［殭屍/鬼怪/打鬥］《噬魂》我由古惑仔變左做現代道士

人黎

會唔會太多伏線

好多咩？

今晚係咪2篇

樓主有較剪恐懼症

再係咁就有㗎啦

打緊啦，應該打唔到兩篇，我盡出

比心機加油

好！

聽日寫聖誕卡

結果是除了九叔外，我們全部出揼，只有九叔一個出剪

「呃....」九叔看著自己的手

「好彩姐！啱啱有一刻想出剪」英叔笑說

「加油啊九叔！」啊武說

「啊航，幫我洗咗佢」九叔看著我

「下...咁都得？」啊武說

「好啊」我站起來，收拾桌面的東西

「搞錯啊！九叔好茅啊！」啊烈起哄

「師父叫徒弟做野，有問題？」九叔很少直接承認我是他的徒弟，這令我更樂意幫他

我拿著碗筷到廚房

「死仔！冇骨氣！」啊武說

「是但啦，好快洗曬姐」

我真的好快就把碗筷洗乾淨了，之後大家又好快再次進入睡眠

再次醒來時已是下午一點

我拍醒旁邊的兩具「死屍」

「喂！一點幾啦，又話去買校服」

「咁快一點幾...我好似啱啱訓著咋喎」啊武睡眼惺忪的起來

啊烈則沒多說話的直接起來了

「買咩校服啊？你地學人玩cosplay啊？」原來英叔已醒來了

「我地聽日去學校聚會啊」我說

「咁好？真青春」英叔笑說

「佢地話想去啊嘛，咁咪當返去學校行下」我說

之後我們三人梳洗一下後，就出發買校服

「你估下學校有冇變？」啊武問

「緊係有啦，八年喎！」我回答

「應該唔同咗好多啦」啊烈說

我們好快就到達維多利校服

「先生有咩幫到你地？幫小朋友買校服？」店員禮貌的問我們

「呃....唔係啊，係我地三個想買校服」我尷尬的說

店員聽到是我們想買校服後，馬上投以一個奇怪的眼光看著我們，她上下打量一下我們，最後視線停在最高大的啊武身上

「我地參加學校聚會，但套校服唔見咗，所以想買過套」

在我說完原因後，店員才點點頭，眼神也變得正常，順利買到校服

「估唔到我都係著返中六個陣個碼」啊烈說

「我都係，咁都叫keep到啊」我笑說

「但我要著加大碼....」啊武看著手上的校服

「咁你又高又大份，差不多啦」啊烈拍拍啊武

「唉....」啊武低頭

聚會當晚

我跟啊武啊烈準時到達學校門前，一把聲音叫停我們

「喂！咁準時嘅？！」是男班長—王迪

「你都好準時啊」我說

「唔知點解，感覺你地好似唔同咗好咁」王迪打算拍一拍站在最旁的啊武，但他卻偏偏拍向啊武的右袖子

袖子在拍打下晃動，王迪的表情定住了

「呃....我....你....拍..對...對唔住」王迪口窒窒的

「冇事，唔緊要」啊武用左手拍拍王迪，安慰回他，感覺角色好像對調了

「點..點解嘅」王迪看著啊武，表情還是保持著震驚

「意外」啊武輕描淡寫的帶過

然後搭著他的肩膀步入校門

其他同學還沒到，王迪要先去找老師，所以我們就先到處逛逛

「記唔記單野？」啊烈指著去地牢的樓梯

「記得！緊係記得啦，簡直歷歷在目」啊武連點頭

我們下樓梯，走到地牢，地牢的面貌已完全不同，應該是重新裝潢過

「好彩個次有人救咗我地」我看著地牢的事物

「救我地嗰個人....」啊烈回想當天的經過

「啊！」啊烈大叫

「做咩啊？」啊武問

「我諗返起啲野」

「諗起咩啊？」我問

「救我地嗰個係九叔....」啊烈緩緩說出

「認真呢？」啊武也感震驚

「嗯」啊烈點頭

「嘩....依個真係估唔到...」當年的我暈倒了，看不到他們口中的大叔，居然會是九叔

「或者依啲就係緣份」啊烈說

我們回到地面，發覺已有不少同學聚集，王迪和Miss Chan也在其中

「過去？」我問

「過！唔過返嚟做咩」啊武回答

然後自己先走過去，我和啊烈跟著其後

「Miss Chan！！」啊武大叫

Miss Chan馬上轉身

「李梓武！」Miss Chan本來面帶笑容，直至到她的視線看到啊武的手臂

「啊武，你隻手做咩啊....」Miss Chan跟王迪的反應一樣，呆住了

「冇事，意外造成，唔好講啲衰野，好耐冇見，好掛住你」啊武抱了一抱Miss Chan

Miss Chan也抱住啊武

「最緊要人冇事，知唔知啊？」

「放心，冇穿冇爛」啊武拍一拍胸口

「應該差唔多人齊啦嘛？」Miss Chan問王迪

「未啊，仲差一個」王迪回答

咁快寫定？

唔好意思啊今日寫得慢，咁夜先有

算遲 聖誕就黎截晒郵 有排先寄到

已經好耐冇見過聖誕卡

「仲差邊個啊？」Miss Chan到處張望

「歐陽洛兒，佢話佢就到」王迪說

聽到這個名字，我整個人都定住了，她會出席？！她應該不在香港，怎麼...

「佢唔係移民咗㗎咩？點解會返咗嚟嘅？」Miss Chan 問王迪

這也是我心裏的問題

「聽佢講好似已經返咗嚟一段時間」王迪說

「一講曹操，曹操就到啦」王迪指著我身後

腳步聲從後傳來，我的心跳加速

「Miss Chan！！好耐冇見啦！！」

的確是她的聲音.....我慢慢轉過身

「你都仲係咁靚喎」Miss Chan說

「Miss Chan你靚啲，咁多年都keep得咁好」她笑說

她的眼神終於移到我身上，她輕輕的點了頭，之後就走開了

「喂，你女神唔理你嘅」啊武在我身後說

「喂！又亂講野」我向後批踭

「但佢直情好似唔識你咁喎」啊烈說

「可能太耐冇見，尷尬掛」

齊人後，Miss Chan跟我們多聊一下就我們去到雨天操場，開始燒烤

我們一班有二十多三十人，所以分為四個燒烤爐，而洛兒就坐在我對面，但仍然跟我沒有任何交流

不知道同學們是否太長時間沒見面，好像有說不完的話題，一會說說工作、一會說說近況、一會說說大學生涯，有些更已結婚生小朋友

「你地呢？你地三個成晚淨係聽我地講，自己都冇乜點講野」

「呃...我地聽你地講都好開心㗎啦」我說，當我們將我們的經歷說出來你們又會相信嗎....

這些事情不是親身經歷過的話，相信也不會有人相信

「扮咩型啊！講下啦！」

「呃....」我不知道怎說

「或者等我講下我隻手咩事呢」啊武率先出聲

「如果..你唔介意嘅話」

「唔介意！」

原本我以為啊武只會隨便說個理由來敷衍一下他們，不知他真的將事實說出來

「最後隻惡鬼就撕甩咗我隻手啦」啊武說得興高采烈

同學們也聽得十分投入

「嘩！死仔！你又講得幾真㗎喎！幾鬼刺激」其中一個同學說

早就猜到他們不會相信我們的話，只會當作故事聽聽

「你地覺得好聽啊？」我問

「好聽啊，講得幾刺激！」

「咁等我又講一個故仔」

之後我就開始講自己的經歷

「有一個人，佢遇到一次影響佢一生嘅事...」

我的故事比較長，同學們都聽得非常入神，好像親歷其境一樣

「好，故事去到依到就停咗啦」我已說完我經歷過的事

「下！唔好吊我地癮啦！」

「係囉！都未完」

「快啲講埋佢啦！」

「真係冇啦，之後嘅野我點會知」我說

「之後嘅野？你都係作㗎姐！下次約食飯要講埋佢啊！！」

「好，我盡量」我敷衍的回答

說完後，我離開了火爐，到處逛逛，走到去以前常常坐的球場角落，坐下

我坐著發呆，突然有人坐到我的身旁，我轉頭一看，是洛兒！

「你唔食野？」我問她

「你知我唔係食好多野㗎」她平淡的說

「咁....」

「你依幾年過得好辛苦？」她問我

「.....」她看穿了我？

「你個樣殘咗好多」她說

「係咩？！不過應該都係咁靚仔」我笑說

「你...幾時變到咁自戀㗎」她看著我

「玩下姐」我尷尬的說

「我知啊」她終於笑了

「你玩我！？」

「咁耐冇見！玩下唔得啊！你睇下我唔理你，你幾驚！」她的笑容像以前一樣，依然那麼甜美

「邊有驚啊！一啲都唔驚喎！」我連忙說

「係咩？咁我走啦！」她起來轉身

我不自覺地捉住了她的手，她看著我，我馬上放開手

「sorry...」我說

我們再次坐下來

「你點解覺得我過得唔好？」我問她

「感覺嚟㗎咋，覺得你眼神入面多咗一份唏噓」她認真的說

「如果....我話如果啊，如果我話我啱啱食野個陣講嗰啲野都係真嘅，你會唔會信？」

「呃...」她沒說話

「唔緊要，唔信先正常」我嘆一口氣

「咁你呢？點解返咗嚟香港嘅？」

當我問完她後，她的面色一沉

「我....我爸爸前排走咗，咁我同媽咪都想轉換下環境，所以就決定咗返嚟」

「叔叔...走咗？sorry」好像問錯問題了

「唔緊要」她微笑

「咁你依幾年係個邊過得開唔開心啊？有冇人蝦你？有冇人....追你啊？」我的聲線逐漸降低

「開心嘅，都識到一兩個好朋友，以我嘅性格又點會比人蝦啊！你太睇少我啦！哈哈」她雙手叉腰

然後她說接着說

「至於有冇人追我啦喎～～我唔話你知」她開心的笑著

「唉，又玩我啦」我搖頭說

「係咪唔得啊！」她一下拍在我手臂

「啊！又打人！」我叫

多麼熟悉的畫面和對白，今晚好像都回到了當年一樣

慢慢天已入黑

遠處的啊武啊烈並沒有閒著，他們正討論著我和洛兒

「你估佢地會唔會一齊啊嗱？」啊武問啊烈

「應該唔會嘅，航同啊晞一齊緊」啊烈說

「但洛兒係佢咁多年嘅女神喎」啊武以左手托著頭說

「呃....都係，但都應該唔會嘅」啊烈動搖了

「等我影低佢啲罪證先！！」啊武拿出手機，在遠距離的情況拍下我跟洛兒聊天的畫面

「影還影啊，唔好比啊晞見到啊」啊烈提醒啊武

「我依家就send比啊晞！」啊武作狀要傳出去

啊烈伸手去搶電話

「你唔好send啊！死人㗎!」

「你唔好搶我電話！」啊武用力搶回

叮！

在搶奪期間，他們弄假成真，真的把相片傳了給夢晞，而且還馬上藍剔了，現在刪除也沒用了

「大鑊....」啊武看著手機

「叫咗你唔好玩㗎啦！」啊烈用手拍一拍前額

「咁依家點啊？」啊武問

「我唔知啊，你自己同啊航解釋」啊烈想置身事外

「唉...大鑊」啊武搖頭

此時在家的夢晞

「啊！！邊個嚟㗎！！點解啊航會同個女仔坐到咁埋㗎！！」

九叔和英叔看到相片後就猜到相中人是洛兒，但他們沒有說出來

「唔得啊！我要去佢學校搵佢啊！」夢晞激動的說

九叔英叔見狀立即阻止夢晞

「冷靜啲先！應該係普通同學嚟㗎姐」英叔說

「坐得咁埋喎！」夢晞說

「都唔係好埋姐，唔好亂諗野」

「九叔你講句公道說話！」夢晞問九叔

「我？我覺得...」

畫面先回到學校

啊武啊烈走到球場旁邊，揮手示意叫我過去

「啊武叫我，我過一過去先」我跟洛兒說一聲就起來

我走近啊武

「做咩啊？」我問

「呃....咁樣嘅，啱啱呢...我呢..就..」啊武吞吞吐吐的說話

「講啦，做咩啊」我說

「佢啱啱貪玩影低咗你同你女神傾計比啊晞」啊烈說

「下？！搞咩啊？！」我驚訝

「喂！唔係你搶我手機會send出去咩！」啊武反駁說

「我叫你唔好玩㗎啦！」啊烈

「唉！唔好嘈啦...唔send都send咗啦，我反去再解釋啦」我無奈的說

然後就轉身回到洛兒身邊

「你個樣做咩咁頹？」洛兒問我

「冇，冇事啊」我搖頭說

「你諗住係我面前講大話？」洛兒看著我

「唉...」

之後我將實情告訴洛兒

「哦....驚女朋友嬲」洛兒的表情有點奇怪

「係啊...」場面馬上變得有點尷尬

突然！！

學校的燈閃爍起來

「喂！啊航！」啊烈叫我

「得，我知」我點頭

「洛兒，你返過去先」我嚴肅的跟她說

洛兒見我表情如此認真，就乖乖的回到燒烤爐那邊

「搞咩啊，好好地食餐飯都唔得....」我無奈的說

「但無理由學校會有野㗎喎」啊武說

「可能係跟我地嚟....」啊烈到處看著

「唔會掛...」我說

燈，全關了

「嘩，搞咩啊」

「係咪有特別活動啊？」

「幾浪漫啊」

「Miss，搞咩啊？特登㗎？」

同學們都開始起哄

「我都唔知咩事啊，學校冇通知我啊」Miss Chan澄清自己也不知情

「唔理咩事都好，保護啲同學先」我跟啊武啊烈說

「好！」

天，開始吹起狂風，地上的落葉都被吹起

「嚟料啦，準備啦」我們走到同學們和Miss Chan旁邊

「但我地冇架撐係手喎」啊烈想起

「都冇辦法，搵下學校有冇啲有用嘅野」

食蕉兄又咁快手

唔算快啦

寫緊聖誕卡啦？

寫完

咁快手？

今年寫得少

寫比朋友？