［殭屍/鬼怪/打鬥］《噬魂》我由古惑仔變左做現代道士

推

未搵到

仆街 睇完唔敢訓

其實我的心也久久未緩過來...剛剛的經歷也太...太詭異了，但我不想嚇怕洛兒，所以就裝作沒事發生一樣

「啱啱...你真係咩都睇唔到？」洛兒問我

「嗯，咩都冇」說這個謊言，我的良心都痛了

「咁奇怪...」洛兒低下頭，看著地下

「可能係你發夢呢，依家咪冇事囉～」我安慰她說

「可能係啦....」看來剛剛真的把她嚇壞了，整個人都變得有點呆滯

但我也被嚇得不輕...一時也不知該如何安慰她，所以就陪她坐在天台呆望著天空

剛巧，今夜的天空沒有太多雲遮掩著，可以清楚的望到星星，月亮雖不圓，但份外的光

加上有她在我身旁，簡直是良辰美景，這夜可否不要流逝得那麼快，停留在這一刻吧

我倆坐得近，她的頭一墜一墜的慢慢靠在了我的肩膀上，睡著了，看到她終於睡了，我也不忍心把她叫醒，終是我倆就在天台上坐到清晨，月亮跟太陽交替，陽光照射在我們的臉上

我朦朧的醒來，她還在睡夢中，但我們已整夜沒回病房了，要快點回去了，我輕拍她一下，把她喚醒

「早晨」我看著她

卻換來一掌推開

「點解呢？」我錯愕的問她

「啱啱瞓醒好醜樣㗎」她用另一隻手擋住臉

「好好好，咁我唔望你啦，你行先，咁我就見唔到你個樣啦～」我望向另一邊，不看著她

「咁都比你諗到～好啦，咁我行先啦」她先站起來

我再跟著她走，我們乘電梯回到她的樓層，當回到去她的病房時，當值姑娘走過來，但已不是昨天晚上的那姑娘，應該是交更了

「你去咗邊啊？一朝早就唔見咗人嘅？」姑娘問洛兒

「呃....」洛兒一時答不出

那姑娘看看我，然後笑了一下

「都明嘅，年青人，係黐纏啲嘅，唔好行開啦，醫生一陣會嚟」說完後，她就轉身走了

「我地...」我想澄清都沒機會，她已經走遠了

被那姑娘說一說，氣氛又有點尷尬了

「洛兒，你企係到做咩啊？」一把女人的聲音從後傳來

洛兒轉身望向聲音來源

「媽咪，咁早嚟嘅」洛兒走過去

媽咪？是洛兒的家人！？我也連忙轉身

「姨姨你好」我連帶鞠躬的轉身

誰不知，站在我面前的不是她媽，而是她爸....現場氣氛可說是...十分尷尬

她媽媽的氣質十分貴氣，衣著優雅，而她爸爸一臉嚴肅，留著一頭短髮，兩邊髮鬢已有點灰白，穿著一身西裝，二人一看就知道是上流人士

「叔叔、姨姨，你地好」我再一次打招呼

「你好啊，早晨」她媽舉起手跟我打招呼，尚算熱情，而她爸只是輕輕點頭回應

「係呢，依位係？」洛兒媽媽問洛兒

洛兒輕聲在她媽耳邊說了幾句話

「哦～原來就係佢啊？」洛兒媽媽興奮的說

「媽咪啊！細聲啲啦！」洛兒拉一拉她媽的手

洛兒媽媽走向我

「就係你救咗我地洛兒啊？你啲傷就係因為咁整到嘅？」她問我

「呃....唔緊要㗎，好小事㗎咋，我冇事㗎！」這次我學聰明了，我收起了雙手，不讓她看到我的傷勢

「哎呀，唔洗收埋啦，睇到啦，兩隻手都傷曬，真係好多謝你救咗我地洛兒，佢成日都係我面前提起你㗎！」洛兒在家會提起我？！

洛兒聽到她媽說的話後，瞪大雙眼，用力的扯她媽衣角一下

「媽啊....」洛兒無奈的看著她媽

「好啦好啦，唔講啦，一陣講多錯多啊」洛兒媽媽用手擋住嘴巴

然後到她爸爸發聲了

「多謝你救咗我個女」他伸出手，想跟我握手

「唔洗多謝㗎，一場同學，加上我地係好朋友嘛」我亦伸出手

「搵日上嚟我地屋企食餐飯啦～當係多謝你救咗洛兒」洛兒媽媽說

洛兒跟我都同時瞪大了眼睛

「呃....好啊！冇問題啊，多謝」

如是者，在洛兒媽媽的提出下，我有了一個去洛兒家吃飯的約定

見家長

見家長係咪會好驚呢

我懷疑你恰緊單身狗

我冇啊，怕痛，唔好剪

人黎 剪佢

我和洛兒在醫院留了一晚後，醫生說我們並無大礙，可以出院了

而洛兒的家人一早就在醫院，所以好快便準備離開

「咁我同屋企人走先啦，聽日學校見啦～」洛兒跟我揮手，然後坐上私家車

「好啦，聽日見啦，姨姨叔叔再見」我也跟他們揮手道別

「記得約咗你食飯啊，確實日期我再叫洛兒同你講啊」洛兒媽媽依然十分熱情，隨後，關上車門

他們的車慢慢駛遠

「嗯～又真係幾靚女喎」啊姨的聲音從後傳來

「啊姨？！你幾時係到㗎？」我完全沒發現啊姨在我身後

「係到好耐啦，不過有人隻眼入面得返女朋友姐」啊姨蹺著手說

「邊係女朋友啊，朋友嚟㗎咋」我尷尬的說

「救人一命都仲係普通朋友？人地屋企人都約你食飯啦！中意人就進取啲啦」啊姨搖頭

「好啦好啦，我地返上去執野再講」我搭著啊姨的肩膀，跟她走到電梯大堂

上到病房，啊武啊烈居然也在

「你兩個唔洗返學咩？點解係到嘅？」啊姨問了我想問的問題

「佢出院啊嘛，特登嚟接佢㗎」啊武一本正經地說

「扮曬野！你兩個唔想返學就唔想返學啦！仲搵我過橋！」我打了啊武一下

「唔好踢爆得唔得啊！」啊武跟啊烈被我說破後都笑了

「你地兩個真係呢...」啊姨聽到我們三個的對話後不斷搖頭

「你地唔嚟都嚟咗啦，咁幫手拎啊航啲野返去啦，我打電話叫叔叔放工買啲好餸返嚟煮比你地食啦」啊姨笑說

「好啊！！」他們每人幫我拿了一袋東西

「你兩個真係好意思㗎喎...」我看著他們

「傻嘅，大家咁熟，有咩唔好意思」啊烈說

「有咩所謂姐！姨姨好人啊嘛！」啊武亦加入說話

「唉，損友」我搖頭

「問我有沒有確實也沒有！」啊武用一本正經的表情，來做一些白痴的事

「一直躲避的藉口」啊烈居然會接下去....

「你兩個朋友幾有趣啊」啊姨看到我無奈的比情反而笑得開心

「有趣？有病就真」我無奈的說

啊姨驅車送我們回家

到家後，我跟啊武啊烈上到我房，啊姨留在大廳，我將在醫院的經歷都告訴他們

「唔撚係掛？！有冇咁猛？」啊烈不太相信

「真㗎，我同洛兒都見到」我非常肯定自己沒看錯

「咁你又肯定佢係學校化學室見到個隻？」啊武問我

「係佢啊！一模一樣㗎！」我再次肯定的說

「咁恐怖....」啊武打了一個冷震

「咁你唔好奇佢係咩嚟㗎咩？」啊烈問

「呃....都有少少嘅，不過佢個樣真係好恐怖」我回起昨天跟他的近距離接觸.....馬上感到背後一涼

「橫掂依家化學室封咗，不如....」啊烈擺出一個笑容

「你唔係諗住入去睇啊嘛」我無奈地問他

「聰明，你話你係化學室見過佢，咁即係佢有機會係化學室啦！我地就去睇下係咩嚟嘅！」啊烈有點莫名的興奮

「我冇問題啊！到時佢有咩古怪我就打鑊佢！」啊武竟然相信可以用武力解決？.....

「好....咁聽日我地去睇下啦」他們兩個也同意，那我也只好一起吧

翌日早上，我的電話響起，把我吵醒了

「喂....」

「肥仔！你仲未起身？」是洛兒的聲音

「依家醒啦，做咩啊？」一大清早叫我起床，什麼回事呢

「嗯～我媽咪話想車埋你一齊返學」她有點害羞的說

「下？！咁突然嘅？！」我在床上彈了起來，整個人都醒了

「係啊，我地係你屋企附近啦，你快啲起身啦！」

「好！」我掛斷電話，下樓跟啊姨說不用煮我的早餐，然後再衝去廁所梳洗一下，換套校服就能出門了

我拿著背包去到大廳，準備出門

「今日咁早起身嘅？」姨丈問我

「係啊...比人叫醒咗」我扣好校服的鈕扣

「咁急出門嘅？」啊姨在廚房拿著他們的早餐走出來

「一陣...有人嚟車我返學」我說

自推

我又黎推一推
到底呢個回憶係好事定傷心事

你估下

一定係傷心啦

一齊睇落去！！

又剪？！睇嚟我都要跟九叔學好啲功夫

「有人車你？！邊個啊？」姨丈驚訝

「係咪個女仔呢～」啊姨奸笑的看我

「係....係啊，同佢啊媽」

「都話你叻仔㗎啦！咁快見家長」姨丈興奮的舉起姆指

我也尷尬的笑了

「咁人地嚟接你就唔好遲到啦！快啲出門啦」啊姨催促我

「我知啊！好趕啦已經！」我扣好鈕，穿鞋出門

「加油啊！航仔」姨丈在我出門前高呼

「收到！！」我跑出家門

當我步出家門時，洛兒和她媽媽已在外了，我馬上跑往她們的車

「早晨啊，唔好意思啊！要你地等」我上車後馬上道歉

「早晨，唔緊要～係我地太突然姐」洛兒媽媽禮貌的說

「原來你平時咁遲先起身㗎？」洛兒問我

「會唔會係你早啊？依家....7:00咋」我看看手錶

「我平時7:30就返到學校㗎，你又唔係唔知嘅」洛兒說

「咁又係」我點頭說是

「你未食早餐㗎呵」洛兒問我

「未啊，未食㗎」我回答

「咁我地去食啲野先返學啦」洛兒說

「好啊」

洛兒媽媽把我們載到學校附近的餐廳後就走了，我跟洛兒就先去餐廳吃個早餐再回學校

「你平時唔係食完早餐先出門㗎咩？」我問她

「嗯～係㗎，不過今日係我媽咪車我嚟搵你嘅」洛兒有點面紅的說

「咁好？」我裝作用疑惑的眼神看著她

「咁你為咗救我而受傷，我點都要多謝你嘅，同埋個日係醫院多謝你陪住我」洛兒看著我

「唔洗多謝，咁我都係....」

突然有人拍打餐廳的玻璃，我一看，是啊武啊烈，為什麼他們會在這個時候出現啊.....他們進入餐廳

「嘩～撐枱腳？！」 啊武走到枱邊說，啊烈隨後亦跟來了

「洛兒多謝我救咗佢，所以請我食早餐姐」我解釋

「係咩？但其實我地有份幫你救佢㗎喎，咁條數點計先」啊烈說

「得得得！我請食早餐！」我說

「嗱！就係等你依句！」啊武拍枱說

啊武這一下拍枱，成功嚇到了洛兒...洛兒整個人震了一下

我盯著啊武，他意識到問題，馬上就道歉

「呃....對唔住，激動咗添」

「唔緊要啦～你都唔係有心嘅」洛兒搖搖手說

「今次等我請你地食早餐啦」洛兒接著說

「唔洗，等我請」我不讓她請客

「好！我地都識做！唔阻你地！我地過去個邊坐」啊武轉身離去

「啊嫂真好人！」啊烈轉身前說出一句

「死仔！又亂講野！」我伸踢了啊烈一腳

我回頭看洛兒，發現她的臉都紅透了

「你唔洗理佢地㗎！佢地成日亂講野㗎！」我馬上跟她說

「嗯，我知啊，冇事啊」她低頭默默吃早餐

我也沒說話，開始吃早餐，時間差不多後，我們結帳，開始步行回校，啊武啊烈走在前，我跟洛兒走在後

「你應該好少咁樣行返學校㗎呵？」我問洛兒

「係啊，未試過添啊，都唔知原來學校附近有條咁嘅路添」洛兒說

「緊係啦，多數都係屋企人車你返學」我慨嘆說

「咁依家咪知囉」她說

不知不覺好快就走到學校門前，時間剛剛好進去不夠一分鐘，鐘聲就響起了

「洛兒，你返上去先，我同佢地去locker拎野就上嚟」

「好啊！」洛兒先行上去

洛兒一走，我馬上衝過來啊武啊烈的方向！！

「你兩個死仔！！成日亂講野！阻住曬！！」我打算每人獎了他們一個拳頭

「玩下咋嘛！」啊烈跑走了

我成功捉住了啊武，我正想一拳打向他時

「對唔住啊！我錯啦！下次唔玩啦！」啊武求饒

我被他的求饒阻一阻，動作停下了，他趁機逃脫

「下次唔玩？！好難啦！！哈哈！」啊武跑走，會合啊烈，在遠處瘋狂的笑

我追過去，他們又馬上跑，一路追上樓梯，追著追著

我們來到化學室門前....

又停呢啲位 …
好衰架 ！

忍下啦

食蕉兄咁從容面對
好敬佩