［殭屍/鬼怪/打鬥］《噬魂》我由古惑仔變左做現代道士

練習時，啊武會逼自己提起左手擋住英叔的所有拳擊，如果角度實在是擋不到的話，他會後退避開

而攻擊方面，由於啊武只有一隻手的關係，英叔教的都是一些複雜性較少的連貫性較多技巧，例如一些反關節的招式

「點解你唔攰㗎....」在一輪練習後英叔累得攤在沙發

「唔攰喎，好精神」啊武舒展筋骨

「佢條友不嬲都係咁精力充沛㗎啦」在旁打坐的我笑說

「專心啲！」九叔拍我頭

雖然啊武擺脫了傀儡師的控制，沒有了成為控鬼時的那份強悍，但九叔說啊武的身體的確發生了一點微妙的變化，令他的身體比一般人都要強

而啊烈就專注於學習控制靈力，每日都打坐冥想，九叔說他的專注力比我們在場所有人都要高，假以時日必成大器

幾小時過去

「好攰啊，要個幾十歲嘅人陪你練足成日」英叔趴在茶几上

「年紀大咪易攰」九叔躺在搖椅

「你講野啊？！你教佢地打坐緊係唔攰啦！」英叔反駁

九叔沒說話

「冇冇冇，冇人年紀大，最衰都係我，練足成日」啊武出聲打圓場

「你地今晚係唔係到食飯啊？」我問他們

啊武醒來後就住到在啊烈家

「好啊，如果唔係兩條友返到去都唔知有咩食」啊烈說

「係囉，反正啊嫂煮野咁好食」啊武笑說

「唔好比佢聽到添啊，讚壞佢啊」我也笑著回應

「你睇下你笑得幾開心！個樣淫到」啊武搭著我說

「邊到淫啊，咁都淫？！」我批他一踭

「但講真，你有冇掛住你女神？」啊武的意思是....洛兒

「痴線，邊有咩掛唔掛住」我裝作若無其事

「你當年差啲同人一齊㗎喎，冇掛住？我唔信」啊烈加入討論

「邊有啊，朋友嚟咋，同埋佢都走咗咁多年啦，可能唔記得我添啦」這句是我的心底話，一直也很好奇她有沒有忘記我

呯！呯！呯！

一陣急促的拍門聲

「邊個？」啊武走近大門

「我啊！」是十方的聲音

啊武開門

「咩事咁急啊？」英叔問

「我師父唔見咗！」

「你之前都話你師父成日唔見人㗎啦，洗乜咁驚青啊」

「今次唔同，上次之後佢都冇出過房，我點叫佢都唔理我，直至今日，個陣我係房，聽到出面好嘈，我出到去睇個陣啲神主牌跌曬落地，我去師父房睇，佢已經唔見咗」

今日短短地睇住先同朋友出咗去

咩話？剪細佬？？？？

又剪

去派嬲就唔剪你

正評左你要識做啦

又去溝女

去咗夾band啊

「咁多日都冇出過嚟？咁天玄叔唔洗食野？」我問他

「佢不嬲都好少食野....你地唔講我又冇為意」十方回想

「唔好理咁多，我地去搵下佢先講」九叔說

於是，十方將我們送到無極門舊址，因為天玄叔的突然消失，不知道是他自己出去還是有人伏擊，所以我們決定兩人一組在附近尋找天玄叔

啊烈跟啊武一組

我跟九叔一組

剩下就是十方和英叔一組

「天玄叔！」

「大師！」

「師父！」

呼叫聲四起

「喂！有發現！！」啊烈大叫

我們立即跑往啊烈的方向

「有咩發現？」九叔先跑到

「依到」啊烈指住一斜坡

一條接近垂直的斜坡...

斜坡上的草地明顯有被人踩過的痕跡

「等陣，啊武呢？」我發現跟啊烈一組的啊武不見了

「佢...一野瀡咗落去」啊烈無奈的搖頭

「下？！」我探頭望著那斜坡

「咁斜，佢就咁瀡落去？」我再次確認

啊烈點頭

「咁我地都落去啦」話畢，英叔也從斜坡下去了，十方緊隨其後

九叔當然也不例外，好快也下去了

我跟啊烈相視一眼

「唉...」我們二人都搖頭，然後就下去了

斜坡的的斜度加上濕滑的雜草，向下滑行的速度極快，好快就到了一個較平的草地

大家都安全著地後，我們拍一拍身上的泥草繼續跟隨腳步前行，但還未見啊武的蹤影

「話說，香港啲山有咁斜㗎咩」我問

「我都想問依個問題」啊烈同樣想問

「依到唔係香港嚟」十方回頭說

「下？！」我驚詫

「無極門係處於無常異境」九叔補充

「無常異境....」啊烈到處看看周圍

「係一個環境每日都會改變嘅地方，所以師父成日叫我唔好周圍走話會有危險」

「咁啊武...」啊烈說

「啊武！！」我大叫

「你地快啲過嚟睇下！！」遠處傳來啊武的聲音

我們聽到後馬上趕往聲音傳來的方向，終於見到啊武了

「死仔！又周圍走！」

「唔係啊，你地睇下」啊武指住地下的一灘血

「大家小心啲，留意下周圍」九叔拿出雙劍戒備

大家都相繼拿出武器，啊武啊烈還沒有專屬武器，所以跟貼著我們，沿著血跡前行，在不遠處發現一具屍體

屍體不是天玄叔，是十方養的狗——萬歲

「萬歲！」十方想上前抱起萬歲

「等陣」九叔阻止用桃木劍截停了他

「做咩啊？！」十方看著九叔

「你睇下佢條頸」九叔用劍指住萬歲

是牙洞，兩個牙洞

會咬出這樣的傷口，我只想到...殭屍

「有殭屍係附近？」一想到殭屍，我的戒備心頓時也變得重了

「咁刺激？！」啊武到處張望

「唔係講笑㗎，殭屍有自我復原能力，好似打極都唔死咁」段一凡的命也是我用自己的命換回來的

「如果佢得一個人，我地咁多人，應該有優勢」啊烈分析著情況

「但大前題，佢係唔係得一個人」啊烈接著說

前方的草叢突然傳來聲音！！英叔聽到後就立刻放箭

吱！！

正中目標！！

我拿著彎刀上前查看，中箭的是一隻老鼠？！

不是普通的老鼠，是一隻體形十分龐大，像狗一樣大的老鼠，而且牠跟普通老鼠不同的地方是牠沒有兩隻大門牙而是有兩隻長又尖的獠牙

剛剛好跟萬歲的傷口吻合....所以萬歲是牠咬死的？不知道，也無從知道

我將中箭的巨型老鼠拿起，拿到他們面前

「嘩.....依隻咩嚟」啊武望到怪鼠後驚訝

「我住係到咁耐都未見過...」十方也不知

「應該係無常異境孕育出嚟」九叔說

「孕育？」啊烈問

「應該用演變比較貼切，我相信總有唔少生物誤打誤撞咁入咗嚟，依到同出邊嘅世界唔同，依到有股無形嘅力量存在，啲生物一代一代咁慢慢演變成咁」

努力加更！

好睇！
今日唔剪住先

咁就好啦

月巴點解會寫文？

依個故仔嘅大綱我諗咗好耐，由中學到依家，突然有一日就想寫佢出嚟細個又好中意睇殭屍片

不過寫出嚟個陣，劇情同預先諗嘅有咗啲出入

好掛住睇馬小玲同英叔
不過點都好
呢兩個經典已經不再
就算我宜家回味都爭咁d野

林正英真係經典佢套套戲我都睇過曬，一眉道人！

已經唔記得段一凡係邊個

蕉兄
新工忙嘛？

下個月先返工

推葉靈落樓嗰個

剪佢就啱架啦
啱啱先知有支包皮槍

段一凡死咗啦咁都要剪佢？！

「點解無極門要起係依啲地方？」啊烈問

「師父話唔想咩人都入到黎」十方回答

「一隻老鼠都可以變成咁，如果係更兇猛嘅野入咗嚟....」我說

「所以師父先叫我唔好亂走，驚有危險」

「咁我地將十方好好安葬？」啊烈提議

「好」十方

於是，我們把萬歲的屍體埋好

數分鐘後.....

泥土裏傳出動靜

沙——

沙——

破土而出

萬歲再次活過來，不過再不是以往的那種活著，牠看一眼我們的方向後，就往著更深入的無常異境奔向

不知情的我們繼續尋找天玄叔的蹤跡，但最後還是搜索無果

我們回到無極門大廳

「搵咗成日都搵唔到....」十方頹然的說

「或者係佢自己出咗去呢，唔好咁擔心」英叔安慰著十方

「係囉，天玄叔實力咁高，應該冇人傷害到佢嘅」我附和著說

「咩事咁齊人？」

天玄叔從門外進來

「師父！！你去咗邊啊？！」十方緊張的衝往天玄叔

「我出去行下姐，做咩咁緊張」天玄叔笑一笑

「你依排都匿埋係房唔出嚟，今日大廳啲神主牌又跌曬落地，我以為你有咩事咋」

「放心，師父咁大個人，識得照顧自己」天玄叔拍一拍十方的肩膀

「天玄叔咁你去咗邊啊？」啊武問

天玄叔看回頭一看後方

「睇嚟終於到朕出場啦」秦王從門外進來

「秦王？」我驚訝，我驚訝的不是秦王的出現，因為他總是神出鬼沒的，我是在驚訝天玄叔竟然會去找秦王

「小朋友，又見面啦」秦王一笑

「佢就係救我嗰個秦王？」啊武問我

「係啊，係朕幫你掹走啲屍線」秦王搶先回答

「咁細聲都聽到？！」啊武震驚

「放心，我第一次都係咁嘅反應」我跟啊武說

「佢就係秦王...比我想像中差好遠」啊烈上下掃描著秦王

的確，秦王的造型很難令人聯想到他是秦王，他這次而是西裝骨骨，但轉成了寶藍色的西裝外套，白底黑邊的裇衫，最不同的是，手上多了一支權杖，令他整個人的氣場更上一層

「未見過，新朋友？」秦王問我

說來又是，秦王跟天玄叔都還沒跟啊烈碰過面

「依個係啊烈，佢係我地兩個嘅死黨」我為他們介紹啊烈

然後我就再為啊烈介紹

「依位就係無極門掌門 ——萬天玄，我地叫佢天玄叔」

「而依位你知啦，佢係统一六國嘅秦王」

「你地好」啊烈禮貌地打聲招呼

「愈嚟愈齊人啦」天玄叔說出莫名其妙一句，但我們也沒多問

「唔錯，人才濟濟，不過全部都差啲歷練」秦王點著頭說

「話說，師父點解你無啦啦會去搵佢？」十方問

「見下啲老朋友」天玄叔簡單的回答

「朕走先，你地慢慢，希望你下次唔好咁急嚟搵我啦」秦王望一望天玄叔，笑了一笑就走了

「感覺....佢好難捉摸」啊烈說

「係...永遠都唔知佢諗緊咩」我非常認同啊烈說的話

秦王就是一個令人猜測不透的人，永遠不知道他下一步想如何

「你地慢慢傾，我攰啦，返入去休息下」天玄叔走向房間

「師父我陪你」十方跟上去

「嗯」天玄叔點頭

大廳只剩下我們幾人

「其實...佢係敵人定朋友」啊烈問我們

「唔會係朋友」十方回來了

「但係佢上次幫咗我...」啊武說

「唔知佢有咩原因會幫我地，但我好肯定，同佢唔會係朋友」

十方堅持，我們也沒再問下去

「既然天玄叔冇事，我地返去」九叔站起來

「都好，再唔返去夢晞又話我周圍走」

「洗唔洗咁驚啊」啊烈搖頭

「唔係驚，係尊重！」