82 Like
6 Dislike
月牙
2020-11-21 22:32:19
「咁我地將萬歲好好安葬?」啊烈提議
「好」十方
於是,我們把萬歲的屍體埋好
食蕉啦朋友
2020-11-22 01:03:03
我都睇到
月牙
2020-11-22 01:06:06
心急得濟打錯字
食蕉啦朋友
2020-11-22 01:07:33
「都好,再唔返去讀者又話我唔出文」
「洗唔洗咁驚啊」啊烈
搖頭
「唔係驚,係尊重!」樓豬望住
三碗細牛腩河
2020-11-22 01:21:48
Sor㩒錯負皮
月牙
2020-11-22 01:28:53
記得剪下留丁啊
月牙
2020-11-22 20:02:18
我們回到象山時已是深夜時分
「呵~又搞到咁夜啦」英叔伸懶腰
「咁我地返去先啦」啊烈跟武揮手離去
當他們倆轉身時,我們之間突然有二人從天而降!!
他們著陸時沒很大的聲音,像是武俠片裏有輕功的人可以輕盈落地,他們二人身穿黑色長袍,帶著面罩,看到這身裝扮也猜到是什麼人了,他們一高一矮,但看得出同樣壯碩
「嘩,洗唔洗咁出場啊」英叔嘩然
「喂,武仔!你啲同門師兄弟喎」英叔跟啊武開個玩笑
「呃........」啊武接不上
「咪玩佢啦」我笑說
「上次就話唔可以傷到啊武仔先難打姐,今次應該容易打㗎啦」英叔郁動手腳,鬆鬆筋骨
兩具控鬼的背後出現屍線
「嚟料啦,準備」英叔挽弓準備應戰
九叔分了一把金錢劍給啊烈,啊武則以赤手空拳來應對
控鬼的眼發出紅光,開戰!!
控鬼分開左右兩路攻擊,我們在這場戰鬥上有著五打二的優勢
啊武啊烈跟英叔對付身形較高大的那隻控鬼,我跟九叔則對付較矮的那隻
啊武上來就是重拳,正中控鬼臉上,這一拳令控鬼的臉也打凹了,但控鬼是已死之人,不會有疼痛的感覺
他捉住啊武的手,把他掉往後方啊烈的方向,啊烈接住啊武,但也被衝力撞至跌到
控鬼追上前,英叔先是發箭,射在他腳前,阻止他繼續上前,然後再瞄準他的心臟位置,控鬼雙手呈交叉護胸口前,用雙臂當作護盾,英叔的箭全數被他的手臂「接住」
他把箭拔出,並把箭擲回英叔方向,英叔低身避開
「喂,條友真係唔識痛㗎喎」英叔站好後再次發箭
「唔痛仲好!死得冇咁痛苦!」啊武再次衝前,這次啊烈緊隨其後
啊武跑到控鬼面前時,急速低身,抱著控鬼的雙腿,向上抱起,使控鬼失去重心向後傾倒,在後的啊烈跳起,一記飛膝,狠狠將控鬼的頭撞到地上
受到重擊後,控鬼的動作遲緩了一下
「搞掂!」啊武興奮的說
但當啊武正開心的時候,屍線出現了,藍光亮起
「小心!佢會再起身」英叔提醒他們
控鬼在屍線的加持下,再次站起來
「咁都唔死?!咩嚟㗎」啊武驚訝
「你上次都係咁㗎咋!」英叔說
「呃.....」啊武無語
食蕉啦朋友
2020-11-22 22:55:11
大鳩
2020-11-23 08:32:07
pish
月牙
2020-11-23 10:19:00
多謝支持
英倫10號拉舒福特
2020-11-23 19:58:42
三碗細牛腩河
2020-11-23 20:18:46
好波喎呀武
學完即刻上場
月牙
2020-11-23 22:38:11
今日放工去咗打拳
夜多少少先有文,唔好剪我啊!!
月牙
2020-11-23 22:48:20
佢好返之後都跟英叔學咗幾個月㗎啦
食蕉啦朋友
2020-11-23 23:08:19
月牙
2020-11-23 23:59:07
「咁要點先可以殺到佢?」啊烈問中重點
「斬頭或者直擊心臟」英叔回答
「早啲講啊嘛」啊武無奈的說
「你地又冇問」英叔反駁
「唔係討論依個嘅時候,嚟啦!」啊烈舉起劍再度迎戰
控鬼的眼神比剛剛變得更為兇猛,隱約有一絲紅光滲出
控鬼再度出擊!!
他的速度明顯被剛剛更快了,他一個衝刺來到啊烈面前,啊烈呆一呆,遲疑了一秒才揮劍,就是這一秒,控鬼已捉住他的頭,想把他撞到地上,當快要撞到時
英叔及時營救,他用弓揮打在控鬼的膝後,關節的慣性令控鬼跪下了,啊烈亦得以脫身
「唔該!」啊烈點頭後退
英叔在控鬼後背加上一腳,再順勢壓上去用膝蓋頂住他的後背,然後用弓蹺住他的雙手
「快手斬佢個頭!!」英叔大叫
啊烈聽到後,立刻揮劍!
鏘!!
金錢劍撞擊地上,是順利斬斷控鬼頭的證明
「叻仔!」英叔舉起手指公
「真係想像唔到你地對住依啲野對咗幾十年」啊烈呼一口氣
「唔係啊,幾刺激啊!」啊武笑說
嘭!!!
一聲沉重的撞擊聲在他們身邊響起
「你地....不如唔好...傾計住,幫下手先,隻野唔係講笑」剛剛的撞擊聲是我,我被那隻矮控鬼打飛了,九叔現時正一個人跟他周旋,
「嘩,有冇咁誇張啊」英叔上前扶起我
「咳....你自己去試下啦」我擦一擦嘴角的血
「我地咁多人,洗乜驚啊!打咗再講!」啊武二話不說就衝了上前
「喂!唔好!」我在後大叫
但太遲了
嘭!!!
啊武也被打飛了
「嘩!!咳咳咳!打唔入嘅!」啊武狼狽的站起來
「叫都叫唔住」我搖頭
但此刻的九叔還在獨力跟控鬼在過招,但表情明顯已沒了剛剛的輕鬆
這隻控鬼雖然矮小但他的動作十分靈敏,而且肌肉非常結實,無論用拳腳還是兵器攻擊都好像不奏效
話音未落,九叔已被狠狠擊中,我上前護著九叔
「九叔你好犀利啊!同佢過到咁多招!」啊武扶起九叔
「避重就輕,但冇用,咪又係比佢打中」九叔拍一拍身上的灰塵,再上前應戰,我也加再次加入戰場
「好型啊」啊武看著九叔
「好型咩?!我都得啦!」英叔也衝入戰場
我們三人圍著矮控鬼,不斷交替進攻
矮控鬼選中我作為攻擊對象
他衝前抱著我的腰,然後向後拗腰,想把我的頭撞在地上,我用手護著頭,希望把傷害減到最低
食蕉啦朋友
2020-11-24 00:24:04
月牙
2020-11-24 02:04:27
九叔飛出捆仙索套住他的腳,一拉!!
成功把他拉摔倒了,變相我壓在他身上,有了優勢,我向他的頭批踭,然後馬上站起,再補一腳,踩在他臉上
英叔也飛出繩索,套住他的頸,跟九叔一人一邊用力拉緊,我跟啊武分別鎖住他的左右手
啊烈拿著金錢劍,跳到控鬼身上,瞄準心臟處,但控鬼看穿了我們計劃,他右手發力擺脫啊武,並把啊武拉往撞向啊烈,他們二人飛開,然後他把我也擺脫了
九叔英叔見此可鬆開了繩索
「點搞啊...」啊武問
九叔將桃木劍拋上天
「敕令!分!」
桃木劍分成了數把,在空中盤旋
「去!」九叔一聲命令下
那幾把桃木劍馬上向控鬼施展攻擊
「原來仲可以咁」啊烈看看手上的金錢劍
「有排你學啊」英叔說
畫面轉至雍雅山3號屋.....
段天在家喝著以前儲下來的人血,看著電視
「你就係段天?」聲音的主人是一個身穿道士服的男人
「你係?」段天不解的問
食蕉啦朋友
2020-11-24 12:53:31
邊個
月牙
2020-11-24 13:53:20
你估下
食蕉啦朋友
2020-11-24 14:07:25
天玄叔
月牙
2020-11-24 22:30:41
那男人走到段天旁邊的沙發,坐下
「你當依到係自己屋企?」段天帶著笑意的問他
「張梳化幾舒服啊」男人拍一拍沙發
「習維!」段天叫他的肋手兼管家,但並沒有反應
習維此時正被五個黑袍人捉住了,掙脫不了
「有能力捉住習維,唔係普通人,講,你想點?」西裝骨骨的段天拿起紅酒杯,後背靠貼沙發,蹺起腳
「我今日嚟係想同你合作」男人笑說
「你有備而嚟,即係你知道我係咩人啦,咁我想問你,你憑咩覺得我要同你合作」段天傲慢的笑
「憑我有能力坐係到」男人做出跟段天相同的姿勢,後背靠著沙發,蹺起腳
段天以極高速度去到男人面前,把他扯起了
「你覺得你有行出嘅能耐?」段天看著他
「有」男人出掌推開了段天
「有啲力度」段天拍一拍衣服
「講,你可以幫到我啲咩?」段天問
「我可以令你嘅手下變得更強」男人自信的說
段天上下打量著男人,心裏思考著可能性
「好!合作愉快」段天伸出手,男人亦伸出手
誰會猜到一次握手,會將世界推近滅亡
「你叫咩名?」段天問他
「我叫張天」他露出一個意味深長的笑容
象山的戰鬥還在繼續
控鬼的其中一隻手臂報廢了、九叔的桃木劍裂了、啊烈的金錢劍散了、英叔的弓弦斷了、我的彎刀崩了、啊武的雙手都瘀青了
局勢處於僵持狀態,有著五打一的優勢都打不贏....
「佢就殘㗎啦!頂住啊」英叔說
「龍神敕令!火神借法!燃!」九叔飛出多張符紙,圍住控鬼,火焰燃起
控鬼看著火遲疑了一秒,但好快他就做好衝出火圈的準備
他跳出火圈,但九叔已恭候多時,九叔一腳飛踢把他踢回火圈中
但火對他好像並不奏效,他仍能活動自如
「火都燒佢唔死」啊武在旁說
「火唔得姐!咁咪試下水!」
英叔也飛出數張符紙
「龍神敕令!水神借法!浪!」英叔雙手握緊,伸直兩隻手指,說完後,從符紙裏噴出了水柱,沖力極強,控鬼也被射得站不穩腳
「結!!」,待控鬼全身濕透後,英叔把伸直的手指收起來
從符紙湧出的水全部結成了冰,控鬼也連同被凍住了,變成了人像冰雕
但可看到他的眼睛還是在活動的
「喂!得喎英叔!」我由心底裏讚英叔
「未掂㗎,佢仲識郁」英叔留意到控鬼的眼睛
啊武在英叔手上拿走弓,然後走近控鬼
「就係你班仆街,害到我人唔似人鬼唔似鬼!!」啊武摔揮動弓,狠狠打在結冰了的控鬼身上
咔....咧.....
碎裂聲響起
啊武再補上一記
咔!!
控鬼碎裂了!
我們走近控鬼的碎片,發現他的眼球還在轉動
「痴撚線....咁都未死」啊烈無奈的看著眼球
啊武一腳把眼球踩至粉碎
「碎成咁,唔死都唔會有威脅啦掛」啊武看著腳下的碎片
「趁仲有一陣先天光,拿拿聲燒咗佢地」英叔說
我和啊烈把高控鬼的屍體搬到矮控鬼的碎片上,然後九叔拿出符紙點燃,把屍體燒了
藍田蕊妮
2020-11-24 23:36:12
控鬼的其中一隻手臂報廢了、九叔的桃木劍裂了、啊烈的金錢劍散了、英叔的弓弦斷了、我的彎刀崩了、啊武的雙手都瘀青了
啊武得一隻手