［殭屍/鬼怪/打鬥］《噬魂》我由古惑仔變左做現代道士

多謝支持

輕輕一推

聽朝po多段文

有人從荃新天地掉下來了！我馬上跑過去看，是一個身穿白色長裙的女子，但好快白色的裙就被她的鮮血染紅，我把東西放在路邊，走到她旁邊

「小姐！小姐！醒啊！唔好訓！」她意識愈來愈弱，我拿出電話叫救護車，說完基本資料後便掛電話

「小姐，唔洗驚，我叫咗白車啦」

「我...覺得好凍」她用柔弱的聲音說

「有冇好啲啊？」我脫下外套給她披著

「多謝...你」

「要多謝我就等你好返請我食餐飯啦～」

「你叫...咩名」

「我叫陳天航啊，你呢？」

「我叫葉..靈」

「葉靈？好好聽啊」

她微笑

救護車聲響起，終於都到了

「先生，你係佢邊位啊？」其中一名救護員問我，其他的正為她搶救

「我係佢....朋友」

「請問點解佢會跌落嚟㗎？」

「我都唔知啊，我去咗街市買餸，佢話去周圍行下，我出嚟就見佢跌落嚟啦」

「好，問一問傷者資料先，佢叫咩名？」

「葉靈！」這是我唯一知道關於她的了

「佢電話號碼係幾多？」

「呃....唔記得咗」我居然回答出這麼笨的答案...

「下？唔記得？算啦，咁知唔知佢住邊？」

「佢冇講過」這場笨死的戲也只能這樣演下去了

「唉...你到底係唔係佢朋友，咩都唔知」

「啱啱識佢冇幾耐啊嘛」我走到葉靈旁邊「啊sir,佢傷成點啊」

「情況唔係咁樂觀，佢全身多處骨折，頭部受到重創，要盡快入院搶救」

這是葉靈突然捉住我的手，看着我

「唔洗驚，好快冇事㗎啦」我嘗試安慰著她

好快救護員就將她搬到床上，然後準備上救護車，但葉靈臨上車前突然舉起手指向荃新天地的高層，口中亦唸唸有詞，但我還未來得及聽，她就昏倒過去了，我向上望又看不出有什麼異常

其後我也跟着救護車到了醫院，她去到
醫院馬上被推入手術室搶救，在外等待的我一心想著她「大步攬過」，完全忘記約了啊武吃飯的事

手術室的紅燈熄了，醫生亦出來了，走向我

「你係佢家屬？」醫生問我

「朋友」我回答

「唔好意思啊，搶救無效，佢全身多處骨折，嚴重內出血，而頭部重創係致命傷」

「哦.....好啊...」我低頭...結果最終也是捱不過去

「你入去見佢最後一面啦」他拍一拍我肩膀

「好....唔該醫生」

雖然我跟她素不相識，但看着一個人在自己面前死去，心情難免有點起伏，我盡量收拾好心情，帶着微笑走進手術室

「多謝...你啊」她好像感覺到我會進來

「唔洗...你要記得你欠我一餐飯就得啦」我上前捉住她的手

「好啊...我一定..會還返比你㗎」她眼角流出了一滴淚

「好，我等你」

話畢，心電圖響起‘嗶———‘的聲音，她的手也鬆開了，她離去了......

我幫她擦去臉上眼淚後也離開醫院了

「佢之所以一直跟住你，係因為佢滴眼淚，你幫佢抹滴眼淚個陣佢吸到你嘅陽氣，加上你係佢信任嘅人，令到你地兩個產生連結，而佢有心事未了所以一直投唔到胎，留咗係人世」

大叔坐回搖椅，喝著茶說道

「咁點解佢會唔記得自己嘅事？」我問

「依層都唔清楚，好少孤魂會唔記得自己嘅野，除非三魂七魄唔齊全，但佢絕對唔係」

「咁仲會有咩可能會咁？」

「要查下先知」

「要點查啊？」

大叔走向葉靈

「你坐低先」大叔要求葉靈坐下，然後將他的姆指、食指、尾指放在葉靈的頭上「三生聞，訴」繼而大叔閉上眼，手發出淡黃的光，但好快他又張開眼睛

「有問題！佢唔係自然失憶，係比人封鎖咗記憶！」

「下？！封鎖記憶？姐係點啊」我驚訝的問

「我取讀唔到佢生前嘅記憶，只睇到死後嘅事，依件事絕對唔簡單」

「點會咁㗎......」我看著葉靈

「我都唔知啊...」葉靈回答

「大叔，你可唔可以幫佢查下到底係咩事」我問

「可以」他慷慨回答

葉靈扶著我起床到處走走，睡太久了，腿都有點麻痹了，我走到一張神枱前，神枱上放著一個神主牌，上面寫著：北門派歷代掌門
之靈位 ； 陽上子弟奉祀

「北門派」我自言自語的說，我向上望就看到一個牌匾，牌匾寫著：「北門派；第七十二代掌門——張九，字」

「大叔，原來你叫張九啊？」

「嗯」大叔點點頭

「咁我以後叫你九叔啦」

「隨便你，都係名一個」他低頭在查著古書

我醒了這麼久都未見啊武影蹤，看來是還未醒吧，我走往啊武的床，拉開簾，啊武卻不在床上，我馬上問九叔

「九叔！啊武呢？！」我緊張的問

「佢早你一日醒，走咗啦」

「咩話？！佢去咗邊啊？」

「冇講，淨講低叫你唔好搵佢住，佢想一個人冷靜下」

「死仔...點可以就咁走咗去㗎」

「算啦天航，可能佢好快就會返嚟呢，佢會冇事嘅」身旁的葉靈安慰我

我嘗試撥電話給啊武，但他的電話號碼已變成沒有登記，看來他是存心躲開我，啊武也不是會做傻事的人，那就唯有讓他先冷靜一下吧，目前要處理的還有葉靈的身世，感覺就不會有什麼好事發生

自推

「查到啦」大叔拿著古書

我和葉靈走到大叔旁邊
「依本古書有記載關於封鎖記憶嘅茅術，我可以講，施法嗰個一定係高手，施法條幾苛刻，愈苛刻嘅法，反噬力愈能強」

「會有高人出手對你施法，靈，你到底
遇到啲咩啊...」

「......」靈不語

「航，聽日我同你去個商場睇睇」九叔主動前往調查

「好，咁我有冇咩要準備？」我問

「好好休息，你啱啱醒返，聽日唔知會有咩事發生」

「好！」

「或者你可以幫我查下個商場嘅背景，由邊間公司管理，依幾年有咩特別新聞」

「哦！好！我依家查」

「葉靈，你過一過嚟」九叔把葉靈叫到一邊說話

我上網查查荃新天地的背景，它是由信和置業管理，於2008年正式開業，發現這幾年一直斷斷續續都有一些墮樓身亡、重傷或是危坐於高處的新聞，本來看似簡單的案件，現在看來都有點奇怪，我向九叔交代了一下我查到的，九叔大概了解後就沒再追問，大概是心裡也有個底了

翌日——

「準備好出發未？」九叔問我

「行得㗎啦！嚟緊！好快」我口中咬著面包，手就在穿鞋帶，日常都是夜生活的鬼，好早沒早起床，有點不慣

「葉....@¥&¥&%$」

「你想點，不如放低舊包先講野」九叔一臉嫌棄

「我話：葉靈，一陣間好似以前一樣咁，跟住係我身邊就得㗎啦～」我拍一拍手上的灰塵，拿著包

「放心啦～我會」葉靈回答我

「擔心自己先啦！佢要走一定走得快過你！」九叔突然從後偷襲我的頭，但亦難得的聽到他說話有尾音

「係喎...你識憑空出現，又識憑空消失㗎喎」我看一看葉靈

「唔緊要啊～我知你關心我啊」她微笑

看著她微笑，真的有一種心跳加速的感覺，突然！九叔又偷襲我，他拉著我的耳朵

「行啦你！可唔可以唔好咁多野講啊你！」九叔一直拉著我不放

「痛！痛！痛！痛！九叔！九叔！我行啦我行啦！」直至到了樓梯九叔才放手

「好痛啊！九叔」我用雙手包住雙耳， 慎防九叔突然再偷襲我

「唔痛打你做咩？我打你，你唔識擋㗎咩？個日先讚完你身手唔錯，睇嚟要收返啦」

「嗱，我身手算唔錯㗎啦！對住隻黑咩靈都可以全身而退！」

「係黑熾靈，記性又差，上次如果唔係我及時出手，你真係覺得你可以全身而退？」

「呃......」我竟無言以對

「唔該一陣有咩唔好認叻，有咩就即刻話我知」

「好！」

突然我想起一件重要的事！

「大鑊！我啊大臣哥死咗係辦公室，啊狗又以為係我殺啊大，咁我依家出去實比人追殺㗎喎！」

道士大叔個名叫九叔係想致敬林正英佢係多部殭屍片入面都叫九叔

lm

好睇!支持!LM

「天航！唔洗驚啊～上次你走咗之後我將閉路電視整壞曬，同埋......佢地都比我嚇到有少少精神失常」原來葉靈幫我解決這問題～而且她說到最後還吐了一下舌頭，又是那個心跳的感覺

「咁就冇咩大問題啦～唔該葉靈」

「咁行得啦嘛？」九叔撓著手

「行得行得」我連忙說，否則一會又被偷襲

原來九叔住的是象山邨，這條邨老人家比較多，而且周遭都是比較空曠的地方，附近有一所中學，深夜基本上不會有什麼人，難怪那天打得那麼激烈都沒有人出來看熱鬧

我們坐紅色小巴在荃灣川龍街那邊下車，好快就走到荃新天地

「依到就係葉靈出事嘅地方？」九叔問

「係啊」我答

「好，我地依家入去睇下」九叔推門入去

「嗯...依到的確有唔少孤魂，樓上應該有過十隻怨魂聚集，陰氣極重」九叔嚴肅的說

「九叔叔！佢地好似聽唔到我講野咁啊，完全冇反應」葉靈說

「奇怪...佢地唔似普通孤魂，但我又講唔出有咩問題，你地兩個要小心啲」九叔在思考著，突然！他舉起手，作出一個我不明白的動作，自言自語起來，不一會，他臉上出現一個驚訝的表情

「今次應該幾麻煩」他說

「即係點？我咩都睇唔到喎，你地兩個見到啲咩啊」我咽一咽口水

「依到嘅孤魂接近全部都係比殭屍咬死，所以佢地冇咗三魂七魄中嘅三魂，搞到佢地全部冇曬自主意識，只可以終日流連係依到」

「唔係啊嘛？！殭屍？！你講真㗎？」我被九叔的話震驚到

「呃你做咩，今日我地返去先，聽日再嚟過」 九叔認真的說

「好！」我和葉靈同時說

回到九叔家

「依件事唔係講笑，葉靈！我敢肯定你生前發生咩事嘅秘密就係上面」九叔說

「但九叔叔你肯定今日個到有殭屍作祟？」葉靈問

「係！個到嘅陰氣重到連我都未見過」

「咁我地點做？」我問

「我去準備啲架撐，教埋你點用，到時有咩事都可以自保」

「好啊！但依家世界真係有殭屍㗎咩...」我聽到可以自保馬上放鬆一點，但對於這個世界有殭屍，有點疑惑

「你連黑熾靈都見過，有咩係冇可能」九叔沒正面回答我

「天航，我估真係有㗎，第一：今日商場啲孤魂真係好奇怪， 第二：九叔叔冇理由呃我地啊」葉靈道出她的想法

「咁又係」我也唯有接受

「如果你可以好似葉靈咁，就好啦」九叔看着我搖搖頭

我們再次一早起床

「呵～～九叔啊，點解我哋唔夜晚先偷偷地入去啊」我打著「喊露」說

「殭屍嘅力量，唔多唔少都關月亮事，所以最好就朝早去睇睇先」

「其實殭屍係形成？真係好似拍戲咁？」我問

「有啲真有啲假，佢地的確會驚桃木劍、金錢劍、符紙，依啲都可以打傷佢地，但最好嘅方法一定係一劍穿心」

「咁佢地真係飛天遁地？力大無窮？」

「又未至於嘅，依家嘅殭屍有唔同能力，有速度、念力、力量，應該同你想像中嘅好唔同」

「下？仲要有咁多玩法？我以為好似拍戲咁，舉起手跳跳下咁㗎咋......」我驚訝

「呃......你可以咁講，曾幾何時殭屍的確係咁，全身僵硬，毫無感情可言，但由我師公個代開始，你講個種殭屍開始絕跡，取而代之嘅就係現代殭屍，比以前更加難對付，傳播性更快...」

「咁...你師父同其他師兄弟呢」

「冇...死淨我......同一個師兄，其他...全部死於殭屍手下」

「呃......對唔住」我知道自己問太多

「都係往事」九叔一臉慨嘆

「天航，不如我地出發啦」葉靈主動為我打圓場

「好啊好啊」我馬上附和

我轉身背好背包就出發，背包裡放著九叔昨晚教我用的工具：三清鈴、桃木匕首、銅錢、朱砂符紙，這些用具應該都足夠我應付吧

再次來到荃新天地

「航，你過黎」九叔招手

我走到他身旁

「我依家幫你開咗天眼先」

「天眼？！即係陰陽眼？！」我問

「可以咁講，但有少少唔同」

「唔同？」

「陰陽眼就淨係見到靈體，但天眼就可以睇到怨念、邪氣、陰氣，靈體」九叔解釋

「好」我回應

「天上地下，三界六道，觀！」九叔把手指著我的眼，唸出術語

「搞掂啦？」我問

「嗯，但記住！你一陣見到咩都唔好太大反應，如果唔係比人發現我地係嚟查野，就麻煩啦」九叔叮囑我

「收到！」

進入商場後，的確有好多孤魂，它們都沒目標的遊走，雖然我對付過黑熾靈，但始終第一次看到那麼多鬼，也是有點緊張的，我一直尾隨著九叔

荃新天地的分層比較特別，最底層叫地下，第二層叫UG，第三層叫一樓，而中庭在UG

「航，你同葉靈上去中庭先，睇下有冇發現咩古怪，記得有咩都唔好太大反應」九叔要求暫時分開行動

「咁你去邊？」我問

「周圍睇下，問下‘人’，睇下有咩唔妥」九叔說完就轉身離去

「咁我地去中庭先」我看著葉靈說

「好！」

一路上，看到好多孤魂，而商場的顧客在不知情的情況下穿過孤魂們

「成千上萬，到底依到有幾多殭屍啊....」我到處張望

「天航！」葉靈拍一拍我，然後指向天花

天花上籠罩着一大團黑紫色的東西，我也不清楚是什麼，但肯定不會是好消息

「靈，你知唔知係咩嚟㗎？」我問靈

「應該係由唔同嘅邪氣同怨念混合埋一齊」靈回答我，但表情也呆住的

「咁我地周圍行下先，唔好太注意佢地，如果唔係會比人發現」我說

「好啊」

我們在中庭的附近逛了一逛，發現這裡的保安員身上都有著一股強烈的邪氣，這股邪是暗黃的，而我多走一會後，發現保安的眼神全都聚焦在我們身上，甚至已有一個在跟着我們

「靈，你有冇發現有人跟住我地」我小聲的問

「有，但我地咩都冇做，同埋依到咁多人，佢地應該唔會做啲咩」

「啱，我繼續行」

在一個轉彎位後，我和靈加快步伐，然後進入一間商店，成功擺脫那保安，殊不知，我們一步出商店，一個身影阻在我們面前

每日一推

「先生你好，我叫段一凡，係依個商場嘅經理，因為我有幾位保安同事見先生你徘徊左一段時間，又不時周圍望，所以睇下有咩可以幫到先生你」

是一個身穿西裝，文質彬彬，身形高大的男人

「呃...冇咩啊，我周圍行下咋，因為好少出嚟荃灣依邊，所以唔太熟路」我盡量擺脫嫌疑

「哦～咁樣，打擾到先生嘅行程真係唔好意思，非常抱歉」這個段一凡禮貌得有點奇怪

不過也不理那麼多了，現在脫身比較重要，要想辦法會合九叔

「靈，你去搵九叔，叫佢係地下中銀會合」我趁著那經理轉身跟保安說話時，偷偷跟靈說

「好，你要自己小心啊」葉靈說完就走了

「咁我都唔阻住你地做野啦」我說完就轉身離去

「好，先生慢行」段一凡沒阻攔我

我離開他們視線後，馬上尋找出口去會合九叔

「到底嗰個段一凡係咩人，佢好有禮貌，天眼亦睇唔到佢有唔妥，但就硬係隱約間感覺佢有一股不尋常嘅氣場」我邊走邊自言自語

到了出口，推門出去，我踏出一步後發現自己居然還在商場裡面，是我眼花了嗎？！我再試一次，我推門跑出去，但結果是跑回商場裡面....

「咩事啊...又玩咩啊」

我跑到另一個出口，結果也是一樣，怎樣推門出去，也是回到商場，我這時才發現，由剛剛開始整個商場的客人都不見了！

這不是開玩笑...在一瞬間，一整個商場的人都不見了，這不可能啊，這麼大的動作我怎會留意不到，一個一個捉也是不可能，到底剛剛發生了什麼

九叔！現在要先找回九叔，任何人有事他也不會有事，他絕對有能力應付，還有剛剛的段一凡，我感覺他絕不是簡單的人物

一小時過去

「有冇人啊？hello！九叔！靈！你地係邊啊！！」我大呼喊著，一小時前我也認為大聲呼喊是愚蠢的行為，完全暴露自己的行蹤，但我在這商場逛了一小時，也沒看見任何人影...

「有冇人啊！有就應下我啦！」

「呃.....」前方的商店突然有聲音傳出

「係咪有人啊？！」我跑往商店

看到一個女人的身影趴在地上，身旁亦有血跡，我上前看看她，卻發現她正是葉靈！！

「靈！點解會咁㗎！」我把葉靈把抱起，發現她脖子上多了兩個牙洞

她突然張開眼睛，眼珠變成了黃色

加速

我盡力

中意依個故事嘅巴打絲打可以分享比朋友睇下！
多謝支持！！！

加速

多謝支持

她撲向我，露出兩隻獠牙

「靈！你做咩啊！」我推開她

她沒理會我，繼續衝向我，我避開，從背包拿出朱砂符紙和三清鈴，把符紙貼在鈴上，然後搖動鈴，但葉靈聽到鈴噹聲後完全沒反應，不可能啊，已經跟足九叔教我的做法，出了什麼問題啊，但用桃木劍、金錢劍這些用具都會傷害到葉靈啊...

我找找有什麼工具可用時，找到一紮繩，是麻繩般的質料，紅白相間，其中一繩頭還綁着一個小鈴噹，這紮繩上貼著一張紙，上面寫著：「捆仙索，可以綁得住殭屍，希望你用唔著」

看來是九叔出發前放進我袋，我拿出繩索，一手飛向葉靈，她一掌打開，但她沒留意我已在她身後，我用繩打成一圈套在她身上，被套住後，葉靈不斷掙扎，但她每掙扎一次繩索就緊一點，根本擺脫不了，我把她綁在一條柱上，不讓她到處亂跑

「𡃁仔！」這時，九叔突然出現在我身後

我轉身望向九叔，發現他滿身是傷，衣服已破爛不堪，他更用手按著脖子處的傷口，血一直流出

「九叔！」我跑去扶住九叔，他單膝跪下，以桃木劍借力撐住地下，但好快也是倒地了，我想把他扶起時，他捉住我的手

「𡃁仔...我應該走唔到㗎啦，仲有葉靈...佢已經變左殭屍㗎啦！拎把劍去殺左佢，記得一劍穿心...」語畢，九叔的手就鬆開了...

「九叔...葉靈...」我望著蒼白的九叔和仍在發狂的葉靈...我真的不知道怎麼下手，我走到葉靈面前，嘗試喚醒她的理智

「靈，醒啦～唔好訓啦，我係天航啊，你唔認得我咩？你唔係一打開眼就淨係記得我㗎咩？快啲醒啦～我地返屋企啦」

她依然是只懂向我咆吼...

「靈啊，你係到做咩啊？我地仲未查到你點解會死㗎，你甘心咩？快啲同我醒啊！！」說著說著眼淚亦在我眼角流下

我為葉靈解開捆仙索，站在她面前，她沒有向我攻擊，只一直盯著我看，我也不知道她是想起我還是什麼...我只想帶她回家

「靈啊～我地返去啦」說完我就轉身，去把九叔的屍體抬起，當我再回頭時，已看見葉靈正向我衝來，她到我面前我時，舉起手中的劍，正中心臟，好快葉靈就在我面前化成了灰燼...

我的淚已毫無保留的流下，心中的痛無法言喻，我放下九叔，跪在地上，大聲呼喊

「嚟啊！點解唔殺埋我啊！點解啊！點解要我親手殺死葉靈！點解要我望住九叔死係我面前！！你地出嚟啊！！」我絕望的嘶吼

但一直的沒有回答我...整個商場只剩下我一個，除了我所有東西都是靜止的，一片寂靜

好睇！

我躺在地上，正想放棄時，突然聽到一把聲音，是九叔的聲音！！但九叔的屍體就在我面前啊

「航！聽唔聽到？」確實是九叔的聲音

「聽到啊！到底咩事啊？！」

「你比人困左係結界，我同葉靈等極都等你唔到，返去商場又搵唔到你，之後我就係商場啲門口發現到有人落左結界，你依家眼前嘅唔一定係真實」

「唉...你早啲識破，啱啱我就唔洗咁狼狽啦」如果早知道剛剛的是假，就不用那麼麻煩，眼淚也浪費了

「唔好講咁多，有冇受傷？」九叔問

「都冇嘅，小小擦損」

「好，依家你衝破結界，你時間冇多，要快」

「衝破？點衝啊，我識過好多次，出極都係返入商場...」

「話明係結界！點會咁易比你衝到出嚟，你得返半炷香時間，你要係商場搵到一粒紅色嘅石，佢係成個結界嘅主體，搵到佢之後拎張符包住佢，再用捆仙索綁住，另一邊綁住自己條腰，之後我就有辦法救你出嚟」

「你啱啱話我得返半炷香時間，即係幾耐?」

「半個鐘」

「得返半個鐘？商場咁大！點搵啊..」

「知冇時間就唔好咁多野講啦」

「唉..我依家去」

我先到地下那層去找，經過美食廣場，在遠處發現米線陣內有兩隻殭屍，我馬上躲起來，但九叔剛說這裡的事物不一定全是真的，那這兩隻...

我拿出一包紙巾，向他們方向掉去，紙巾穿過了其中一隻殭屍去身體，然後他像幻影一樣消失了，看來是幻象沒錯了

我起身繼續尋找結界石，去了幾間商店都沒有收穫，開始出發去UG找，剛剛從扶手梯上到去就感覺後方有動靜，一轉身就發現剛剛那殭屍已緊貼在我身後，還好轉身轉得及時，我一腳前撐，他就滾下扶手梯了，我馬上跑去中庭那邊，空間比較寬敞，要跑也容易點

觀察了一會，也不見那殭屍有追來的跡象，應該是脫身了

「屌啊，陰鳩我....一隻真，一隻假...唉」我抱怨說

殊不知，才剛說完，那殭屍就出現在我面前

「點啊你，跟住我做咩姐！」我說

他沒回應我，直接衝向我，我拿出捆仙索和桃木劍，相比起上次的黑熾靈，這隻殭屍是十分容易對付，他一下抓擊，我側身一躲，把繩套住他手，一拉！他就倒地，一劍瞄準心臟，中！好快就化成燼，不過在死也作最後反抗，在我腳腕抓了一下，還好我及時發現，傷口沒有很深，只是輕輕擦傷

解決他後我繼續前行，看看手錶，發現剛才這樣耽一耽誤時間，時間只剩下十五分鐘左右！！

每日一推

在我腳腕抓了一下，還好我及時發現，傷口沒有很深，只是輕輕擦傷

有冇人同我一樣！覺得一定有古怪