volume control會對聲有影響呢個係肯定
當然幾大影響就睇你聽到幾多。以下純理論分析。
係音響系統,包含volume control 主要係 preamp
Power amp 同 source 係唔會做volume control
preamp 可以係一個簡單可變電阻(VR),即係passive preamp,亦可以係一部有放大功能的電器,active preamp。兩樣都會做volume control
以純headphone amp睇,一般headphone amp都屬於合拼機(integrated amplifier),即係 preamp 同 power amp 二合一。所以headphone 個 volume control其實係 preamp個part
講到dac amp就差唔多到重點。dac amp有volume control,處於dac同headphone out之間。headphone out可以係精心設計的headphone amp,亦可以係簡單op amp 做 buffer。
dac做pre out (volume control) 可以用VR,可以用chip做digital volume control。兩樣都唔完美:
VR本身有機會唔同channel個電阻值有相差,左右聲道大細聲唔平衡,而且唔同制法都有唔同聲
所以好VR可以幾千蚊粒。(一粒零件幾千蚊)
digital volume control chip 表現穩定過VR,不過就有resampling 問題。 一般digital volume control 係用24/96 PCM input. 所有input signal,不論DSD定 咩spec PCM都要 resample去 24/96 PCM入volume control chip。Resampling 得有幾好就決定聲有幾好。
現時dac chip例如ESS 9018本身整合 digital volume control,所以有時d機唔會有獨立chip 做volume control。呢個方案有個好處係DSD可以唔洗resample做PCM去做volume control。(ESS 9018個volume control其實好有趣,Burson audio 有幾篇文分析ESS 9018好詳細,值得睇下)另一個方案係用DAC chip 個bypass mode,dac output唔做volume control,然後用preamp 線路做(可能只係VR
)。
所以就最初討論,SU-8係 digital control而你部dac amp好可能係analog control,咁直接比較未必有意義。當然作為自已system做tuning呢樣就有需要。