［殭屍/鬼怪/打鬥］《噬魂》我由古惑仔變左做現代道士

推

多謝支持

但他們並沒有走，來到我的病床旁，而我啊姨和姨丈接到電話後亦趕到來醫院

「天航！」啊姨、姨丈走到我病床

「你有冇事啊！」啊姨捉著我的手

「我冇事啊，唔好意思啊，要你地擔心」我拍一拍啊姨的手

「唔緊要啊，最緊要人冇事！」姨丈站在啊姨的後方說

「姨姨！你知唔知今日啊航佢幾英勇！衝入火場.....」啊武說到一半看到我盯著他才發現自己說的話有問題

「下？！你做咩衝入火場啊！！」啊姨聽到後馬上十分緊張

「救人」啊烈在一旁蹺著手說

「救人？救邊個咁緊要啊！！」啊姨問我

「呃......救...」

「女神」當我正猶豫應該怎樣說時，啊烈又搶先說了

「死仔！為咗追女仔拎自己條命嚟玩！」啊姨打我

「啊！啊姨痛啊！」

「識痛啦咩！死仔！嚇死我同你姨丈啊！」啊姨叉著腰

「好啦好啦，我應承你下次唔會啦」我舉起三隻手指說

「你係先好講啊！」啊姨盯著我說

「真係㗎！都話應承你，我冇事㗎啦，你地快啲返去啦」我當然希望他們快點離開，不然我怕啊武會越說越多不應該說的

「係咪冇事㗎？」啊姨疑惑的問我

「你睇下我幾精神！冇事啦！」我瞪大雙眼看著啊姨

「咁好啦，我地聽日嚟接你返去啦」啊姨說完後就準備轉身離去

姨丈偷偷轉身，細細聲的說

「叻仔啊！做得好」他舉起姆指，一臉「你懂的」表情

我也馬上擺出姆指和同款表情作回應

啊姨突然回頭，我和姨丈立刻收起表情和姆指

「你兩個做咩？」啊姨好像看到？我也不知

「冇野啊」但也先否認吧

「你記得今晚唔好咁夜瞓啊！早啲休息啊！」啊姨回頭就是為了叫我早點休息

「Yes Madam !」我做出敬禮的動作

「整古做怪！我地走啦！拜拜」

「你地走未啊？車埋你地返去？」啊姨禮貌的問啊武啊烈

「好啊！」他們居然也說好.....

「喂！你地唔好亂講野啊！」我扯一扯啊烈的衣服

「Auntie，你有咩想問，隨便問，我知嘅都答你！」啊烈忍住笑，拉開我的手

「我都係啊！」啊武看見這情況也加入

「喂！你兩個！」我盯著他們

他們卻完全不看我，只是暗暗地在笑

「真係㗎？！你兩個真係乖！姨姨請你地去食下午茶！」啊姨興奮的帶著他們離去

「喂！你地.....」他們已跟著啊姨轉身離去，這就是誤交損友的後果吧.....我用手拍一拍額頭

姨丈在離開前轉身對著我做出攤手縮膊的動作，表示他也幫不了我

我搖著頭看著他們離去，但仍聽到他們說的話

「個女仔咩人嚟㗎？」啊姨問

「好學生，品學兼優」是啊烈的聲音

「咁靚唔靚㗎」啊姨繼續問

「好靚女㗎！」這次換了啊武的聲音

「啊航咁叻仔！？咁追到未啊？」

「未，佢唔夠膽開口」啊烈又接著回答

在床上在了一會後，我問一問正在巡房的護士

「姑娘，我想問呢，你知唔知啱啱因為學校起火送入嚟嘅歐陽洛兒係邊間病房？」我問好她

「我出去幫你睇睇啊」她微笑一下，就走出病房

不一會，她來到我病床邊

「佢係樓上心胸肺外科嘅女病房啊」護士說

「咁我依家可唔可以上去睇佢？」我問

「探病時間未過都可以嘅」

「好啊！唔該！」我馬上下床

「咁緊張，女朋友呢？」她笑著問我

「朋友....」

說完這句後我就離開房間，前往心胸肺外科的樓層

我直接上前問正在工作的護士

「姑娘，我想問歐陽洛兒係幾多號床？」

「歐陽...洛兒，你等陣啊」護士翻查手上的文件夾

「佢係15號床啊」

深夜自推

推

我順著床號，終於找到了歐陽洛兒的病床，她已經醒過來了

「點啊你？冇事啊嘛？」我拿起她床頭的水壺，為她倒了一杯水

「冇事啊....不過喉嚨好似好乾同有少少氣喘嘅感覺」她柔弱的說出

「下？咁有冇問醫生點解會咁啊？」我馬上緊張的問

「醫生話係正常㗎.....話會有一段時間會係咁..慢慢會冇事」

「呼.....咁都好啲」我聽到這才放下心來，把水杯遞給她

「你.....有冇事..就真啊！」她盯著我受傷的雙手和肩膀

「冇事！一啲事都冇啊，好少事咋嘛」我舉起雙手，轉轉手腕

她皺眉看著我

「呃....做咩啊？皺曬眉頭咁」我被她的表情嚇到了

「我已經知道曬啦！」她繼續盯著我

「下？知道咩啊？！」不會是知道我喜歡她吧？！........

「有人話咗比我知啦！」她還沒說到重點

「下....邊個同你講㗎.....」我心裏想著，不是啊武就是啊烈，應該不會有第三個選擇了，但我偏向相信是啊武說的

「李梓武同我講㗎！」果然！！是啊武

「死仔！亂講野...」

「佢同我講啊！話你命都唔要咁衝入火場救我啊！你啲傷係抬起個大木櫃個陣整到㗎嘛！」

原來不是說了我喜歡她的事？！

「佢....淨係講咗依啲？」我心虛的問

「仲有咩係我唔知㗎！」她鼓起臉

看來她真的不知道！太好了

「冇！冇啊！邊有姐！冇啦！」我連忙說

「你啊！係咪傻㗎！貿貿然衝入火場！好危險㗎嘛！」

「咁...你係火場入面啊嘛.....」我慢慢說出

「咁都唔可以做啲咁危險嘅野㗎！」她繼續罵我

但被她這麼緊張的罵我，我又覺得很開心，證明她是緊張我的，不知不覺間我臉上出現了笑容

「我鬧緊你啊！仲笑！係咪燒到傻咗啊！」她打我一下

「啊！痛啊！」她打中了肩上的傷

「抵死！識痛啦咩！等你仲笑笑笑！」她轉過頭不看我

「點解你地女人講野都一樣㗎....都中意人識痛...咁我見到你冇事，仲咁精神，咪開心到笑囉....」

「你地女人？仲有邊個女人啊！」她突然問我

「下..？咩話？」我有點反應不了

「扮曬野！」她又轉過頭，不看我

我思考了一下才懂她剛才的問題

「你話我啱啱講嘅你地女人係邊個？」我問她

「明知故問！」她還是不看我

「嗰個...」我故意拖慢節奏地說

她終於慢慢轉過來，用眼尾瞄著我

「嗰個係我啊姨啊！」我笑說

「佢啱啱又係好似你咁打我一下， 然後我話痛，佢又係話識痛啦咩，你兩個講嘅嘢簡直一模一樣」我解釋

「哦～原來係Auntie，仲以為邊個添」洛兒好像鬆一口氣的感覺

「唔係你以為仲有邊個？」我問她

「我點知你仲有邊個姐！」洛兒有點面紅

「總之你應承我以後唔會再做咁危險嘅事啦，條命最緊要啊」隔一會後，她說出這句

「你要我平時唔做危險野，可以，但如果件危險事係關於你，另計」我也不相信自己會說出這樣的話，但這的確是我這刻的想法

洛兒先是面紅，然後再點一點了頭

這一刻我覺得人生很美滿

突然....

「探病時間夠啦！麻煩探病嘅親屬快啲離開啦！」一姑娘在房間內繞了一圈並大聲的說

完全破壞了當刻的氣氛.....我反了她一個白眼，心裏亦有十萬句粗口飛過， 但探病時間過了也沒有辦法

「咁我返落去先啦，聽日再上嚟睇你，我聽日應該可以出院啦」我拍一拍洛兒的手，之後轉身

「肥仔！」洛兒叫住我

「咩事？」我轉身

「你有帶電話㗎呵？」洛兒問我

「有啊」我回答

「咁叉電器呢？我屋企人唔記得拎比我」她再問

「都有啊，我啊姨拎咗兩個比我」

「咁.....你今晚陪我傾計啊....係醫院過夜我有啲驚啊」洛兒拿被擋住自己的臉，害羞起來

「哦～好啊，冇問題啊，我一陣拎一個叉電器上嚟比你，一人一個，咁就唔怕冇電啦」

「好啊！」

好sweet
單身狗再被擊沉 …

中學的那些年

真

睇到好有同感 個心好似爛左咁

本身諗住話睇完留言講打鬥位寫得好好好有畫面，點知你連愛情都寫得咁好。。。

咁嚴重？

其實我中意寫打鬥多啲好少寫愛情，不過故事需要...

仲唔訓？不如出文？

啱啱先返到屋企打緊聽日篇文

食蕉兄又見到你
近排點呀
搵到工？

如是者，到了深夜時分

洛兒還沒睡得著，她被醫院的陰沉氛圍嚇到

「肥仔啊....佢熄曬啲燈....好黑啊」洛兒這刻應該是瑟縮在被窩

「唔洗驚㗎～我陪你傾緊電話嘛，隔離又有其他病床」我安撫著她

「咁我真係怕黑啊嘛....」她柔弱的說

「咁一係你用張被包住自己個頭然後手機開電筒！」我開玩笑的說

「係咪玩野啊！一定會比姑娘鬧囉！」她毫無氣勢的罵我

「講下笑氹你開心咋嘛，你依家都冇咁緊張啦」我說

「又好似係嘅」

接下來，都是跟她聊東聊西，主要都是令她放鬆心情，讓她能安心睡覺

當我成功令她快要睡着時

「點解...突然咁光嘅」她睡意朦朧的說

「好光？會唔會係姑娘開咗燈啊」我說

「啊！！！」突然電話傳來尖叫聲

「咩事啊？！」我連忙問

「有個...成身着晒火，燒到黑曬嘅人企咗係角落頭！救命啊！」洛兒驚慌的說

「你叫姑娘！我依家即刻上嚟」說完後我馬上飛奔往她的樓層

渾身是火，全身被燒至焦黑.....不就是我在化學室看到的那個人...到底他是什麼來歷，怎麼會來到醫院這裡，不管了！先衝上去再說

其實我跟她的病房也只差三、四層樓，跑樓梯絕對會比電梯快

大概兩分鐘後，我就跑到洛兒所在的樓層，我馬上衝往洛兒的病床

「你咩事㗎？！」當值的姑娘被我嚇到了

「唔好意思！有病人有事！」我越過她，跑到洛兒的床邊

她拿被包著自己整個人，隔著被子都可以看得出她在不斷的抖震，我上前，打算問她剛剛怎麼了

但我一觸碰到她，她就尖叫起來，把旁邊的病人都吵醒了

「洛兒！係我，唔洗驚」我拉開她的被子

她確認是我後就抱著我，她的身仍是在抖震

「啱啱咩事啊？」我問她

「個男人好恐怖.....」她驚恐地說

「你冇叫姑娘咩？」

「有啊！我叫咗好多次，好大聲咁叫，都冇人理我！！」她抱得我更緊

我回頭看著身邊的姑娘

「我..冇聽到有人叫...我幫你問下其他同事！」她跑往護士當值處

我則繼續安慰著洛兒

「冇事啦，我係到，佢走咗啦！佢唔會傷害到你」我抱著她說

洛兒抬高頭一看，又高聲尖叫起來

「啊！！！佢就企係你後面咋！」洛兒把頭埋在我胸前

聽到洛兒這樣說後.....我也不禁吞了一下口水，真的在我旁邊嗎？

......

我閉上眼深呼吸，鼓起勇氣轉頭一探究竟，我慢慢望過去....

有個頭在我旁邊！！我跟他的距離差不多是面貼面....

「hello~」他詭異的看著我笑

我為免嚇怕洛兒，我閉上眼，強忍著恐懼，裝作沒事，繼續安慰著洛兒

「冇事，冇野係我後面啊」我抱著她

「真係？...」洛兒想張開眼看

我馬上用手擋住她的眼睛！不然她一定會被嚇壞

「驚就唔好睇，唔睇就冇野」我也依然閉著眼睛

一陣腳步聲傳來

「你地冇事啊嘛？」是剛剛那姑娘的聲音，這我才敢張開眼睛

誰不知....我張開眼睛後第一眼看到的不是那姑娘，而是那嘔心恐怖的臉....

焦黑龜裂的皮膚，陷入的眼窩，紅筋密佈的眼睛.....他就在我面前，直直的盯著我

我內心已是處於崩潰的邊緣，但怎麼也要撐過去，我轉望向姑娘

「我地....冇事...只係佢發惡夢姐，冇事」我聲音都變得抖震

「我啱啱都問過其他同事啦，冇人聽到有病人叫，你地唔好咁嘈啦，會嘈到其他人㗎」

「好...冇問題...姑娘啊，我可唔可以同佢出去行下？佢心情都係未平復到」我問姑娘

「嗯.....正常就唔得嘅，不過...唉，唔好行咁耐啦」姑娘走出病房

「洛兒，依家我帶你出病房行下，根住我得㗎啦」我的依然在擋住她的眼

她點點頭

就這樣，我帶她到了醫院的天台，希望空曠地方會令她放鬆點，而那「火人」在我們離開病房時就消失了

好似德魯納個傻仔
係又hello
唔係又hello

德魯納酒店？

本身想寫到好詭異嘅感覺，但又好似冇

有架
但係唔知點解諗返起個個傻仔
做咗怨鬼都淨係識背後講hello
完全冇用

我冇睇依套