晞問

「我係到...」我扶著牆慢慢走出房間

「你做咩亂咁郁啊，都未好返！」夢晞上夢扶著我

「瞓咗咁耐，都要郁下嘅」

「咁慢慢行啦」夢晞扶著我說

「咁大個人唔識自己行？」九叔吃著早餐

「你咪鬼玩佢啦」英叔撞一撞九叔

「坐低食野啦」九叔笑一笑

「𡃁妹你煮野都幾好食㗎喎」英叔塞到滿口都是

「成日煮，點都有啲工架嘅」夢晞微笑

「嘩～食飽！」英叔大叫

「咁快？！」我驚訝

「肚餓啊嘛」

「話說，到底嗰日係點㗎？莫盡點死？」英叔突然問出

我跟九叔都瞪大眼睛，九叔用腳踢一踢他

「我返過去睇一睇個B先，轉頭再返嚟執野」夢晞非常識趣的離開了現場

「英叔...啱啱夢晞仲係到，你講依啲，想嚇死佢咩」

「佢都知道曬我地啲野㗎啦，怕咩姐」

「好啦，唔好理住，咁嗰日係點？莫盡點死」九叔也問我

「嗰日...我記得你地受咗重傷暈咗，之後....我都比佢打到重傷，其他野唔記得啦」

「咁莫盡對你同葉靈做咗啲咩？」英叔問

「葉...葉靈？邊個係葉靈？」我不懂

「？！葉靈喎！」英叔驚訝

「邊個嚟㗎？」我問

「.....航，你真係唔記得？」九叔問

「我要記得咩啊？」

「咁點解我地要去搵莫盡？」九叔再問

「呃.....我記得我地係去救人...但我地係去救邊個？」

「.......」九叔和英叔都沒說話，相視對望

到底我忘記了什麼......

唔洗谷啦出少少先

呢啲位停

還我葉靈
幫我加甜嚟段人鬼情未了

係腦入面幻想下

幻幻下撞鬼點算
農曆七月唔好亂諗

咁就要搵九叔幫手啦