［殭屍/鬼怪/打鬥］《噬魂》我由古惑仔變左做現代道士

「等陣！」英叔突然大叫

「做咩啊？」我問他

「你話你另一個兄弟叫啊烈，但上次大學保安單野，你打電話叫嚟個條友我記得又係叫啊烈喎」英叔想起

「係啊，但佢地唔係同一個人嚟，只係個陣我同啊武經過球場，見佢著住校服比人打，咪過去睇下佢點，後來知道佢叫啊烈就覺得同佢好有緣，後來收埋佢做細佬，佢都幾做得野嘅」我解釋

「諗住周圍招攬門生就招攬門生啦，扮曬野」英叔說

「招....九叔可唔可以用上次個招魂符試下搵啊武？」我突然想起

「招魂符係用嚟招鬼㗎，搵唔到人，除非你覺得佢已經死咗」英叔幫九叔解釋

「試下啦...我都想知啊武係生係死」我確定要這樣做

「既然你想，可以試下」九叔起來，去太極門內拿出符紙

「茅出靈童，將魂帶路，現！」九叔作出手印

九叔的食指發出紅光，手在震，額頭開始冒汗，良久，九叔放下手

「呼....」九叔深呼吸

我有不祥的預感

「啊武已經死咗？」我按耐著情緒問

「未，不過...」九叔一臉疑惑

「不過咩啊？！」我緊張的追問

「靈童探到嘅唔係人」九叔嚴肅的說

「唔好玩啦，未死又點會唔係人啊？」我心裏多希望九叔是在說笑

「冇同你玩，靈童探到嘅係一個陰氣極重嘅人，人係冇可能咁重陰氣」九叔否認玩笑

「咁....啊武係咩？」我無奈的問

「唔知」九叔搖頭

到底啊武發生了什麼....

一條幽暗的後巷，角落處站著一個身穿黑色長袍的人，靜待時機，狙擊獵物.....

翌日清晨

嘟嘟嘟....電視聲傳來

「依則係特別新聞報道，警方於昨日接獲報案，指有市民係西貢海上發現一具乾屍，係本月第三十宗乾屍發現，發現屍體嘅地方佈遍全港各區，警方發言人指唔排除當作連環謀殺案處理，另外警方呼籲市民晚上盡量留在家中，避免意外發生，特別新聞報道完畢」

「係海上面發現乾屍？咁奇怪嘅」吃著夢晞溫暖牌早餐的我說

「淨係聽到一個月三十單已經知有古怪啦」一早已吃飽的英叔攤在沙發說

「我地洗唔洗查下？」我問九叔

「唔洗我地啦！西貢咁遠，個邊嘅同道人自然會查㗎啦」英叔說

「今次佢有道理」九叔難得認同英叔的話

「咁好啦」我也只好認同

「你地食飽啦？」夢晞在廚房出來

「我好飽啦」英叔回應晞

「我都差唔多啦」我對著晞微笑

九叔點頭示意飽了

「好啊，咁我收埋啲野啦」夢晞微笑著說

「唔該曬～」我夢晞說

「傻佬」夢晞推了一下我的臉

夢晞回了廚房，把碗碟清洗一下，我突然想到一個事情

「乾屍...」我喃喃自語的

「你口噏噏做咩？」九叔問我

「我突然間諗起秦屍，啲乾屍會唔會係佢做？」我說出我的想法

「唔出奇啊，佢話就話唔會搞事，但邊個知佢諗緊咩」英叔說

「可能性都幾大」九叔想了一下後回答

「咁...我地應該點做？」我問

「我地依家未知佢目的，未知佢揀嘅人有咩特別，要睇定啲先可以做決定，加上我地加埋都未必係佢手腳」九叔說

「咁又係，佢個次好似好輕鬆就搞掂曬我地三個......」我回憶當天的經過

「唔係好似...係真係好輕鬆」英叔的語氣也難得不輕浮

「如果今次真係要對付秦屍，得我地三個唔夠」九叔認真的說

「咁我地可以搵邊個幫手？你地有同其他門派嘅人聯絡㗎！」我問

「我就有一兩個，佢就肯定冇」英叔指九叔，之後接著說

「不過我識個兩個搵嚟都冇用，佢地對付鬼仔可能都仲得，但秦屍，哈！幫佢地準備家棺材都得啦」

「咁樣講人都有嘅」我用鄙視的眼神看著英叔

「咁樣望我係咪搏打！」英叔把沙發上的咕𠱸掉向我

「九叔，咁你意思係上次個萬十方？」我望向九叔

「嗯，仲有佢師父，佢師父能夠教出一個咁好嘅徒弟，應該都唔簡單」九叔說出想法

「咁我地可以點搵佢地？」

「咁依個易好多，如果對方都係學道之人嘅話，我地可以用玄光術搵佢，唔同你個fd咁....」英叔說到一半停了，並看著我

「唔緊要啦...」我說

九叔搖頭嘆氣

「咁我地搵萬十方，同佢講大概發生咩事先？」我問九叔

「好，不過等啊晞返咗過去先」九叔說

過一會後，夢晞從廚房裏出來

「終於搞掂曬」夢晞搖手上的水擦在我身上

「點解要咁做呢？」我呆著望她

「因為我想」她露齒笑

「咁好啦」我也傻笑起來

九叔突然乾咳一下，我明白他的意思

「晞啊，你今朝餵咗啊B未？」我裝作不知的問她

「餵咗啦，一起身就餵咗啦」夢晞回答我

「唔係呢，我記得好似未呢，你過去睇下啊B有冇喊啦」我起來推著夢晞回隔壁

九叔見我推著夢晞走了就拿出玄光石，作出手印，唸出咒語

「玄光借鏡，千里傳話，令！」

一個圓形的影像在九叔面前出現了，先是模糊一片，然後慢慢變得清楚，直至一個男子的身影出現在圓形影像裏

環保遠距離通話

唔洗電話

那男子睡眼惺忪的看著玄光鏡，那男子正是萬十方，一個靈力高手，而這時我剛好回來

「邊個咁早搵我啊....」他在床上坐起來

「你記得我地？」九叔問他

「邊個啊...」萬十方用手搓一搓眼後再看

「哦～我記得，你地係北門派嘅人啊嘛，咁早搵我咩事啊？」

「有件事想同你講，亦想你幫我地傳話比你師父」九叔說

「你想講秦屍破關嘅事？」萬十方已一早知道？！

「你點知㗎？！」英叔驚訝的問

「我師父一早就算到啦」

「一早算到？」我問，我應該沒聽錯吧？這些事都能算出來？

「呵～我師父有名玄天神算，冇咩係佢算唔到嘅」他打著呵欠說

「咁你地諗住點對付佢？」英叔問他

「佢話唔會多事，所以...再見」萬十方作手印把玄光鏡弄散了；所以他的意思是拒絕幫忙？...

「喂....」英叔想叫停他也趕不及

「小心！突然好重陰氣」九叔擺好作戰的姿勢

「依股陰氣....」九叔欲言又止

「走咗啦」九叔放下手

突然！

夢晞的尖叫聲從門外傳來，我馬上跑出門口，看看發生什麼事，一拉開鐵閘....

居然有一具乾屍放了在門前

「啱啱個股陰氣...」九叔說

「擺明係想比下馬威我地」英叔叉著腰說

「咁....咁我地係咪..應該報警？」夢晞被嚇到了

「唔洗，報警都冇用，搵塊布包住佢，拎上天台燒咗佢」九叔說

「𡃁仔，你陪啊晞返去先，等我地搞」英叔揮手叫我走

「好！」我點頭，之後就拖著夢晞的手，帶她回房內，安慰著她的情緒

九叔在房中拿出一塊大布，把乾屍包住了，英叔就負責把乾屍拿上天台

「一路好走，安息啦」英叔拿出一張符紙，用食指和中指夾住，一轉！符紙馬上燒起來

然後英叔把正焚燒著的符紙拋到乾屍身上，原本橙紅的火焰在掉到乾屍身上後變成青藍的，英叔的表情出了一絲改變

乾屍被燒得只剩下灰後，英叔就回到家中，不久後，我也回到家中

「啊晞點啊？」英叔問我

「冇咩嘅，嚇親下姐，啱啱喊住瞓著咗，所以我返過嚟先」我說

「 你睇唔睇得出？」九叔問英叔

「睇到，南陽嘅人」英叔點頭

「啱啱條屍係南陽派嘅人？」我問

「嗯」九叔點頭

「依排出面都好多消息話有唔少術士人間蒸發」英叔接著說

「即係，好大機會依排比人發現嘅乾屍就係佢地」九叔凝重的說

「到底秦屍做緊咩...」英叔抓抓頭

「唔知，可能吸緊陽氣同魂魄，去鑄煉佢個身體」九叔說

「如果真係比佢鑄煉到就仆街啦，天下大亂...」英叔搖頭

「隨時玩多次統一六國...」我說

「你地唔好瀨落朕到，唔關我事」聲音是從門外傳來的

這聲音是....

九叔上前開門，我和英叔也站起來迎接這位「貴賓」

門打開後，鐵閘外站著一個身穿暗紅色西裝的男人

「秦王？....」九叔愕然的問

「居然仲認得朕？」秦王看看自己的裝束

「你係秦王？！」我驚訝

我不認得他的原因是，他已經有一具乾屍變為正常人的模樣，因此更難想像這陣子的乾屍案不跟他無關

「睇唔出？朕嘅依身打扮如何？」秦王張開手，讓我們品評一下他的衣著

說真的，他身上這套西裝確實不錯，一看就知高級貨，暗紅西裝外套、西褲，黑馬甲，白恤衫

「你嚟做咩？」九叔開門見山的問

「朕知道你地一定以為最近嘅事係朕做嘅，朕今日係嚟幫自己澄清一下」秦王雙手放在後腰

「我就唔會信啦」又一把聲音傳來

這次是萬十方！！

秦王係咪好人黎
真係有果種天下我有嘅feel

應該唔會特登出黎講大話

睇落去就知㗎啦！！

有就好啦！我就係想佢有依種感覺！

可能就係咁呢

終於追到live!!!加油樓豬

多謝支持！

張風？

Sorry覆錯post

萬十方師傅好似怪怪地
又話唔理 但個徒弟又出黎

出多1,2篇好冇，好想知有冇估錯萬十方先係衰人

萬十方依舊戴著口罩，身穿純黑長袍，留著長髮，綁了一條馬尾

「你係邊個？朕唔識你」秦王疑惑的看著萬十方

「在下萬十方啊秦王」萬十方微微鞠躬，拱手

「嗯，依係年青人唔錯，但你剛才係話唔信朕？朕有冇聽錯？」秦王先是欣慰的點頭，繼而再問

「冇啊，我係話唔信你」萬十方點頭說

「願聞其詳」秦王整個人轉向萬十方

「應該係因為我唔想信你」萬十方笑說

然後突然衝上前攻擊秦王

萬十方跳起，往秦王飛踢，秦王舉手擋住，然後捉住萬十方的腳，拉向自己，繼而舉起手踭，想借助衝力擊到萬十方

萬十方反應不慢，將整知人向後靠，避開了踭擊，他雙手按地，撐起來

「動作幾快，唔錯」秦王點頭

「都快㗎！」萬十方一站穩腳步就再次出擊

這次他揮出右拳，秦王本想舉手去擋，但他不知萬十方是結界高手，萬十方的左手在右手揮拳的同時橫揮了一下，把秦王的雙手都用結界封住了

萬十方趁機不停的向秦王身上揮拳，直至...秦王吐出一隻牙才停下來

「年青人，唔錯啊」秦王臉上已瘀青，嘴角亦有血

「都冇師父講得咁犀利姐」萬十方雙手叉腰說

「你師父識朕？」秦王問

「識掛，我都唔知，但聽佢講秦屍係好犀利，係陵墓吸足咁多年天地靈氣，已經非人間天上之物」萬十方說

「 朕應該知道你師父係邊個啦，幾十年老朋友，好耐冇見」秦王笑說
因為
「我理得你識唔識我師父！」萬十方再次衝前揮拳

但結果並不如萬十方所想的，他的拳揮到秦王面前時，秦王雙手輕輕一握拳就掙破了萬十方剛才的結界

秦王一手拉萬十方的右手，一手按著他的臉

嘭！！

萬十方被狠狠的按在地上，口罩也脫落了，秦王再在肚上加一拳

「啊！！！」萬十方瞬間口吐鮮血，連他也那麼簡單就輸了.....

「小朋友，你好有天份，會係可造之材，繼續努力，好好跟你師父學習」秦王淡然地微笑著說

「仲有你」秦王突然指著我

「我？！」我嚇一跳，為什麼要指著我？！

「你都要好好努力」秦王擺出一個意味深長的笑容，然後就轉身離開了

「同埋朕講多次，乾屍嘅事唔係與朕無關」這次秦王真的走了

萬十方亦慢慢把自己撐起來

「啊....」他雙手撐地，咳嗽著

「你點啊？」我上前扶他

「冇事...只係估唔到差咁遠姐」萬十方按著肚說，看來剛剛那一拳不輕

「入屋再講」九叔說

我扶著萬十方進屋，讓他休息一下

「你又話唔會多事嘅，點解會突然出現？」英叔問他

「我師父話佢唔多事姐，但冇叫我唔好多事啊嘛」他說

「但你明明啱啱仲係屋企，點解咁快會嚟到」我非常好奇這問題

「好簡單姐，上次我走個陣係下面中庭留低咗張符紙，只要我幾時想嚟就可以隨時嚟到」他解釋道

「即係瞬間...轉移？」我疑惑的問

「類似啦，其實只係用身外化身嘅原理創作出嚟嘅道術，好普通」他居然是覺得普通...明明就是一招神技，可以瞬間去到想去的地方

「後生仔真係有前途！唔似我隔離依個」英叔指著我，我馬上盯著英叔

「不過依招嘅缺點就係一定要貼咗特製符紙嘅地方先可以去到，唔係你想去邊就去邊」萬十方搖著頭說，是對自己不滿嗎？....

在我心中他已經是神人

但就在剛剛，這位神人被秦王兩招打倒了.....到底秦王是有多強

「可唔可以問你師父點解唔想出手？」九叔發聲問萬十方

文到啦！！

唔緊要

咁大懞呀ching

乾屍應該係阿武做 應該係比人利用
會比返隻手佢之類嘅交易

我咩都唔知！

唔知㗎

口裡說不

快啲推進度啊，等左咁撚耐先到主線