［殭屍/鬼怪/打鬥］《噬魂》我由古惑仔變左做現代道士

新讀者 遲來的留名

多謝支持

中秋特別篇


在一望無際的宇宙裏，有一人在月球上孤獨的看盡地球變遷瑣碎數千年

此人是一位奇女子——嫦娥

當年嫦娥偷吃西王母賜予后羿的不死仙丹，便飛昇到月球上，後來玉皇大帝為她在月上造了廣寒宮賞給了她。

她這數千年來一直都能在月球上看到凡間所有事情，當中有不少事都刻進她心裏

「點解世人咁多年都冇變....自私自利、貪婪、被自己嘅慾念控制」在看盡人間世事後，嫦娥已對世人感到失望

直至到在三十五年前的一天，她依舊在月亮上觀看世事，但今天她在無意中發現到一件令她驚訝的事情....

「后羿.....」她看著的地方是....香港

.......


「喂！唔好匿埋啦！冇用㗎」一男子拿著弓箭追殺著另一人

他拿箭瞄準著石柱的邊沿

「點走都冇用㗎啦，出嚟面對啦」

柱後的男子伸出手，揮動，作為試探

但他一伸出手就被箭射中手腕！！

「啊！！！！」男子慘叫

慘叫過後，清楚可見他的口裏有兩隻獠牙

他是一隻....殭屍！！

「哈！都話咗叫你唔洗避㗎啦！」弓箭男笑說

「係你逼我㗎！！」殭屍男衝向弓箭男

「咁埋牙啦！」弓箭男也衝前

一輪交峰後....

殭屍男被打得體無完膚，關節都被打得變形了

「呼～一早埋牙咪快手搞掂囉，係都匿埋，曬時間」弓箭男拿箭插進殭屍男的心臟處

殭屍男灰飛煙滅

而弓箭男不是誰，正是張英，即是英叔

.......

月球上

「....都仲係咁犀利」嫦娥看著凡間的英叔笑了，淚亦流下了

嫦娥黯然的轉身回到廣寒宮裏


這樣的意思即是.....英叔是后羿？！

本來想休息一日，但最後都係忍唔住打咗一篇中秋特別篇

最後，在原先約定時間後的二十分鐘後，啊烈終於出現了

「瞓遲咗」啊烈還是睡眼惺忪的

早餐都快要吃到一半的我們看著啊烈

「唔緊要，你請」我們異口同聲的說

「得得得，今餐我請」啊烈一口答應

「咁順灘？！早知屈多啲啦！！」我跟啊武十分懊惱

「嗱，係你地自己叫我請早餐咋，唔關我事」啊烈一臉囂張的

「唉！唔緊要！起碼有個免費早餐！」啊武自我安慰的，繼續吃早餐

「喂，食快啲，就遲到啦，費事第一日返學就遲」已先一步吃完早餐我催促他們

「點解....你食得咁快」啊武呆了的看著我

「其實會唔會係你慢」我問他

當我們吃完早餐後，距離遲到只剩下五分鐘，我們三人一路狂奔

「都叫你地食快啲只㗎啦」我邊跑邊說

「你慳返啖氣跑啦！講！」同樣在跑的啊烈說

「仲有兩分鐘！邊個最遲返到學校就邊個小息個陣請食野！」啊武跑得快，已超出我們幾個身位

「咁樣即係擺明洽我姐！！」我抱怨著

「咁你咪跑快啲囉！」啊烈笑著說

「唉！」雖然在這個暑假裏我不停的段練著身體，但跟啊烈和啊武始終有點距離

最後一分鐘！！

我們已看到學校的大門了，一定趕得了，但問題是到底誰才是到達的人！

「你地準備好請我食野未啊？」啊武興奮的說

我吸一啖氣！用盡力爆發，成功追過了啊烈

「喂！死仔！你食咗藥嚟啊！咁快嘅？！」被我追過的啊烈驚訝

啊武成功到達學校，步入了大門

正當我也快到時，突然有人叫我的名字，我停步，令啊烈成功比我快到達校門

「肥仔？」叫我的是洛兒的聲音

我停步

「係！」急剎停的我差點站不穩

啊武和啊烈在校門大叫

「喂！咁一陣你請食野啦！」

「得啦！行啦！」我回頭揮手，叫他們先上去

說完後再望回洛兒

「嘩..你....瘦咗咁多嘅？」洛兒確認是我後嚇了一跳

「係咩？」我尷尬地笑著摸一摸後腦勺

「你依個暑假做咗咩嚟啊？咁我以後仲叫唔叫你肥仔啊...」洛兒不斷的上下打量我

「叫！你中意點叫做點叫～」我看着她笑着說

聽到我這樣說她也笑了

「我地入咗學校先啦，遲到啦」洛兒拉著我在最後一刻進入了學校

「係喎，點解你今日咁遲先返到嘅？」我問，因為平時洛兒都很早就回到學校

「瞓晏咗啊...習慣咗放暑假」她低頭吐一吐舌頭

「你喎！十優學生，品學兼優，你都會瞓晏㗎咩」我嘲諷她

「咩喎！好學生都係人啊，瞓遲咗有幾出奇姐...」她低頭說

「我講下笑咋～唔洗咁認真㗎」我看她好像有點不開心，連忙解釋

她沒回答，只是打了我一下

「又打人！」

她盯著我

「得！你打得開心就好啦....」我說...

「嗱！你話㗎！」她突然大笑了起來

「哦！！你玩我！」

她跑上樓梯，我也追上去

就這樣的打打鬧鬧回到課室

鐘聲響起，班主任來到課室，還是Miss Chan

「大家早晨啊，兩個月冇見，你地嘅班主任仲係我啊，有冇令大家好失望啊」Miss Chan依然是那麼有朝氣

「冇！」同學們都回應

「好～咁我地點個名先啦」

「歐陽洛兒」

「到！」

「陳天航」

「到！」

「嘩，天航！你瘦咗咁多嘅？！」Miss Chan看到我後驚訝

「少少啦～」在Miss Chan這麼高調的情況下問，令我都有點害羞起來

「成個唔同曬～靚仔曬」Miss Chan繼續說

「係咩～」我摸摸頭

「好啦，唔講啦，你面都紅埋啦」Miss Chan說

「犀利啦～連Miss Chan都讚你啦」洛兒輕聲的說

「仲講！」我看著她

她傻笑起來

小息時候

「唉～明明今日有人可以唔洗請食野，但人地一叫你就停步」啊武嘲諷我

「嘩！我幾驚我要請啊」啊烈在旁說

「有人叫咪停，自然反應！」我說

「仲扮曬，係人都知你點對佢啦」啊烈說

「你地唔好係佢面前亂講啊....都唔知人地點諗」

「我就覺得唔洗驚啦，點睇佢對你都有意思」啊武吃著小食部的小食說

「我都係咁話」啊烈認同

「係咩...我覺得頂籠都係同佢係好朋友...唔敢諗其他野住」我就不太認同

「你自己諗啦」啊烈說

「大力啲！吸氣！」焯哥大聲呼喊著

汗水如倒水我們正努力的揮打著沙包

「未食飯啊？比啲力！！」焯哥的聲音如雷貫耳

我們三人聽到後也不自覺的更用力一點

叮！叮！

計時器響起，時間夠

「好，停得啦，休息五分鐘」說完後，焯哥行開

「嘩！散曬...」我靠著沙包軟坐在地

「真係有啲攰」啊武亦累得靠著擂台的繩邊

「連你都攰就知今日操得有幾甘啦...我啊哥今日做咩」啊烈跟我一樣坐在地上

焯哥走回來

「啊哥，你今日做咩操得咁甘」啊烈直接開口問

「我特登㗎，因為我覺得你地進度有啲慢」焯哥蹺著手

「你地三個，得啊武叫做好啲，你地動作唔夠快、唔夠狠、體能又唔夠」焯哥指著我們

被說我們都低著頭，不說話

「我諗住帶你地去打比賽，有邊個想去？」焯哥蹺回手問我們

「我！我！！」啊武雀躍的舉手

「我預咗你會㗎啦，另外兩個呢？」焯哥看著我和啊烈

「我冇所謂」啊烈說

「咁當你去，啊航呢？」焯哥定睛看著我，啊武啊烈亦看著我

「呃.....去囉」在這麼大壓力的情況下，我好似別無他選

「好！就咁決定，時間我再通知你地」焯哥正想轉身離去

突然又轉回來

「放心，新秀比賽嚟，對手唔會太勁，你地應該應付到」說完又轉身走了

「終於有得上台！」啊武一貫的興奮

「你好想上台咩？」我問

「緊係想啦！可以證明自己喎！」啊武回答

「咁你呢？」我轉向啊烈

「我？我不嬲都冇所謂」啊烈說

「咁你呢？你唔想咩？」啊武問我

「我....我都唔知」我回答

「上台試下先囉！可能上咗台你就會中意呢」啊武說

「嗯」我點頭

如是者，在未來的三個月裏，我們接受了地獄式訓練，一星期訓練四天，每次三小時

基本上是一放學就去訓練，訓練完就回家吃飯，然後睡覺，起床再上學

原先我也會認為這樣的生活應該會很累，但想不到的是整個人都越來越精神，有一種容光煥發的感覺

在訓練開始後的兩個月，基本上我已經算是脫離了「肥仔」這個名稱

肚腩不再，手臂的贅肉也消失了，成功減掉身上多餘的脂肪

時間好快就去到比賽前的幾天

課堂上

「 肥仔」洛兒叫我

「咩事？」我問

「你係咪過多幾日就比賽啦？」她問我

「係啊，你會唔會嚟睇」我問洛兒

「嗯.....我唔中意暴力野....我諗我未必會嚟啦」她斷斷續續的說

「哦....咁好啦」我有點失落感

「你到時要加油啊，我唔到姐！我支持你㗎！等你話我知結果！」洛兒說

「嗯，好啊」我點頭，但表情上應該多少也有透露出失落

.........

比賽當天

場地裏都逼滿了入場觀看的觀眾，本應在休息室準備比賽的我走到場地，望著門口，有一絲寄望著她會出現，但明顯是我想多了

第一場比賽也要準備開始了，但也不見她的身影，我也黯然回到休息室

「做咩個樣咁down」啊武問我

「一定係女神唔嚟啦」啊烈幫我說了原因

「嗱！啊航，我唔理咩原因，一陣上到台，同我專心打」焯哥聽到啊烈說的話後，走到我身旁

「冇問題」我回答

啊烈比我們輕，所以是他比較先出賽，還有兩場就到他出場，所以我們決定走出休息室，到場地準備比賽，順便觀看這兩場比賽

台上的是男子55kg級別的比賽

55kg級別的比賽鬥的不是力量，而是速度，當然我不是就拳手沒有力量，一般人被他們擊中應該也會生不如死，但相比起60、70kg級別的拳手，他們注重的比較是在於速度

台上的拳手屏著呼吸，揮動著自己的雙拳，打在對方的身上

在雙方的一輪快打後，平分秋色，各自都後退數步，氣喘吁吁，汗流浹背

二人停下動作時間太長，裁判不得不走到二人中間，揮手示意二人要開始攻擊，在裁判的示意下，拳手再展開擊勢

嘭！

一聲巨響下，賽事結束，藍方選手用一記飛膝擊中了對手的下巴，成功在比賽完結前擊到對手

「嘩，明明啱啱都仲係打成平手，突然就比人K.O.咗...」我在台下說

「上到台就係咁，你唔會估到下一秒會發生咩事」焯哥已對這樣的事習以為常

「上到台我一定係K.O.人嗰個!」啊武充滿自信的說

「啱啦！就係要咁樣嘅自信！」焯哥點頭滿意

終於到啊烈比賽的時候

「死仔，一陣上到台，同我淡定啲，慢慢打，正常發揮得㗎啦」焯哥幫啊烈按摩著肌肉

「得」啊烈點頭

「依場係青年組別50kg嘅賽事！！有請雙方選手上台」台下的裁判說

「藍角選手係嚟自黑焯拳館嘅張一烈！！」

場上的觀眾給予掌聲

「而紅角嘅選手係威拳館嘅梁政！！」

擂台下再次響起掌聲

啊烈跟對面的梁政對望著

「淡定啊，依家我講咩都冇用，上到台就靠自己啦」焯哥拍一拍啊烈的肩膊

啊烈點頭，視線沒離開過梁政

「嘩！明明只係青年組嘅比賽，但氣氛都好緊張啊！！」主持人在台下大聲呼喊著，為比賽握高氣氛

叮！

鐘聲響起！比賽開始

啊烈沒急著進攻擊，而是在台邊遊走，觀看著梁政的動作

梁政見啊烈沒主動出擊，就主動上前攻擊，先是前拳試探，再加一下重拳

啊烈後退一步，再踏前蹲下，一記重重的直拳打在梁政的肚上

被打中的梁政馬上後退了數步，咳嗽

啊烈冷笑了一下，梁政看到後，便火起了，衝向啊烈，啊烈以側身躲過

「叻仔！繼續」焯哥開心的在台下大叫

啊烈愈打愈輕鬆，左一步右一步的騷擾梁政的節奏，更不時放下雙手

梁政慢慢跟不上啊烈的節奏，加上被啊烈重擊過幾次，明顯出現氣喘的問題

「烈！佢爆軚啦！」焯哥提醒啊烈

啊烈舉起手，走近梁政

梁政大叫一聲，再度衝前，他想抱住啊烈，啊烈也不蠢，知道梁政想做什麼，趁著梁政伸直雙手時，看準時機在他雙手之間打出上勾拳，直擊在梁政下巴

在重擊之下，梁政明顯變得腳步不穩，身體都放鬆了，只要多加一擊就必定倒下，當然啊烈也清楚這點，他上前走近梁政，正當他揮拳準備打在梁政臉上時，鐘聲響起了....

名副其實的救命鐘，不過是救了對手的「命」

梁政的師父馬上把梁政扶到紅角休息區

啊烈側自己走到藍角的休息區

「哎啊！睇嚟啱啱藍角選手差少少就贏㗎啦！估唔到青年組賽事都可以咁刺激嘅！」主持人出口處理休息時間的冷場

「烈，啱啱咁打啱㗎啦，下round 收佢皮」焯哥在啊烈頭上淋水，幫助他降溫

叮！！

一分鐘休息時間過去

叮！！

比賽再次開始

這次明顯看得出梁政有點怕啊烈，啊烈也看得出，所以他故意走近梁政，把他逼到繩角，梁政嘗試衝出困局，但卻啊烈再逼回繩角，之後啊烈就開始了猛烈的攻勢，左右勾拳，低掃腿，直拳，把他學過的招數都使出

不久後，裁判把二人分開，之後向台下的裁判揮手，示意要結束了，比賽已分出了勝負

賽果十分明顯，是啊烈勝出了

啊烈在台上舉起手鞠躬，但沒有高聲歡呼，好像一早預計到自己會勝出一樣

自推

試下推

多謝支持

有文一推

本來在啊烈後的幾場賽事後就是輪到我的比賽，但大會突然宣佈我的比賽將會有所調動，會將我的比賽調去最尾一場

「又會咁突然嘅...」聽到消息後的我說

「周不時都有，成日會調來調去」焯哥說

「咁即係我打先啦！我準備好㗎啦！」啊武站起來活動手腳

「下場就係你，出去準備」焯哥望向啊武

啊武點頭

之後在我們的陪同下，啊武走到台下準備比賽，而對手亦在對面準備著

「對手好似大隻過你」我看著啊武對手

「大隻唔代表打得嘅，一回合！一回合就贏」啊武帶點囂張的態度

「有自信係好，但你會唔會太有自信？」啊烈也認為啊武有點太自信了

「一陣就知！」啊武依舊對自己充滿自信

叮！

台上的比賽結束，隨即是啊武的比賽

「請下一場選手上場！藍方係黑焯拳館嘅李梓武！紅方選手係克拳館嘅徐申！」

「我冇記錯徐申應該係好細個就參與拳擊運動，係唔少嘅青年組別賽事都見過佢嘅身影」

「喂，聽唔聽到個主持講咩？人地好有經驗！唔好咁淡定」我為啊武緊張

「得啦」啊武簡單回應

「武，三個入面最穩定係你，你好似平時咁打就得」焯哥做最後的提點

「好」啊武閉上眼，靠著繩邊

是緊張嗎？

「好，雙方選手行出台中」台上的裁判叫說

在大概講解規則後，比賽正式開始！

徐申主動攻擊，起腳踢向啊武，啊武提腳擋住，腳尖觸地後又發力，以高速踢向徐申

中！！！

啊武的腳重重的踢在徐申的大腿上，徐申的大腿馬上瘀黑了一塊

「好！！」焯哥興奮大叫

啊武追擊，走近徐申

徐申一拐一拐的後退，但不及啊武靠近的速度

啊武瞄準徐申的胸口起腳前撐，徐申以雙手擋住，卻不知前撐只是煙幕

接下來的重鎚才是戲肉！！

嘭一聲！！

啊武的拳頭打在徐申的臉上，徐申整個人軟掉，攤倒在台上

叮！！

真的如啊武所說，比賽在一回合內結束了

「嘩！！！呢場賽事只係用咗1分23秒！！不得了啊」主持人在台下歡呼起來

「叻仔啊！！」焯哥衝上台抱起啊武

我跟啊烈也跟上去，為啊武歡呼

就這樣，啊武的比賽在一片歡呼下完結

回到後台

「真係抵你咁淡定嘅！！叻仔！！」啊烈也難得的興奮

不過也是正常，啊武的表現實在太令人鼓舞，證明他的自信是沒有錯的

啊武的比賽完結了，就代表我的比賽也準備要到來了

「啊航！唔洗緊張，好似佢地咁打得㗎啦」焯哥說

我點頭，視線卻沒有離開過場地的入口

真的不會來嗎？.....

「雙方選手這上台！」裁判叫道

焯哥伴著我上擂台

「放鬆啲，咁短時間減到咁多磅你都做到，冇野難道你嘅！」焯哥說

「嗯！」我點頭

叮！！

比賽開始

對手的氣勢很強，鐘聲一響他就向我衝來，沒有給半點時間我思考

我被逼得後退，圍著擋台邊遊走

「航！！唔好比佢帶住走！！」焯哥在台下提醒

我正想走出對手的節奏時，已有點遲，他正式施展攻勢

他不斷用左右直拳攻擊我，力氣沒有很重，但速度很快，打得我連連後退，不知不覺我退到了繩角

「出返嚟啊！！」焯哥大叫

我也想走出繩角，但奈何他逼得我太緊，毫無位置給我逃脫

他不斷的向我攻擊，直拳、勾拳、低掃， 可說是無所不用其極，一開始我還算能擋得住，但慢慢他的攻擊能擊中我

當我以為自己那麼快就要輸的時候，一個可以令場面逆轉的人到了

歐陽洛兒在門口把頭探出來，看看場內的環境，確定沒錯才步入

她看著擂台上的我，先是笑一下，之後再做出加油的動作和口型，看到她的到來我瞬間感到能量滿滿

我提起腿，舉在我與對手的身體之間，讓我們保持距離，然後雙手把他推開，他一向後退時，我就趁機走出繩角困局

「叻仔！唔好同佢硬碰硬！打遊擊」焯哥提示

我放鬆腳步，一步一步走到台中央，對手亦走到我面前，我們互望著，這次我率先出手

我揮出前拳騷擾他的視線，然後踢出一記低掃，踢在他小腿上，令他站不穩腳，再追上一重拳打在他臉上，他後退三步，用力搖一搖頭，讓自己保持清醒，再踏前

「啊航做咩突然咁醒神」啊武問

「你睇下個邊」啊烈指著台邊的另一方

他們看着的就是歐陽洛兒

「原來係女神嚟咗，唔怪之得咁型啦」啊武笑說

「嗰個係啊航女神？」焯哥問他們

「係啊！神魂顛倒個隻！」啊武說

「又真係幾靚嘅」焯哥蹺著手說

台上的我仍在努力著，我剛剛攻擊一輪後，現在他施展反擊

他的攻擊速度的確很快，害我擋得一邊擋不了另一邊

「唔好亂！佢有節奏㗎！」焯哥大叫

我聽到後定睛看著對手的動作

腳、拳、腳、腳、拳、腳、拳、拳

果然是有節奏的！我雙手舉高包着頭部，靜待機會，等他將這套攻擊節奏再重複時，就是我反擊的時候

腳、拳、腳...他下一招是腳！我提腿擋住，然後整個人傾前使出批踭，打在他的鼻梁上，他馬上腳步不穩，流出鼻血

「比賽只係剩低三十秒！」主持人大聲宣佈

聽到這句後，原來腳步不穩的他變得精神，衝向我，我也不甘示弱，上前迎戰

只剩下三十秒，大部分拳手都會選擇用盡身體的所有力氣，我們也不例外

我們踏上了硬碰硬的路，站在對方的正對面，不停揮拳，盲目的打在大家身上

你一拳，我一腳，你批踭，我起膝，有來有往的攻打著

叮！！

鐘聲響起！比賽結束！！

我成功在台上站到最後一刻！！對自己來說已算是勝利了

「好！！非常精彩嘅一場角力賽！！我地而家嚟睇吓評判們嘅結果啦！」

台上的裁判捉着我和對手的手，等待結果

「五位裁判嘅分數係不一致嘅！係三比二！係.....陳天航贏出！！」主持人拿着裁判們的分紙，宣佈結果

台上的裁判亦高舉我的手

我整個人呆了，居然會是我勝出這比賽，是真的嗎？！

台下的啊烈、啊武、焯哥都衝上來為我歡呼，我亦十分開心，我的視線轉向她

她亦在看著我

「我得咗啦！」我對着她做口型說

「叻仔！」她也做口型回覆我

在宣佈正式結束後，我拿着獎杯走到洛兒身邊

「我得咗啦！！」

「你啱啱咪講咗囉！肥仔」洛兒笑說

「咁開心啊嘛」我摸摸後腦勺

「係喎...你又話唔中意睇依啲，唔嚟嘅？」我問她

「咁.....我驚你少咗我嘅支持，比賽會失準啊嘛！問咁多做咩姐！」洛兒雙手叉腰

「得得得～唔問啦」我說

「見你今日你咁叻仔，我同你影幅相紀錄低！」洛兒在背包拿出相機

這時啊武他們走到我們旁邊

「你過嚟就啱啦！幫我地影相！」洛兒把相機塞給了啊武

啊武呆一呆才反應過來，拿起相機

「想點影啊？」啊武問

洛兒突然走到我背後，按著我的肩膀跳起，跳到我的背上

「咁影啦」她說

咔擦！

「影完啦」啊武把相機還給洛兒

洛兒滿意點頭

「無啦啦要我孭你都有嘅」我看著她

「點啊！依家係咪唔滿意！」她皺眉看着我

「冇！超級滿意！」我搖頭

最後，我們找了別人幫我們拍了一張大合照

賽事就在我們三人拿著獎杯回家，完美落幕

洛兒肯定死左或者走左

唔知呢

時間不知不覺的流逝....匆匆來到中四那年

老師離開課室

「肥仔，今晚記得提我聽日要帶隻USB返嚟」洛兒在抄錄黑板上的筆記

「哦，好啊」我同樣也在抄寫筆記

突然，坐我們後一排的同學問我們

「其實呢，你兩個係咪拍緊拖㗎？」

「唔係啊，我地係好朋友」我搶著說，我們經常會被別人問我們是不是情侶，而我答的這句已就是洛兒會回答的話，所以這次我就先說，因為我實在不想再從洛兒口中聽到這句話

洛兒先是呆一呆看著我，然後再點頭認同

「成日見你兩個好似糖黐豆咁，關係又咁好，仲以為你地拍緊拖添」那同學又繼續說

我只能尷尬的一笑，當作回覆

的確這幾年來我和她的感情也非常要好，經常攬頭攬頸、一起上學放學和出街遊玩，但身份都只是大家的好朋友，沒有任何改變

接下來是選修課目，我跟洛兒的選修課不一樣，所以就分開了課室

而洛兒選的是化學，我跟啊武啊烈的是體育，這堂的內容是體適能，所以上課地點在操場

老師在帶著我們拉筋

「喂，其實你同佢點㗎姐」啊武問我

「咩點啊？咪又係咁」我回答

「拖咗咁耐，再唔追條女就冇㗎啦」啊烈旁加入討論

「唉...咁又唔係我唔想，就算有人問我地係咪拍緊拖，佢都話我地係好朋友啊嘛....」

「咁你地身份真係好朋友喎，你有冇出過聲先？」啊烈問我

「咁又冇...」

「咁咪係囉！你自己又唔出聲，咁緊係冇進展㗎啦」啊武搖著頭說

「但結如果講咗出口，可能連好朋友都冇得做」我低頭說

「你依家好缺朋友咩？你缺女朋友咋嘛」啊烈說

「咁....我應該講？」我問

「緊係啦」啊烈啊武同步說出

嘭！！！

突然在樓上的課堂傳來巨響，隨後就是玻璃掉落，有不少更掉到操場上

之後，鐘聲響起

但不是下課的鐘聲，是火警鐘響了！！

老師衝到我們面前

「同學！今次嘅火警唔係演習！係化學室做實驗個陣有意外產生咗小型爆炸，請大家快啲分班，排好隊，等埋其他同學」

「下？！爆炸？！」

「唔係掛」

「呃我地啊嘛」

「唔怪得咁大聲啦」

老師這一翻話令在場的同學嘩然四起，但我留意到的跟他們不一樣

「化學室....」我口中喃喃自語

「你女神！」啊烈也意識到我想到的

我拔腿就跑，跑向樓梯方向

「航！危險啊！」啊武跟著我跑

「喂！同學！唔好上去啊！」老師看到我們跑往樓梯，馬上上前攔截我們，但他只成功攔住了啊武，我及時跑上了樓梯

「同學唔好上去啊！好危險呀㗎！消防員嚟緊㗎啦」攔住啊武的老師說

啊武被他纏住，跟不了我上去

沿路跑上去，都有不同年級、班別的同學正在下樓，仲有不少老師會問我為什麼往上跑，但我沒有理會他們，而他們也因為正帶着一班同學，所以沒有空閒跟着我

在穿過多次人群後，終於到了化學室門口，濃煙從內湧出來，看到這情景，我腦內出現了一個我不想接受的畫面，千萬不要啊！！

我吸一口氣，衝入了化學室，內裏的情況十分凌亂，枱櫈散落遍地，玻璃器皿都被震破了，滿地也是玻璃碎片

「洛兒！你係邊啊？！」我在火場內大聲呼叫

在尋找她的過程裏，我幫助了不少在化學室的同學逃離現場，他們有的被桌子壓着了，有的就被火困住了，情況十分危險

椅桌在烈火的吞噬下發出「劈哩啪啦 」的聲音，加上其他雜聲的影響下，很難聽得清楚周遭的聲音，但我也不可以放棄

「洛兒！！」我繼續呼喊著

突然，儲物室的門傳內撞擊聲，我走到儲物室門前，門口被旁邊焚燒而倒地的櫃子頂住了，裏面的人被在儲物室內，出不來

「係咪洛兒啊！！」我在外拍門

「我係化學老師！洛兒同學佢暈咗啊！」門內傳來聲音

「你地等陣！！」我聽到這個消息後，整個人都急起來了

我無視木櫃正在燃燒，徒手嘗試把櫃抬起來，手掌都被燒傷了，但櫃比我想中的重得多，即使用上肩膀撐住，用盡力都只是抬起一點點，正當快要沒氣力時，旁邊多了兩個身影幫助托住木櫃

是啊武，啊烈

「咁危險入嚟做咩啊！」

「你都知危險咩！快手啲啦！」啊武搖著頭說

「唉！麻鬼煩！」啊烈嘆氣

在我們三人協力下，成功把木櫃抬起了，並把它放到一邊，沒有木櫃的阻攔下儲物室的門終於能夠打開

門打開後，裏面有四人，化學老師、洛兒以及兩名同學，洛兒因為吸入太多濃煙而昏迷過去

「洛兒！」我衝前，把洛兒背起

「快啲走！」啊烈帶著其他人離開

啊武就再尋找一下課室裏還有沒有其他人，在多次確實沒有其他人後，我們離開課室，但在離開時，我回頭一看著看到了一個滿身是火，皮膚都被燒至焦黑了，他正詭異的向我揮手

「個到...係咪有個人」我指着那詭異的人

「邊到有啊！快啲走啦！成個化學室都係危險品㗎！」啊烈望向我指著的方向，著沒有看到那「火人」

是我的幻覺嗎？......

逃離現場後，我們回到地下操場

「你地擅自咁樣走上去！好危險㗎！咁我可以記你地缺點㗎！」其中一個訓導老師走到我們面前，罵我們三人的衝動行為

「Miss Cheung，依啲遲啲先講啦！比啲學生休息下先」我們班主任Miss Chan走過來為我們解圍

「你地點啊，冇事啊嘛？」Miss Chan問我們

「我地冇事啊，不過歐陽洛兒佢暈咗啊」我馬上緊張的說

「咩冇事啊，你對手同膊頭都傷曬啦！」啊武捉著我的手說

「我冇事啊！佢....」

這時救護員和消防員到達現場

「火場係幾樓？！」一消防隊目下車詢問情況

校長上前跟他交涉，而救護員就在一空曠地方設置傷者分流，為大家檢查傷勢

「我想問，佢點啊？嚴唔嚴重？」我走到為洛兒檢查的救護員身旁

「佢冇咩事嘅，表面冇咩傷痕，應該只係吸入咗濃煙，所以先會一時暈咗，我依家比返啲氧氣佢吸，休息一排，應該好快冇事㗎啦，不過詳細嘅都要等佢入醫院檢查一下先知嘅」那救護員算是解釋得十分詳細，聽到洛兒情況良好時，我總算放下心頭大石

「同學！你隻手都受咗傷喎！快啲過嚟包紮先！」救護員發現我身上的傷

「呃....其實我冇咩事㗎」我說

「燒傷好容易細菌感染，一定要小心處理！」就這樣我被救護員拉到一旁處理傷口

不久後，救護員就把我們都送到鄰近的醫院， 大部份同學都要留醫一晚觀察情況，包括我在內，因為我也算長時間逗留在火場內，而啊武啊烈二人因為沒有在火場逗留很長時間，亦沒有吸入很多濃煙，所以在普通檢查後就能自行離開，不用留院