［殭屍/鬼怪/打鬥］《噬魂》我由古惑仔變左做現代道士

多謝

九叔打算跑到鬼蠍的肚下用爆破符試驗一下，這隻超巨型鬼蠍的弱點是不是也在肚皮

走近鬼蠍後，九叔在地飛剷往鬼蠍，奈何鬼蠍看透了九叔的動作，尾巴快速地掃向九叔，九叔被撞開，幸好是往我邊飛來，我成功把九叔接住了

「九叔，有冇事」

「唉...冇事，隻野好快」一臉苦惱

「佢條尾咁多隻眼，點都睇到我地，要搞掂啲眼先」我提出意見

「今次你啱，搞掂啲眼先」九叔站穩

「諸仙借法！令！」九叔召出符布

符布向鬼蠍飛去，鬼蠍尾巴的多隻眼不停轉動，畫面十分嘔心，用尾刺把符布刺穿了，然後牠轉過身來，面向著我跟九叔，尾巴的眼睛在同一時間盯著我們

「散開！」九叔跟我分開兩邊跑開

鬼蠍衝到我倆之間，牠選擇了追著我

「屌！你跟住做乜姐！！」我用盡力往前跑

我回頭望牠，牠已愈追愈近

我跑著跑著想到一個方法！我從石路跳下中庭，跑到兵馬俑群中

「過嚟啊！咁中意追我！」我向著鬼蠍高呼

鬼蠍加快速度跑向我

「𡃁仔，你咩啊？」英叔在遠處大叫

「信我！」我堅定看著鬼蠍

鬼蠍已到我所想的範圍！！

我在兵馬俑中穿梭，途中把兵馬俑扭動，觸發機關

先是兩支大箭在牆身射出，一支射空了，而另一支就準確地命中

鬼蠍再次發出刺耳的叫聲，腐蝕性血液亦隨之流出，箭好快就被血液腐蝕盡了

我沒有停下來，繼續扭動其他兵馬俑，還要避開地上的血液

好快又從頂上掉下大石，撞上了牠，把牠壓倒在地，但好快牠就擺脫了大石，繼續前進

我跟牠的距離逐漸拉近，再不成功，我就大禍臨頭，我奮力地跑，務求在最短時間扭動最多的機關

牠已知悉我在做什麼，不斷的揮動雙鉗，掃倒了不少兵馬俑，基本上現在就是我跟牠鬥快的比賽

這時再一塊大石襲來，這次牠成功避開了，並走到我面前

「航！」

「𡃁仔！」

鬼蠍揮動毒刺，向我刺來

正當我也以為自己要玩完的時候，從旁掉下一繩，那繩綁著一塊巨石

嘭！！巨石狠狠的撞在鬼蠍的尾巴上，並把牠扯到牆上，夾爆了牠尾巴，尾巴上的眼睛都被壓爆了，更有一些眼珠被逼的滾落在地

再來一塊！這塊巨石更直撞在牠身上，直接把牠給壓爆了，碎肉橫飛，更有不少血液飛彈到我身上

但經過一輪奔跑後的我實在太累，累到有點不覺得痛

「嘩！𡃁仔夠勇啊！！叻仔！！」英叔在旁歡呼

九叔則沒有出聲，默默的舉起了姆指

我看著他淡淡一笑

我們決定坐在地上休息一會再出發

「死仔，又會咁都比你諗到」英叔搭著我

「都係搏一搏㗎咋，唔搏大家都搞佢唔掂」我都快被英叔讚得有點害羞了

「好啦，讚夠啦，出發」九叔突然站起

「你師父真係好鬼麻煩」英叔偷偷在我耳邊說

「你唔好比佢聽到添啊」我也偷偷回了一句

這時九叔盯着我們，我們連忙站起來

「再講就天光，最好天光前出返去」九叔走到牆壁的洞前，作法再多弄兩個藍火出來，照亮了整個秘道

我們走入秘道，秘道的牆上全是抓痕和凹痕，應該都是鬼蠍造成的

但走到秘道的最後， 我們發現一間密室，密室是從外鎖上的，我用彎刀把鎖劈開，裏面竟然是鎖着數十副人骨

「應該係陪葬嘅妃嬪」九叔說

「幾十個....」我十分無奈

「佢地就算唔餓死都會因為缺氧而死」

門上有多道用手指抓出的抓痕，能夠用手指在石門上抓出抓痕.....死時是要有多掙扎、多悲慘...

Live咗

多謝支持啊！

我們帶著沉重的心情走出密室

九叔沒說話，在走時用符點起火，掉進密室，關上門

「等佢地了無牽掛」九叔走回前方，繼續帶路

在藍火的照耀下，可看見前方的已不多，應該快要到真正的墓室

走到路的盡頭，又是一道石門

「唔會又有機關啊嘛....」已經對機關十分厭惡的我抱怨

九叔負責推門，用力！門打開了，就這麼簡單？！

但在門打開的時候，整個空間發出了一下萬分詭異的聲音，很難形容，感覺就像有一頭被困百年的怪獸高聲咆哮的聲音

不知道什麼情況的我們沒有太理會那聲音

「咁...簡單？」英叔也覺得有點匪夷所思

「唔好講咁多，留心啲，裡面唔知咩情況」九叔說完就步出石門，我和英叔跟在尾

當我們步出石門後，牆上的火把突然全部都點燃了

瞬間，我被眼前的景象嚇了一跳....

在我面前的是皇宮？！

「皇宮？！」我驚訝得張開嘴巴

「條友真係好中意做皇帝」英叔叉著腰，抬頭看周遭的環境

這「皇宮」大殿是由多條紅色石柱支撐著，在每條柱上都刻著一條回旋盤繞的金龍，而在大殿的的盡頭有一座龍椅，這龍椅的外型....十分特別，是由六條龍扭纏在一起而組成的

龍椅上坐著一具乾屍！！

「九叔！」我指著龍椅

「我見到」九叔也看著同一方向

那乾屍以一手托頭，蹺著二朗腿的姿勢坐著，這絕不應該是乾屍應有的動作...

「有古怪喎...」連我也看得出有古怪

「我知，我去睇」九叔握緊雙劍，走上樓梯，行近乾屍

我亦跟著九叔的步伐

九叔走到乾屍面前，用劍指著它，更用劍推了它一下

沒反應...

「有殺錯冇放過！」九叔揮劍，向頭斬去

劍斬到一半停下了！！

不是九叔停手，是那乾屍伸手接住了！！它果然會動，它這時才緩緩張開眼，望向九叔

「當年我都係用依個理念嚟治國，點知比人話我係暴君」

九叔揮動另一劍斬向秦王，秦王捉住手中的劍，搶了過來，擋住了正斬來的劍，九叔驚訝他的速度

秦王起腳踢在九叔的腿上，令九叔跪下，然後它再起膝撞到九叔的下巴，再將九叔撐下樓梯，把在樓梯的我也撞倒了，整套動作順如流水

我跟九叔都沒來得及反應，被打得一仆一碌的　
「好多謝你地解咗我封印，我記得對上一次可以嚟到依到嘅人係三十幾年前，個陣我仲沉睡緊，佢單槍匹馬入嚟想殺我，但同我打個平手，佢就將我困咗係到，好彩今日有你地」

它走近英叔，英叔也決定應戰

英叔出拳，秦王輕鬆擋住了，英叔後退一步起踢，向秦王的頭踢去，秦王捉住了英叔的腳，用力一扯，把英叔拉到自己身邊，順勢起膝撞在英叔的肚上

「啊！」英叔瞪大雙眼，這一招應該很重

九叔、英叔也倒下了，只剩下我，我怎能應付啊...但也總不能後退

我站起，走近秦王

「你好中意做皇帝咩？」我問他

「小朋友，你知唔知我係第一個皇帝」

「我知，咁又點？唔代表你以後都係啊，人死咗就係死咗，放開啲啦，啊伯」

「啊伯？你都係第一個咁叫我嘅人，我欣賞你，帶佢兩個走，我今次放過你地，當係報答你地解咗我封印」秦王轉身步向石門

「我唔可以比你出去！」我追上他

「你確定你可以？」秦王回頭看我

「唔得都...」我正說到一半，秦王已一腳後踢，踢在我的肚上，痛得令我跪下

「下次要確定自己有能力先好出聲」就這樣秦王離開了陵墓....

呢個速度睇嚟我要儲耐啲先睇
起碼要一個禮拜先夠喉
樓主我哋一個禮拜後見

因為日日都返工，所以進度比較慢！
多謝支持一星期後見

九叔扶起英叔，再過來扶起我

「追！」九叔衝出石門

英叔扶著我一起追，但秦王對這裡的路十分熟悉，經常走到一些剛剛我們都沒發現的路

秦王走到有一群兵馬俑的密室，我們以為它要走出去時，他回頭看著我們

「其實，你地點解要追住我？」它一臉冷靜的說

「比你出到去實世界大亂！」九叔飛出左手的劍，然後衝向秦王，用右手的揮斬

秦王輕鬆的接住了飛來的劍，並用來擋住九叔的攻擊

「你用劍唔錯，如果生於我嘅王朝，我應該會冊封你為我嘅大將軍，可惜..」秦王一掌把九叔推開

「我想講，朕出去冇諗住要做啲咩，只係想平平靜靜咁生活，你地冇需要咁大反應」

「平靜生活？ 我信你至奇！」英叔舉起拳，衝向秦王

秦王沒舉起手，只是看著英叔

「唔擋？好！」英叔揮拳，當快要打中時卻突然起腳，踢向秦王的大腿，中了

「假動作，唔錯啊，繼續，朕就陪你玩下」

秦王是要認真了？不，它還是沒舉起手，只是這次眼神不同，又不是殺氣，是一種說不出的感覺

英叔再出擊，跳起飛膝，秦王向後彎腰，雙手擋住了飛膝，然後秦王用力將英叔的腿向下壓，英叔整個人向秦王靠近

這時秦王再打出上勾拳，目標是英叔的下巴，英叔馬上將雙手擋在下巴，擋住了秦王的拳，更成功在它胸口上踢了一腳

「你嘅拳腳功夫都唔錯，但個底子同佢一樣，師兄弟？」秦王居然憑這麼短暫的戰鬥就知道九叔和英叔是兩師兄弟

「係又點」九叔說

「冇，朕覺得你地師父應該係一個幾了不起嘅人，將你地教得幾出色，不過你地同三十幾年前入嚟嗰個人仲差好遠」

突然，秦王用極快速度走到九叔面前

「起碼嗰個人跟得上我嘅速度」

然後一個重拳狠狠的打在九叔面上，把九叔打倒在地

打倒九叔後，它望向英叔

「望咩啊望！」英叔衝上前，但也被秦王一招打倒了....

秦王慢慢走近我

「小朋友，你仲想唔想阻住朕出去？」

「......」我不知怎樣回答，但我知道不可以讓它出去

我剛想動手時，佢就已經來到我面前，我完全來不及反應，明明只是一具乾屍，卻可以將我們弄得如此狼狽

就這樣秦王在我們面前離開了

我好想追，但奈何身體辦不到....它的一腳令我動彈不得，難怪連英叔這格鬥高手都不是他的手腳...人間自始又多一隻怪物

這一刻我發現，原來有時人無知可能會更加快樂，做古惑仔的時候，雖然也有勾心鬥角、搶掠地盤，但還是吃喝玩樂居多....

「冇事啊嘛？」是英叔，他已站起來走到過來扶我

「冇....」我捉著他的手站起來

「頂啊，條友乾爭爭咁款，啲拳腳又會咁撚重」英叔按著肚，應該是剛剛被打的位置

「佢咁驍勇善戰，以前一定有帶兵打仗，絕唔係一般等閒之背，我地會輸都正常....」九叔也起來了

「但一定要搵返佢出嚟，我地始終唔知佢想點」九叔繼續說

「同埋佢話三十幾年前有人整醒咗佢，最後封印咗佢，你估我地可唔可以搵到封印佢個條友？叫佢再封印一次」

「你知係邊個？」九叔問英叔

「唔知啊」

「唔知你點搵？人海茫茫」九叔反一反英叔白眼

「咁都好過冇方向啊！」

「唉.....都啱，遲啲先算，返去先」九叔率先離開密室

「唉..返去啦」英叔拍一拍我

快要天光，我們加快腳步跑到李鄭屋古墓，偷偷的從職員通道回到博物館內，但已經有職員在博物館內遊走巡邏，我們馬上低身躲到展覽櫃後

「咁點啊？」我問九叔

「冇辦法，唯有等佢地行開再走」九叔一直看著職員的巡邏模式

他發現每隔五分鐘左右，往出口的路就會有一個缺口

「依家！」我們衝向門口方向，成功走出了博物館

「哎啊...總算出返嚟」英叔按著腰，應該是剛剛弄傷了

嚴格來說，是我們身上都有傷，舊傷都還沒好，又弄到滿身是傷，唉....到底九叔他們是怎樣堅持這麼多年的啊

回到象山

這次夢晞沒有在中庭等我，是生氣了嗎？唉，先不管啦，回家洗個澡，休息一下再算

殊不知，上到樓時發現，原來夢晞是在家門前等我們回來

「又成舊望夫石咁等我地返嚟～」英叔跟夢晞說

「邊有啊！」夢晞笑著輕輕打英叔

「好啦，唔阻你地，我地返入去先」英叔搭著九叔回到家中

剩下我跟夢晞在外

「點啊，今次有冇又整親邊到啊？」夢晞鼓起面

「冇啊，今次擦損少少咋，唔嚴重～」我馬上伸出手讓她檢查

「算你啦～快啲返去沖涼！成身臭汗味！」

「真係好臭咩？」我裝作上前抱她

「喂啊！臭啊！快啲沖涼啊」

她把我推回家門前

「好好好～咁我沖完涼瞓陣，晏啲再搵你啦」我在夢晞的「護送」下回到家中

回到家後，我坐到沙發上

從褲袋拿出王奇的電話

「到底比唔比佢知...」我看著電話沉思

英叔走過來

「點啊，諗緊比唔比啊晞知啊？」英叔坐在我身邊

「係啊...」我十分苦惱

「佢有權知道」九叔亦從廁所出來

「我知啊...但....唔知佢聽完之後會點」真是撓爆頭

「無論結果係點，你唔同佢講就係你唔啱」

「我明㗎啦...」

我決定睡醒覺後就跟夢晞說電話的事

今日出咗去，篇文短少少

有就算你啦下次唔好出去咁耐啦

聽日個篇打返長啲補數

經過一番努動後的我本應直接睡死過去的，但現在的我卻輾轉反側，我走到大廳，坐到九叔的搖椅上，住在這裡那麼久，好像也是第一次坐上這搖椅，原來這麼舒服，難怪九叔這麼愛坐

「你好似坐咗我張櫈」九叔居然也還沒有睡覺

「比返你」我起來坐到隔壁的沙發

九叔坐回搖椅上

「點啊，諗唔通？」九叔閉上眼，前後搖著搖椅

「唔算嘅...我知我一定要同佢講，但真係唔知結果會點....」

「其實結果係點，唔係你決定，係啊晞決定，就算你點諗爆頭都冇用，結果唔會因為你而改變」

「.....都係」我垂下頭

「不過我有啲野想問你」九叔突然坐起來

「咩...咩事？」我被九叔嚇了一跳

「你....有冇覺得自己唔記得咗啲野？」九叔少有的隱悔

「我應該要記得啲野？」我不太懂九叔的意思

「你話記得你點識我，咁之後呢」九叔追問

「之後.....之後咪荃新天地，段一凡同莫平佢地」

「係啊，但點解我地會去荃新天地」九叔繼續問

「點解.....係喎...點解會去嘅...」我真的想不起

「唔好急，你諗下點解會帶我去荃新天地」

「我帶你去？荃新天地....」

「因為一個人？」九叔問我

「一個人.....跌落嚟...」我腦海閃過了一些影像

一個女子的身影在我腦海浮現，但偏偏就記不起她是誰

「九叔！你係咪知佢係邊個？！我記唔起啊」不知為何眼淚從我的眼框湧出，她是很重要的人嗎？！為何我會不記得她....

「啊航，你冷靜啲先，我都唔知點解你會唔記得，但依一刻我覺得你需要知道，我唔想你同啊晞再發展落去之後先至記起佢，到時你就陷入兩難」

「佢係邊個？」

「葉靈」九叔道出一名字

「上次我受傷醒返你地都講過依個名.....佢就係我唔記得嘅嗰個人？」

「嗯」九叔點頭

「葉靈...」這個名有一種莫名的親切感，但就說不到為

「你之前做嘅所以野都係為咗幫佢，你地嘅緣份起於佢比段一凡推落樓嗰一刻開始」

「推落樓...？！」

腦海裡突然閃過一段畫面，是葉靈在我面前墜下的畫面.....

「多謝...你」

「要多謝我就等你好返請我食餐飯啦～」

「你叫...咩名」

「我叫陳天航啊，你呢？」

「我叫葉..靈」

我記起了.....全都...記起...

「靈....」我跪在地上，雙手撐地，眼淚一滴一滴的滴在地上

九叔手放在我的後背

「我點可以唔記得佢.....點會咁...」我接受不到自己竟然忘了葉靈

「天意，唔係你想，佢都會想你好好生活落去」九叔安慰我

「.......」我已說不出話

「航...你今晚要好好諗清楚」九叔拍拍我就回房間

我坐回沙發上，整個人都呆了，大腦有點處理不了

「靈...晞...唉..」我的思緒變得更加凌亂

........

一個寂靜的夜過去

翌日清晨

「嘩！？𡃁仔你成晚坐係到？」英叔從房間出來

「嗯」我點頭示意

「搞咩啊你，有教都唔瞓」英叔拿著水坐到沙發上

「琴晚...我記返起葉靈」

英叔把口中的水噴出

「下？！咁突然！」英叔十分驚訝

「係...」我手裡拿著王奇的電話

「咁你決定咗？」英叔問我

「嗯，一陣過去同夢晞講」

「好，自己諗清楚就得啦」

我沒回答

梳洗一下後我就過去找夢晞了

我敲響大門

「嘩！你個樣咁攰嘅？！」夢晞看到我憔悴的樣子後嚇了一跳

「琴晚冇瞓教」

「做咩啊你！真係啊！攰到咁做咩唔瞓啊？！」夢晞雙手叉腰

「我有啲野想同你講」我在袋中拿出電話

「呃.....咁嚴肅嘅，咩事啊」夢晞呆一呆

我把手上的電話交給夢晞

「依部電話...」

「王奇嘅電話」

「下？！點解你會拎到佢部電話？！你.....搵到佢？」夢晞緊張的問

「算係...搵到啦」我又確實算是找到了他

「佢點啊？」

「佢...已經死咗啦」我搖頭

「......」夢晞的眼泛紅

「手機入面有佢寫比你嘅野，你睇下先」

夢晞打開手機，看到了王奇死前寫給她的信，她由流淚變成了坐在地上痛哭

「佢都唔想離開你地，只係佢冇得揀」我上前坐在她旁邊

「點解....點解唔同我講清楚」夢晞問我

「唔知，但我相信佢咁做一定有佢嘅原因」

「我係咪怪錯咗佢....」

「有冇怪錯就要交返比你自己諗啦」

「我第日可以同BB講佢唔係冇爸爸，而係爸爸好英勇咁離開咗我地」夢晞轉哭為笑

「笑返咪好囉，再喊就唔靚㗎啦」

「冇可能，我點都係咁靚」

「嘩，幾時變得咁自戀㗎？！」我看著她

「我都係跟你學㗎咋～」她笑著說

「冇可能」

「咩冇可能啊！你成日都超自戀囉」

「話說...琴晚我記返起之前啲野」我垂下頭說

「呃.....記返起葉靈？」

「嗯」我點頭

「都估到你有一日會記起㗎啦...」夢晞一臉哀愁

「.....」我不知怎回答她

「咁啦，我地比啲時間大家冷靜下先啦」夢晞站起來說

我坐在地上看著她

「做咩啊，依家你同我心裡面都好糾結㗎啦，咁不如比大家冷靜下先再講」這一刻她居然莫名的冷靜

「好啊...」我也站起來

「咁...我返入去先啦」夢晞指一指家門，然後轉身

「等陣！」我上前把住她

「做咩啊？」她被我嚇一跳

「多謝你」我緊抱著她

她也抱著我

「我都多謝你」她也向我道謝

之後我們就各自回到家中

「講咗啦？」英叔見我回來就問我

「嗯」

「點啊？」英叔追問

「冇咩點嘅...比啲時間大家」我回答

「都好嘅」英叔點頭

「不過𡃁仔...𡃁妹都走咗啦，係時候放低㗎啦」

「我要啲時間....」

「慢慢嚟，冇人逼你，最緊要自己諗通啊」英叔說完就往廚房方向走去

「唉，不過最大問題就係冇人幫我買早餐， 唔係啦，最衰都係你，搞到我要自己煮」英叔邊走邊像小朋友一樣抱怨著

看到這樣我也忍不住笑了一下，雖然我沒有了葉靈，但身邊有一個像大細路般的英叔，而在九叔身上我感受到.....父親的感覺

這次過後

我跟夢晞見面也變得份外尷尬，明明是熟悉的人，但見面就只是打個招呼，沒有更多的交流

而秦王那邊，九叔英叔不斷詢問身邊的朋友有沒有打聽到秦王的事，但也音訊全無，秦王好像直接消失在人間，他真的是打算平靜生活，願意乖乖的在現世嗎....後來的結果應該是現在的我怎樣也猜不到，這是後話

時間又飛快地過了一個月

「啲傷點啊？」九叔問我

「好返曬咁滯啦！少少扯住咁啦」在家休養了一個月，身體都差不多完全康復

「係至好講啊你，唔好一陣做野又嘈宣巴閉啊」英叔在旁說

「一陣單野好簡單咋嘛，唔係咩？」

因為我們這段時間都在休養，是時候要工作賺錢， 九叔在朋友的介紹下接了一單豪宅鬧鬼的工作

「多數啲有錢佬疑神疑鬼，間屋根本冇野」九叔在收拾用具

「呵～咁洗唔洗我地一門三傑都去啊，求其一個派一個去都得啦」英叔打著喊露說

「我地多人去，工具又整，比人感覺都認真啲，咁人地出手都會闊綽啲，啲有錢佬多數都唔介意比錢」九叔把工具都放到一個黃色的大布索袋裡，並以單肩背起

「唔好講咁多，出發」九叔在沙發上拉起英叔，把他推向大門

就這樣吵吵鬧鬧的出發

「航，一陣去到，人地問你啲咩都唔好答，叫佢問返我，唔好亂答」九叔叮囑我

「好」我點頭

英叔則在小巴上睡著了

「其實我地今次要去邊？」我問九叔

「雍雅山」

「石蘺個邊嗰個？」

「嗰個係雍雅軒，雍雅山係沙田，大學站上面」

在經過兩次轉車後，我們終於到達大學站

「要穿過大學行上去？」

「嗯」九叔點頭

「但我地冇證，唔知比唔比入去喎」

「依家要證㗎咩？！以前唔洗」九叔嚇一跳

學校門口的保安員走近我們

「你地幾條友企係到咩事㗎？」這保安的態度也算是差

「咩事啊？依家係咪企下唔得㗎？」我行上前，這種事以前也做不少了，駕輕就熟

「唔係唔得，見你地鬼鬼鼠鼠咁，我有權問你」他態度依然囂張

「鬼鼠？你傻撚咗？你有權問又點？我一定要答？」我比他高一個頭，站在他面前，他必須抬起頭看我

「你可以唔答，我亦有權報警，同埋亦請你唔好入去」保安回頭走去

「兜路去？」九叔提議

「唔得！佢好串，撩起咗我把火，比少少時間我處理」我少有的拒絕九叔的提議，但我真的很討厭這種保安

我致電給以前的手下——啊烈

「喂！烈仔！」電話撥通了

「航哥？！你去咗邊啊！搵極你都唔見人！！你知唔....」啊烈一如既往的多話

「唔好講住先，幫我叫人嚟大學站，你大佬比人串親」

「得！十分鐘內有人到」啊烈掛斷電話，應該是打電話叫人

我走到那保安的面前，盯著他

「望咩啊！」他見我盯著他就大聲的叫

我沒回應他，對著他笑了一下

十分鐘後

在地鐵站裡衝出數十人，站到我背後

「航哥！！」異口同聲的叫我

我揮一揮手，示意他們跟著我，我行近那保安

「大佬...你想點啊」他開始有點怯場了

「你啱啱好串㗎，依家做咩啊，繼續串啦」我雙手叉腰

「冇...邊有串啊」他後退一步

我伸手捉住他肩膀，把他嚇得冒汗

「我平時都唔會咁做，但我最憎你依啲門口狗，得把口，串柒柒咁，好型？你型得起？」

「咁你想點啊...」一看就知道他不服氣

「冇想點，道歉，你道歉我包你冇事」

「我又冇做錯，點解要道歉？！」他這個時候居然會有膽拒絕

「打！」我一聲命令，背後的手下蜂擁而上，圍著他

「得得得！我講啦！」他始終也妥協了

自推

「好，講啦」我在人群中走到他身前

「對唔住！」他十分不服氣的說出

「早啲講咪冇事，我同你講，依後做人唔好咁冇禮貌，唔係嘅話，依班人會日日陪住你返工」我說完就轉身

「散得！」我揮一揮手

「係！！」他們聽到我命令後就隨即散開

「九叔！行得！」我望向九叔他們

「好」

正當我跟九叔他們步入大學時，從背後傳來一把聲等我叫停了，是啊烈

「航哥！」

「九叔，一係你地行先，我好快過嚟」

「好，唔好咁耐」九叔英叔先出發

我轉身走向啊烈

「點啊」我拿出香煙，靠在欄杆上

「你去咗邊啊！臣哥死咗，好多人都覺得係你做...唔會係你啊嘛」

「咁你信唔信我」我問他

「信！」他堅定的回答我

「信就得啦」

「其他人唔信你，我啊烈都一定信你」

「嗯」我欣慰的點了一下頭，除了啊武外這個圈子居然有人那麼信我

「話說....咁武哥去咗邊，佢同你一樣人間蒸發咁款，搵極都搵唔到，上面啲大佬搵我同啊明頂住你地個位先」

「佢有心匿埋，你搵幾個信得過嘅兄弟繼續搵佢，如果搵到嘅唔好比佢知，你只需要同我講就得啦」我叮囑啊烈

「收到，航哥咁你呢？唔返嚟社團啦？」

「應該唔會啦，好攰，你依家好好坐穩我個位，有咩麻煩就搵我啦」我拍一拍他後就轉身離開

沿著上斜的路跑去，要追上九叔的腳步

跑一段路後，終於見到他們的背影

「九叔！等埋！」我在後大叫

「仲以為你唔嚟添」英叔說

「唔會！不過係交代返之前啲野姐」我摸摸後腦

「估唔到𡃁仔你都幾惡㗎喎」英叔奸笑的看著我

「我平時唔會咁㗎，係佢撩交打，我先教訓下佢咋」我馬上揮手否認

「不過無可否認，有時依啲方法幾好用」九叔居然認同這種做法？！

行一段路後就看到雍雅山，那富豪已派人在路口迎接我們的到來

「你好啊～先生，我叫習維，係段生派嚟接你地㗎」他非常有禮貌的向我們鞠躬，但聽著他說話的語調，有一種熟悉又討厭的感覺，是我的錯覺嗎？

他帶著我們走往豪宅，那富豪站在門口等候我們

「你好，你一定係張九，九叔啦」那富豪跟我想像中我差好遠，原本我想像中的他是那種地中海髮型、咬著雪茄、戴著金錶的油膩大叔，但我眼前的他是身形高大，五官端正，西裝骨骨的青年才俊，他伸出手想和九叔握手

「你好，你就係段天，段先生？」九叔亦友善的伸手

「係啊，係咪同想像中好大出入呢？」應該是有不少人跟我同一個想法，所以他才會說出這句吧

「哈～的確係有少少唔同」九叔也識趣的回答

「好啦，不如入正題啦，講下你覺得間屋有咩唔妥」九叔直接殺入主題

「哦～係咁嘅，我搬入嚟之後成日覺得沾寒沾凍，又成日覺得有野望住我」

「好，帶我地入去睇睇」

這座豪宅分有不同座數，段先生的是3號，地面那層是停車場，從旁邊樓梯上去一樓才是住所

上到一樓，右手邊是多道玻璃摺門，理應採光度十足，但屋裡的光線明顯不足，有點奇怪

「嗯....」九叔雙眼周圍打量

「點啊張師父？我間屋，冇咩啊嘛」他問

「冇，好乾淨，一啲野都冇」九叔確定的說

「咁點解我會覺得沾寒沾凍呢」段先生問九叔

「可能始終都叫係山上面，陰氣比較重，你每日喺西斜嘅時候，打開曬所有玻璃門，比陽光照入嚟就得啦」九叔打開其中一道玻璃門，走出到露台

「如果你都係唔放心嘅，我可以幫你係門口寫一道符，幫你驅邪避惡」

「好啊，張師父今次麻煩曬你」段先生再次與九叔握手

九叔在豪宅的門前用珠砂畫了一個符陣，然後作出一個手印，地上的符陣慢慢消失了

「好，搞掂㗎啦」九叔背起黃索袋

「好啊，唔該曬你」段先生禮貌的點頭，然後轉身「習維！快啲比錢張師父！」

那習維在面裝的胸前袋拿出一張支票，遞給了九叔，九叔雙手接過支票，我八卦，上前偷看支票的銀碼

？！！！！

Push push

唔通秦始皇喺下面又有個窿

唔知有冇咁多個窿呢

地鼠先生

今集有重要角色出咗場

段生 一見佢姓段即刻要注意下佢
本身諗住儲幾日先睇點知忍唔住又睇咗

多謝支持啊

五十萬？！！就這樣看一看、畫一畫符，居然會有五十萬？！是我眼花嗎？！

我強行壓制住自己的表情，讓自己保持冷靜，英叔見我這樣就過來問我

「你做咩咁嘅樣？張支票好多錢咩？」英叔悄悄的問

我點頭

「有幾多啊，最多咪幾皮野」英叔不肖的說

我瘋狂搖頭

「咁幾多啊？講啦！」英叔靠近我

我在他耳邊說

「五十萬」

「五！」英叔差點大叫出來，趕好我及時用手掩著他的嘴

「唔好咁大聲啊，一陣比九叔鬧啊」我跟英叔抱作一團的走遠一點

「嘩....啊九條友，唔聲唔聲，原來賺咁多錢！」英叔十分驚訝

「我都以為自己睇錯，一陣問下佢」

「好！！」

我跟英叔又裝作若無其事的站回九叔的背後

九叔回頭盯了我們一眼，我們馬上到處張望，逃避九叔的眼神

「好，咁我地走先，有咩問隨時再搵我」九叔說完後就示意我們離去

「維，車張師父佢地返去」段先生命令習維

「唔洗啦，我地自己返去得啦」九叔拒絕了他的好意

「好，你送師父出去」

在段先生的指令下，習維送我們到外出的大馬路

「好～先生，我就送到依到啦，再見～」習維鞠躬後離去

「有錢人嘅隨從就係唔同啲嘅」英叔慨嘆

習維走遠後，我跟英叔馬上捉實九叔，打算好好「拷問」他

「喂！你地做乜鬼啊！！」九叔被我們嚇了一跳

「死仔！原來搵咁多錢！！」英叔從後抱住九叔，令他動彈不得

「唔洗食啊！你都可以搵咁多㗎！」九叔不停反抗

「九叔！咁你一定儲埋儲埋唔少錢啦！」我捉住九叔的雙腳

「有冇聽過咩叫坐食山崩啊！緊係要儲低啲錢㗎啦！！如果唔係受傷嗰陣做唔到野邊個出錢養我地」

九叔又的確有道理

「講！成副身家有幾多！！」英叔繼續抱緊九叔

「痴線嘅！點解要話你知！」

「唔講啊嘛！𡃁仔！」

「係！」我回應

「我地返去抄佢啲野！！」

「好！！」我大笑著回應

「好好好！我講！唔好搞亂我啲野，放低我先」九叔看似妥協了

「𡃁仔，放低佢」

我們放開九叔

「好啦，快啲講啦，有幾多身家」英叔緊張的問

「@$》¥&⋯」九叔說得非常模糊

「講多次！」英叔捉住九叔

「我淨係同你講」九叔看著英叔

「好！」

可憐的我就這樣看着他們「咬耳仔」

九叔在英叔的耳邊說一句話，就向前跑走，英叔在後追著他，我也只好跟着跑

「喂英叔！九叔講咗咩啊！」我邊追邊問

「佢講粗口鬧我！！」英叔加緊腳步追九叔

「你咪走啊！返嚟！你講粗口鬧師兄，冇大冇細！！」

「你兩個唔好跑咁快啦！點追啊！！」我在後面開始有跟不上

「死仔！！返嚟啊！！」英叔大叫

「彩你都傻」九叔回頭看英叔

就這樣，我們由雍雅山跑到大學站外

「嗄....終於肯停啦咩！」英叔喘氣

「攰啊！唔玩啦」九叔也叉著腰休息

我則現在才追到他們

「嘩....大佬啊..你地跑咁快做咩，追唔到啊」

「你條友，得閒練下氣啦，仲衰過我地兩個老野」英叔搭著我說

「嗱，你自己認係老野咋，我唔係」九叔又變回那嚴肅的樣子

「好啦好啦，你兩個都好後生，我最老，返去啦」我把他們二人分開，並推向坐車的方向

「我走啦，記得以後有禮貌啲啊」我回頭跟剛才那保安說

「好，再見」他被我嚇到滿額是汗

在回程的路上，我跟英叔都有繼續追問九叔到底有多少儲蓄，但九叔堅決隻字不提

回到家中

「今日賺咁多！你請！食返餐豪嘅！」英叔坐在沙發上叫

「差唔多日日都我請㗎啦，仲想點」九叔回答

「你咁多錢！唔好咁小氣啦」英叔抱怨著

「唉...航，拎去買啲海鮮返嚟煮」九叔在褲袋拿出一疊錢給我

「得！我即刻去！」我接過錢，袋入褲袋

「𡃁仔，我陪你去！」英叔興奮的跟著我出發

這一趟出去，花了九叔數千元，買了花甲、扇貝、龍蝦

「嘩！今晚就飽啦」感覺英叔的口水都快流出來

我們拿著海鮮回到家中，九叔被我們拿回來的海鮮嚇了一跳

「你兩個洗唔洗啊.......」

晚飯時候

「今日啲海鮮特別好食嘅」英叔笑得開懷心 ，之後就將自己的嘴巴用海鮮塞滿了

「你睇下你樣衰到呢......」九叔手拍在前額，低頭

「你理得我姐，我食得開心啊」英叔擺出一副囂張的嘴臉

這時，家中的電話響起，九叔上前接聽

「喂」

「你好啊，先生～我係習維，有冇印象呢？」話筒裡的聲音是段天的助理

「當然記得，請問咩事？」九叔回答他

「喔～係咁嘅，段生都係覺得間屋唔妥，想再請你地再去睇睇，求個安心

「嗯，冇問題，我聽日派人嚟」

「好～唔該曬你，聽日見」習維保持著禮貌的作風

電話掛斷

「邊個啊？」同樣塞得滿口海鮮的我問

「習維」九叔坐下

「喔？佢搵你做咩？」

「佢話段生覺得間屋都係唔妥，想我地返去睇睇」九叔拿起碗筷繼續吃飯

「又要去？！」原本低頭吃飯的英叔抬頭

「冇辦法，點都要去一轉，我都唔想去」

「咁不如我去啦」我說出這句話

九叔英叔同步轉頭看過來

「呃.....做咩呢？咁你地話間屋好乾淨啊嘛，都係去做個樣姐，咁我去都得啦，唔係咩」看他們的反應，怎麼我覺得自己好像說錯話，被盯緊

「好！」英叔拍掌

「航，咁聽日你去啦」九叔也和議

「點解....我好似中咗伏咁」我不斷的看著他們，他們也逃避我的視線

算吧！反正跟了九叔那麼長的時間，一般小鬼都可以輕鬆應付，更何況九叔說過這間屋十分乾淨，應該都只是過去看一看就能處理

所以就這樣決定！明天由我代表九叔去

翌日

「我出發啦」我背起工具包，準備出門

「自己執生啦，不過間屋真係好乾淨，應該唔會有咩事」九叔看似冷淡的躺在搖椅上

「𡃁仔記住！」英叔突然大叫

「係！咩事？」我馬上回項

「記得！死咗唔好返嚟啦！哈哈哈」英叔自說自笑的

「.......」我無言

「好啦，真係出發啦！」打開大門，步出

這應該算是我第一次的收費降魔吧

再次到達大學站，比預期時間早了差不多一小時，唯有慢慢行吧

與上次一樣，我要穿過大學才可以到達雍雅山，所以我要再次經過那保安亭

還是上次那保安，他看見我後嚇了一大跳，連電話都掉到地上

「早...早晨，你好」他起身向我鞠躬

「.......」好像有點太誇張了吧

「呃.....你唔洗咁嘅，放鬆啲，上次係火起姐，你下次態度唔好再咁差就得㗎啦」我為了令他放低對我的戒備，我主動走近他，但當我行近一步時，背後突然飛來石仔，擊中了那保安

一陣笑聲從背後傳出，應該是兩個大學生，他們想繼續掉石

「你兩個做咩！」我喝止他們

「關你咩事啊！！行開啦！」他們不但沒有停手，反而更囂張

這就是那保安平時對人態度那麼差的原因嗎？

不管了，先阻止他們

「我叫你地停手」我走到他們面前

「行開啦！阻住曬！」他們其中之一的劑青男竟然出手推我，那不要怪我不客氣

我捉住推我的那隻手

「你做咩啊！放手啊」他被我嚇一跳

旁邊的辮子男亦出手捉住我

「唔好郁手郁腳喎」他說

「分清楚，係邊個出手先」我看著他

「好！咁郁你咪郁你！」辮子男向我揮拳

我彎腰避開，右腳直直的踢在他肚上，他倒坐到地上

劑青男見同伴倒下了也準備出手，但反應太慢了，他都還沒動手，就已經被我出拳打倒了

「得把口，廢柴」我嘲諷他們

我走向那保安旁邊

「你成日比佢地掉？」我問他

「唉...都慣啦，佢地屎忽痕就搵我嚟玩」那保安唏噓的說

「所以你平時先對人咁兇？」

「係啊....諗住兇啲可以嚇下人，點知都冇用」

今日篇文係特別篇，暫時同主線無關