[殭屍/鬼怪/打鬥]《噬魂》我由古惑仔變左做現代道士

1001 回覆
81 Like 6 Dislike
2020-07-09 00:53:40
正野!
2020-07-09 01:07:50
多謝
2020-07-09 01:08:15
加加速得唔得先
2020-07-09 01:10:26
我會盡力依家平均一日出兩次文!我會盡量加速
2020-07-09 20:14:18
「嗯....我諗諗辦法」九叔沉重的說

「啊!你之前唔係話仲有個師兄咩?我地可以搵佢幫手啊!」我建議說

「唔洗佢幫手,我一個都搞得掂!」九叔反應極大

「呃....依個時候多個人幫手唔好咩...」我說

「我話唔洗就唔洗!」然後九叔就回房間

「我講錯咩啊...」我望向葉靈

「我諗九叔叔同佢師兄之間應該有矛盾存在」葉靈說

「咁...唯有等九叔自己諗辦法啦」

翌日

「九叔早晨」我起床時,九叔已在看著報紙喝著茶

「嗯」

「唔好意思啊,琴日講多左」我為昨晚的事道歉

「冇野,我語氣都重左」

「九叔叔早晨」葉靈也出來了

「吃早餐啦,日日訓到黃朝百晏」九叔指一指桌上的外賣盒

「依家都係十點姐,好早㗎啦」我反駁道

「我每朝都六點起身,你仲訓到隻死豬咁」九叔看一看我

「以前@%&!^#&%」我吃著包說

「得得得,你食野就唔好講野,噴到周圍都係」九叔一臉嫌棄

「我估天航係話:以前習慣左夜生活」葉靈幫我補充

「嗯嗯嗯!」我點頭

「習慣嘅野可以改」九叔說

「比啲時間適應啦」

突然!我的腿感到劇烈的痛楚,倒地

「啊!!!!!」我抱住腳

「咩事啊!天航」葉靈上前扶住我

「唔知啊!!好痛!」

九叔拉起我的褲腳,發現我腳腕的傷口

「點整到㗎!」九叔嚴肅的問

「係琴日殺隻殭屍個陣比佢抓到㗎!」傷口依然十分疼痛

「死仔!琴日問你又話冇咩特別事!」

「傷口唔深,又唔痛,咪以為冇事囉!」

「殭屍嘅指甲係有殭毒㗎,你傷口已經比殭毒入侵!」

「下?!咁即天航會變殭屍?」葉靈緊張的問

「我唔要啊!唔要變殭屍!」

「依家都未知佢殭毒入侵幾多,靈,你捉實佢,我去拎架撐」九叔用鎖匙打開那工具房門

一會後,九叔拿出一個袋、一疊正方形的符紙、一個墨斗

「九叔叔,我地家點啊」葉靈問

「捉佢過去搖椅到」

九叔將糯米放在正方形符紙上,然後一下拍在我的傷口上,傷口馬上冒煙!像是被燒一樣!

「啊!!!!!」我睜大眼睛,強忍著疼痛,手腳開抽搐

「唔想變殭屍就忍住!」九叔看著我

「天航!頂住啊...」葉靈幫我捉著我

「嗯!!」我點頭

「有請諸仙護體,去」九叔唸咒

我腿上的符紙發出火花,我痛得昏了過去,當我再醒來時,我的腿已被符紙貼著,並用墨斗線綁著
2020-07-10 00:33:09


「係琴日殺隻殭屍個陣比佢抓到㗎!」傷口依然十分疼痛


估中!真係有古怪
2020-07-10 00:43:51
大家中意個故仔嘅就分享比朋友
大家嘅支持就係我出文嘅動力!
2020-07-10 09:30:56
「九叔,我隻腳點啊」我問

「未知,但暫時幫你壓制左啲屍毒」

「咁可以壓到幾耐」

「....唔知」九叔遲疑的說

「......」

「唔緊要啦,總有方法嘅」葉靈安慰我

「嗯」雖然我知道她在安慰我,但真的提不起勁

這晚是寂靜的一晚...

我徹夜未眠,九叔依舊是比我早,但今天不同的是他手上多了一本古卷,難道他在為我想辦法嗎?

「九叔早晨」

「嗯」他看一看我

「九叔啊,如果我隻腳啲殭毒真係壓唔住,我仲有幾耐時間?」

「三日」

「....」

「好!依三日我會再去商場繼續查,反正依家嘅我都唔差幾多」我直接說出我的想法

「比多一日我,我會諗到辦法」九叔堅定的說

「......」我沒說話

「如果一日之後,我諗唔到辦法,我同你一齊去查」九叔說

說完後,九叔點了口煙,出了走廊靠著欄杆,感覺他是在回想著往事,臉上出現了慨嘆

「九叔,你係咪諗返以前啲野?」我走去問

「嗯」

「可唔可以講嚟聽下」

「八掛!」九叔推一推我頭

「關心下你姐」我反駁

「係好多年前,我曾經收過一個徒弟...

二十三年前...

我有一個徒弟叫張仁,一天我在街上閒逛時發現了他,還是嬰兒的他被放到街邊的一個紙箱裡,我不忍心看著他在街上等死,所以就把他帶回了道館

從少他就很懂事,從不用我擔心,勤力練功,雖然年紀輕輕,但功力甚至高過好多師兄,我師父亦認為他會是未來掌門之選,可惜...

好景不常,一天,殭屍好像突然進化了一樣,不似以前的僵硬、亂跳,而是更有智慧、力量更大,我師父帶上過百門生,打算一舉殲滅他們,而且命令張仁和剩下的師兄弟負責保護道館以及如真的打敗仗就為我們收屍

戰場上,進化殭屍的能力遠超我們想像,一眾門生,好快便剩下師父、我和我師兄,我們拼死殺出一條血路,成功衝破殭屍的阻攔

回到道館...原本被師父命令留下的師兄弟全死於殭屍手下,道館內屍橫遍野,血流成河,但唯獨不見張仁的身影

「仁!啊仁!你係邊啊!」我到處呼叫

終於在神壇前發現啊仁

「啊仁!你點啊!」我上前

「師...父...我好辛苦啊!」啊仁轉向我,清晰可見,他身上有多個牙洞,滿身也是抓痕,雙眼泛黃,指甲已變黑

是殭氣入侵...以表面症狀來看,啊仁不出十分鐘就會變成殭屍...

「師父,救我啊,我唔想變殭屍啊!」啊仁跪在我面前

「放心!師父一定會救你!冇事㗎」我安慰著他

「真嘅?!」他張開嘴巴時,我發現他已長出一隻殭屍牙...

「我幫你諗辦法!冇事㗎,你坐低先」我腦海一片空白,完全想不到有什麼方法

這時我師兄亦來到神壇前,他看到張仁的模樣就馬上拿起桃木劍,對著啊仁

「師兄!你放低把劍先!啊仁仲有意識㗎!」我連忙說

「醒啦師弟!佢冇得救㗎啦,等他變成殭屍先殺就遲啦!」

「師父!師伯講嘅係咪真㗎?!」啊仁站起來

「唔係㗎,仲有辦法㗎!!一定有」我說

這時啊仁身體開始抽搐,我正想上前捉緊他時,我師兄一劍插入啊仁的心臟,好快啊仁就在我面前化成灰燼

「你做咩啊!佢仲係啊仁嚟㗎!可能仲有得救㗎!」我捉住師兄的衣領

「你唔忍心落手,我幫你咋,你同我都知!冇得救㗎啦!」師兄說出真相,我不想面對的真相

......

「成件事就係咁啦...」九叔說出一直令他無法釋懷的事

「咁之後你同師父師兄點啊?」

「師父當年都身受重傷,好快就走左,走之前將掌門交左比我,而我同我師兄就分道揚鑣,依廿幾年都再冇見過」
2020-07-10 12:36:08
自推
2020-07-10 20:47:52
2020-07-10 20:56:19
「廿幾年冇見過?」我驚嘆

「嗯」九叔點頭

聊著聊著葉靈出來叫我們

「你地入嚟食早餐啦」

「好!依家嚟」

這餐早餐的氣氛總算是緩和了不少,吃完後九叔繼續為我查著不同的古卷,但好像也是毫無頭緒

「九叔,搵唔到唔緊要㗎喎,如果唔係你,我死左幾次啦,已經幫左我好多㗎啦」

「唔會搵唔到!我已經幫唔到一個徒弟,唔想幫唔到第二個!」九叔衝口而出的一句

「第二個?你當我係徒弟?」

「唔好話係唔係徒弟,我都唔想再有第二個𡃁仔係我面前死」看得出九叔有點自責的說出

我拍一拍九叔的肩膀,也不知道該說什麼,這時鐵閘外傳來一把聲音

「好溫馨嘅畫面~」是段一凡,他拉開鐵閘

「你點知我地住依到!」我站起來

「上次你可以係結界走得甩,就知你唔簡單啦~點可以唔留意一下你啊~」這個段一凡一臉邪笑,總是給人一種不簡單的感覺

「請問你嚟我屋企有咩貴幹?」九叔淡定的喝著茶

「冇~我嚟打個招呼㗎咋~」他依然是保持著禮貌,但配合他的邪笑,整件事就好有違和感

「然後?」九叔追問

「我老闆叫我嚟通知你地一聲,唔好再亂咁周圍行啦~如果再唔小心蕩失路就唔似上次咁易搵到路㗎啦~」

「招呼打左,廢話講完啦嘛?咁唔該你幫我傳句話比你老闆,同佢講我會親自去探佢」九叔這是宣戰嗎?

「喔?!哈哈哈~好啊~我段一凡非常樂意為先生你服務~」他輕輕的鞠躬

他正準備離開時,突然回頭

「嗰邊個位小姐~你好靚~我記得我幾年前見過你㗎~不過,好可惜個陣我同你嘅遊戲好快就玩完~估唔到仲可以見返你~哈」

他說完就離開了,當我追出去時已不見了影蹤,他剛才的話意思是說當年就是他把葉靈推下樓嗎?!

「靈!係佢?!係佢推你落樓嘅?」我捉住靈的手臂

「我唔記得啊」葉靈看著我

「你試下諗下啦!」

「航!縮手!」九叔叫停我

我才發現我把靈的手都弄紅了

「對唔住啊,我太急躁」我馬上道歉

「唔緊要啊,我好快冇事」葉靈說

「航,做人要冷靜啲,佢咁講,無非就係想你激動,人一激動就好易做錯決定」九叔說

「係...」

「坐低啦,你今晚好好休息,我聽日同你去會一會佢」

「好!」

翌日我們一早起來,收拾東西

「航,依把桃木匕首同你上次用個把唔同,依把威力大好多,浸過黑狗血,係神壇前拜左七七四十九日,唔洗貫穿心臟都可以有強大傷害」九叔把劍拋給我

「好!」我接住劍,放入背包中

「仲有,呢條捆仙索都係加強版,只要一綁住目標就可以造成傷害」

我看到九叔把幾種顏色的符紙放入背包

「九叔,點解你有咁多種唔同嘅符,我就得一種黃符嘅?」我問九叔

「唔同顏色嘅符,代表借法多與少嘅程度,分有紅、黑、黃、白四種,黃色最普遍,黑符同紅符嘅反噬力極大,只係一唔留神,隨時傷到自己,而你用嘅朱砂黃符係你唯一可以用嘅符」九叔詳細的解釋

「哦~明白」我點頭

「搞掂未?出發!」九叔拿起背包就出門

再一次來到荃新天地,上一次才剛進去就被結界困住,這次又會有什麼事啊...
2020-07-11 10:12:15
果然....我們一推門進去,裡面的客人全都消失了,明顯又是進了結界

「九叔..」

「我知,你地自己小心,佢今次唔會咁順灘」九叔提醒

「知道!」

一陣鼓掌聲從遠處響起

「哈哈哈哈~你地真係嚟左~各位果然好膽量啊~」是段一凡

「我嚟探你老闆,點解係你依隻門口狗嚟接我」九叔拿出桃木劍

「喔~哈哈~因為我老闆唔想整污糟自己對手,所以就派小弟專門處理一啲送上門嘅麻煩人」他依然是笑著

「係咩?我都想知你點處理,不過我驚你返唔到去搵你主人」

「先生想玩嘅,小弟絕對奉陪~」看著段一凡的笑容真的會感到滿身不自在

段一凡慢慢的步近,九叔亦舉起劍,以防他突然衝前

「航、靈,近戰你地唔係佢對手,一陣航負責配合我,用捆仙索限制佢嘅動作,靈負責幫我適當時候引開佢注意」九叔小聲的說

「喔~我好似聽到有人傾緊對策喎~唔好咁大聲啊,比我聽到就唔好啦~」段一凡說出令我呆一呆的話

「嘩,條友開外掛啊,咁遠都聽到?!」

「殭屍就係咁嘅生物」九叔說

九叔衝前,桃木劍向橫一揮,段一凡彎腰躲開,然後後退兩步,一個側踢還擊,九叔格手擋住,揮劍斬向段一凡的腿,段一凡把腿放下,斬不中,他腳尖到地,借力再踢,九叔這次來不及擋,被踢中,他們的動作快得我和葉靈根本無從入手

「反應可以再快少少~」段一凡嘲諷九叔

他腳剛到地,右直拳即出,九叔低頭避開,一上勾拳擊中段一凡的下巴

「係咩,唔夠快咩?打得中喎」九叔笑一笑

段一凡沒說話,踢出一個低掃,九叔提腳擋住,繼而前撐,正中心口,右手一揮,桃木劍在他胸口劃了一刀,他面露難色,衣服也破開了,傷口發出紅色的光,但不出幾秒,傷口竟然癒合了

「真係又唔同左...」九叔直站,停下動作

「唔同?咩唔同啊?」我問

「當年佢地傷口唔識癒合....」九叔說

「下?!會變種?」我驚訝

「哈~依層我唔清楚喎,我一變就係咁啦~依個就係人類同我地最大嘅分別~」段一凡自大的說

「其實真係唔明,你地成日話要統治世界,殺曬人類,咁到時你地食咩呢?」我無奈的問

「哈哈~唔知㗎,到時先算啦」

「唔好同佢講咁多廢話!」九叔說完就衝上前

我和葉靈亦上前協助,葉靈在手䄂裡飛出一條白色長布,好快白布已包緊着段一凡,他發力,白布隨即碎開,但他沒留意我已向他揮出捆仙索,繩纏着了他的脖子,被纏住的位置馬上冒煙,從他的表情看出捆仙索對他有所傷害,我用力一拉, 他反應不及倒地,九叔看準時機,跳起,向他的心臟位置插去,但段一凡反應極快,向後一個筋斗避開攻擊同時踢出一腳,踢中九叔的手臂,站穩後,用力拉動捆仙索,意圖把我拉向他,我的力氣當然不夠他,所以我故意讓他拉動,順着他的力氣,拉着繩索踢出一腳飛踢,踢中臉頰

「估唔到你反應都幾好啊~哈哈」我們弄得他這麼狼狽,居然還能笑得出,這個人真的是一個瘋子

「航,咁打就啱,唔好同佢埋身」九叔說

這時結界中的光線變得偏紅,氣溫也好像突然上升了

「咩事啊?」我問

「有人控制緊個結界」九叔說

這時,一個大叔從我們的背景出現,他一身穿著傳統的道士服,不同的是他不是黃色而是紅色的

「果然係南陽派嘅人」九叔看一看對方

「南陽派?」我問

「我地道教有分為東道、西樓、北門、南陽四派,南陽派係四派入面最奸險嘅一派」
2020-07-11 10:39:35
2020-07-11 18:27:41
「道兄,你又唔好咁講,奸唔奸險唔到你地話事,我地都係搵兩餐食姐,各為其主」那個紅道袍的道士說

「我就未見過學道之人會幫殭屍做野」九叔一臉鄙視

「依個世界講嘅係適者生存,佢地能力的確比較高,投靠佢地係遲早嘅事,強行反抗咪會好似你地北門派咁,死淨兩個咁大把」他說中九叔的弱點

「請問道兄叫咩名?」九叔問

「問嚟做咩?」他疑惑

「諗住今日之後幫你立返塊碑」

「哈哈!我叫莫平,不過我都想睇下邊個幫邊個立碑!」他拿起一把彎刀,刀柄處有一個太極的標誌

「航,靈,執生!」九叔拿出九金錢劍步向莫平

換言之,段一凡就交由我跟葉靈對付,我們能應付嗎...

「哈~睇嚟個遊戲變左我同先生你玩啦喎」段一凡望著我

「唉....點玩啊,條友開外掛嘅」我心想

「靈!」我看一看葉靈,然後跑向段一凡的左邊,靈就往右邊

我揮出捆仙索,靈同時飛出白布,他隻手同時被我們纏著,他雙手發力揮前,把我跟靈拉到撞上,我們倒地

「睇嚟冇左幫手,先生你打得有啲辛苦喎」段一凡慢慢走向我們

我拿出桃木劍和金錢劍,用捆仙索把兩劍綁緊在手中,剩下的繩吊在兩手間,雖然會束縛兩手的動作,但我腦海中想到一個可能性,這技巧是啊武教我的,希望能成功

我向頭揮劍,他蹲下避開,我借機起膝,他想後退迴避,這時我將兩手間的繩揮出,把他拉回來,這衝膝狠狠的撞上他鼻梁,鼻血也流下來,血是瘀黑色的

「怪物」我說

「哈哈哈哈~果然有啲小聰明」他依然笑著

九叔那邊,交鋒一輪,暫時打個平手

「道兄啊,唔好執迷不悟啦,做好人對你又冇處」莫平試著說服九叔

「你學術個陣冇聽過正邪對立、搏鬥終生咩?」九叔說

「依啲過時㗎啦,新時代就要有新手法,而且我記得你已經係你門派嘅掌門啦,冇人可以話你,做唔做係你自己決定」

「啱,所以我決定....清理道教入面嘅渣滓」九叔飛出數張黑符

黑符飛往莫平,莫平揮動彎刀破掉四張符,剩兩張,符飛到他身上爆開,被炸得後退兩步

他把彎刀飛出,彎刀像迴力標一樣在空中旋轉,飛往九叔,九叔用劍擋開,正想衝前時,張仁滿身是血的出現在他面前
2020-07-11 18:28:44
全力加速!希望可以一日有三更
2020-07-11 20:38:34
「啊仁?!你返左嚟?」九叔呆住了

「師父...點解你唔救我啊...我好辛苦啊」張仁指責九叔

「我冇啊!我好想救你㗎...但個陣你已經....已經...」九叔說不下去

「因為我會變殭屍所以就放棄我?你一手湊大我、教我,就係因為咁所以由得師伯殺我?!」張仁繼續指責九叔當年沒救他

「我唔想㗎!唔係咁...啊仁...」九叔跪在地上,情緒有點失控

張仁走近九叔

「我問你點解唔救我啊!」一腳踩在九叔的背,九叔趴倒在地

「我好想救你...我咁多年都放唔低...對唔住啊仁,係師父欠你」九叔沒有還手

這時的我和葉靈正被段一凡纏著,不能抽身去幫九叔

「九叔!醒啊!佢唔係張仁啊,張仁死左㗎啦!!」我大喊

一定是莫平作怪,上次我在結界裡也遇上一真一假的殭屍

「莫平!你好卑鄙啊!」我望向莫平,他果然是在操控結界

「嗰個係你新徒弟?仲話冇放低我?!」他連踢幾腳,九叔被踩得吐血

「唔係....我得一個徒弟..佢叫做張仁...」

「你講大話!」他一腳踢在九叔的肋骨處,九叔飛出幾個身位

「我冇啊....」九叔快要暈倒過去

張仁拿起九叔的桃木劍,走向九叔

「當年我比人一劍穿心,今日我要你試下依種感受!哈哈!」

突然!張仁被箭穿心,箭直飛到段一凡面前,段一凡及時閃開

「呃.....邊個?!」張仁跪在地上

「我當年殺得你一次,今日就可以殺多你一次」一把聲音從前方傳來
2020-07-12 13:20:05
聲音的主人是一個六十多歲的大叔,他身穿白色唐裝,除了顏色外,裝束跟九叔是一模一樣,滿頭白髮,身形偏瘦,但氣場極強,一出場就充滿著靈壓

「呃.....你係」張仁按著胸口的傷

「唔識我啊,冒牌貨!」他再度發箭,一發三支,三支皆中張仁,這冒牌張仁隨即化灰,箭穿過張仁身體後,還是飛往段一凡,段一凡勉強避開,

「先生..好箭法~請問你....係?」段一凡喘着氣問

「哈~睇嚟係北門派嘅人」莫平說

「我叫張英,北門嘅死剩種之一」原來他就是九叔的師兄

「𡃁仔,過嚟幫我扶佢埋一邊」他吩咐我

「喔...好!」我遲疑了一下

「遊戲未玩完喎~」段一凡想再度纏上我

英叔拿起弓箭,瞄準著段一凡

「你試下行前多一步,睇下你邊忽開窿」英叔霸氣的說

「呃....好~先生請」段一凡雙手請我離去

「九叔醒啦!靈!幫手扶」葉靈和我把九叔扶到一條柱旁坐下

「啊仁呢...」九叔朦朧的問

「嗰個張仁係假㗎,係莫平變出嚟」我說

九叔望一望現場
「點解...嗰個人會係到?」九叔應該是看到英叔

「我都唔知,但佢啱啱救左你」我說

「我唔洗....佢幫」九叔起身,行到英叔旁邊

「終於捨得起身啦?」英叔說

「咁多事做咩?冇話要你幫」九叔堅持

「冇話幫唔幫嘅,我咁啱行過」英叔笑一笑回答

他們背對背的站着,九叔面向段一凡,英叔面向莫平

「你得唔得,唔好丟我地北門派嘅架」九叔說

「啱啱係咪好似有人比我救咗,唔得唔好死撐」英叔笑著說

「睇下點」九叔衝向段一凡,然後突然低頭前進

英叔轉身發箭,瞄準段一凡頭部,段一凡向後彎腰躲避,但避得上顧不到下,九叔已跑到段一凡面前,雙劍一揮,斬向他的雙腿

英叔這邊,他不斷向莫平發箭,莫平一一躲過,不時更用彎刀飛出還擊

「估唔到南陽派會淪落到做殭屍隻狗」英叔嘲諷莫平,期間繼續發箭

「我都估唔到北門派會得返兩個死剩種啦~」莫平用彎刀擋開箭後,還嘴

「就係得返兩個都勁過你,真係唔好意思喎」英叔笑說

「唔緊要~不過依件事就係教訓你地唔好再不自量力,堂堂四派之首,今時今日變成咁嘅樣」

「你中意點講都好啦,起碼我地唔洗做狗」英叔不以為意,繼續瞄準莫平

莫平一個筋斗避開,飛出彎刀,然後衝向英叔,英叔用弓擋開彎刀

「你射箭叻啊嘛,我咁近睇你點射!」莫平跑到英叔身旁,接住彎刀,上而下斬向英叔,英叔側行一步,輕鬆避開,收起弓箭

莫平轉腰橫斬,英叔低身避開,一個掃堂腿把莫平掃倒,他用蜈蚣彈,順勢起腳,英叔後退一步,莫平踢空,英叔捉住莫平的腳,用力一擺,把莫平飛開

「有啲料到啊!」莫平踹氣

他拿出符紙飛向英叔,英叔見樣也飛出符紙,符紙在兩人之間相撞,爆出火花,英叔趁機跑向莫平,莫平出拳,英叔低身,轉身從後鎖住莫平的脖子

「乜冇人同你講過我除咗殺殭屍之外係唔用武器㗎咩?」英叔囂張的說,之後就更大力的鎖住莫平

「呃....道...兄...放過我!!」莫平求饒

「你比個理由我,點解我要放過你」英叔說

「呃...我話...比你知....佢地係個商場....做咩」莫平的臉開始變紫,眼裡紅筋暴現

「好!」英叔放手

莫平跪倒在地,不停咳嗽,深呼吸,英叔站在他面前

「講啦」英叔俯視他

「呃.....你見唔見到...中庭天花個團黑氣?」莫平問

「嗯,繼續」英叔望一望

「其實係屍氣嚟,佢地叫我返係負責養屍...」

「養屍?!」英叔驚訝

「係,佢地搵到一條屍係陰年陰月陰日出生亦係陰年陰月陰日死,係極陰之人,只要可以吸齊四千九百個人嘅三魄,再飲一啖佢地嘅血,依隻就會成為三界六道外嘅霸主,咩都唔怕」莫平繼續說出他們的陰謀

「佢地係邊個?」英叔問

「係一班殭屍,佢地混入咗人類好耐,好多都有頭有面,其中一群....應該係當年滅你地門嘅人」
2020-07-12 18:20:12
「係佢地?!」英叔震驚

「係啊,佢地同你地北門派大戰完後,其實都元氣大傷,所以就周圍搵人合作」莫平說

「咁你都幫佢地做野?!」英叔問

「我都...我都唔想㗎!」

「嗯?」英叔疑惑

「我地掌門願意同佢地合作,咁我地咪唯有跟住做」莫平低頭說出

「你地掌門...」英叔正在說話

突然!莫平拿出彎刀,向著英叔的腰間插去,英叔反應過來打算側身躲避,但還是不夠快,腰邊被彎刀割傷,傷口頗深

「你個仆街!」英叔捉住他的手,一扭!斷骨的聲音響出

「啊!!!!!」莫平痛苦的大叫

「你條仆街有人唔做!做狗!」英叔一腳踢在莫平的面上

莫平飛開數個身位,他撐起,以單手作出結印,然後接踵而來的是四方八面都響起野獸的咆哮聲

「咩事啊!咩聲嚟?!」我嚇了一跳,捉住葉靈的手

「係殭屍,𡃁仔!自己執生!」英叔拿出弓箭

回到畫面另一邊,剛與英叔配合成功襲擊段一凡的九叔一直佔上風

「你啱啱好多野講,做咩收曬聲?」九叔手執金錢劍與桃木劍,不斷上下進攻

手中沒有武器的段一凡打得非常吃力,稍有不慎就會中劍,雖說殭屍有復原能力,但也是會消耗體力的

「嗄...嗄...估唔到..先生你....咁大年紀都咁打得」段一凡喘著氣說

「冇人講過年紀大就唔打得」九叔笑了一笑


咆哮聲響起....

九叔望向我們,看見莫平在作結印

「𡃁仔!發生咩事?」九叔問我

「佢做咗唔知咩手勢,之後啲聲就出現啦!」我指著莫平

九叔揮劍斬向段一凡,之後一腳將他踢向我們方向,然後向我們走來

「九,小心啲,啱啱個啲係傳統殭屍嘅叫聲」英叔跟九叔說

「嗯」九叔點頭

段一凡走到莫平身邊,隨後咆哮聲愈來愈近,無數殭屍已從四方八面冒出,九叔和英叔馬上作出戰鬥的狀態

「靈!儘量護着啊航!佢始終係普通人」九叔叮囑葉靈

「好!冇問題!」葉靈回答

殭屍不斷湧出,多得無法形容,好快莫平和段一凡就消失在殭屍群中

「航,依種係傳統殭屍,你手頭上有嘅工具都啱用,自己小心」九叔再次提醒我

「好」我回答,拿起桃木劍和捆仙索

殭屍已經跳到我們面前,大戰一觸即發
2020-07-12 19:26:40
正野
2020-07-12 20:45:58
推一推
2020-07-12 21:06:01
Thx
2020-07-13 01:37:57
29
殭屍的數量多得包圍著我們,被逼應戰

雖說這種傳統殭屍比段一凡他們容易對付得多,但數量實在太多,一隻倒下另一隻補上,像是源源不絕一樣

「九!」英叔拿出捆仙索,拋給九叔

九叔接過繩,明白英叔的用意,用繩套住前排殭屍的腳,一扯!前排殭屍倒下,阻礙著後面的殭屍前進,英叔馬上發箭,一支擊殺一隻殭屍,三隻!六隻!九隻!不過不斷的射出箭,英叔的箭袋好快就清空了,英叔咬破手指頭,用血在弓的兩邊寫上符咒

「血神敕令!借法!」英叔唸咒,符咒發亮紅光

九叔把捆仙索綁在身上,回復雙劍的狀態,左右開弓的揮斬著

我跟靈沒有九叔他們那麼經驗老到,但配合著,總算能幫忙清殺殭屍群

「靈!攔住佢地」我叫

葉靈從雙袖中飛出多條白布,攔在殭屍面前,限制他們前進,我看見九叔對捆仙索的操作很帥氣!所以決定學以致用,用繩套著殭屍的腳,一扯!但結果跟九叔的不同...我把殭屍拉到自己身邊...
「嘩!死撚開!」還好我反應快,一劍插入他心臟

「小心啲啊天航!」靈說

「我一時失手姐!冇事,下次唔會㗎啦」

時間慢慢過去,殭屍的數目滅掉過半,在我們的體力殆盡前,終於開出一條路

「我地上去上層先!」九叔叫

「好!!!」我們異口同聲

從扶手梯上到一樓,九叔和英叔合力在扶手梯起了一個結界,令殭屍暫時上不到來,為我們爭取休息的機會

「嗄...嗄...多到咁...打到幾時啊?」我氣踹地問

「力敵唔得咪智取,我地依家有時間,可以設計陷阱比佢地踩」英叔指一指結界外的殭屍們

「點設?」九叔問

「我地拎出手頭上有嘅架撐出嚟先」英叔想了想再說

一把弓,兩把桃木劍,兩把金錢劍,兩條捆仙索,大量符紙,一個三清鈴

「我地可唔可以好似電視咁搵啲符貼住佢地個額頭,等佢地唔郁得?」我認真的問

「符的確係可以令殭屍停活動,但個種係鎮屍符,唔係我地依種符」九叔解釋

「咁依家寫啦!」我說

「咁請問你有冇紙同墨呢?」英叔搭著我肩膀

「呃...唔好意思,當我冇講」我又碰釘了..

「唔緊要啦~你都係想幫手姐」葉靈在我耳朵旁說,害我又面紅了,但先做回正事

大家也沉默在想辦法,英叔率先出聲

「我地分頭行事,我拎返把弓同一把桃木劍走,其他你地用」英叔說

「你唔諗住點做?」我問

「商場總有一啲窄啲嘅路,我會引佢地過去,之後用桃木劍當箭用,串串燒咁射穿佢地,快!靚!正!」英叔蹺著手,面帶自信的說

「我突然有個問題想問...」我舉手行前,像個小學生一樣....

「講」九叔看一看我

「點解我地唔直接衝出結界?」
2020-07-13 01:38:14
深夜一更
2020-07-13 19:12:44
「冇錯,我地的確可以直接衝出結界,但如果比依班野出到去出面,會死幾多人?」英叔說

「明白...」的確我沒有想這個問題

大家沉默一會後,九叔率先出聲

「航,識唔識織野?」九叔問我

「織野?識啊」我回答

「得!將兩條捆仙索織做一個網」九叔說

「好!」

十分鐘左右後,我們各就各位,我坐到UNIQLO的衣櫃上,葉靈負責把殭屍引過來,九叔躺在衣櫃後,英叔則自己行動

「準備啦!3、2、1!破!」英叔把結畀解除

這時我腳的傷口有陣陣刺痛,但殭屍們馬上蜂擁而上,已沒時間分神,葉靈出聲,把殭屍引向我們,然後我將網拋向他們,中!捆仙索的特性是被套中的獵物越掙扎繩就收得越緊,我這次大概套中了二十多隻,好快他們就動彈不得,然後英叔出現把剩餘的引去另一個地方

「依邊啊!」英叔邊跑邊叫,沒被綁住的殭屍就追著他走了

接下來的,只要把被綁住的殭屍一隻一隻殺死就可以了

畫面去英叔那邊

「過嚟啦!」英叔去到後樓梯的走廊,由於道路比較狹窄,殭屍只能排成一隻一隻的,英叔拿起弓和劍瞄準著殭屍的心臟,挽弓、發射!劍從弓飛出,穿過了一隻又一隻的殭屍,窄道上的殭屍好快就化成灰燼

英叔處理好後就跟我們會合

「總算搞掂曬啦」英叔說

「點解會有咁多傳統殭屍...唔係話接近絕跡㗎啦咩?」我問

「正常嚟講係,好明顯依班殭屍係有人特登養出嚟」九叔說

「應該係,啱啱莫平同我講,中庭天花個團黑煙就係佢地養緊個隻殭王嘅殭氣,相信依班殭屍都係佢養出嚟,依件事手尾長啦」英叔說出他知道的資訊

「殭王..」九叔無奈說


「仲有葉靈嘅事都仲未水落石出,我一定要搵段一凡出嚟問清楚」我較為緊張葉靈的事

「算啦,唔好講咁多住,出咗去先講!」九叔說

「係囉,我地都係離開咗先啦」葉靈配合說

一樣是破結界,但這次不同的是不再需要去找那紅色晶石,以九叔和英叔的功力足以直接衝破結界

「諸仙破術,破!!」九叔與英叔同時作出結印唸咒,結界馬上瓦解,身邊的色調馬上轉變,由一個死寂的廢墟變回人來人往、熱鬧非常的商場

「個對比有啲大...」我說

「有時有啲野表面就係美好,底蘊有幾黑暗永遠冇人知」九叔說

回到九叔家

「其實我好似冇叫你跟埋返嚟」九叔盯着英叔

「師弟,我地廿幾年冇見,你唔係趕我走啊嘛,況且我都係想睇下有咩可以幫手姐」英叔嘗試搭向九叔的肩膀但被推開了

「我唔需要你幫手」九叔拒絕

「但今朝好似有人比我救咗喎」英叔裝作無知的說

「......」九叔無語

「好啦好啦,九叔叔啊,英叔叔佢都係一片好心想幫手姐,況且依個時候有多個人幫手都好啊嘛」葉靈繼續一貫打圓場的風格

這時!我腳的傷口突然劇痛

「九叔!」我邊叫邊按著傷口

九叔拆開包住我傷口的糯米符紙,發現糯米已變成黑色

「屍毒?」英叔問

「係....」我答

「睇下」英叔推開九叔

「張英!你今次唔好再亂嚟啦!!」九叔拿起桃木劍對著英叔
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞