［殭屍/鬼怪/打鬥］《噬魂》我由古惑仔變左做現代道士

未有人剪你住

所以先驚，剪咗就唔洗驚

咁要唔要剪左先

剪野？
我最拿手呀喂 ！！！

冇！冇野要剪！！

唔洗我繼續驚就得㗎啦

文呢 文啊
feel 主角會同阿烈阿武三個拍住上 做捉鬼敢死隊

今晚個篇出咗啦會唔會拍住上就遲啲先知啦

你比咗條新idea
又或者估中咗劇情

好似唔係咁好 我地可以幫你

我咩都唔知啊

加油努力

好！！

「好難解釋，因為我都唔明」看到他的反應，我忍不住笑了

「好好笑？」啊烈握緊拳頭

「好，得！唔笑，帶你入去睇啊武先」我忍著笑，帶啊烈走去啊武的房間

無極門以往門生八百三十一人，房間多不勝數，十方將啊武移到最近大廳的房間，方便我們探訪

「佢依兩日點啊？」我問十方

「冇好轉亦冇惡化」十方搖頭

「唉...」我慨嘆

「天玄叔呢？」

「佢一直係房，冇出過嚟，又唔理我」十方無奈的說

「咁奇怪？」

到了啊武的房門前，推門，啊武依然筆直的躺在床上，沒有甦醒的跡象

「我出去先，有咩叫我」十方離去

「武....」啊烈走到啊武床邊，掀起啊武的被鋪

親眼看到啊武的情況後，眼框泛紅

「你地就係因為三年前幫我老豆做野，所以得罪個隻惡鬼？」啊烈回頭望我

「係...但的確係我地害死人地一家三口，佢先會變成黑熾靈返嚟報仇」我無奈的說

「都係因為幫我老豆做野先會咁啦...」啊烈說

「咁都唔關臣哥事嘅...冇人估到個結局會咁」我搭著他說

「咁佢死咗都冇得怪邊個，係佢自己做得衰嘢多，報應嚟」啊烈擦一擦眼邊的淚

我們不打擾啊武休息，走到大廳再聊

「其實都冇人估到會咁」我沉重的說

「我係估唔到香港都發生咁多事」啊烈搖頭

「我知你係台灣都捱唔少苦㗎啦...」我說

「有咩捱唔捱苦，都係咁過」啊烈苦笑著說

「我本身都冇諗過有機會再返嚟香港...機緣巧合」

「你愈講我愈想知到底你係台灣發生咗咩事」我看著啊烈

「或者你好快會知」啊烈再次點起香煙

「我都希望你快啲知」他接著輕聲說

「咩話？」我聽不到

「冇野」他搖頭

這刻的啊烈眼裏充滿著慨嘆與無奈

鈴聲響起，啊烈從褲袋拿出正在的電話，但拿出的電話並不是他平常用的智能電話，是一部非常舊型號的電話，他走到我聽不到的距離

「你唔好成日打嚟啦，有消息我會搵你」啊烈不耐煩的說，然後掛斷電話

回來坐下

「咩事啊？」我問他

「冇咩，「公司」啲野姐」啊烈說

「有事？咁我叫十方送我地返去先」

「好啊」啊烈點頭

「萬十方！！」我大叫

萬十方一臉無奈的走來

「你唔識打電話㗎咩？叫咁大聲做咩姐，仲要叫全名」他看著我

「叫快啊嘛」我笑說

「嘈宣巴閉」他一臉嫌棄的說

「快啲啦！咁多野講！」我拍他

「好，準備好啦」十方笑說

「嚇到我一次，嚇...」啊烈還未說完十方就把傳送回象山

「唔到！！！！」啊烈瞪大眼

「返到嚟啦」我拍拍他

「呼.....」啊烈深呼吸

「慢慢就慣㗎啦」十方說完後就走了

「今晚真係.....顛覆我成個世界觀」啊烈說

「今晚都未算係啲咩，你未見識過一大班殭屍衝埋嚟、同惡鬼交手、一個明明死咗嘅道士返生、兵馬俑識郁、秦始皇復活、同埋啊武比人控制個陣...佢真係戰神咁款」

「夠啦，我真係要啲時間消化下」啊烈搖搖頭

「好，咁你返去先，有咩下次見面再傾」

「我諗唔得，我係街見到你，依然會扮唔識你，你亦都唔好認我，因為你咁樣做，隨時害死我」啊烈認真的說著

「咁...」

「好，我信好快你會話比我知咩事」我拍拍他

「再講」啊烈揮揮手就離去了

這時已是凌晨三點...

夢晞一早回去了，九叔英叔也熟睡了，我躺在沙發上

「好突然....」我喃喃自語

真的有點突然，今早看到啊烈，嚇了一跳，他不認我，還跟他莫名的打了一場，晚上卻又突然相認了

跟啊烈應該是很熟悉的感覺才對，但剛剛相處，有一種說不出陌生感，好像多了一重隔膜，好像是他不願打開自己...

今日咁早

難得打快咗

咁就要加更啦

聽日個篇都唔知有二百字未，怪就怪我自己儲唔到文

最緊要出快小小

大家唔好比壓力樓豬 ！
一齊磨下較剪，淨心 ！！！

我跑得快！剪我唔到嘅！！

好！我努力！

啊烈回到家中，在床底拿出一個鐵盒，把今天與我相遇的事寫到一本小簿仔裏

「

2020年 11月10號

朝早10:06卓斌叫我去劈友，係台灣返嚟第一次行動

朝早11:12吹完雞出發

12:23同以前一個兄弟相遇，佢當眾叫我真名，唔知有冇危險

12:45回程

1:37 返到堂口，同卓斌匯報

之後一直係佢身邊

夜晚同個兄弟出咗去
」


「呼.....」啊烈坐在地上，靠著床

「到底我仲需唔需要咁做？.....」

「值得？....」

啊烈在鐵盒裏拿出幾張照片，一張是他、臣哥和焯哥難得的合照，一張是我們三劍俠贏比賽的合照，一張是我們跟焯哥在拳館吃火鍋時影的

「好快會過！」啊烈的鬥志又再次燃起

翌日下午，啊烈的電話響起

「喂啊焙！」

「喂斌少」電話的另一頭就是卓斌

「快啲返嚟堂口，有好快比你睇！」卓斌十分興奮

「哦，依家返」啊烈掛斷電話

去廁所梳洗一下後就換衣服出門，因為昨天遇到了我，而我又在這麼多人面前叫他的真名，他內心有點不安，會不會是發現了他的身份

回到堂口的所在大廈後，啊烈也在樓下糾結了一會，深呼吸，上去，推開門卓斌已坐在坐館的位置

他皮膚黝黑，身形健碩，留著清爽短髮，穿著白色T恤，黑色西裝外套，卓斌是一個年僅三十就當上坐館的人，沒什麼秘訣，就是心狠手辣

「斌少，叫我返嚟咩事啊？」啊烈試探地問

「哈！我有件好野要比你睇啊！」卓斌笑得興奮

「好野？咩嚟？」啊烈沒什麼興趣知道，但又不可以不給反應

「嗱！」卓斌在枱下拿出兩個袋，一大一小

「下？」啊烈不懂

「你睇埋先」卓斌把兩個袋放到枱上，打開

是兩個骨灰罈......

「斌少....乜你搵啲咁嘅野玩啊」啊烈無奈

「唔係玩啊！依兩個唔係普通嘅骨灰甕嚟㗎！將會係我嘅好幫手！我特登係台灣叫人送過嚟㗎」卓斌興奮得拍枱

「好幫手....？」啊烈滿臉疑惑

「依個大嘅係老母！細嘅係個仔！」卓斌的眼神滲透出變態

「.....」

「我係台灣搵到個法師，佢話可以幫我心想事成！哈哈哈」卓斌瘋狂地笑著

「唉，算啦，講你都唔明㗎啦！總之係好野嚟！」卓斌自顧自說

啊烈感到無奈，這麼趕的回來就是為了看這兩個東西....

「都好...唔係發現啲咩」他心裏說，啊烈心裏放鬆不少

「斌少，冇咩咁我走先啦」啊烈轉身

「等陣！」卓斌叫停啊烈

啊烈瞪大眼，嚇了一跳，他轉身望回卓斌

「仲有事？」啊烈問

「你坐低先啦」卓斌收起兩個骨灰罈，看著啊烈

「好」啊烈拉在椅子，坐下

「咩事啊斌少」啊烈表哥冷靜，內裏其他怕得要死

「我可唔可以信你？」卓斌凝重的問啊烈

「點解唔可以？」啊烈反問

「今朝有人同我講，琴日你劈「和圖」個班友個陣，有條友話識你，仲叫你做...呃....啊烈」卓斌疑惑的看著啊烈

「佢認錯人」啊烈淡定的說

「係？」卓斌笑說

「我係香港點會有朋友，你知㗎」啊烈說

「我問下姐，冇野」卓斌用手指敲打桌面

「咁..」

啊烈正想說話時，卓斌再次發聲

「我想你聽日幫我去野」

「好」

啊烈沒多問，直接轉身離去

之後卓斌傳信息，將明天要做的資料告訴啊烈

「

元朗東連貨倉，2:00，自己一個去，幫我搞掂條友佢

」

「自己一個....」啊烈嘆氣

在櫃裏拿出一支手槍，放到外套內袋裏

買左六合彩 幾時到我中