［殭屍/鬼怪/打鬥］《噬魂》我由古惑仔變左做現代道士

「你好啊～姨姨，我係樓豬嘅讀者，我啊武，我想叫佢出文啊」打電話來的是啊武

打緊

「喂？」我接過電話

「喂！啊武啊！係咪打波啊？」

「係啊！」我回答

「咁2:00係學校附近個球場等啦！我打埋比啊烈先！」啊武掛斷電話

「要出去啦？」啊姨問我

「差唔多啦，應該食埋野就出去啦」現在的時間是下午十二點半左右

「好啦，去玩還去玩啊，記得唔好咁夜返啊」啊姨叮囑的說

「知道，冇問題」我點頭

食完一個「早午餐」後，我就換衣服出門了，在往球場時，我在心裏想著，我是否應該對啊姨、姨丈再好一點呢，他們對我實在太好了...

很快我就到了學校附近的球場，我到的時候啊武已到了

「咁慢㗎」啊武抱怨

我看看手錶

現在的時間是一點五十分

「我早咗喎！仲慢？！」我無奈的看著啊武

「我一早到咗啦..等你地咋」啊武說

「咁啊烈呢？」我問

「佢條友話屋企有野做，要遲少少先到喎」

「咁我地打住先啦」

「好」

我本來是完全不懂打籃球的人，所以到了現在也要啊武從旁邊教導，很多動作我也還沒掌握得到，還是屬於新手階段

「你試下企係個鎖匙圈到射波」啊武把波拋給我

我拿起球瞄準， 正當我準備投球的時候，球場外突然傳來啊烈的聲音

「喂！幫拖啊！！」啊烈正被十多人追着

「嘩？！」啊武呆了

而我就把手上的籃球用力的拋向那群人，其中一個被擊中面部，倒坐了在地上，同時亦絆倒了後面的幾個人

「正！」啊烈對著我舉起姆指

然後他突然急停步，轉身抱向後面其中一人的腰間，用肩膀頂住他的腰，雙手抱起他的腳，把他整個人拋向後面的幾個人，成功阻擋了他們的去路

「走！！」啊烈大叫

我跟啊武在完全不知情的情況下參與了這場打鬥

跑了一段路後我們停下來，我都快到跑到缺氧...上氣不接下氣的喘著，根本說不了話

「啱啱個班咩人？你又話忙屋企野嘅？」啊武問了我想問的問題，而且他完全沒有喘氣的跡象

「嗄...依啲...咪我屋企事」啊烈被追了一段路，也有點喘氣

「即係？」啊武再問

「我屋企人係撈偏門」啊烈直接說出

「真㗎？！」

「啱啱咁嘅環境似係假咩？」啊烈反問啊武

「你得十二歲咋喎？！咁快要接觸依種生活？！」啊武驚訝

「點解你好似講到自己唔係十二歲咁....」稍為回氣的我問啊武

「其實你係咪錯咗重點呢？！」啊武看著我

「好似係」我說

「我都冇得揀，屋企人全部都係行古惑，咁我一出生就係接觸到咁嘅世界」啊烈說

「咁係咪真係好似拍戲入面咁㗎？你打下我，我又打下你」啊武問，但我打從心底覺得這問題有點白痴....

「你可以咁講嘅，但一定冇睇戲咁好玩，有咩差錯真係會死人」啊烈的表情有了一點變化

「咁..」啊武想再問時，我拍一拍他，示意他別再問下去

「做咩啊？驚？唔同我做朋友？」啊烈看著我們

我跟啊武互看了一眼，沒說話

「得，明㗎啦」啊烈轉身離去

啊武趁機跳上啊烈的背上，我跑在旁邊

「邊有人話唔同你做朋友啊！」啊武笑著說

「咁仲打唔打波啊」啊烈問

「個波都比佢掉咗啦！點打啊！」啊武指著我

「做咩掉咗個波！！」啊烈亦看著我

「仲好講！唔係我啱啱掉個波去條友到，你會走得甩？！」我反駁說

「又好似係嘅」啊烈又反過來支持我的說法

我看一眼啊武，啊武看懂我的意思

我跟他同時捉住啊烈

「你條牆頭草！兩邊你都幫！打佢！」我捉住啊烈說

「好！」啊武動手捏啊烈

「幫你地都要打？！」啊烈反抗

但他的反抗並不奏效，因為我跟啊武已穩穩的箝制着他

「好好好！投降啦」啊烈放棄掙扎

新讀者LM， live 左
加速

劉明，Live左
十分吸引，等你出文

多謝支持

中意睇就好

Live 好好睇呀

我們到了一家快餐店坐下

「話說！你啱啱比人追個陣用個招好似好勁咁喎」啊武邊吃邊說

「個招我都係跟我啊哥學，佢話依招用嚟瞓低人一流」啊烈說

「咁佢仲有冇教你其他招？好型喎」啊武好像對武術很有興趣

「都有嘅，一啲基本防身嘅招式囉，你想學？」啊烈問啊武

「想啊，我對咩運動都有興趣嘅」啊武點頭

「咁下次搵機會我帶你上佢間拳館試堂」

「好啊！」啊武顯得十分興奮，然後轉頭看我

「啊航！一齊去啦！」

「又關我事？！你去學咋喎，又拉埋我」我看著他

「又係你自己成日話要減肥，叫你做運動又鬼曬咁嘈」啊烈嘲諷我

「咩姐！我又冇話唔去」

「好！咁就我地三個一齊去啦！」啊武興奮的說

如是者，啊烈真的在兩日後就帶我們去了他哥的拳館

拳館內的吶喊聲不斷，每個在段練的人都像借着吶喊來提升自己實力一樣，汗水飛灑滿地

「嘩！成件事好熱血啊！！」啊武好像雙眼發光一樣的看著場地

「好熱血咩？我淨係覺得好熱咋喎....」我拿着紙巾擦著額上的汗

「死肥仔」啊武用鄙視的眼神看着我

「你地等我一陣，我叫阿哥出嚟」啊烈走到拳館的中心，是一個正方形的擂台，上面正有兩個人在較勁，打得精彩

啊烈走到擂台邊，跟一個中年男人說話

「咩風吹你嚟啊，烈少」那中年男稱啊烈為烈少？！

「帶兩個朋友上嚟學拳姐」啊烈指著我們並揮手，示意我們過去

我跟啊武走到台邊

「依個係興師父，好抽得」啊烈為我們介紹

走近後才發現那中年男人的身材極好，肌肉線條分明，完全沒半點贅肉

「你地好，叫我興叔得啦」他揮手

「我叫啊武，我覺得依到好熱血！」啊武主動的介紹自己，我也只好跟著

「我叫啊航」我點一點頭

「上面扎住條辮嗰個就係我啊哥，佢叫啊焯」啊烈指著台上的人

啊烈大哥身形高大，肩寬厚背，他的身上有不少疤痕，更有一條疤痕是由右肩延伸到左腰，看上去應該是刀疤，而在刀疤上有一幅紋身，紋身佔了後背的三份二

紋身的圖案是一隻天使張開翅膀和雙手，而紋身上天使亦跟著刀疤分了兩分，左手邊的半身與翅膀都破爛不堪，血流披面，光環更是破裂了，相反，右邊的身軀和翅膀都是完好無缺的，光環更是在發光的

光是看他的後背就感覺到他的霸氣

原本我以為在紋身和疤痕的加持下，已把啊烈的大哥顯得十分霸氣，誰不知在他轉身面向我們的一剎更令我呆了

在他的左邊面上也有一條疤痕，這疤痕由眉骨處垂直延伸到面頰，更是劃過了眼睛，令他看上去又圖添了幾分殺氣....

「死仔！你好耐冇上嚟啦喎，咩事搵我」啊烈的大哥在台邊的繩上拿毛巾擦汗

「我特登帶兩個Friend上嚟跟你學拳」啊烈又指著我們

我跟啊武連忙點頭示好

「你條友竟然會有朋友？！」啊烈大哥驚訝的看著我們

「佢地上次都算叫救過我一命」啊烈看著我們笑了一笑

「咁犀利？！有本事救我細佬？！」他擺出疑惑的表情，但突然又轉向走近啊烈

「但我比較想知你搞咩要比人救多啲」他雙手靠在擂台邊的繩上

「幫你老豆去對家個場到視察環境，點知比人認到，咪比十幾人追，好彩佢地幫我甩身」啊烈說出當日的事發經過

「老嘢，好搞唔搞叫你去做依啲咁危險嘅野.....你仲細啊」他明顯是無奈

那啊烈又的確比同年的同學顯得比較「老積」，應該是因為生活環境的關係吧

多謝支持

出咗文都炸我？！

「唉，自己執生啊，有咩搞唔掂就搵我」啊烈大哥說

「得啦，搞得掂」啊烈裝作輕鬆的說

「咁到你地啦，多謝你地救咗我細佬，雖然我真係點睇你兩個都唔似可以救到我細佬，不過唔緊要，我免費教你地打拳，當係報答你地」

「好啊！多謝你！我好想學啊」啊武極興奮的回答

「多謝」我則點頭就算

「你地以後叫我啊焯啦」啊烈大哥正式介紹自己

「焯哥」我跟啊武一起說

「點叫你地？」焯哥問我們

「啊武」

「啊航」

「好，咁依家就開始第一堂啦」焯哥突然說

「咁快？！」我嚇一跳

「擇日不如撞日啊嘛！第一堂教你啲基本功，過去揀條拳帶先」他指著一個櫃子

「拳帶？有咩用㗎？」啊武問焯哥

「扎拳帶係用嚟保護手腕同指骨」焯哥

啊武聽得認真，不斷點頭，相反我就沒太大興趣

「啊航，快手啲」焯哥嫌我扎手帶太慢

「呃？！係！」我馬上加速

在我們都準備充足後，正式開始

「第一堂，學好步法先，你地冇人左拗㗎嘛？」 焯哥問

「冇！！」我們回答

「咁得啦，我地將雙拳握緊，之後左手擺係下巴前面高少少嘅位，右手放係面頰，腳踭唔好痴實曬個地下，要靈活咁郁到嘅，好似我咁，不停前後左右咁行」焯哥為我們示範動作

啊武在看到焯哥的示範後就開始嘗試，本身運動就很好的他，好快就有模有樣的做到

「幾好，係有少少細節位要執姐」焯哥點頭

但我看完示範後也不知道該怎麼做....

「啊航，你做嚟睇下」焯哥看著我

「呃....」我手忙腳亂的做

「隻右腳後少少，手舉高啲」焯哥在旁指點我

這一堂一上就上了兩小時....都快把我累死了

我累得大字形的躺在地上，滿身是汗

「啊航起身」焯哥走到我身邊，輕輕踢了我一腳

「係！焯哥咩事啊？」我連忙站起來

「你要減下肥啦，太肥又唔健康，比人追又跑唔郁，所以我決定要幫下你！以後落堂之後你要再做多半個鐘體能！！」

「下？！仲要多半個鐘？！」我呆了看著焯哥

「係啊！有意見？」焯哥看著我

「呃.....冇」我也不敢說有意見

「好，咁依家你去拎條繩，跳十分鐘先」

十分鐘過後....

我汗流滿面，差點連站也站不穩

「好！放好條繩之後就做30個Burpee」焯哥吩咐我

「咩嚟㗎？」

「啊武，知唔知Burpee 係咩」焯哥轉頭問啊武

「我知啊！波比跳囉」啊武回答

「咁你示範下比啊航睇」

「好啊」啊武輕鬆的就做了幾個波比跳給我看

在啊武示範後，我嘗試跟着他的動作去做，發覺原來看上去很簡單做起來是很累的....

在我做第二十個的時候雙手和後腰已感到非常疲累

「焯哥...我冇力啦」我趴在地上

「應該得返十個左右姐，頂埋佢」焯哥說

我咬緊牙關用力撐起，把最後十個，分成兩個兩個的做

最終都給我做完了.....

「嗄....嗄...嗄...」我走到擂台邊，將整個人掛在擂台邊的繩上

「嗱，咪做到囉，只要你堅持到，好快你就會瘦」焯哥拍一拍我

就這樣我們三個開始了練拳的習慣，每星期逢一、三、五都會到拳館練習

在這樣高強度的訓練底下，暑假這兩個月我成功消減了不少，肚腩也明顯變小了

但我最大變化的應該不是體重，而是身高，原本身高只有164cm的我，不知是不是因為多做了運動的關係，突然長高得很快，變了170cm，整體比例拉高了令我看上去更顯得變瘦了，連啊姨和姨丈也覺得我的變化有點大

暑假匆匆完結，又到了開學的日子

我跟啊武啊烈約好在學校附近的餐廳吃個早餐再回校

我比他們兩個更早到，我先進去餐廳坐下來，根據以往的慣例啊烈應該是最遲到的

果然沒有猜錯，率先到達的是啊武

「又係佢最遲」啊武搖頭

「有邊次唔係咁㗎」我笑說

各位中秋節快樂

今日休息一天