［殭屍/鬼怪/打鬥］《噬魂》我由古惑仔變左做現代道士

推

推到上熱門

多謝支持啊！中意睇就好啦

支持樓主

多謝支持

「我亦都好多野講，如果大家想搵人傾計可以搵我㗎」他全程擺出自信的笑容，坐下

到第三個

「張一烈，叫我啊烈」這個啊烈的人沒有站起來，只是揮一揮了手

之後其他同學也陸續介紹自己，直至一個吸引我目光的人站起來

「早晨～我叫歐陽洛兒，個個都話我中意笑」的確她的臉上掛著一張甜美的笑容和漂亮的臉蛋

中學正直青春期，大家都喜歡漂亮的異性，班上的男生基本上全都望向她，當然包括我在內

大家都正式介紹完畢後，班主任開始講解未來上課的事項

噹— —！

小休時間

那時孤僻的我自己一個坐在操場角落的一張長椅上

「做咩自己一個坐埋一邊啊」一把聲音傳來

我轉看，是坐我後面的李梓武，我沒回應他，但他卻坐下了

「咁好天，不如打下波啦」他看著天空

「我唔識打」我開口

「打打下就識㗎啦，邊個一開始就識打㗎」他態度非常熱情，令我也不知怎麼拒絕，正當我準備回答時

張一烈也坐到長椅上，我跟李梓正同時望向他

「望咩姐望，坐下唔得？」他蹺著二朗腿，雙手手踭搭在椅背上

「得」我以單字回應他

「咁仲打唔打波？」李梓武問我，我還未回答，他又轉頭去問張一烈

「咁你呢？一齊打波？」

「打波唔係問題，問題係小息得返五分鐘，下個小息再打啦」說完後，張一烈就起身離開了

「咁好啦！下個小息打波啊」李梓武大聲說

張一烈揮一揮手，應該是示意：好

「咁我都返上去啦」我站起，離去

李梓也跟著離去

「我見你啱啱眼甘甘咁望住嗰個歐陽洛兒喎！係咪咁快就中意咗人啊」他突然說出這句，把我嚇一跳

「喂！唔好亂講野，第一次見面咋喎，中乜意啊」我馬上否認

「唏！扮咩啊，佢咁靚，係男仔都中意㗎啦」李梓武擦擦鼻子

「我邊有資格中意人啊」我低頭輕聲的說

「點解咁講啊，點解冇資格啊」他問我

「你咁都聽到？！」我驚訝

「聽到啊，咁點解冇資格中意人啊？」他再問

「.....我咁肥，邊會有人中意㗎」

「傻嘅，肥咪減囉，我幫你！」他拍一拍胸口，然後咳了幾下

「點減啊.....話咁易咩」我頹然的說

「好易㗎咋！多啲同我打波、跑步就得㗎啦」

就這樣，在他的熱情下，下個小息真的跟他一起打波，而張一烈也真的過來了

「估唔到你真係會來打波喎！」啊武把籃球拋給張一烈，張一烈運球兩下後射波，入！

「我講得出做得到嘅」張一烈叉著腰

「你都打得唔錯啊，咁我地一齊教佢打啦，佢唔識打啊」啊武指著我

「好」張一烈點頭

從這開始，我們差不多每天都一起打球，開始變得熟絡

「好啦同學仔，我地今日調位」班主任Miss Chan 拿著新的座位表進入課室

「下？！」

「唔係啊嘛！」

「啱啱先熟少少，又調」

「唔好啦....」

「好啊Miss！快啲調」

只是一句調位，就能令班上同學起哄

反而我、啊武和啊烈都沒太大反應，雖然是習慣了我們「三劍客」坐在一起，但反正放學後我們也是會聚在一起的，所以調去哪裏也沒所謂吧

「好啦好啦，殊～唔好嘈啦，開始調啦」Miss Chan把食指放在嘴前

「歐陽洛兒去第二行第一個位，陳穎欣去第四行第一個位，陳明去第三行第四個.......好啦，最後李梓武你太多野講啦，坐去最後一行最後一個位」

「有冇搞錯啊Miss.....坐咁後好悶喎」啊武抱怨

「冇啊～冇搞錯啊，快啲坐好」Miss Chan揮手示意啊武坐下

「好啦～搞掂啦，咁依個就係大家嚟緊嘅座位啦，好好同隔離同學相處啦」

我的座位沒有改變，還是坐在第一行第一個位，而坐在我旁邊的就是「班花」歐陽洛兒，她的座位是第二行第一個位

她發現我看著她，禮貌地點頭，我也跟著點頭

我望向啊武和啊烈的方向，發現原來他們坐得很近，只隔着一個位

他們兩個知道我看着他們是什麼事，啊武用手指一指我，然後做出擁抱的動作，而啊烈嘟起嘴，指著歐陽洛兒，示意叫我親她

他們倆知道我喜歡歐陽洛兒，故意在耍我

「你地收皮啦」我對他們做出口型，他們相視一下之後大笑

而我跟歐陽洛兒的氣氛就十分尷尬，因為由開學到學期都過了一半，我跟她都沒有說過一句話，現在坐在旁邊，難免會尷尬

「我叫陳天航啊」我鼓起勇氣率先開口，我怕她不記得我的名字，所以第一句就先介紹自己名字

「我知啊，我記得」她看著我笑

我瞬間有心動的感覺

「居然會記得我個名？」我輕聲的說

「記得啊，因為我覺得個名幾好聽」她又笑了

這句話加上這笑容，害我都面紅了

「咁你記唔記得我個名先？」她問我

「記得！歐陽洛兒啊嘛」我超快的說，說完才發現好像反應太大了.....會不會嚇到她呢

她沒有說話，只是看著我在笑，害我也有點尷尬

在課堂上她斷斷續續也有跟我說話，比我想像中還要親切，這已足夠令我開心足一天了吧

拜托！！千萬別再調位啊！就這樣到畢業吧！！

放學時間

「咁聽日見啦～再見」歐陽洛兒拿著背包起來

「好啦，拜拜」我揮手

啊武和啊烈突然從後箍實我

「嘩！死仔！同人地好熟咁喎！」他們捉住我不停的捏我

「邊有啊！傾下計咋嘛」

「你睇下你個樣淫到！！」啊烈指著我的面

我馬上低頭

「咁都仲話冇！扮曬野！快啲去打波！唔減肥點溝女啊！」啊武扯我起來

說真的，我心裏是非常開心的，今天終於成功跟她有交流了，真的想也想不到，居然會是在班主任的助攻下，成功跟她有了接觸

時間飛快..

轉眼間就到了中一的學期尾聲，我也如願以償，一直都沒有再調動過座位，我跟歐陽洛兒也因此變得十分要好

「肥仔，你覺得自己考成點啊？」

肥仔是她獨有的叫法

「唔知㗎，盡咗力就算啦，我對讀書都冇興趣」我托著頭

「努力啲啦你，成日都懶懶閒咁」她拍我頭一下

「又打人」我盯著她

「鬼叫你咁懶啊！抵打」她吐一吐舌頭

「好好好～努力啲」我坐直

「咁先係㗎嘛！」她點頭

今日出咗去食飯停一更

「真係估唔到我竟然會全部合格！」我拿著考試卷，興奮的說

「車～唔係我嘅話，你會咁努力讀書咩！」歐陽洛兒叉著腰抬頭望我

「係係係～全靠有你」我搖頭說

「依家做咩啊，講到好唔滿意咁喎」她盯著我

「冇冇冇！好滿意！好開心！」我做出一個露齒笑的表情

她也跟著笑

「係喎，仲有幾日就放暑假啦喎，諗住去邊到玩啊？」她問我

「冇啊....我都好難出去玩嘅」

「呃...係喎...一時唔記得咗添，sorry啊」她一時忘了我住的地方不是常常可以出外

「冇事～」我微笑

「咁你呢？暑假會去邊到玩啊？」我問她

「我爹哋話會去日本！我想去好耐㗎啦！上次去個陣冇食到和牛！！！」她興奮的說

「有得去旅行真係好～我一次都未去過」我看著她的笑容，就知道她的回憶是多美好的

「有機會嘅！第日你搵錢咪可以去囉～」

「我有錢就請埋你去」我拍一拍胸口

「好啊，我等你㗎啦」她笑說

「水好！」
田
而就在今晚，我的生活出現了一個頗大的轉變

兒童之家的電話響起

姑娘拿起電話，說了一會，掛電話後就進了總監的辦公室，然後總監就走近我

「航仔」他搭著我肩膀

「做咩啊總監」我有點好奇是什麼事

「依幾年覺得住得開唔開心？」

「呃....有開心冇唔開心啦」我也不知怎回答

「嗱，咁你以後都同我記住依到嘅開心野，忘記曬唔開心嘅，好好生活」

「下？姐係點啊？」我不懂他的意思

「啱啱有個電話打嚟，係你啊姨，佢係外國返嚟，決定聽日就帶你返屋企」總監說出令我原地發呆幾分鐘的話

「依家我返去準備下你走嘅文件先，慢慢接受下件事，有咩諗唔通嘅就搵我啦」總監拍一拍我背就回到自己的辦公室

我就依然站在原地，有點不敢相信，有家人要把我接走？

我也記不起自己有一個啊姨....是真的？

這晚我徹夜難眠，一直在想着自己真的可以離開這裏了嗎？

明天就會知道

由於我整晚沒有睡覺，因此我一大早就回到學校，而我的黑眼圈比平時大了一倍，整個人都無精打采的坐在課室裏

不久，啊武亦回來了，他平常都很早回來學校打球的

「今日咁早嘅.....嘩！你搞咩啊？個樣殘到咁」啊武看到我後驚訝

「唉...冇瞓教啊」

「搞咩啊」

我將整件事都告訴啊武，啊武聽後

「咁咪好囉！唔洗住嗰個爛鬼地方」啊武比我還要大反應

這時啊烈也回來了，一手拿著袋，另一插入褲袋

「嘩，你地咁早」啊烈嚇一跳

之後我又將事情說了一遍

「好事，唔洗煩，又有屋企人照顧」啊烈跟啊武的想法差不多

「都係嘅....只係一時接受唔到姐」我趴在桌上

「有咩諗唔通就同我地講啦， 我地實撐你嘅」啊武說

歐陽洛兒站在門口，敲響課室的門

「嗯～唔知我有冇阻你地呢？」她走進課室

「冇冇冇！點會，咁我地將佢交比你啦」啊武笑看著洛兒，手在拍我，然後扯著啊烈回到座位

「交比我？你地傾咩啊」洛兒坐下

「冇啊，普通野咋嘛」

「原來有個啊姨要接你返去都叫普通事」她看著我

「呃......你聽到曬？」

「嗯哼」她點頭

「唉....」我低下頭

「原來咁重要嘅事都唔諗住同我講嘅！仲話好朋友！死肥仔！」她鼓起面，把頭轉向另一邊

「呃....唔係啊，只係我自己都仲好亂啊，所以諗住遲啲先講嘛」我緊張的說

她用眼尾看一看我，然後大笑起來

「玩下你咋！傻仔！我邊有咁小氣啊」

「我幾驚你真係嬲啊...」我真的嚇到了，我怕她生氣不理我了

「你唔講實有你嘅原因嘅，我點會嬲你啊」她說

「咁就好啦」我放下一塊心頭石，但另一塊就要等放學才有分曉

這一天也特別的漫長，好像過了久一樣，但就一直還未放學

膳後的午休時間

我又坐在操場角落的那長椅上，在腦海中幻想我的那個啊姨是什麼樣的，是溫柔的還是很惡的，千萬種想法在腦裏閃現

「諗咩啊諗，今日放學返到去你咪知係點㗎囉！」啊武坐到我旁邊

「唉，我都知，但邊有咁易話唔諗就唔諗啊」我說

「咁既然諗完都唔會知道結果嘅野，諗嚟做咩」果然啊烈也到了

文到啦

點解最後大個左無左阿烈？唔通最後佢"勾義嫂"所以"消失"左？
期待新一集..........

多謝支持！！
啊烈嘅去向.....

「........」我知他們說的都對，但我真的不知道怎回應

「唉！唔好諗啦！打波啦」啊武突然站起來

「我去拎波」啊烈也起來，走向球架

「打波啦」啊武拉我

「好好好！」我被啊武扯了起來

就這樣，被啊武他們拉著打球，不過就因為有他們，我的生活有了改變

終於到了放學時間，我拿起書包準備離開課室

「肥仔！」洛兒突然叫住我

「咩事？」我回頭看她

她伸手給我一張紙

「上面有我電話號碼，有咩事記得打比我」我接過紙後，她就走了

我呆在原地

定神一看時，才發現啊武啊烈在旁邊看著我笑

「笑咩啊！」我問他們

「有女神主動比電話人啊！」啊武擺出醜陋的表情

「唉，肥仔都溝到女，我地兩個....」啊烈搖頭

「你地唔好亂講野啊！一陣比佢聽到啊！！」我用掩著他們的嘴

但我不知道的是洛兒就在門外，都聽到了我們的話，她若有所思的轉身離去

我跟啊武他們多說兩句後就離開學校

好快,我就回到宿舍

我一回到去

「航仔！你啊姨到咗啦，快啲過嚟啦！」總監已在門口等我

「咁快？....」我還沒有想好應該怎麼面對他們

「你唔想快啲見到屋企人嘅咩？」總監問我

「嗯...」我點頭

去到總監辦公室門前，總監敲一敲門，開門

打開門後，步入我眼簾的是一位年紀約三十的女人，她的氣質優雅、衣着得體，她看著我笑

「你就天航啊？咁快咁大個仔啦！」她站起來

「我地有見過咩？點解我冇印象？」我疑惑的看著她

「有，不過你個陣好細個，啱啱出生冇耐」她雙手放在我肩膀上

「咁點解咁耐先嚟接我？」我直接問她

「航仔，唔准咁冇禮貌」總監在旁說

「唔緊要」啊姨蹲下來看我

「係啊姨唔好，係你好細個個陣我就跟住你姨丈移民去咗外國，家姐走咗個陣我英國個邊啲生意出咗啲問題，真係行唔開....」

「咁我老豆走個陣呢？」我再問她

「.......」她呆一呆

「個陣你表哥都係外國走咗...」這一句她面有難色，應該是真的

「對唔住.....咁遲先嚟接你」她眼有淚光的看著我，然後抱著我

這一刻，好像感受到沒有了很久的溫暖...

如是者，在跟啊姨簽好文件後，我就跟她回家了

由我住進兒童之家的一刻開始，我就很抗拒這地方，加上又有一群小惡霸在這裏橫行霸道的，但真的猜不到在我步出大門時，我居然會對這裏有一絲不捨的感覺...

我跟啊姨回到她在香港的住處，是一橦獨立村屋，三層連天台的那種

「咁大間，我地兩個住？」我問

「唔係啊，你姨丈應該煮好飯等我地㗎啦」啊姨看著我溫柔的笑

開門

「我地返嚟啦～」啊姨往屋裏喊

「咁快嘅？！」一男人從廚屋把頭伸出

他留著一頭清爽的短髮，濃濃的眉毛，筆直的鼻梁，親切的笑容，看著應該也是一個不錯的人

「簽咗啲文件，好快就搞掂」啊姨走到那男人身邊，把他拉向我

「依個就係我姨甥仔，天航啦！」

「天航你好啊」男人向我揮手

「姨...丈？」我說

「係啦！冇錯！我就係你姨丈啦！乖仔！」他想伸手摸我的頭

我下意識的退後了一步

「唔緊要，天航你去洗個面先，我好快煮完就出嚟，好快有得食」

「老婆，帶天航去洗個面先啦」

廚房傳來水灑在地的聲音

「啊！！我煲湯啊！！」他跑回廚房

「你姨丈就係咁大懵嘅人嚟～蠢下蠢下咁，好啦，帶你睇下間房先」

成日都見到食蕉
搵到工未呀？

「依到就係你間房啦」啊姨打開房門

這房間比我想像中的大，裏面放了一個大衣櫃，一張已放著電腦的電腦椅桌，一張四呎床

「咁大間....」我呆住了

「傻仔嚟嘅，你好快就會住慣㗎啦」

「好啦，去洗手、洗個面就落去食飯啦」

去到飯廳

「好啦好啦，開飯啦，不過唔知你啱唔啱食啊，唔啱食記得同我講啊，話比我知你中意食咩」姨丈友善的跟我說

我點頭示意

這餐毫無疑問是非常尷尬，他們不停的問我問題，想多了解我一點

但我真的有點不知道怎麼回答，所以有一些我直接沒回答就算了

到我回了房間，準備睡覺時，啊姨敲擊我房門

「天航，我入嚟啦」她慢慢打開門

「啊姨，做咩啊？」我坐起來

「天航啊，你唔好怪你姨丈啊，可能你會覺得你姨丈好似太緊張你，我諗應該係因為前幾年你表哥走咗，佢先會咁」啊姨坐在我床邊

「其實表哥係點走㗎？」

「佢.....佢係幾年，同一班朋友去海邊玩，佢班朋友用獨木舟扒咗出海，你表哥因為冇佢地咁叻，比佢地拋離咗好遠，最後一個大浪....佢就冇再返過嚟」啊姨神色哀愁

「對唔住...」我不應該問起嗎？

「唔緊要，都過咗去啦」啊姨淚中帶笑

「我會盡快適應」我跟啊姨說

「好～」啊姨開心的笑了

第一天過去了

翌日，回到學校

「肥仔！點啊點啊？！」是洛兒，她比我早回到學校

「咩點啊？」我故作不知道的問

「扮曬野啊嘛！問你琴晚係新屋企人點啊」她打了我一下

「點解你個樣咁斯文，但係成日打人㗎....」我看著她

「你唔好咁多野講啦！快啲講下琴晚點啦！！」她拉著我的衣服搖我

剛好在這時候，啊武回到課室門口

「嗯......你地當睇我唔到啦」啊武飛快的跑過，回到座位

「停...手...啦！」我連忙說

「我唔理啊！快啲講啊」洛兒繼續搖我

「好...啦...好啦，我...講啦」

洛兒終於停手了

「好啦，咁你講啦」

「你真係呢....」

之後我就將昨晚的事情都告訴了她

她邊聽邊點頭

「就咁聽都幾好啊，佢地好似都對你幾好」洛兒捉著我說

「都係嘅，不過真係唔習慣有屋企人....」我低頭說

「好快你就會習慣㗎啦！難得有返屋企人！你要好好珍惜啊！」感覺她比我更緊張

「好啦好啦！知道啦」我點頭

「嗯！咁就乖啦」洛兒笑著說

其實今天就是中一的最後一天，明天開始就是暑假

「話說，咁你係咪暑假會同屋企人去旅行？」我在課堂上問洛兒

「係啊，應該過多幾日就出發！真係去日本！」她興奮的說

「記得買手信比我喎！」

「放心！一定有你份嘅！」

之後，在小休的時間我就將昨晚的事情也告訴啊武和啊烈知道

「正！咁即係暑假你可以同我地一齊打波啦！」啊武興奮的說

「應該就係啦」我說

「就咁睇，暫時都幾好」啊烈蹺起手說

「其實我都覺嘅，不過要啲時間囉」我點頭

「慢慢啦，依啲野都急唔嚟」 啊烈說

「唔理啦！聽日就係暑假第一日，我地三個出去食個飯、打個波！」啊武繼續自己興奮的說

「好好好，就咁話啦」我和議

「好，就咁話」啊烈也出席

就這樣，我們三個正式由校內同學變成了校外的朋友

中學生涯的第一個暑假正式開始！！

我一睡就睡到下午，我打著呵欠到樓下

「天航，瞓醒啦？特登唔叫你㗎，等你放假可以瞓耐啲」啊姨在沙發上

「姨丈呢？」我問

「公司有啲事，佢一返一返咗去睇睇」

「我晏啲會出去同同學打波啊」我走到廚房拿水杯

「好啊，咁返唔返嚟食飯啊？」啊姨問

「我都未知啊，不過應該唔返」我回答

「哦～好啊，有朋友仔一齊玩都係好事」啊姨點頭

我刷牙洗面後，再來到客廳時，啊姨已為我煮好了早餐，放到桌上

「我幫你煮咗早餐啊！快啲過嚟食啦」啊姨向我招手

我走到飯桌，坐下

「唔該啊姨」我看著啊姨說

「唔洗唔該～傻仔」她開心的笑

這時家裏的電話響起了

鈴——鈴——鈴

「喂，邊位？」啊姨拿起電話

「你好啊～姨姨，我係陳天航嘅同學，我啊武，我想搵佢啊」打電話來的是啊武

「好，你等等」

啊姨回頭叫我

「天航！你同學搵你啊」

今日遲咗出咗去食飯，好彩打得切

推

多謝支持