［殭屍/鬼怪/打鬥］《噬魂》我由古惑仔變左做現代道士

咁就真係打慢啲都唔得啦

講緊半夜

咁都好啲

呢排連月更都遲

「佢年紀大啦，依幾年有啲咩都係我代勞」萬十方說

「佢同秦王交過手？」九叔繼續問

「好多年嘅事啦，個陣我都未跟佢學野，應該係話，我都未出世，聽佢講當年佢地係打成平手，最後佢搏埋老命先封印到秦王，去到今時今日，佢冇可能再做多一次」

「原來你師父就係秦王口中三十幾年前封印佢嗰個人...」我驚訝的說

「最衰我依家連佢一半功力都冇，跟本冇可能封印到佢」萬十方懊惱的雙手按著頭

「佢有冇講當年係用咩方法去封印秦王㗎？」英叔問

「用自己嘅魂魄，佢用咗自己一半嘅魂魄去封印住秦王」

「魂魄？！」雖然我不懂，但一聽就知道會是有嚴重後遺症的做法

「自從個次之後，佢嘅身體就變得好差，功力冇咗一大半，佢話依個做法叫「噬魂」，消耗自己嘅魂魄將自己嘅功力推高，一經施展就冇辦法返轉頭」

「不如你帶我地去見你師父，或者仲有冇其他方法可以對付秦王」九叔要求見萬十方的師父

「唔係我唔想帶你地見，係連我都唔知佢係邊，依幾年佢會四周圍去，冇定居之處，好難搵到佢，多數都係佢搵我」萬十方也顯得愛莫能助

「咁....咁你盡量搵佢，搵到佢同我地講聲，唔該你」九叔也只能作罷

「我盡量啦，咁冇咩我走先，有咩再講啦」萬十方站起來

他走到去大門前，作出手印，在我們面前消失了

「佢真係可以就咁消失...」不是親眼到也有點難接受這事實，瞬間移動....

「依個𡃁仔嘅靈力唔係講笑，隨時我地兩個加埋都唔夠佢嚟」英叔說

「咁又太誇張」九叔搖著頭說

「九叔，其實消耗魂魄會有咩問題？」我問

「問題好多，身體會變的好虛弱，功力大減，記憶可能會模糊，嚴重嘅會死」九叔解答我的問題

「咁萬十方個師父都好搏....」

「有啲野去到個一刻就冇話搏唔搏，係需唔需要，可能佢覺得比秦王出關會有好嚴重嘅後果，所以咪咁做」九叔嚴肅的說

「咁又係...」

在之後幾天都沒有收到萬十方的消息，應該還未找到他師父，而新聞則每天報道著發現乾屍，從未間斷

「日日都有乾屍...」我看著新聞報道

「咁落去，好快就冇人出街㗎啦」英叔坐在沙發上

九叔則依舊坐在搖椅上

夢晞從門外進來

「九叔英叔，今晚想食咩餸啊？我一陣同啊媽出去買餸啊」夢晞問他們

「今晚唔洗預我啊，我夜啲出去搵啲老朋友敘舊」英叔跟夢晞說

「你都有朋友？」九叔笑說

「大把啊！邊似你！自己一個過幾十年都得嘅！」英叔反駁

「自己一個不知幾開心」九叔躺在搖椅閉著眼說

「你條友真係傻㗎」英叔搖頭說

「好啦，唔好嘈啦～英叔出去，咁九叔呢？想食咩啊？」夢晞問九叔

「冇所謂，你幫得我決定得啦」九叔依舊閉著眼說

「哦～咁好啦，咁今晚我話事」夢晞笑說

「我一陣陪你出去一齊買啦，重啊」我跟夢晞說

「好啊～」夢晞開心的笑著看我

英叔大約六點多就出門，我問過他，他說是跟其他派別的朋友去大排檔聚會一下，順便可以問一問有沒有關於乾屍案的線索

「啊文，依排有冇野做緊？」英叔問他的朋友

「搵咗份保安做下囉，捉鬼又搵唔到食」啊文說

「係.....？」這一刻英叔的腦海閃過了九叔幫段天後收到的那張支票

「不過，好彩個橦大廈好多鬼，捉都捉唔曬，都叫有啲世藝咁啦」他說

「你咪好，我係學校做校工咋，日日拖地掃地，以前就揸木劍依家就揸木棍」另一個朋友抱怨著

「啊權，依家時勢唔好啊，有份工都叫好啦」英叔安慰他

「淨係講我地，咁你呢？」啊文問英叔

「我？我見返我師弟」

「啊九？！」啊權驚訝

「係啊」英叔點頭

「佢仲有冇嬲你？」啊文問

「應該冇掛，依排都經歷幾多事，應該睇開咗，同埋佢收咗個新徒弟」英叔說

「咦！肯收徒弟姐係睇開咗啦」啊權說

「希望係啦」英叔無奈的說

「話說你地有冇留意最近個啲乾屍案？」英叔開始入主題

「有啊，依排加埋都幾十單啦，都唔知係咩做嘅」啊文說

「我有一次遇過啊，個日我凌晨經過一條後巷，發現陰氣極重，我一行入去睇見到有個黑影閃過，我追佢唔到，之後轉身望就見到有條乾屍係到」啊權說他跟兇手見過面

「咁你有冇見到佢嘅特徵？」英叔問他

「當時太暗啦，咩都睇唔到」啊權搖頭

於是，今晚英叔是得不到有用的資訊

酒過三巡，英叔他們都喝的面紅耳熱，聚會完結

「下次再約啦！下次叫埋啊九出嚟！」啊權喝醉了

「喂，啊權！你醉啦，我送你返去啦」英叔說

「唔洗！我屋企好近！穿過依條後巷就係」啊權執意自己回家，英叔也沒再執著

誰不知，英叔剛轉身走時，後巷就傳出慘叫聲

出現了

有文唔洗剪！

等堆你先瞓

依家可以訓啦

阿權死果幕諗起逃學威龍同達叔打邊爐個fd
又係諗住去攞料 點知轉頭就死左

你唔講唔覺！一講就覺，一模一樣添

英叔馬上轉身，跑入後巷，但也太遲了....

啊權的手腳已被扭得變形，身體在抖動

「啊權！！」英叔大叫

啊權已沒力氣回答，嘴巴在震，眼神裏充滿著驚恐

「到底係咩人！！」英叔大聲疾呼

一黑影從旁走過，英叔追上去，已追不到，黑影在轉彎就消失了，但英叔看到那人是身穿黑色長袍，戴著面罩，綁著一條辮

「係佢？！」英叔激動的說

英叔回頭，發現啊權也消失了

「啊！！！」英叔憤怒的叫喊

這時，他的電話響起

「喂！」

「英叔！快啲返嚟，萬十方話可能搵到佢師父啦！」打電話給英叔的是我

「萬十方嚟咗？」英叔問

「係啊！」

「得！你唔好比佢走！我即刻返嚟！！」英叔掛斷電話

好快，英叔就喘著氣的趕了回來

「英叔！搵到佢師....」我正興奮的想跟英叔說，找到萬十方的師父了

但英叔卻二話不說的突然攻擊萬十方

「你條仆街！！」英叔揮拳打向萬十方

萬十方一手接住了英叔的拳頭

「咩事啊？！」雖然萬十方接住了英叔的拳，但明顯也是嚇了一跳

「啊權係邊？！」英叔激動的問

「邊個啊權啊？」萬十方無奈的問

「仲扮野！！」英叔收回拳頭，再提腳踢向萬十方

萬十方後退避開了

「你冷靜啲先！咩事啊」萬十方不斷後退，躲開英叔的攻擊

英叔沒說話，繼續攻擊著

英叔跳起，雙手按著萬十方的頭，起膝，萬十方及時舉起雙手擋住，英叔腳尖一到地，馬上發力，右手轉為踭擊

看見如此，萬十方馬上將手舉高擋在面前，但奈何英叔使出十成力去打，就算擋住了，自己的手也撞到臉上

萬十方左手彈指一下，英叔的手被結界困住了

「唉....一早應該咁做」萬十方嘆一口氣

「放開我啊！兇手原來係你！！」英叔激動的掙扎

「你話佢係兇手？！」我驚訝的說

「講清楚啲」九叔也上前了解

「啱啱我同啊權佢地食完飯，啊權轉入後巷，突然慘叫，我即刻跑過去，但啊權啲手腳已經比人扭斷曬，之後我見到個人影，我咪追上去，就比我見到一個黑色長袍、面罩、紮辮嘅人！」英叔詳細的說明

聽完後，九叔亦向萬十方投以一個疑惑的眼神，但我卻偏向相信他

「我真係冇做過！」萬十方堅決否認這罪名

「或者...真係唔係佢做㗎呢」我嘗試開口幫忙

「你收聲！」英叔大叫

明顯我開聲是沒有用的，英叔現在情緒那麼激動，根本不會聽得入耳

「唔係佢做」

「我都話叫你收聲！！」英叔看著我

我舉起手，搖頭示意不是我做的，英叔把頭轉過去望著九叔

「好洗望，唔係我講」也不是九叔說的

現場只有我們幾人，不是我們說的，那是誰的聲音....

「十方，帶佢地嚟見我啦」那聲音再次傳來

「收到師父！」萬十方回應

「我已經貼咗符，你可以隨時過嚟」那聲音說

「好！」萬十方笑說

「把聲係你師父？」九叔問

「係啊，咁你地跟我去見咗佢先」萬十方收起鎖著英叔的結界

「英叔，冷靜啲，我地去睇下佢師父講咩先」我行近跟英叔說

英叔沒說話，只點一點頭，九叔走過來我邊，輕聲的跟我說

「去太極門拎定架撐先，保險」九叔把太極門的鎖匙給我，看來九叔也不太相信萬十方的話

「好」我馬上走往太極門拿工具袋，還有我用慣了的彎刀

「行得未？」萬十方問我們

九叔點頭，我們走到萬十方的身邊，萬十方彈指，造了一個大型結界把我們包住了，然後作出手印，一秒間就把我們帶到他師父的所在地

「歡迎各位」是剛剛在家聽到的那聲音，聲音的主人是一位老年人

「係...你？！」九叔看到這人後十分驚訝

「咁多年嚟你地去咗邊.....」英叔也是同樣的驚訝

啱啱收工就出文

加油

我會㗎啦！！

加速！

你確定唔係季更？

「你地仲記得我？」那老年人笑說

「緊係記得....」九叔保持著驚訝的表情

「九，我地冇認錯人啊呵」英叔問

「應該就冇...」九叔說

「九叔，佢係邊個？」我不認識他，但九叔他們這樣的反應，令我很是好奇

「你記唔記得無極門？」九叔問我

「記得，東道西樓，北門南陽，上無極」我對這個印象很深刻

「佢就係無極門嘅掌門，萬天玄...」

「唔係成個門派消失咗㗎咩？！」知道那老年人是誰後，我也感到震驚

「都三十幾年，你地兩個居然仲記得我，九仔，啊英」老年人欣慰地說

「原來你地識㗎？！」萬十方驚訝地問，但沒人回答他

這麼多年沒見也能叫出九叔英叔的名字，看來他們的關係應該不錯

「依個係？」萬天玄看著我

「啊九新收嘅徒弟」英叔幫九叔回答了

萬天玄上下打量一下我，然後點了幾下頭

「到底你咁多年嚟去咗邊啊？！」英叔問他

「說來話長...」萬天玄頓時面有難色

「咁無極門嘅門生？」九叔問

萬天玄黯然搖頭

「咁無極門..」英叔說到一半

「無極門已經唔再存在啦...」萬天玄就搶著說

「我地唔好講無極門啦，入去坐下先」萬天玄帶我們前行

這時我們才留意到身邊的事物，我們應該身處於一個道觀的中庭，是一片大空地，相信是讓門生練功的地方

「依到係....無極門嘅舊址」英叔到處張望

「好多年冇嚟過」九叔一臉慨嘆

「我都係今日啱啱先返到嚟，十方話比我知你地搵我」萬天玄帶我們走過一段路後，來到一大門前

萬天玄推開門，灰塵瞬間四處亂飛，害我不斷咳嗽

「唔好意思， 幾十年冇打理，係咁大塵㗎啦」萬天玄向我道歉

「唔緊要，我冇事...」全場只有我一個人在咳嗽，顯得有點尷尬

進去後，是一個大廳，正中間有一張枱和六張椅子，廳的兩邊安放著兩排武器，各色各樣的都有，短刀長劍，棍戟矛斧，相相俱全，最遠處有一張神枱上面安放著不少神主牌

萬天玄用手輕輕一揮，門外突然吹來一股風，打大廳內的塵都捲走

「你地坐下先」

萬天玄自己走到神枱面前

「列祖列宗，好多年冇見啦....天玄對你地唔住，但希望你地幫我撐得幾耐得幾耐」萬天玄說完後，全部神主牌都暗暗地發起光

萬天玄拿起一旁的線香，手一微微一動，手上的香就自動點燃了

剛剛的風，現在的線香，好像什麼他都能控制一樣，不愧是無極門的掌門

他走回來，坐下

「天玄叔，你啱啱係話單野唔關佢事？」英叔忍不住開聲問

「冇錯」萬天玄點頭

「但我明明見到係佢」英叔堅決認為是萬十方做的

「你唔信我？」萬天玄看著英叔

英叔沒說話

「你見到嘅只係同佢打扮好似嘅人，並唔係十方」

「天玄叔你知邊個做嘅？！」英叔激動的問

「知」萬天玄冷靜的回答

「咁點解你唔出手？！」英叔問

「我身體已經承受唔到多一次嘅戰鬥」萬天玄黯然說出

「呃......」英叔也不知道怎回答

「天玄叔，到底你經歷咗啲咩...」九叔出聲問

「唔重要啦，講返乾屍同你朋友件事先」萬天玄轉換話題

「係同一個人做，佢有目的咁揀學道之人落手」看來萬天玄真的清楚事情的始沒

「唔係佢又唔係秦王？」我問

「唔係，成件事係由一個傀儡師策劃，依家佢操控住一個男仔幫佢做野，而個男仔就係啊英你見到嗰個」

「幫佢做野嗰個咩人嚟？」英叔問

「你應該識佢」萬天玄看著我

就黎係

加速