［殭屍/鬼怪/打鬥］《噬魂》我由古惑仔變左做現代道士

打緊

啱啱開始追返lm
但點解葉靈會叫「九叔叔」好似個細路女咁失左憶但應該仲係成人嘅智商？

lm 先

因為本身係想寫佢斯文啲，就咁叫九叔好似會有啲粗獷，所以就叫九叔叔點知好似仲怪

「本身諗住捉返佢就算，但佢又同你咁好關係，所以咪引你地過嚟囉」

「廢話少講！你到底想點」九叔問莫盡

「依個世界有能力阻止我嘅人唔多，而你地偏偏係其中一批，咁我可以點～」

「點解你要幫殭屍對付我地人類」我問

「你唔覺得我地人類太低等咩」

「低等...？」

「會死會病，脆弱，殭屍就唔同，不老不死，強大嘅復原能力，根本就係天生嘅強者」

「不死？哈！係我手上就死咗一隻啦」我嘲諷地說

「咁係因為佢係一隻未完全嘅殭屍」

「未完全？」九叔英叔異口同聲

「哈～睇嚟你地仲未知，我地咁多年朋友，等我話你地知，比殭屍咬的確會被轉化成為殭屍，但能力係遠遠低過真正殭屍，要成為真係嘅殭屍，係要飲一滴傳播者嘅血」

「傳播者？」我問

「即係A咬B，B要再飲一滴A嘅血先可以轉化成真殭屍」英叔解釋

「冇錯！而段一凡就係冇飲傳播者血嘅殭屍，所以....始終會差啲」

「.....唔怪之得啦」我這才明白為什麼我會殺到段一凡

「同埋，當年滅你地門個班殭屍好多都係未飲傳播者血㗎」

「未飲......我點知你講真定假啊！」英叔說

「大不了你可以唔信嘅～」

「佢冇需要呃我地」九叔出聲

「咁多年冇見，一見返又係敵對關係，真係唔好意思，但今日應該要你死多次！」九叔放出狠話

「唔同！上次我係一心求死！今次係你地自動送死」

莫盡在袖裡拉出鐵鏈

九叔亦提著雙劍率先上前迎戰

二人快速出招，九叔拿著雙劍進行近身攻擊，而莫盡則揮動鐵鏈拉遠距離

鐵鏈飛往，把九叔的劍纏住，莫盡用力一扯，想把九叔的劍脫手，但九叔順著拉扯的力去到莫盡身前，莫盡來不及反應，被九叔踢飛

「反應快咗啊」莫盡擦一擦嘴角的血

九叔沒回應

九叔繼續追擊，往頭顱斬去

莫盡往後躺避開，然後一個蜈蚣彈，雙腳踢向九叔，九叔雙劍擋在胸前，但也後退數步

「英叔，我地唔幫手？」在旁觀戰的我問

「睇定啲先，始終有啲野要佢地兩個解決」

看來當年莫盡的事對九叔來說也是有根刺在心裡

莫盡雙腳踢出後馬上撲前，去到九叔的身後，想用鐵鏈鎖住九叔的頸，幸好九叔的反應快，及時把手放在頸前，成功撐住了鐵鏈

但莫盡再用腳一撐，把九叔撐前，之後手一拉把鐵鏈收緊，九叔的手不夠力撐著，手貼緊了頸，背又被撐住，轉不到身，手亦開始發紫了

「英叔！要出手啦！」我跑往莫盡

「唔好衝動！」

我跑到莫盡身旁正想往他斬擊時，他已起腳把我踢飛了，我重重掉到地上，半撐起來，咳出鮮血

但也正正因為我引莫盡起腳，令九叔有空間轉身，這刻莫盡的注意力在我身上，九叔即時反擊，轉身雙劍左右外斬，莫盡的肚皮被劃上兩道深深的血痕

「航！得唔得？」九叔問我

「得.....頂得住」不斷咳嗽的我回答

「幾硬淨啊」莫盡好像不痛不癢的看著我

「當然....！！！！」我突然再噴出一大口血....

「𡃁仔！！」英叔過來扶我

「喔～原來冇想像中咁硬淨咋喎」莫盡笑說

「咁重手」九叔盯著莫盡

「依家唔係玩泥沙啊，啱啱嗰腳已經好輕㗎啦」莫盡邪笑

一口氣睇晒

加快吧！

愛你喔樓主

多謝支持

「依場仗係我同你打」九叔說

「我知」莫盡亦面向九叔

在旁回氣的我，坐在地上

「佢地依場交足足拖咗三十年，今日點都會有個結果」英叔在我旁說

「但冇理由我地係到打，佢地係側面睇咁悶㗎嘛」莫盡轉身看著我和英叔

「你想點啊....」我問

莫盡吹響口哨

瞬間，一群食嬰靈和童殭在四方八面湧出

「哈！咁佢地就唔會悶啦」莫盡瘋狂地笑

「食嬰靈...果然關你事，你係咪痴咗線...」

「當你好似我咁，你都會痴！足足係冥界墮落咗三十年！不如你話我知做好人有咩用？！」莫盡反問九叔

「咁做壞人又有咩用？」九叔沒正面回答

「起碼依家我開心」莫盡保持著邪笑的表情

莫盡突然出擊，揮動鏈並同步跳往九叔，九叔擋住了鐵球，但擋不住莫盡的飛膝

被打中了肋骨處，痛得九叔連退數步

「唔知係咪你年紀大咗呢，動作好似慢咗咁多嘅，咁我當初比曬啲功力你又有咩用啊」莫盡嘲諷著九叔

我和英叔就處於非常麻煩的局勢，被食嬰靈和童殭重重包圍住，逼得我跟英叔背對背站著

「英叔...點搞啊」我剛剛的傷還在痛

「冇辦法，焗打㗎啦，佢地唔死，就我地死」看得出英叔也有點緊張，剛剛在打童殭的時候箭也差不多用光了

英叔手握著弓，我手握雙劍，現在真的只能埋身肉搏了

其中一隻食嬰靈出擊，意味著正式開戰！！

一隻食嬰靈跳向我

「英叔！！」我低身避開

英叔轉身用弓把他打飛，而我就揮劍斬向正在攻擊英叔的童殭，跟英叔意想不到地合拍

「醒目！」英叔笑說

「大家咁話啦！」我也笑著回應

這算不算是苦中作樂呢.....

我也不知道，最起碼我現在還能笑得出口

我運用劍比以往熟練，對付敵人時總算叫作有板有眼

一隻童殭打算跳到我頭上，我舉高劍，蹲下向前滑行兩步，那童殭被我從中破開兩半，瘀黑色的血液傾瀉而出，滿地都是，更滴到我面上，我沒有停止動作，順著向前滑的衝力，滑到一食嬰靈面前提著劍左右橫揮，他直接在腰間斷開兩截

後方有兩隻食嬰靈跳到我背上啃咬，背脊多了兩個血肉模糊的傷口，疼痛得令我趴在地上，我馬上轉身面向他們，名揮一劍

一輪操作後，我半跪在地上，發現鬼怪們停止了主動攻擊

我站起來才發現英叔已距離甚遠

本來我跟英叔是背對背的作戰著，但鬼怪的數量實在太多，不知不覺地將我跟英叔拉遠了

「𡃁仔！自己執生！」英叔在遠處高呼

「得！」我回應

鬼怪沒主動攻擊那就我主動吧！

我拿出符紙，飛到一群食嬰靈身上，符紙隨即爆破，其中一隻更被符紙爆開了頭顱，灰飛煙滅，其他中了符紙的食嬰靈則有些斷手斷腳，有些腸穿肚爛

看來食嬰靈比想像中容易對付，但童殭就不是同一個級數了，始終是殭屍，被爆破符打中也沒有太大傷害，最多令他感到疼痛

而英叔那邊

英叔雖然也有受傷，但愈打愈勇，將自己的血在弓上畫出符咒，令弓的攻擊力增加不少

英叔瞄準關節處攻擊，令他們失去攻擊能力，之後就像打棒球一樣，揮動弓，把鬼怪們的頭打飛了，好快地上就躺下一大遍屍體，而屍體好快又灰飛煙滅

但要殺光場上的鬼怪還有一段距離....

已是戰事開始後的不知多久....不知九叔那邊戰況如何

我和英叔這邊，我們已能再次靠近戰鬥，戰場亦由荃灣海旁中心移到海濱花園

場上的鬼怪也被清除得所剩無幾，但同樣我們身上已傷痕累累，體力亦快消耗盡

「英叔...差唔多㗎啦，頂住啊」我以雙劍撐在地上，後背的傷口仍在流血，嘴角亦流出鮮血，傷得不輕

「嗄...我夠知啦....洗你講」英叔用弓撐在地站著，腿被食嬰靈啃咬了一塊肉，但未至於見骨

場上的食嬰靈和童殭加起來只剩下十多隻，我和英叔每人只要平分七隻左右就可以了

「搞掂埋佢！」我一手扶著英叔，英叔亦搭著我肩膀，我們一鼓作氣向前衝

我右手拿著劍，瞄準著鬼怪的心臟處揮去

英叔則用弓揮打他們的頭

剩下五隻！

三隻！！

場上剩下最後一隻食嬰靈，他害怕得倒坐地上

我用劍插著他，他不斷揮手求饒

但我沒打算放過他，我一劍斷頭，英叔揮弓把他的頭打爆了，他的身體還在抖動，我就不斷斬向他身體，直至他化灰為止

我和英叔癱坐在地

「嘩....咁都死唔去，精彩啊」我直接躺下，感覺累得快要暈倒過去

「嗄....邊有咁易比你死啊....有排你捱啊」英叔亦跟我一樣躺在地上

「啊！！」我突然大叫

「咩料啊你！」英叔被我嚇到彈起來

「我地仲要去幫九叔啊！」我用劍撐起

「係喎.....行啦」英叔也站起來

我倆扶著大家，一拐一拐的走向海旁的中心

畫面去到九叔那邊

九叔跟莫盡仍在戰鬥，不過明顯可見，九叔正處於下風，雙劍已斷了其一，身上傷痕密佈，整件衣服都是血跡

雖然莫盡身上的傷痕也不少，右手受了重創，手腕上的鐵鏈亦斷了，但仍把斷鏈握在手中

莫盡轉身，用力揮動斷鏈，放手！把斷鏈飛向九叔，九叔也馬上飛出斷劍，然後雙手交叉的護在面前

斷劍與斷鏈沒有撞上，而是擦邊而過

嘭！一聲重響

斷鏈前端的鐵球狠狠的撞在九叔前臂上，隨即便是骨折的聲音，九叔的右手骨折了

而九叔的斷劍直直的瞄準著莫盡飛去，莫盡及時微微側身，斷劍只擦過他的手臂

「你依家廢咗一隻手，更加唔係我手腳」莫盡搖頭

九叔輸了，他站不穩腳，半跪在地上，左手用劍撐著地，嘴角慢慢滲出血

「三十年前你打唔贏我，三十年後都唔得，你咁多年嚟係到做咩！」莫盡走近九叔

九叔已無力逃走，眼睜睜的看著莫盡走近

莫盡揮動鐵鏈，鐵球由上而下墜向九叔，九叔低下頭迎接這一擊

他閉上眼等待

嘭！！

九叔沒事！

九叔張開眼，是英叔拿著弓擋住了鐵球的撞擊！！鐵球的重擊令弓出現了裂痕

「未死得啊嘛，講咗唔會比你一個人頂㗎啦！」英叔回頭望著九叔笑說

「你試下再遲啲」九叔苦笑著說

「大佬啊....我同𡃁仔死唔去算係咁啦」英叔把鐵球打回給莫盡

「的確估唔到，你地竟然有命返到嚟，都幾令我驚訝」莫盡收回鐵鏈

「我地唔返嚟，你又點會死啊」英叔拿著弓的兩邊，手向下壓，膝向上頂，把弓弄斷

「你有信心殺到我？試下」莫盡自信的笑

這時我從後偷襲，用捆仙索從後套住莫盡的頸，用力一拉！他沒想到我會偷襲，來不及反應，被我拉倒在地

英叔懂我想怎樣，拿著斷弓，跳起！瞄著莫盡心臟插去！

莫盡被我拉著，未能迴避，在英叔的斷弓準備插到他心臟時，將身體擺動，導致斷弓只插在他右邊的肩膀，但傷害也不少，足以令他慘叫

「啊！！！」他盯著英叔

英叔扭動斷弓，莫盡肩膀傳出肌肉斷裂的聲音

莫盡往上頂膝，把英叔撞開，然後迅速的起身，在後，使盡全身的力氣提腳踢在英叔後背上，一聲沉而響的撞擊聲響起，英叔被踢得往前趴在地上並滑行數米，我馬上上前扶著他

「英叔點啊！」我走到他身旁

「叻仔啊！」英叔笑著說，但突然！

噴出一口鮮血！！暈了過去，我這時才看到，英叔後背被踢中的位置衣服破了，一個瘀黑的腳印印在背上

「哈哈哈～得返你一個喎！」莫盡像瘋了一樣在笑

他舉起手指向海面，作出手印

一個玻璃棺材由海底升上來，被困在裡的是葉靈！！

「靈！！」

「天航！！」

「好一齣感人戲碼啊～哈哈」莫盡邪笑

「你到底想點啊！！」我激動的問

「想你地死！哈哈哈」他又是一陣瘋狂的傻笑

突然停下了笑聲，他好像在想什麼

「啊～唔好，依到三個人，我比你揀，一係救走葉靈，一係救走佢兩個」他果然不是說出什麼好事

「你咁樣分明玩我姐....」我無奈地說

「你確定我咁樣叫玩你？如果我唔比你揀，你確定自己有能力可以係我手上救到其中一個？而自己可以唔洗死？」莫盡認真的反問我

「航，佢講得啱！你唔係佢手腳，救葉靈走先，我同英會出到去」九叔硬撐著說

「天航！唔好！救九叔佢地先！我已經係死人，救我冇意義㗎！救佢地先啊！」靈不斷的拍打棺材，激動的說

九叔跟英叔的情況我怎會不知，英叔暈了，九叔現在應該連站起來都有困難，佢這樣說也只是想我走

「點啊～諗好未啊」莫盡自信的看著我，他應該是認為我會糾結選擇哪一邊

「諗好啦」我平靜的說出

「哈～咁係你嘅小情人定係兩個老野啊～」

「我決定.....」

「點啊～」

「我決定兩邊都唔揀！」

「呃....」莫盡也被我嚇了一跳

葉靈和九叔也是呆了

「兩邊都唔揀？」莫盡問我

「係，因為我要三個都救曬出去！！」話畢，我拿著雙劍衝向莫盡

「唉～真係冥頑不靈！」莫盡沒打算主動攻擊，而是站在原地等我到來

「唔好啊！！」九叔和葉靈異口同聲的說

去到這一刻，我已沒打算後退，難不成要我跪地求饒嗎？我做不出，我寧願和葉靈、九叔、英叔他們在同一日戰死！

我揮劍，瞄準着他受傷的右手，莫盡輕鬆避開，隨即在我肚上打了一拳，然後退後數步，沒有繼續攻擊

我中拳也後退了幾步，吸一口氣再上！

我加速向前跑，去到他面前時蹲下，跪在地面滑行，打算向他下盤進攻

當我揮劍，快要斬到他的腿時，他提腿避過了！我本打算馬上轉身，再加攻擊，但當我一轉頭時，他的腿已腳到我的臉上

我被踢得在地滑行數米，我著地的那邊都是磨擦的的傷痕

「仲未心息啊？你仲可以揀㗎喎」莫盡走近我

「唔.....揀！」我勉強才能轉身，以手撐起半身

「唉～點解要咁固執呢～」莫盡笑著搖頭，他已走到我面前

我用全身力量把自己撐起，衝上前，但莫盡已猜到我的動作，一腳撐在我胸口上，把我踩在地上

「太慢啦」莫盡低頭看我

他提起腳，再次用力踩在我胸口上，我噴出一口鮮血

「航！」九叔在遠處大叫，他忍著斷手之痛，向我爬來

「天航啊！帶九叔佢地走先啦！！」葉靈緊張得哭起來

「嗄....我唔會...掉低我身邊....任何一個人！」

「好～咁我就睇下你有咩本事唔掉低佢地」莫盡再踩一腳

這一腳我聽到肋骨斷裂的聲音...

「起身啦！」

「我叫你起身啊！」

「得個講字」

莫盡瘋狂的踩踏我胸口

我的意識開始模糊，已聽不清楚九叔和葉靈在旁邊叫喊着什麼，只知道莫盡的表情愈來愈興奮

「好！唔殺你住，比你揀你唔揀啊嘛，我依家就要你親眼睇住佢哋死係你面前！」

「唔....好」我動彈不得

莫盡一步一步的走近九叔，九叔逃跑不了，一直坐在原地盯著莫盡

「或者我收唔到你，今天可能要死係到，但你行得魔道就預咗唔會有好下場」九叔死盯著莫盡

「你講咩都唔會影響到個結果」莫盡一腳踢在九叔的肋骨上

九叔痛得瑟縮起來，莫盡當然沒有停下來，他一時揮拳，一時踢腳，不一會就把九叔打得更傷

「夠....啦....」我用微弱的聲線說出

「嗯？你講野啊？大聲啲啦！」莫盡踢著九叔的頭，看著我

「我叫....你..停手」

「唉～我都係聽唔到啊」莫盡再在九叔頭上踢一腳

九叔也昏迷了....

「唔好再....打我...師父！」

「師父？原來佢係你師父啊！？」他驚訝看著我

「學人做師父添，害死一個唔夠，仲要害多個」他捉住九叔的頭髮，扯起九叔

「你點知...依件事㗎.....」發生這事時，他應該還在冥界

「你地嘅野我都好清楚～」

「我連你有個兄弟冇咗隻手我都知」

「？！」我瞪大了眼睛

「呵呵！果然好緊張自己兄弟，一講佢就咁大反應」

「唔好搞佢啊....佢又唔識你...又冇干涉靈界嘅事」我跟莫盡說

「咁佢呢？」莫盡轉頭看著葉靈

「唔好！」我用剩餘不多的氣力大叫

「個個你都想保護，但又冇咁嘅能力，即係得個講字」莫盡輕挑的搖頭

我嘗試站起來，但只要我一動，全身的骨頭都劇痛，站不起來

我咬緊牙關，忍著痛楚一步一步的爬向莫盡

「嗯～幾有決心啊」莫盡點頭

「我...一定..會盡我..能力保護佢地」

「啱啦！繼續！」莫盡突然莫名有點興奮

我已把跟莫盡的距離縮減了一半，但身體的疼痛令我停下來

「做咩停啊！咁快又冇動力啦？」

「等我幫下你！！」莫盡把手伸向葉靈的方向，做出鎖喉的動作

透明棺材隨即破開，葉靈像是隔空被莫盡鎖喉，表現得十分痛苦，飛到莫盡身旁

莫盡望著我

「比你揀多次～揀葉靈定兩個老野」莫盡再次發問

「我...」

「揀唔到，咁我幫你揀！」

莫盡做鎖喉動作的手握緊拳頭，葉靈頓時感覺十分痛苦，她不斷的掙扎

「天....航！」葉靈痛苦的說出我名字

「靈！！唔好啊！莫盡！我求你唔好殺佢！」我開口求莫盡放過葉靈

「太遲」莫盡沒理會我

他更是將手一揮，指向天

「航！我愛....」葉靈還沒說完，就在我面前發成灰燼....

「靈！！」我痛哭大叫

「唔好啊！！點解啊！！」

「啊！！」

我慢慢站了起來！

「似樣啦！終於企起身」莫盡居然還能在笑

「點解...」我低著頭

「鬼叫你唔爭氣」莫盡走到九叔旁邊

「今次到佢啦喎」他指著九叔

「停手」我低沉的說

莫盡沒理會我，拉著九叔的頭髮把他扯起，放手，繼而起膝，狠狠的打在九叔肚上

「我叫你停手啊！」我大聲的一叫

周遭瞬間狂風四起，真氣不停在我身體湧出

「果然係咁」莫盡擺出一副奇怪的笑容

我手一揮，在莫盡受傷的手瞬間被紅色結界包住

「紅色？」莫盡擺出驚訝的臉

推

「哈～比我想像中犀利」莫盡擺出一副轉驚為喜的表情

我一手握拳，結界從外到內壓縮，莫盡的手隨即開始變形扭曲，在剩餘的結界內炸碎，最後結界消失

「咁就似樣！！咁先有能力對抗佢地！哈哈哈」莫盡說出莫名奇妙的話

我沒有管他，乘勝追擊，朝着他不斷施展結界，他不斷向後逃跑，我一直緊追，追近了！

我出腳踢頭，他提手護住，我把腳稍為放低再向前撐，成功撐在他的胸口，莫盡被我踢得連退三步

「你唔會過到今日！」我出拳，動作奇快，直接略過他提起的手，狠狠地打在他的面頰上，骨碎的聲音響出

我再揮出上勾拳，把美莫盡打了一個空翻再倒地

我上前捉著他的頭，把他的面按在地上，然後拉著他向前跑，當我把他拉起來時，他的已磨得血肉模糊

我放手，他意識模糊不能站穩，身體向下墜，我趁他快倒在地上時，看準時機再踢他一腳，他整個人向後翻，後腦著地

我行前，踩上他的腳踝，用力！他的腳踝就這樣碎了

「哈....郁手啦....你依家可以殺到我」莫盡虛弱的說

「我會」

我隨便揮手，四個結界分別定在莫盡的左肩、右腳、腰、頭

現在我只要一收結界，莫盡就會死在我面前

我握緊拳頭，收結界

「我可以做嘅做曬....之後靠你地自己」莫盡在結界完全消失前，說出這一句

他頭顱在結界的壓縮下，炸裂了，瞬間結界內血肉模糊

結界破後，莫盡絕對是死無全屍，血肉淺出，血像湧泉一樣，不斷流出，而身體還在不停的抖動，是神經還未完全死去的反應

在莫盡死後，我好快也昏了過去

數小時後，英叔醒過來，他踉蹌地走向九叔

「九！醒啊！」他拍著九叔的臉，搖著他身體

九叔緩緩醒來

「呃.....咁都死唔去」九叔按著右手的傷口，慢慢坐起來，

「莫盡呢？」九叔問

「死咗，條屍係個邊」英叔指著莫盡的屍體

「邊個殺」

「我都唔知」英叔也是剛醒，當然不會知道莫盡是我殺的

「喂！航呢！」九叔問

「佢係個邊...昏迷不醒，叫極都唔醒」英叔低頭說

「帶佢返去先！」九叔緊張的說，英叔攙扶著九叔起來

九叔和英叔一人一邊的扶著昏迷的我，一路行出荃灣公園，沿途斬殺著剩餘不多的鬼怪，當走出結界時已是清晨，莫盡事件就暫告一段落....

回到象山

原來夢晞因為擔心我，所以一直在大廈走來走去的在中庭等我回來

「佢做咩啊？！點解會咁嘅！」夢晞看到我暈倒後，緊張的上前問我情況

「佢受咗重傷，唔好講咁多住，比佢返上去先」九叔他們合力把我抬上樓

回到屋內，九叔把我放到床上，九叔跟英叔回到大廳，九叔癱倒在搖椅上，英叔軟坐在地上，其實二人的傷不會比我少，只是他們硬撐著

「佢點啊...佢會唔會....」夢晞問九叔

「唔知，最起碼依家未」九叔閉著眼

「你返去先啦，佢有咩事我過嚟敲門同你講」英叔閉著眼靠在牆

「好啦...唔該曬你地..你地都受好重傷，要好好休息啊」夢晞走出大門

九叔英叔點頭以示回應

夢晞走後，他們倆沉寂了很久

「到底我地暈咗之後發生咗咩事....莫盡點死」英叔率先出聲

「唔知....我暈個陣啊航已經重傷」九叔在腦海中回想當時的事情

「睇莫盡嘅死法一定係高手做，傷口切齊，應該係用劍或者大刀做嘅」英叔認真地分析

「仲有...」九叔欲言又止

「諗到咩啊，講啦！」

「結界！」

推推推

主角光環出黎了
莫盡是咪好人黎

你估下

又live

咁快手

Happy ending集氣

有排都未ending~

你出快啲咪快啲ending囉