[轉貼/鬼故/一齊驚] 40年圍村佬真人真事

22. 姐姐

早排聽我哥講返比我聽,(我呀哥大我5年), 個時我好細個4, 5 歲左右,  佢話我成日都同空氣講野, 以為我係經過上次個單野后遺症 (即係以為我傻鬼左). 

咁, 我阿哥叫我慢慢諗下個時咩事啦. 係我印象中, 個時有個姐姐成日放學后就接我去玩. (個時唔知點解, 同村兄弟唔會同我玩, 連我阿哥都唔同我玩), 個姐姐好靚架, 不過成日都係著同一黃色衫. 依家諗返都有d野, 永遠係夜晚就未見過佢, 喜慶事又未見過佢. 可係隔離村褂.

唔, 依家諗返, 個姐姐笑容都好好架, 不過佢成日都講, 如果我係男仔幾好呀. 我話, 你咁靚, 點解諗變男仔呢, 依家諗返個佢表情唔多開心.

依家諗起都唔知幾時唔見左佢啦, 另外d同村兄弟又同我玩番, 所以我都遺忘左呢件事.
到近排, 去隔離村一個朋友到吃飯, 我就發覺朋友個呀媽個樣同個個姐姐個樣有d似. 咁就講笑啦, 話呀伯有 (我地叫伯母做伯有, 伯母= 百無 個名唔好聽) 好似我細個朋友一樣, 咁呀世伯就講: 哈哈, 你個朋友點個樣架, 咁我就形容比佢兩老聽啦..

點鬼知講完, 佢兩老個樣開始有d唔妥, 咁呀伯有就入佢房搵左張黑白相比我睇下, 我一睇就話: 係呀, 呢個姐姐成日係我細個個陣時同我玩架. 佢兩老就問我個陣幾多歲啦, 我話4, 5歲褂. (年記同佢個仔差唔多啦), 咁伯有同我講, 呢個係佢個女,不過係佢10歲時患左重病就死左... 時間係1969年左右, (我就70年出世), 咁呀世伯話無可能同你一齊玩架.你係咪認錯呀..

咁當時都睇左張相好耐, 我話一定係啦, 佢著個件衫和姐姐一樣. (黑白相邊會睇到係黃色呀), 我朋友就問我係唔係真見到佢呀姐, 我話應該係啦, 我就話姐姐成日同我講, 如果佢係男仔就好啦.

佢兩老聽完就係到流晒眼淚, 原本開開心心食飯就變得為左我講d野而唔開心...

最后, 我叫朋友今年重陽節去拜山,一定叫埋我去, 同呀姐姐上香都應該的.

后話: 禍從口出 真係成日都會出現...

睇晒 對殭屍地幾有興趣
其實係土壤問題？

你係鄉土抄嘅

都話明轉貼
諗住貼過嚟圍爐無咁寒

好多錯別字，睇得好辛苦

32. 蕉林 (呢個係朋友講)

我地元朗地方都算大, 有d村名, 我依家都識唔晒, 呢個故仔係一個波友講比我聽.

我的朋友叫呀強, 佢唔係元朗大, 係近呢幾年由香港搬入元朗一個人住, 佢條村村口附近有一片竹林. 竹林後邊係蕉林, 日頭行過, 都會覺得陰森, 夜晚更生人勿近. 但是出入都係必經之路. 

聽老一輩講, 蕉林好惹鬼, 所以會喺蕉林綁條紅繩, 防止d鬼/人走出走入. (我條村就無咁多人種蕉, 所以我都唔清楚係點樣)

講返呀強, 有次星期六出去飲酒, 佢話自己都飲到貓左,, 返到村口都2:00左右, 咁落車行返去啦, 夜麻麻加上都咁夜, 除咗d要交菜嘅人, 都好少人行過.

咁差唔多行到竹林附近, 突然聽到有d聲, 佢就停係到聽清楚啦, 呢d聲喺蕉林傳過嚟. 咁就雙眼focus嗰邊. (嗰條村係有街燈, 所以都唔會黑麻麻)

佢見到個蕉林d樹係咁郁, 但嗰晚又無乜風, 咁鬼奇怪?. 唔通有人係蕉林打野戰? 可能呀強飲左酒, 膽就大咗, 所以佢就去睇下係咪啦, (聽佢講 佢都未見過人打野戰).

咁佢靜靜地行過去啦, d 聲就越來越清楚, 睇真d, 原來有隻牛喺蕉林食緊d蕉, 唉, 以為有得睇打野戰㖭....

咁就擰轉頭走啦, 突然又聽到d聲, 呢次真係女, 係人聲啦, 咁呀強就走入去啦, 睇下係咪有人打野戰, 但蕉林有d紅繩綁住, 所以就穿過入去睇吓... 個把聲越來越大, 咁佢就越心急要睇吓, 到蕉林中央, 都係聽到d聲而無人喺度.. 咁奇怪?.. 唔通飲大咗會有幻聽? 算! 都係返去大覺睡好過...

當佢想走嗰陣, 突然全身郁唔到, 好似定晒形咁, 佢感覺背脊有隻手係佢後面摸佢... 心諗, 死啦, 今次一定撞鬼, 嗰度隻牛好似知危險咁, 都跑出個蕉林...佢話當時情況就好似時間停頓咗咁... 

呀強諗返起當時感覺到有人扒喺佢背脊咁, 個身就好重嗰d感覺.......都唔知過咗幾耐, 佢聽到有人叫佢, 咁雙眼又focus把聲喺邊處傳過來. 原來喺路邊有個男人喺度. 個人應該係交菜出村口.. 但係佢想叫, 又叫唔出. 想郁又郁唔到.

好彩個男人行過來睇下佢咩事, 當佢走到過嚟嗰陣, 全身又郁得返啦, 咁就老死都跑啦. 到個男人前面, 個男人問佢咩事, 佢就講返剛才d野啦. 點知個男人就鬧佢, 你無見到條紅繩咩, 佢話見到, 見到都仲入去, 你想死呀.

當時佢邊會知呢d事呀, 所以就唔該前唔該後叫個男人陪佢返去... 到第二朝起身, 見背脊好痛, 咁就出去舖仔食早餐兼比人睇下佢背脊, 個老闆幫佢睇吓啦. 一望, 見有d抓痕, 另外又講, 你去過蕉林嗰邊? 呀強講, 你又知道我去過..

跟住個老闆講, 你地d外姓人當然唔知啦, 喺新界地方, 見到d紅繩, 切記唔好入去. 信不信由你. 但係有咩事就關人鬼事.. 

咁個老闆都好好人, 叫佢等下, 佢幫呀強整d藥叫佢飲啦.. (個時都唔知乜東東,就飲啦.) 佢飲完問係咩藥啦, 佢話唔係藥, 係符水...一陣就無事, 咁就係舖仔等一陣, 咦, 真係無咁痛喎...跟住就問清楚個老闆, 呢條村d野啦, 唔好下次又懵盛盛地瀨野.


後話: 有時d外姓人, 都唔係好清楚每條村d嘢, 所以真係入去住, 就問問有咩習俗, 有咩唔好做最好.

你係鄉土抄嘅

都話明轉貼
諗住貼過嚟圍爐無咁寒