『薪火post』BNO續期資訊 (73) 2019續到2020

總之係選同英國有關既 item，
我剛剛去完台灣，不論去程定回程 online check in 問我國藉我都係撳 uk

Doc有講過一家人一封寄要注意乜，所以完全唔會有問題，不過係會一齊批咁囉。之前有人要等耐啲，因為家人本證報失，或者副署抽問耐咗。基本上快慢無路捉嘅。

至於排次序，我個人以前工作經驗係，無人咁得閒去排，尤其係人手不足，要處理嘅太多，大家真係只求親手，至於擺太耐有人投訴，咪有邊個得閒就去搵吓，但邊個咁得閒？基本上由佢擺囉，唔會有人去急，尤其係公務員添。私人機構好一啲，所謂好係盡量將即日嘅派俾相關員工，唔理佢即日消唔消到，派咗俾你就死掂自己份內工作，理得你OT！所以記錄會更新快啲，但唔代表成個過程會快，公司亦唔會俾你返工有嘆世界機會。務求最少人手做最多工作！

咁香港政府又做到指定日子？因為有限額囉，預算做好咗，每日定個量，咪大家好做囉，而且已經預多咗製作時間。郵寄控制唔到人數吧，咁咪再將派籌減啲，反正無人日日去睇籌，最好網上做，連入資料都慳返，成個程序又快咗。

係咪區區都唔同 我liverpool

全部都係寄利物浦

嘩！你竟然收得返啲文件！真係以為你失咗就咁無咗，估唔到仲可以變成慢件！唔通喺分信機底搵返出嚟？

係呢結果你有無申請賠償？e-express個機制難好多！

攞咗本bno去破處未？特衰仲有無補返？

有冇巴打試過咁耐都未轉

巴絲們 有fd收到email要副簽 如果唔係專業人士 紅色字個行洗唔洗寫或要點寫？

position or standing in the community

睇DOC

收得返d嘢真係好好彩

因為e-express唔使簽收，派錯左而收左嗰個又唔拎返出黎就真係無仇報

建議 lost case 只係寄影印先好用
有舊bno同正本嗰d都係寄掛號或ems啦

眼淚巴呢單，係大半年嚟，實牙實齒真失件嘅！亦令大家警覺咗其實e-expresse並非想像中咁穩妥，佢事實就係普通空郵，但加咗個寄送狀態啫，簽收都無。咁講真百貨應百客，最緊要知個風險！如果當佢等如速遞咁，有相應服務嘅，出事時一定失望！不過依家眼淚巴呢單經典，又一次成為我口中，郵政局寄嘢，慢嘅居多失件較少！慢咗大半年都可以，難怪外國有新聞，寄數十年都可以，或者曾經去咗百慕達吧！

BTW諗諗吓又唔對路，眼淚巴呢本舊證應該之後報失，再寄文件搞返，正常應該收舊證註銷！點會剪角回歸......咁條數究竟仲係咪入邊個嘅數......永遠係個謎！

結論

即係寫自己個職業就可以？

係

藍底相過咗 已收

我直頭用啲幾明顯陰影相都照批，可能佢哋有辦法整走佢啦

我寫director都過到骨

前幾年renew bno其實真係好少要副簽 我自己BB相都唔洗 而家有2個朋友續都要副簽 仲要唔係BB相 真係擺到明嚴咗好多

新系統嚴咗，但又咁講，相隔越耐，要副署都好正常啫。簽發日到依家成20幾年喎。

我張張都過唔到

想問身份證正反影埋同一張紙得唔得
定要正反分開2張紙?
佢直接幫我影埋同一張睇下洗唔洗影多次

得

正反可同一頁！上下兩個影像，底面合共4個！我直情身分證一版，後面已經開始印護照，全部手機影，自己印做文件。

Same