《我同鍾意咗十一年嘅人表白，佢竟然跳海死咗》

咁點呀？咁點呀？
好想快啲知道下一集啊😭😭😭

多謝lm

大家都加油

今晚會加多更 多謝支持

（三）續

「但既然阿晴都死咗啦，你搵我都無用㗎。」我起初還有點不明所以，突然，似是想到了什麼：「係喎，你係死神嚟㗎嘛，你直接幫阿晴復活咪得囉！」

「愚蠢嘅人類，幫人復活嗰個係耶穌，我哋係唔同功能界別嘅。」死神站了起來，「不過，呢個都係我出現嘅原因。」

我滿腹疑問地看著死神。

「我需要你，幫啊晴復活。」

「我幫阿晴復活？」我驚訝地說。

「無錯，死神話哂都係神，自然多多少少都有神嘅能力，而我擁有嘅能力，就係穿越時空。」死神一臉自豪地說，但卻與他高八度的聲線非常不配合。

「我明啦，即係你可以幫我去翻阿晴跳海嗰一刻，然後等我拉住佢？」我興奮得從床上彈了起來，這樣說來就有機會救回阿晴了。

「果然係愚蠢嘅人類，穿越時空，無你想像得咁簡單。」死神像是不屑我太愚蠢而搖了搖頭，「人與人之間嘅連結，係基於記憶。因為彼此之間記得大家嘅相處經歷，所以先可以建立關係。而「記憶」就係穿越時空嘅重要一環，亦都係點解我會搵你嘅主因。」

聽到死神似乎要說到正題，我不禁也跟著認真起來。

「喺人世間，同胡皓晴有最豐富而且最貼近佢死亡嘅人，係你。所以借助你嘅回憶，就可以建立一個個『載點』，而你就好似要經歷一個個景點咁翻到去以前，改寫胡皓晴已死嘅事實。」

「你咁講，唔通我唔可以直接去翻阿晴死嗰刻去救佢？」我發問說。

「好彩你都仲有少少智慧，穿越時空呢種能力某程度係一個旅程，你必須要走完成個與胡皓晴有關嘅旅程先可以翻到嚟現實。」死神熟練地回應說。

這時候，我很懷疑這死神上一輩子的身份是一個太監，否則為何聲音如此陰聲細氣，說話為何又如此尖酸刻薄呢。

「但係我同阿晴由中學開始已經認識，你咁講，咁我咪要經歷十幾年嘅事？」我再次發問。

「愚蠢嘅人類，同你玩個遊戲你就明。」死神坐到了我的身旁，但身上卻絲毫不帶半點溫暖的應覺。

「我每講一個人名，你就講一個形容詞或者你對佢嘅一個感覺啦。」死神說，而我點頭表示明白。

「好，咁開始啦喎。九公。」
「死狗公。」
「Aiko。」
「貪靚。」
「蕭揚。」
「冷靜。」
「林鄭。」
「......」

「咦？咁都講唔出咩？」死神好奇地問。

「唔係，而係一個形容詞真係形容唔哂，唔知講邊個好。」我搔搔頭。

「好，anyways，從呢個遊戲你會明白，其實即使兩個人相處再多，其實腦海入面都會對對方留有一個籠統嘅印象，專業少少叫做『刻版印象』，簡單啲，可以稱為人與人之間嘅一組『關鍵詞』。所以，即使你同胡皓晴嘅回憶再多，但能夠成為你可以翻到去嘅回憶載點，必定係由你腦海中對胡皓晴唯一一個最重要嘅『關鍵詞』串連起哂嘅片段。」

死神一邊專業地解說，我一邊在想，我一直以來對阿晴有的都是愛慕之情，難道我所穿越的將會都是與阿晴曾有過的浪漫畫面？

「當然，『關鍵詞』係咩，連我都唔可以決定，因為我嘅能力會直接讀取你的內心，幫你搵出一個可以扣連多啲回憶載點嘅『關鍵詞』，等你盡可能有多啲機會改寫阿晴已死嘅事實。」死神把手伸到我的額前，然後說：「愚蠢嘅人類，而家你合埋眼，我會讀取你心入面屬於胡皓晴嘅『關鍵詞』。」

一隻冰冷的手貼在我的額前，感覺就似黏上了一塊退熱貼一樣。

當我閉起雙眼嘗試喚起對阿晴的回憶時，我想起了我們中學時代的快樂、想起了大學時代的放任、畢業後的共同成長，不知不覺間，原來她陪我走過了那麼長的路。

然而走了那麼久，我還是欠她一句說話。而那句說話，偏偏又說錯了時機。

錯得，回魂乏術。

這懦弱的我，確實很討厭。

這時候，額頭的涼意退去，我睜大了眼睛，只見死神蒼白的臉上有著掩藏不了的驚訝。

「估唔到，你同胡皓晴之間嘅『關鍵詞』竟然係......」

lm

LM，樓主加油，好好睇呀

多謝你

尋覓巴多謝你啊
你個故都加油

樓主加油 個題材都幾吸引

追文

多謝慢慢睇落去就會發現成個故事唔止愛情穿越咁簡單
希望繼續吸引到大家追落去

多謝半夜肚餓食多啲嘢慢慢追

你係依排第一個我想迫加更既人呀，依啲故既題材我都諗過，不過係講親情，加油。

多謝你嘅鼓勵 我新手寫故其實好怕呢啲題材無人睇
希望寫落去繼續可以令你想睇落去

（四）
「係咩啊？」我緊張地問。

「天機不可洩漏，講咗出嚟，可能會令你質疑呢個『關鍵詞』。當你對『關鍵詞』產生動搖，可能就會影響到你穿越嘅次數。所以，你真係決定要聽？」死神瞪著我的雙眼，把我直看得內心發毛。

「得得得......唔聽唔聽。」我連忙說。

「根據啱啱所讀取到嘅『關鍵詞』，佢可以連貫到九個回憶載點，亦都係代表住，你有九次機會去改寫胡皓晴嘅命運。所以，你確實決定要穿越時空？」死神的語氣，就像是在問新郎新娘是否願意的律師。

「穿，一定穿！」能讓阿晴起死回生，我想也不想地回答說。

「咁係你出發前，我最後要提醒你幾樣嘢。第一，唔可以主動話俾過去嘅人知道你穿越緊時空，只要一講俾人聽，你就會馬上翻嚟現實，而且亦唔會再有機會出發。所以，想救胡皓晴，就記得小心。」聽著死神的勸戒，我鄭重地點點頭。

「第二，當你決定要穿越時空，就必須要逐個回憶載點走過，除非中途已經成功改變咗胡皓晴會死嘅現實，否則唔能夠中途想退出就退出。」

「第三，亦都係最後一樣。你要記得，你係歷史當中即使只係作出咗少少改變，而家嘅現實都可能會好似蝴蝶效應咁產生巨變，所以你要小心你嘅一舉一動。當然，相反嚟講，你小小嘅動作足已帶嚟現實嘅變化，所以盡量試下令你經歷過嘅事出現少少改變，或者已經可以改變到胡皓晴已死嘅事實。」

「其實，穿越時空係咪真係可以令阿晴翻生？」眼見出發在即，我發現自己其實心中仍有掩藏不住的擔心。

「愚蠢嘅人類，改變歷史，話易唔易，話難唔難，你唔係有句口頭禪，叫做『唔夢想，又邊得嚟夢想成真呢？』，而家既然阿晴已經死咗，你咪大膽咁夢想下，或者會成功呢。」死神以熟悉我的口吻說道。

「唔夢想，又邊得嚟夢想成真呢？」

對，這確實是我所堅信的座右銘。

雖然事情已經發展到穿越時空這種荒謬的程度，但若然能夠成功救回阿晴，那我就盡力一試吧。

「總之我只要令佢唔好嫁俾嗰個渣男，或者唔好俾佢跌落海就得啦。」我在心內自說自話，嘗試減輕一下出發前的緊張感。

「我只能夠講，為咗令我下世唔好變蝙蝠同埋令胡皓晴復活，希望你會成功。」死神語重心長地說。

「嗯，我準備好出發㗎啦。」難得死神臉上出現了一剎那鼓勵的表情，我朝他肯定地點了點頭。

臨瞓前加多更，多謝有lm嘅巴絲，令我知至少有人睇緊
聽日如果見多人睇咗會日更之餘再加更

求婚大作戰？咁都被你諗到

要變異能故

穿越嘅設定上有少少似，都係定點式，但內容會完全唔同，不過求婚大作戰真係一套我勁鍾意嘅經典，睇咗起碼十次
健三

今次無玩咁大希望唔會令你失望

序

每個人或許都有一個曾經很愛過，但最後無疾而終的人。

剛巧，這個故事的主角也有一個。

阿軒，一個熱愛追逐夢想的人，偏偏在愛情路上，面對最喜歡的人，卻總是卻步不前。

所以足足十一年，他仍只是喜歡她，即使她跟別人戀愛了，結婚了，他仍沒有停止在心底的喜歡。

眼看他們的愛情故事就要以無疾而終來終結，誰知一切才剛剛開始。

故事，以表白為結局，以死亡為開始。

這是一個關於青春、成長、愛情和遺憾的故事。

補翻個序