［殭屍/鬼怪/打鬥］《噬魂》我由古惑仔變左做現代道士

加緊啦！！！！

有少少腦閉塞，寫到卡住咗

通渠佬呢？！！！

好想快啲睇落去啊！！快手！！

真係比我估撚中

推一推先
兩兄弟準備開拖

加少少忘川水 痛到佢醒

真係咁易估？

開戰啦

平時都中意睇書 所以有時有啲鋪排好易估到

咁我盡量寫得刁鑽啲先

文呢

嚟緊！等多陣！

萬天玄這樣說後，我腦內出現了一個不好的想法，亦是我最不想發生的

「個男仔應該係得返隻左手」萬天玄再追加一句

這次...確認了，被操控的應該就是啊武，在萬天玄說完後，九叔英叔馬上望著我，我也不懂反應...

「航...」九叔也不知道應該怎麼安慰我

「咁....佢係人定...」我問萬天玄

「半生不死」他很快的回答我

「即係點？！」什麼叫做半生不死？

「佢係活生生嘅情況下比傀儡師注入大量陰氣，成為控鬼，所以我都唔敢擔保佢依家係人定係鬼」連萬天玄都不敢擔保的事....

「師父，傀儡師係咩嚟？點解我未聽過」萬十方問

「近依十年近乎絕跡，你唔識好正常」

萬天玄咳嗽兩下，接著說

「傀儡師，會將屍體醉件再縫合，注入大量陰氣，之後再用屍線插入屍體，操控佢嚟做自己想做嘅野，七十年代尾個陣有一班傀儡師好猖狂，試過控制過百隻控鬼衝出街周圍亂殺人」

「咁最尾點收科？」英叔問

「五派分別派出人手去各區對付，當時我同你地師父都有幫手」萬天玄看著九叔英叔說

「咁我諗我知點解佢要針對學道之人啦」萬十方說

「除咗殺...仲有冇其他方法？」我問

「佢會變成控鬼係因為被注入大量陰氣，唔似一段控鬼咁係用屍體砌成，所以照道理只要將佢身體入面嘅屍線同陰氣逼出嚟就可以回復原狀，但問題係，佢身體已經經歷咗一次咁巨大嘅轉變，再經歷多一次唔知佢捱唔捱到」

萬天玄再點出一個問題，啊武的身體是否能撐過去，不過也管不了那麼多

「你地可唔可以幫我捉佢返嚟？」在座的都是一等一的高手，有他們幫手的話，應該可以的！

九叔點頭

「得啦，交比我地啦」英叔舉起手擺出ok的手勢

只差萬十方，我轉向望著他

「預埋我啦，就係因為佢搞到我比人打，我唔出口氣點得」萬十方故作冷酷的說

「多謝你」我跟他說

他沒說話，輕輕的點了一下頭

「天玄叔！我求下你可唔可以幫我諗下辦法令佢變返正常人！」我看著萬天玄

「我略盡棉力」天玄叔也願意幫忙

接下來就是計劃如何將啊武捉拿回來

兩日後的深夜

英叔獨自一人在街上流連，穿插在大街小巷，故意引啊武出手，要英叔做這個角色是因為天玄說英叔在上次啊武出手時碰過面，英叔自然會是下一個目標

我跟九叔一組，在遠處看著英叔，萬十方則製造了一個結界，站在高位觀看，我跟他通著電話，隨時了解情況

英叔再次轉到一條後巷，但這次不同，早已有一身影在等著英叔

「喂！有料到！」十方跟我說，我和九叔馬上趕過去

「終於嚟啦咩？」英叔看著啊武說

啊武沒說話，一直站在原地

「出聲啦！」英叔大聲說

啊武依舊安靜，

「唔出聲咁冇野好講啦！」英叔主動進攻

拿出弓箭，三箭齊發向啊武射去，但被啊武單手接住，英叔感到驚訝

啊武將手上的三箭擲回給英叔，速度奇快，英叔勉強才躲過，剛趕到後巷口的我和九叔差點被冷箭射中，幸好九叔及時發現，停下腳步

當我們再起步時，在後巷裏的英叔被撞飛出來，飛撞到泊在街邊的車上

「嗄...嘩..條友唔係講笑」英叔擦一擦嘴角的血，撐起來

作為啊武的多年好友，我當然清楚他的厲害，加上現在他更變成控鬼，實力更不容忽視

每日收工就係要睇你篇文先訓得著，仲勤力過細個做每日一篇

加速加速

多謝支持你地中意睇就係我嘅動力！

希望阿武無事 推

九叔上前扶起英叔，我自己步入狹窄的後巷

「啊武！」我呼叫他的名字

啊武看到我後呼吸聲明顯變得重了，眼睛瞪大，呈現了血紅的眼睛

另外，吸引到我注意的是，啊武的長袍下居然雙手都在？！

「啊武停手啦，我嚟幫你㗎」我慢慢走近他

「航！唔好！」九叔在後叫

我沒理會九叔，繼續前行，當走得更近時，我感覺啊武變得比以前更加高大了，應該都有190以上，加上他健碩的身形，像是巨人一樣

「我知你唔想㗎，你比我地幫你」

啊武的呼吸變的紊亂，後退了一步，跪下了，雙手按著頭，他肯定是認得我的！

突然！

他背後出現了五條線，是連著啊武的後背，線不斷在閃閃發光，是藍色的光，啊武痛苦的大叫，用雙手撐著地

「武！做咩啊」我走到他面前

他停止了叫喊，抬起頭，雙眼無情的看著我，揮動右手，使出上勾拳，我來不及反應，擊中肚皮，硬生生被擊飛了，我掉落到九叔旁邊，

「有冇事？」九叔扶起我

「冇....」我疼痛的站起來，啊武剛剛的一拳極重

「我都講咗佢唔係講笑㗎啦」英叔也按著自己前臂，已經瘀黑了

十方亦下來了，站到啊武的背後，

「啱啱個幾條線應該就係天玄叔講嘅屍線」九叔剛剛亦看到那五條線，但那五條線現在已失去影蹤

「打暈佢先講！」

真正的戰事就在英叔衝上前的一刻開始

拿著弓，跳起！向啊武頭頂打去，啊武舉起右手擋住了弓，左手極快捉住英叔，把他掉向牆，繼而再衝向英叔，十方及時用結界保護住英叔，免得他撞到牆上，但啊武用力一撞結界就碎了，還是硬生生用身體把英叔撞到牆上，英叔咳出血

啊武轉身望著十方，十方自知近戰不是啊武對手，他揮手往上連造幾個結界，一級一級的跳走

啊武抬頭看著十方，用力一跳就跟十方在同樣高度，十方呆住了，啊武一拳把十方從結界打下來，十方從高處急速墜下，幸好在著地前他成功用結界保護住自己，總算是有驚無險

誰不知，啊武剛剛手手拉著結界，等十方著地後才放手，瞄準著十方的位置，墜下！

「睇住！！」我大叫

十方向上望，啊武已快到他頭頂，九叔揮出捆仙索，纏住十方的腿，把他拉往我們

嘭！！！

下一秒，啊武著地，時間剛剛好，只要九叔遲一秒，相信十方都會變成「肉餅」

啊武著地之處都碎裂了，相當重的一擊

「𡃁仔，你個friend傻㗎喎」英叔走回我們身邊

「.........」

九叔收回捆仙索，手執雙劍衝前，我也跟著衝前

「hey！」英叔拿著弓箭指一指天，十方明白英叔的意思，為英叔造了幾個結界，讓英叔站在高位

然後十方再加入戰場

九叔跑到啊武面前然後突然轉向，一腳踩牆，借力跳起，從頭上跨過了啊武，再用後腳踢向啊武的後腦，但啊武絲毫不動

啊武轉頭望向九叔，九叔再在他臉上補上一拳，但也不太奏效

啊武揮拳打向九叔，九叔用雙臂擋住，整個人被打得在地上滑後，啊武想再追上，但英叔發來三箭，擋住了他的去路

我上前隔住九叔和啊武，啊武看到我後，眼神滲出了猶豫，然後他選擇了轉身望向十方

十方知道啊武能輕鬆衝破結界，所以他畫出多個結界，封住啊武的手腳，啊武一時未能活動

我迅速拿出捆仙索，想綁住啊武的手腳

但啊武背後的屍線又再次出現了

剪左條線