［殭屍/鬼怪/打鬥］《噬魂》我由古惑仔變左做現代道士

蟲仔黎wo

今次唔係我話剪架

冇可能，你睇錯啦

聽日遲左就剪黎睇下

好殘忍

剪剩2cm俾番你用

多啲得唔得啊？

夠你用啦2cm

可能本身得2cm

秘密嚟㗎

「好耐之前啦，個陣都未有上無極依個名」英叔說

「東道西樓，北門南陽，上無極...依個排名係天玄叔接任掌門後先有，無極門本來同我地四派平起平坐，的確無極門嘅弟子係比有天資，但未至於超班，

有一次天玄叔同四派掌門出現意見上嘅分歧，四派掌門大打出手，天玄叔有嘗試調停，但四派掌門根本唔聽，仲係我地面前大打出手，天玄叔為咗阻止佢地，就第一次召喚咗紅龍」

「嘩！我記得個陣在場嘅人都嚇呆咗，我個陣都擘大個口得個窿」英叔接著說

「到底天玄叔巔峰時期有幾犀利...」我敬佩的說

「話說，你知唔知天玄叔當年同成班門生到底發生咩事？」英叔問十方

「我唔知啊，師父都冇提起以前啲野，其實係咩事？」十方反問英叔

「當年，天玄叔同班門生一夜消失」九叔說

「仲要一消失就係三十幾年」英叔接著說

「但師父完全冇同我講過，下次問下佢先」

這晚我們在無極門過了一夜，啊武依然在昏睡

「你地返去先啦，我會幫你地睇住佢」天玄叔說

「好，咁我地返去先」九叔說

的我們向天玄叔道別，十方送我們回去

「有咩消息通知我啊」我跟十方說

「得啦，我會啦」十方點頭，離去

啊武的事暫告一段落，現在只能等他起來，起碼我知道他安全

我們一回到去，夢晞就過來了

「又成晚唔見人啦」夢晞盯著我說

「有野做嘛～唔好嬲啦」我哄她說

「唔得閒嬲你啊」她蹺起手

「乖啦，最多今日我陪你出去買餸啦」其實我身心都已經十分疲憊

「好啦，咁我考慮下原諒你啦」夢晞傻笑起來

「傻妹」我摸摸她的頭

我休息一會後就陪著夢晞出發買菜

「有冇諗今晚想食咩啊？」夢晞問我

「不如打邊爐」我腦海閃過跟啊武啊烈吃火鍋的畫面

「打邊爐，都好嘅，我唔洗搞咁多野」夢晞想了想再說

如是者，我們去買了點海鮮、肥牛、雜丸和烏冬

「估唔到今日啲海鮮又幾靚喎」夢晞滿意地看著手上的火鍋料

「有人成個小師奶咁啦～買到好餸就笑得咁開心」我笑她

「咩師奶啊！我仲係少女！！」她擰我耳朵

「講笑咋講笑咋」

「笑笑笑！好好笑咩？！」夢晞走到我面前

突然！

有一班人拿著武器在我們面前跑過，差點撞到夢晞，還好我反應快，把夢晞拉近我，但那班人並不像是追打人，更是像被追打

果然，我沒看錯，剛剛那班人真的被另一班人在追打，而且人還要別人多，但我看著看著發現被追打的人群裏有一個很眼熟的人

是啊烈，我以前手下

「晞，你企係到等我一陣」我跟夢晞說

「你做咩啊？」她問我

「乖啦，聽話先」

「好啦」她點頭，我把手上的袋放在她腳邊

我衝上前，擋住正要打向啊烈的棍，一腳前撐把面前的人踢飛了，然後一招神龍擺尾，把正衝過來的人踢開，趁一秒空隙，向前打一個筋斗，拾起地上的鐵水管，橫揮，五、六個人的腿都被打中了，剛剛這力度，應該都骨裂了

剩下最後兩個，我將手上的鐵水管飛往其中一人的頭，而自己就衝上另一人面前，飛踢！

全數倒下！輕鬆至極

這幾個月面對的都是鬼怪，再次面對人，簡直是天淵之別，人是多樣的脆弱

剛我打倒的人都開始慢慢爬起來，一拐一拐的逃走了

「嘩！航哥！！你好打咗咁多嘅？」啊烈走到我身邊說

「死仔，冇鬼用，多人過人地都唔夠打！」我推他的頭

「我會努力啲練野㗎啦！」啊烈看著我

「眼甘甘望住我做咩姐！」我再推他的頭一下

這時，遠處傳來聲音

「大佬！就係佢啦！」我認得他，是剛剛被我打走的其中一人

他帶著更大班人走過來，而站在他旁邊的是....

「啊烈....？」我呆了，是眼花嗎？

「係！航哥，你叫我？」我身邊的啊烈問我

「唔係叫你啊！你行開先」

我隻身走到消失多年的啊烈面前

「啊烈！！你依幾年去咗邊啊！我地發散曬人手都搵你唔到啊！」我雙手搭著他

但卻換來了一記重拳

「啊....啊烈你做咩啊？！我係啊航啊！」我後退兩步

「邊個係啊烈？我唔識，我更加唔識你」

唔係失憶掛

唔知啊

剪你賓周

又剪？！

今日夜少少先有

準備定剪先

夜少少姐有文㗎有文㗎！唔好剪，唔好掛住剪我啦，專心劇情！！

我地好專心剪你

唔好咁啦

「啊烈你傻咗啊？你唔記得我？！」我激動的問

「你耳仔有問題？我唔係唔記得你，我係唔識你」他突然依然堅持不認識我

「唔好玩啦啊烈，啊武出咗事啊！你老豆都.....」我欲言又止

「我老豆？我老豆係台灣嘆緊世界」他說

「我講緊臣哥喎！」

「又邊個嚟？你到底想點？」他蹺起雙手看著我

「.......」我無言以對

「啱啱聽佢地講你好好打，啱啦，我都好耐冇落手打過交啦」他摺起衣袖

「我冇諗住同你打喎」我拒絕

「咁嘅場合你覺得輪到你話事咩？！」他已向我衝來

我並不打算反擊

他走到我面前，一來就是一記飛膝，我不想硬碰，所以側身躲開了，他一著地就轉身一招橫踭，動作敏捷，這招我躲不了，只好硬擋，他的狠勁十足，我把他推開，然後自己後退一步

他被我推開後馬上起腳前踢，我用雙手擋住，拉他的腳，把他拉近我，然後再把他撞開，他有點生氣了，他衝來胡亂揮拳，我全部擋住，看他準備重拳，我馬上後退，令他打了個空

他差點站不穩，但他機智，借勢向前打個筋斗，用腳踭踢向我，我雙手舉高接住，用力推開，他借力向後翻，站起來，再上

他用低掃踢向我大腿，我決定「硬食」他這一腳，然後再一掌打在他胸口，推開他

這段時間的訓練，令我的肌肉足以承受一般的攻

「你推夠未？你淨係識躲同擋？」他問我

「我講咗唔想郁手」我回答

「睇少我？！」他聽到後極大反應

他伸手問手下拿一支鐵水管，然後向我頭頂揮來

看來他不打算留手，那我也不可能只躲不打了，我跳後一步避開鐵水管，然後捉住他的手，一腳側踢，撐在他的肋骨上，他咬緊牙關，用手纏住我的腳，準備朝我的膝蓋使用踭擊，這招可不得了啊，我見他用力纏住我腳，我就借力跳起，用另一腳踢向他的臉

這場交打完了

「啊.....」他蹲下

「我講咗我唔想郁手....」我低頭看著他

「焙哥！！你點啊？」他的手下走到他身邊扶起他

「焙哥....」我疑惑的看著他，但我十分肯定我面前的人是啊烈，我不可能認錯人

我走到他面前

「我唔知你係台灣經歷咗啲咩，但我話你知，臣哥出咗事，焯哥前幾年唔見咗，啊武昏迷緊，理唔理係你嘅事，我電話冇轉過，要搵我就搵」說完後，我轉身離去

「烈仔，我走先，有咩打比我」我經過烈仔的身邊，拍一拍他肩膀

「好！」他點頭

「晞，走啦」我走回夢晞身邊，拿起袋子

「嗯，好啊」夢晞點點頭跟著我走

回到家中

我坐在一邊，沒說話

「晞啊，啊航做咩？返嚟咁靜」九叔問夢晞

夢晞將剛剛的事完整告訴了九叔

「咁多一個？」英叔在邊旁聽到了

「啊航近排都好煩惱，晞，陪多啲佢」九叔說

「嗯，我會㗎啦！」夢晞點頭

「等我同佢傾下啦」英叔走向我

「喂...」九叔想叫停他，但沒用

「𡃁仔啊」英叔坐到我旁邊

「咩事啊英叔」我問

「啊晞同我地講話你今日撞返另一個兄弟喎」

「嗯，不過佢話唔識我」

「唔識你？點會啊，又話經歷好多野」英叔問我

「喂！你真係講多錯」九叔推一推英叔

「邊有啊，我安慰緊𡃁仔啊！」英叔反駁

「......」九叔無語

「我冇事喎，不過係諗唔明啊烈點解會唔認得我」我說

「可能佢有咩苦衷呢」英叔說

「咩苦衷可以令到佢唔理自己老豆、啊哥、啊武？」我反問英叔

「呃.....」英叔回答不了

好驚比人剪

這時，我的電話響起，有我電話號碼的人不多，九叔英叔、夢晞、十方、烈仔和....

「喂」我率先說話

「我老豆咩事」他還沒發聲我就猜到是他了

是啊烈⋯

「你今日做咩唔認我？」我問他

「電話唔方便講，出嚟講？」他說

「好」

最後，我們約了在以前學校附近的一個空地見面

他仍是像以前一樣，不準時

「先生，你又遲到喎」我笑說

「好耐冇見」他也笑說

我們擁抱對方，大家都不知道大家這幾年的經歷，但肯定都是不好過的，我們席地而坐，開始聊天

「依幾年..過成點？」我問

「有咩點啊，都捱咗過去」他點起香煙，眼還充滿著唏噓

「反而你呢？好打咗咁多，完全唔係你手腳」他笑著問我

「唉，依幾個月發生好多事」我笑說，再問

「你依家叫焙哥？」

「嗯」他點頭

「做咩無啦啦做咩改名？」我追問

「改咗好耐啦，係個邊過新生活咪用新名，想轉換下心情」

「咁你今日...」我正想問

「信我就唔好問」啊烈就搶先說了

「好...」

「講返我問嘅問題先，我老豆點解會....」啊烈問我

「一匹布咁長....」

之後我將這幾年啊烈不在後的事情都告訴了他，當然包括黑熾靈和啊武的事

「你認真？唔好拎依啲同我講笑」啊烈不信我的話

「我點解要呃你？」我問他

「邊有啲咁嘅野㗎...」他無奈的說

「你唔記得化學室單野？」當年那事，都歷歷在目

「我記得....但太誇張啦，有啲難接受」他表情充滿疑惑

「我帶你去證明」我站起來

「點證明？」他不懂

我致電十方

「十方，一個鐘後嚟象山接我，我想帶個老朋友探下啊武」

「好」十方簡單的回答後就掛電話了

「要去邊？」啊烈問

「去我屋企先」

「又話探啊武？」啊烈搞不清楚

「一陣你就知」

就這樣我帶著啊烈回到家中

「九叔英叔，我帶咗個朋友返嚟」我推開大門

「朋友？！男定女啊？！！」是夢晞的聲音，她站在門後

「男㗎！傻妹」我探頭去門後，看她

「把聲....咁似你女神嘅」啊烈呆一呆

「噓...唔好亂講野，想我死啊？」我用手踭撞一撞啊烈

「好好好，但真係好似..」啊烈不說我也不覺得夢晞真的有點像她....

「似？似咩啊」夢晞問我

「冇啊，冇講咩啊」我再撞一下啊烈

「佢就係你另一個兄弟？」在沙發上的英叔問我

「係，佢就係啊烈啦」

「你地好」啊烈禮貌地點頭

「嘩，真人又幾高大靚仔喎」英叔看著啊烈

「你講過我咩啊？」啊烈瞇起眼看著我

「一定冇講你壞話先」我馬上說

「咁個位係？」啊烈看著夢晞

「我叫夢晞啊，你好！」夢晞主動走過來介紹自己，並伸出手

「真係愈聽愈似」啊烈跟夢晞握手

「到底似咩啊？！」夢晞看我

「冇啊，唔洗理依個人，佢白痴㗎」我推一下啊烈

「話說，你帶佢返嚟做咩？」九叔問我

「我叫咗十方嚟接我地，我帶佢去探啊武」

「同埋佢唔信我講嘅野」我笑說

「咁又的確幾難相信嘅」英叔附和

「你地都覺得係真？」啊烈問九叔英叔

「點解唔信？」九叔舉高手，桃木劍自動飛往九叔的手上

啊烈看得目瞪口呆

「我第一次見到同你依家嘅反應差唔多」我笑說

「喂！行得未？」是十方的聲音

「啱啱好，行得」我轉身望向十方

然後再轉身跟夢晞說

「我出一出去，冇咁快返，同啊B訓先啦」

啊烈皺一皺眉

「又出去！」她盯著我

「同朋友耐冇見嘛」我拍拍她的頭

「咁好啦...」夢晞說

「咁行啦」我拉著啊烈

去到大廈中庭，我跟十方停下腳步，啊烈撞上我

「做咩唔行？」啊烈問

「企係到得啦」我笑說

「準備好啦喎」十方懂我在笑什麼

「準備？」啊烈疑惑

十方作出手印，一秒間我們來到無極門舊址，啊烈被嚇了一大跳

「嘩！發生咩事？！」啊烈驚慌的問