其實BB 同 BCS兩套劇都離唔開毒品 我覺得某程度上Mr White 同 Saul Goodman有另類毒癮:犯罪踩線行為
仲記得Mr White講過製毒除左為錢之外 Because it is illegal 呢種快感真係可以令人活力十足 睇佢第一集BB係出面製寶毒 返到屋企同老婆扑野可以回到年輕時咁勇猛
同樣Jimmy從小都係鍾意偷呃啦拐騙 點都要踩下線先舒服 記得Jimmy之前咪自己發現一宗大case(老人院果單)佢順勢入埋一間唔錯既律師行 人工高福利好 公司仲俾架靚車佢返工 但佢覺得係呢度做律師太正規正矩 無乜機會俾佢踩界 所以用盡方法離開呢間律師行(佢無得直接走 因為有花紅 如果自己走就無花紅 但如果俾公司炒就可以拎花紅走 所以佢咪攪啲大龍鳳出來 例如著西裝大紅大紫 係公司彈結他 仲有大絕:屙屎唔沖廁)
所以話話Jimmy 同 Mr White都係同類人 有呢種犯罪癮
但有人覺得Kim都係同類人 我覺得唔係 但Kim都有呢種傾向 至少佢同Jimmy夾計呃傻仔錢佢接受到 但Kim有底線 同毒販有來往 佢係接受唔到 今集佢都表達左呢個意願
但當睇完今集 原來命運一早係第一集已經安排好 當Jimmy第一集遇上Tuco 同 Nacho果時 已經命中注定佢同毒販集團扯上關係 想逃避都好難
如果當日Jimmy唔係上演一場三寸不爛之舌既好戲 令Nacho刮目相看 而係由得Tuco生劏果兩個滑板仔 可能到今日Jimmy唔會變Saul Goodman 同Kim開開心心過日子