［殭屍/鬼怪/打鬥］《噬魂》我由古惑仔變左做現代道士

我依家打緊聽日個篇文

我們三人跌跌撞撞的回到地面，這時堂叔又剛好經過

「嘩！你地三個搞咩啊？！」堂叔跑上前扶我們

「我地碌咗落樓梯...」回答的是我們三人中最精神的一個，啊武

「唉！唔係啊嘛你地！咁大個仔都碌落樓梯！一定係喺樓梯玩啦！」

「係啊係啊，堂叔唔講住啦，我地返上去先啦」我們三人繼續扶著大家

終於回到課室，我們三人各自返回座位

「你啲做咩咁遲？」課堂老師問

我們三人都沒有回答，老師看我們的神色怪怪，也沒有追問

「你地搞咩啊？返咗嚟學校又上嚟？」洛兒問我

「呃.....」我也不知應該怎樣講剛剛發生的事

「你塊面做咩啊？！」洛兒應該是看到我被成哥打暈的那瘀青

「冇事？！你地三個啱啱打交啊？」洛兒盯著我

「唔係啊...我地啱啱...」

叩！叩！

敲門聲截停了我的話，敲門的是副校長

「校長要搵三個人，陳天航、張一烈、李梓武」

聽到校長要找我們三個時，我們三個互相看著大家，呆了

「你地三個快啲跟副校落去啦」課堂老師催促我們

「校長搵你地？到底你地做咗啲咩啊？」洛兒問我

「我返嚟再同你講」我站起來，跟啊武他們離開課室

去到校長室

「坐啦」校長按著胸口說

「校長你搵我地三個咩事啊？」啊烈為我們問了主題

「咁嘅，我知道啱啱你地都係地下室」校長說

「然後？」啊烈問

「我想你地唔好將啱啱嘅事講出去」

「咁如果講咗呢？」

「咁對唔住啦，咁你地再唔會係我地學校嘅學生」

「好，唔會講」啊烈站起來離開校長室，我們亦跟著離去

在回課室的路程

「估唔到校長會親自搵我地」啊武說

「都正常啊」我說

「佢咪又係為所謂嘅校譽，驚傳出去，比人知道學校有鬼」啊烈說出他的想法

「咁依家我地唔講得出去？」啊武問

「哈，你想唔讀咪講出去」啊烈笑了一下

「嗯.....咁都係唔好講啦，依家唔讀我老豆打死我都似」啊武摸摸後腦勺

「咁我地當依件事冇發生過啦，有人問起就話我地打交啦」我說，反正洛兒也認為我們是打架

「好！就咁話啦」他們也認同

這件事也就此告一段落，回到課室後，我也只是跟洛兒簡單的交代了一下就沒再提起了

.........

中五那年

我身邊還是有兩個最佳損友，做什麼傻事都有他們陪著我做，而我和洛兒曖昧的關係也一直沒有改變，大家都沒有開口，繼續用好朋友的身份留在大家身邊

「我啊哥話今晚上館打邊爐」啊烈說

「好多人？」我問，我不太喜歡太多人的地方

「得我地幾個同我啊哥咋」

「好啊，但係咪焯哥請先？」我笑問

「有邊次同佢食飯唔係佢請㗎！」啊烈也笑著回應

「打邊爐？我個妹啱喎！可唔可以帶埋佢嚟？」啊武問

「你有個妹㗎咩？！」我和啊烈擺出同款的驚訝臉

「有啊」啊武點頭

「點解我地識你咁耐都唔知嘅」我問

「你地冇問我咪冇刻意講囉」

「帶埋你個妹都得，你唔怕我地教壞佢就得啦」啊烈擺出邪笑的表情

「你試下！我頭都擰甩你啊」啊武舉起拳頭

「得啦，咁今晚八點拳館等啦」啊烈說

「好！」

放學後我們先各自回家，因為啊烈會比一早在拳館準備食物，所以我約了啊武七點四十五分在拳館樓下匯合

而現在的時間是八點十五...

再過五分鐘後，啊武和她的妹妹終於到了

「唔好意思！又遲到添！」啊武搭著我笑說

「你邊次會準時㗎...」我弄開啊武的手，盯著他

「唔好意思啊....今次遲到係因為我遲出門啊」這時我才留意到啊武旁邊的女生，應該就是啊武的妹妹吧

我發現她目不轉睛的看著我

又係咁快手

「我個妹，佢叫啊妍，李沁妍」啊武為我介紹

「嗱！啊妹，佢就係我好兄弟，啊航」然後再向他妹介紹我

「航哥你好」啊妍點點頭

「啊妍唔關你事， 你啊哥本身都成日遲到」我揮揮算是打個招呼

啊妍看上去應該不是細啊武很多，最多也只是差距一兩年，即是十五、十六歲左右，留著一頭黑髮，綁著馬尾，身高則在一五零左右吧

「得啦得啦！上去食野啦，肚餓啦」啊武邊說邊推我去電梯大堂，都快把我推跌了

「航哥你冇事啊嘛？？」啊妍見我快跌倒就上前扶我

「冇事，唔該你」我馬上道謝

啊妍又再點點頭，我轉頭望向啊武

「你個妹有人性過你好多」

「冇咁易跌嘅～」啊武露齒笑

「唉...啊妍，你啊哥就係咁㗎啦」我望向啊妍

「佢係屋企都係咁㗎...」啊妍笑說

叮！

電梯上到拳館樓層，拳館已拉下半閘，但可以聽到焯哥和啊烈的聲音在內

我敲敲大閘後，把它拉高

「焯哥！」我和啊武都跟焯哥打聲招呼

「哥，依到就係你平時打拳嘅地方？」啊妍問啊武

「係啊！係咪好正啊」啊武雙手叉腰

「比我想像中整潔好多！」啊妍四處張望

「依個就係我地師父啦！」啊武指著焯哥

「師父你好」啊妍又是點點頭

「師咩父啊～跟佢地叫焯哥得㗎啦，你就係啊武個妹啦嘛」焯哥對啊妍的態度跟對我們的態度可說是差天共地

「係啊，我叫啊妍，你地好」啊妍又再再點頭

「我叫啊烈」啊烈揮揮手

「唔好講咁多啦，食野先啦，肚餓啊」啊武行到枱邊，拿起碗筷

「好啦，咁食野啦」焯哥說

正式開始吃飯

「啊妍，你有冇覺得你啊哥好蠢？」啊烈問啊妍

啊妍點頭，然後再說

「不過佢係好人」她微笑

「死仔！叫你唔好教壞我個妹囉！」啊武盯著啊烈

「我邊有教壞佢啊，我係問佢野咋喎，同埋啊妍自己都點頭」啊烈指著啊妍說

啊武馬上看著啊妍

「啊妹，啊哥唔係蠢啊，啊哥只係唔中意諗野！」啊武這段話實在...精彩

「我知啊，你肯諗野一定好聰明」啊妍笑說

「嗯！冇錯」啊武大動作的點頭

「不過啊烈就真係幾聰明㗎！成日都諗到我地諗唔到嘅野」啊武突然讚啊烈

「嘩，突然讚我，我怕醜」啊烈笑說

「你條死會怕醜？！唔好玩啦」焯哥挖苦啊烈

啊烈沒說話，只向焯哥舉起中指當作回應

我全程都沒怎樣說話，只在專心吃東西，夾了一塊肥牛到鍋裏，當快要熟時，啊武突然把我的肥牛夾走了，還很快的放到嘴裏

「死仔！唔識自己夾？！」

「夾你個塊快啲啊嘛」啊武擺出鬼臉

「算！損友嚟！」

我正準備重新夾一塊時，啊妍把她的夾到我碗裏

「航哥你食先啦」她跟我說

「多謝」我說完就把肥牛放進口裏

「啊妹！你對佢咁好做咩姐？！等佢自己夾啊嘛！」啊武說

啊妍沒說話

「啊！你真係仆街嚟㗎喎，啊妍唔好聽佢講，你做得啱！」焯哥幫我說了我想說的

「我信我地係好兄弟先咁做咋」啊武說

「咁小事我又唔會嬲嘅」我搖著頭說

「航哥真好人㗎姐～」啊武用非常嘔心的語氣說這句話

害我打了個冷震....

「嘩....好核突，少少想反胃」啊烈皺著眉頭說

「你再係咁我就打鑊你」焯哥也加上一句

「得！我食野」啊武低頭吃飯

啊妍突然在笑

「妹，你笑咩？」啊武問她

「我覺得你地相處方式好得意」啊妍說

「得意咩？」啊烈問

「我地鬧嚟鬧去喎」我說

「你地鬧嚟鬧去但又唔係動真火，反而睇得出感情好好啊」啊妍認真的說

被啊妍這樣一說，害我們幾人都有點尷尬了

「食野啦食野啦，唔好講咁多」焯哥率先出聲打破了尷尬

「好！咁我繼續食啦！」啊武又夾了很多東西到鍋裏面

「落咁多，你食唔食得曬啊？」啊烈看到啊武夾那麼多後問他

「緊係得啦！」啊武口爽爽的說

「食唔曬你唔好走啊」焯哥笑說

我都想打邊爐

打囉
如果仲有機會
一齊打呀

講到咁恐怖 唔會冇機會掛

啱啱打完

自私

下次一齊打囉

好

打邊爐正啊！

唔出文打你pat pat

日日都有出㗎打唔到

人地想睇多dd 啊 …

我都諗緊每篇文加長啲

有冇擺文上pemena ？定pen唔知咩那
幫補下都好

依個？

我有擺上紙言

推一下 樓主加油

多謝支持

到最後，我們吃飽後鍋裏還剩下一大堆東西，就是啊武剛剛夾下去的東西

「嗱，你話你會食曬㗎，記得食完先好走啊」焯哥把鍋放到啊武面前

啊武看到這鍋後，由表情到毛孔都在抗拒，但因為焯哥真的一早說過，啊武要把東西吃光才可以走，所以啊武再次拿起筷子，伸向鍋裏

再吃一輪後，鍋裏的東西只剩一半

「差少少咋，食埋佢啦」焯笑說

「我好飽啦喎....」啊武拒絕

「叫咗你唔好落咁多㗎啦！」焯哥拿走鍋

「下次唔會㗎啦」啊武摸著肚說

「啊妍你飽㗎啦？你好似食咗好少野咋喎」我問啊妍

「夠啦，我平時都唔係食好多」啊妍說

「好，夠飽就得啦」我幫忙收拾東西

這時啊烈跟焯哥走到一邊說話

「哥，我知你依排同人嘈得好勁喎」啊烈說

「小事啦，你啊哥行咗咁多年，同人嘈又唔係未試過」焯哥說得輕鬆

「老豆叫我提你醒目啲啊」

「老坑突然咁關心我？」焯哥笑說

「到底你同佢要嘈到幾時？好麻煩啊」啊烈不耐煩的說

「邊有同佢嘈過？唔見面咋嘛」焯哥反駁

「唉，冇你地咁好氣...」啊烈搖搖頭

「得啦，你同佢講，我不嬲都好醒目」

「好...」啊烈無奈的說

「仲有，依排天氣凍，叫條老坑著多件衫，唔好病，冇錢比佢睇醫生」說完後，焯哥拿著東西放回拳館大閘旁的雜物房

其實在場的人都聽到他們說的話，只是他們的話題我們不太好介入

啊烈走回過來坐下

「唉....」啊烈搖搖頭

「其實焯哥同你啊爸做咩？」啊武居然超直接的問了這問題，不過我也想知答案，所以我也等待著啊烈回答

「....都幾年前嘅事嚟㗎啦，個陣我仲讀緊小五，我啊哥以前係跟我啊爸做野，一直都好幫得手，咁有一次我啊爸叫我啊哥去斬一條友，條友出名好抽得，係隔離社團嘅金牌打手嚟，叫沙暉」

「焯哥就係因為覺得比啲難哽嘅野佢哽，所以就嬲？」啊武截斷了啊烈的話

「你聽埋佢講先啦....」我說

「緊係唔係啦，佢驚都冇驚過，拎住把刀就衝過去....個日對家有十個人，沙暉啲𡃁好快就比啊哥搞掂曬，係沙暉難搞，啊哥個陣冇依家咁抽得，唔係沙暉手腳，背脊條刀疤就係咁嚟，最後係佢拼埋條命先搞掂沙暉，佢自己都住咗五個月醫院，但當佢出院個陣先知，老豆將所有功勞攬曬上身，完全冇提過啊哥，啊哥就同老豆嘈起上嚟，最後就搞到依家咁」

「...點解你老豆會咁嘅」啊武聽完後擺出難以置信的表情

我的內心也是這樣想的，但沒說出口

「我都唔知，到我大個啲個陣有上試過問佢，但佢冇答我」啊烈也不知

「可能佢都有苦衷，我地唔知姐」我為免啊烈尷尬，就打個圓場

「但啱啱聽你咁講，你老豆都仲好關心焯哥啊」我接著說

「唉，唔知佢地想點，明明內心就好關心大家，但就死口硬」啊烈搖頭說

「算啦，可能佢地好快就冇事呢」啊武拍拍啊烈說

「不過，焯哥依排惹到麻煩事？」我問

「聽我老豆講就係，話佢同人嘈得好勁，話係有個兄弟比人斬咗隻手，啊哥就好似發咗癲咁掃對家啲場」

「好似拍戲咁....」在旁聽著我們說話的啊妍突然插話，不然也差點忘了她的存在

「行開先，唔啱你聽」我跟她說

「唔好啦..都聽到一半啦，比我聽埋啦！」啊妍央求說

「嗱，係你自己要聽㗎，唔係我教壞你㗎」她堅持要聽，我也沒辦法

「嘻～」她露齒笑

話題轉回啊烈身上

「如果我比人斬咗隻手都唔知點算....」啊武看著自己雙手

........