[轉貼/鬼故/一齊驚] 40年圍村佬真人真事

一篇唔夠喉啊

屌終於live

樓主

LM

樓主快少少可以嗎

110. 惡果

香港地形非常獨特, 如果各位師兄有留意, 過了深圳河以北, 山的比例就明顯地少; 故此在古代, 有好多達官貴人都過來為先人尋穴. 以下故事由一位年過90的老人(=作者老豆)所講, 寫出來和各位分享.

1940年代, 香港正經歷二戰和國共內戰. 當時已經有一批原居民在居住, 再加上內戰, 北方的達官貴人南下避戰; 他們有些安居在市區, 有些定居在元朗, 例如在洪水橋和逢吉鄉一帶, 就來了很多北方新移民. 

賢伯就是當初隨家人來港避戰的小伙子. 當時他20歲, 因為戰亂, 失去了一隻眼睛. 他是江西那邊的人, 在內地江西盛產風水師, 所以賢伯從小就接觸風水學. 當戰亂平息, 賢伯就定居在元朗, 幫人算命和睇風水山地為生.

有一天, 賢伯檔口來了一位客人, 他開門見山就說要找風水穴; 聽他的口音應該是從北方來. 賢伯就問他: 你想後人得到甚麼? 錢財? 名利? 或是想子孫繁衍呢? 這個男人就答: 想要錢財. 賢伯就說: 我要去找找, 你一個月後再來吧.

一個月後, 那客人再回來檔口, 他問賢伯: 風水穴找到了嗎? 賢伯說: 找是找到了, 但那墓穴已經有先人安葬了, 你要另請高明了. 但客人還是叫賢伯帶他去看看.

賢伯說: 帶你去看沒用呀, 墓地已經有先人下葬了, 你得來無所用呀. 可是客人一再堅持, 並在賢伯面前放下了為數不少的金錢. 

因當時局勢動盪, 加上受不了金錢的誘惑, 賢伯更因缺錢面臨被驅趕, 所以就答應帶這人去看風水穴. 去到墓穴後, 客人問是這裡嗎? 賢伯說是了. 客人就給錢賢伯讓他離去, 自己留下.

但穴上明明已有新墳, 那客人不是想打爛別人的墳, 安葬自己先人吧? 但賢伯接過錢, 心想以後的事都與自己無關了吧.

過了幾個月, 某天早上賢伯剛開檔, 就來了一位客人. 他剛坐下, 賢伯問他: 先生, 想看八字、流年或是運程呢? 那人回答: 我想找個好山地.

賢伯就問: 先生想求名利? 錢財? 還是想子孫繁衍呢? 那人說: 想子孫繁衍; 其實我們本來是有一個風水穴的, 但被人霸了. 所以要另找一個, 時間要快.

賢伯又問: 那安葬的是誰呢? 那人就答: 是我. 我現在無家可歸, 沒山地安葬. 說完, 他就在賢伯面前消失.

賢伯大嚇一跳, 剛定過神, 又突然被幾個人從後襲擊, 並把他按在地上狂打; 他們打完後就一聲不響地離開. 賢伯驚魂未定, 又見最初來看風水穴的那個客人來了. 賢伯見他面上有一個黑色大腫瘤, 一隻眼亦腫到打不開.

他來問賢伯: 為甚麼我現在弄成這樣子? 賢伯說: 我怎知道呀?! 你是不是生病了? 病了就去看醫生吧. 那客人說: 自從你帶我去看完風水穴後, 我面上就出現一個小黑點. 之後我把家父安葬好, 小黑點就每日越變越大, 一直到現在這麼大.

賢伯聽後馬上大驚, 想不到這人竟去掘人家新墳, 霸風水穴為己用. 賢伯就跟他說: 你去掘人家的墳, 這個就是你的報應. 而我是帶你去的, 我都不知會有甚麼惡果. 不如你先將自己的先人起回來, 看看有沒有轉機吧.

客人聽了都說唯有這樣辦. 那賢伯就選定日子時晨, 再帶幾名苦力, 和那客人一起到風水穴那裡起墳. 但去到後, 他們見已另有一批人在那裡掘墳. 雙方見面後就大打出手, 互數對方不是.

就在這時, 大家都沒留意天氣變化, 天上突然打雷, 劈中那個客人和賢伯. 

賢伯醒來後發覺眼前漆黑一片, 但又聽到旁邊的人說話: 他比個雷打中都未死, 真是大命呀! 不過怎看都看不見人影. 後來賢伯才知道自己被雷打盲了雙眼, 而那位客人就直接被雷劈死了.

經過這次教訓, 賢伯失去雙眼, 日後只能繼續靠幫人算命為生. 而他的妻兒後來都回鄉生活, 留下他一人獨自在香港, 直到死去的那天.


後話: 這個故事雖然是我很小的時候聽老豆說, 不是親身經歷, 但故事都幾有寓意: 做人最基本, 莫做傷天害理的事.
不過現在的人, 唯利是圖, 只要對自己有利, 親人, 老婆, 子女都可以出賣. 就如曹操名言: "寧可我負天下人, 休教天下人負我."

3. 黎婆婆

另外有次, 我出去踢波,  踢到11點啦,返到村口都12點啦
我見到我條村個黎婆婆坐係巴士站度, 如果你地去過新界都有留意d巴士站有個亭.
我就問, 黎婆坐係到做乜啦, (圍頭話對答)
佢話等人接佢, 我話等人接你去邊呀, 去元朗市呀, 佢話唔係呀, 
咁我就無理佢返去啦.
到第二朝, 我同我阿媽講, 我話緊晚見黎婆婆坐係出面等人接, 間住呀媽問我幾時見到, 我話差唔多12點啦. 我呀媽話佢琴日下午四點過身啦, 你係咪眼花呀, 我話點會呀, 我都同佢講野.
跟手就去佢屋掛坐白燈籠就係真啦, 我同佢孫仔, 即係我老死講番理件事啦, 佢老頭講可能最後無見我, 在村口等我吧. 

後話: 黎婆婆當我係佢個孫看待

13. 買啦, 買完就行返入去. 

咁個時都差不多11點, 行行下, 見到個婆婆係村行出理, 個婆婆問我記唔記得佢, 我諗左好耐, 話真係唔記得啦, 咁個婆婆要我再諗真d, 我笑住同佢講, 我真的唔記得呀, 我又多口問佢, 返來做節呀, 佢話係呀, 依家返去啦. 咁我問駛唔駛車你返去呀. 你住邊到呀, 佢話唔駛啦, 我慢慢行就得啦. 咁我就叫佢小心d啦. 佢話知啦, 另外講, 都無見你廿幾年, 你都大左咁多呀.. 

哈哈, 我諗, 婆婆識我, 但我好次我無印象, 咁返到去, 同d兄弟繼續啦, 個時先記得係黎婆婆, 咁我就同我老死講啦, (黎婆婆孫仔), 佢話唔係褂, 咁我地去佢屋企look look, 發覺神檯d野郁過. 

個時成班兄弟及佢老豆都上香啦.. 雖然太夜唔好上香.

後話: 我同我女朋友講, 其實見鬼未必一定是壞事呀. 不過佢就話一世都唔好比佢見到

好sweet

111. 重播

有些事物, 在別人眼裡不覺得是甚麼.
但要是那是你沒見過的事, 突然在你眼前出現不下數十次, 你會怎樣面對?

2005年夏天, 小弟當時三十歲出頭, 開始帶人去做工程項目. 這次是到北葵涌一個舊屋邨做斜坡鞏固工程, 預計半年完成. 這條邨有很多地方都是重建的, 除了一兩座還未開始.

工程開始時每日一切如常, 直到後期才遇上怪事.

這時接近年尾, 我們都差不多完工, 只剩下對住新樓的斜坡未做. 但當轉移所有人及工具到那裡, 我就聽到一下巨響從背後傳來, 好像是東西從高處掉下的聲音.

我擰轉頭看看四周, 沒察覺甚麼, 心想可能聲音不是從附近傳來. 我見沒什麼異樣就繼續做前期工作, 但是過了不夠30分鐘, 又傳來和剛才一模一樣的巨響. 我又再看看是哪裡傳來, 但找不到源頭.

這天上午, 差不多每隔30分鐘我就聽到一次. 直到有個工人來問我: 阿頭, 你看甚麼呀? 從今朝開始已經見你這樣. 我就說: 你們沒聽到有好幾下巨響嗎? 那班工人說: 今朝到現在都沒有甚麼巨響呀! 我想, 難道是我聽錯? 但從今朝起我已經聽過數遍了! 真奇怪.

直到差不多12:00, 我們收拾一下, 就去吃午飯. 我途經那座新樓時, 又突然聽到一下巨響, 而巨響源頭就像在我旁邊. 我望望四周, 就見到有個少女躺在地上並且手腳斷開. 這景象在我眼裡出現不過幾秒, 然後就消失.

這時我知道為什麼工人聽不到巨響, 因為是我撞鬼. 當我去到餐廳, 想起剛才見到的殘肢, 真是連飯都吃不下. 我班工人還問我為甚麼不吃, 我都不知怎向他們解釋.

直到下午休息完我就繼續工作, 但那個聲音還是沒停過, 我一路聽到放工. 在回家路上我在車上想, 這個斜坡工程最少要做一個月, 那麽三十幾天每天都會聽到, 怎麼辦呢?

第二天開工, 那聲音又再響起. 起初我都當沒事發生, 但聲音真是令人煩厭. 下午茶時間我就決定再去那個見到少女的地方.

我站著等, 等了不夠兩分鐘, 我從地下向上望, 見到18樓某單位有個少女站了出來, 然後就見她跳下來. 在這短短幾秒間, 我見到她的手腳因撞到簷篷而折斷.

這情景就和昨天一模一樣, 但是今天看到她在地上的時間比較長, 大約有10秒鐘, 然後她就在我眼前消失.

往後的日子我對此都習以為常, 沒之前那麼恐慌. 但隨著日子越久, 見到她在地上停留的時間越長. 直到項目完結, 我又再站到那位置上.

看見少女又從那單位跳下然後躺在地上, 但這次我聽到她在痛苦地呻吟: 幫幫我吧! 我已經在這位置跳了好幾百次, 我不想再受這種痛苦... 說完她就消失.

但我都不知怎去幫她, 唯有硬著頭皮過去同管理員說: 這座樓先前有人跳樓, 應該做場法事超渡下. 說完我就離開.


後話: 回家後, 我找了一些家中長輩說起這件事. 他們說可能因為非枉死/自然死, 而是自殺死的靈魂都要受這種痛苦無限次. 就像錄影機重播一樣, 要那些棄生者死後不得安息.

仲有3篇.. 就完
終點喺114.

仲有3篇.. 就完
終點喺114.

咁快

112. 屋簷上的精靈

上個月回來, 因為天氣熱就坐在家門前乘涼. 抬頭望向天空, 發覺夜色還是以前的好;
以前抬頭望滿是星星, 而現在只有幾顆. 然後我再望望天台一角, 想起一個超過38年的經歷.

時間應該是1976年, 我還是小一, 在村口返學, 放學後便自行回家. 不像現時的小孩有工人及家長接送, 我那年代的人好早就自立和懂性.

回到家, 我吃過午飯就自己做功課. 然後就四處玩: 摘荔枝和龍眼、去捉魚等等. 到夜晚回家吃晚飯, 又是一天.

當年有一晚, 我好夢正酣, 突然聽到有人在窗邊叫我, 那時我都沒為意是誰, 就一個人出去開門看看. 出到去見到兩男兩女小朋友, 年紀和我差不多, 但容貌我怎看都看不清.

我問他們: 這麼夜都不去睡? 其中一個小朋友就說: 不如我們現在上山摘黃皮? 你看今天月光這麼圓, 不用電筒都看得很清楚呢! 那時我睡得矇矇矓矓就說: 今晚不去啦, 改晚吧. 之後我就回屋裡大覺睡.

第二天早上, 我吃早餐時, 老媽問我昨晚出門口有甚麼事, 我就一五一十地和她說. 我媽聽完後沒甚麼反應. 然後我就上學去.

當晚又是差不多時間, 窗外又傳來叫我的聲音, 又是那四位小朋友. 我打開窗問他們: 你們是哪一位呀? 我都沒見過你們.

但他們沒回答我, 只是又問我要不要到山上玩? 我就又是這句: 改晚吧. 已經這麼夜了, 明天我還要上學呀. 之後我就又繼續睡了.

翌日, 老媽又問我昨晚發生甚麼事, 我又重複地再講一次. 但今次老媽聽完就好緊張, 她說如果夜晚他們再來, 就去叫醒她來看看他們是誰.

夜晚, 那四位小朋友又來了. 我就大聲叫老媽過來看看, 但是叫了幾次, 老媽都好像聽不到. 這時, 他們其中一個女的就同我講: 今晚我們不如去水塘游水吧!

我見老媽叫極都無反應, 而且天氣這麼熱, 心想去游水都不錯, 我就大搖大擺地出門口, 穿好鞋跟他們出去.

正當我跟那四位小朋友走過幾步, 背後傳來一把聲音叫住我. 我擰轉頭, 見到在屋頂上坐了一個又和我差不多大的小朋友. 他問我要去哪裡, 我就說跟他們幾個上山去游水. 但當我回過頭, 那四個小朋友就不知所終.

這時在屋頂的小朋友就話: 這麼夜, 你還上山玩? 我說: 他們幾個每晚都來找我玩, 我拒絕了幾次, 怎都去一次吧. 然後那屋頂的小朋友就從屋頂上跳了下來, 當時我也被他嚇了一跳, 因為屋頂都頗高嘛, 換轉是我, 肯定沒膽量跳.

當那小朋友站過來時, 我才發現他原來比我還小, 他只到我的肩. 我問他: 為甚麼你在我家的屋頂? 你是怎樣爬上去的? 他回答: 這個屋頂是我的地盤, 爬上去哪有難度呢?

我說: 我在村內都沒見過你, 你是誰呢? 這時他就哈哈大笑: 你不認識我? 可是我在這條村已經好耐了! 不過你不認識我, 我也不奇怪.

他說完, 屋內就傳來老媽叫我的聲音. 我就在門外大叫我在這裡, 老媽就出來問我在這裡幹甚麼? 我又原原本本地講一次, 並對老媽說: 這個小朋友從屋頂跳下來, 他又講了一些我不明白的說話.

但在我老媽眼內, 她看不到有其他小朋友, 只有我才見到他. 而當我再望向那位小朋友, 他就在黑暗中消失了.


後話: 我中學畢業時, 村裡祠堂大修, 所有年青男丁都要出力幫忙. 我就負責在屋頂換瓦片. 這時我在四角上發現一個和當年那位小朋友一模一樣的石公仔, 這刻我終於知道為甚麼他會說認識我, 而我卻不認識他了.

夏目友人帳圍村版

笑左 成件事唯美左

你唔好破壞夏目得唔得

113. 遊魂

這故事發生在2006年秋天, 當時我還在工程公司做科文. 今次是到屯門西部做山坡平整工程, 位置是我以前常去游水的蝴蝶灣附近. 

因為離主路很遠, 所以我每天都由紅樓進出. 說起紅樓, 傳聞當年孫中山在這裡住過. 聽父輩說這位置以前是青山農場的一部分, 但那農場在我懂性前已經關閉, 我都不知道它是怎麽樣.

講回山坡工程, 因要進出大型建築工具, 所以就在白角那邊造了一條簡單的車路. 當然為求快捷, 只用一些泥直接鋪在原地, 並沒留心原地上的物件. 

開始建路時沒什麼特別, 去到尾段就出事了. 可能當時工人沒看清楚, 又或是野草太高, 有五、六個金塔被泥推倒, 人骨四散. 當我去到時都暗叫不妙, 最怕遇到這種事, 但求之後一切順利就好. 

這時年紀較大的工友驚到要死, 反而後生的就百無禁忌. 有幾個後生就將四散的骨放回金塔內, 然後我們就移金塔到一旁再繼續工作. 當臨時車路建成, 工程就正式展開. 因為有大型工具, 承建商都請了保安在地盤看守.

工程開始了數天, 某日傍晚時分, 我見日班的保安還未換更, 就問阿叔: 夜更還未返嗎? 阿叔說: 夜更突然辭職無做了, 現在我在等另一個新來的和他交帶一下. 我聽完就同阿叔講聲再見便離開.

過了兩天, 我又見日更阿叔還未走, 就過去問他: 不會是夜更的又辭職了吧? 他說: 是呀! 又是突然不做. 唉, 我又要在這裡等替工來輪班才可以走. 那我只好對阿叔說: 你慢慢等吧. 再見.

又過了數天, 我又聽到有夜更辭職, 便過去好奇問阿叔: 其實你知不知那幾個夜更為什麼辭職? 阿叔就拉我入更亭: 他們說這裡有鬼呀! 我一聽阿叔講個鬼字就心頭一顫. 

阿叔繼續說: 就在今日接更時, 尋晚做夜更的那位講, 他在凌晨1點左右正在聽收音機, 突然有幾個人走過來; 因外面環境太暗, 他看不清是男是女. 他就問那幾個人在這裡幹甚麼? 他們沒出聲.

那夜更的保安就大聲說: 若你們再不出聲我就報警. 然後那幾個人就回應: 先生, 我們不見了東西, 來看看會不會在這裡. 夜更保安用電筒照一照他們, 就看到有幾副穿了衣服的人骨站在10呎外.

我對日更的阿叔說: 你講得有點誇張呢. 他都笑說: 同你開個玩笑罷. 我們大家笑一笑就各自開工.

不知甚麼原因, 除了這個日更的阿叔做得比較長, 夜更的幾乎每隔幾日或一兩個星期就換人. 難道在這荒山野嶺做看更都不容易? 但想想在夜晚人影都無一個, 換轉是我, 都不想在這裡逗留.

將近11月的某日, 不知是否氣候問題, 收工後就開始大雨, 而且看來還會轉紅色暴雨警告. 我收到夜更保安的電話, 他說那些工具沒蓋好, 怕會弄壞, 叫我回去看看. 

我唯有硬著頭皮回去, 幸好由元朗出發到屯門地盤都不算遠, 很快就到. 我冒著大雨開車, 駛至臨時車路的中段, 離遠見有幾個黑影在路中緩慢前行. 但因為太大雨, 我看不清他們是誰. 

我心想, 都這麼夜, 會不會是工人回來地盤看看呢? 我就響安叫他們, 但那班人都沒停過繼續慢慢向前移動. 到我架車與他們距離不夠20呎, 我就發現有些不妥, 因為他們的衣著和現代人不同. 

我再響安, 那幾個人就回頭望過來. 頓時我嚇了一大跳, 因為我看不清他們的五官. 我再用高燈照照, 真的是沒有五官呢.

這刻, 我將車停在原地. 雨勢雖然大, 都不及我的心跳聲大. 在車燈下, 我見那幾個人又將頭擰回前面繼續慢慢向前. 

直到車燈照不到他們, 我才定過神. 但我想: 如果我繼續往前, 是否會跟他們再遇上? 又過了幾分鐘, 我見前面有個人影慢慢走近, 心想: 不會是回頭來找我吧?

當那人影越行越近, 我這才發現他是夜更保安. 我下車就問那個阿叔: 剛才你從裡面出來, 有沒看到幾個人行了入去? 

阿叔說: 我從很遠見到有車燈, 但是等了很久都不見光線移動, 就以為你架車死火, 於是我便行出來看看. 沿途我都沒見過有甚麼人呀. 我聽了阿叔講, 就更加肯定剛才見到的幾位不是陽世人.

之後我泊好車, 冒雨將機器蓋好, 就順便和看更阿叔閒聊幾句. 我問他: 你在這裡當夜更, 有沒有遇到奇怪事呀? 

他說: 我當夜更都有幾十年, 有甚麼未見過呀? 做得夜班, 就必定有機會撞到某些你不想見到的事物, 例如遊魂野鬼. 不過如果你不去理他們, 他們都不會來煩你, 始終是兩個世界. 但如果你一多事, 就會招惹麻煩了. 

對於阿叔一番話我都深表認同. 當一切妥當後我準備駕車回家, 臨行前, 我見阿叔人品都幾好, 就留低一包煙給他.

第二朝天氣180度轉變, 早上陽光普照. 我吃過早餐就去地盤返工. 見到早更阿叔已在那裡, 同時又見我班工人聚在一起, 我就埋去問他們講甚麼? 他們反問我: 昨晚是誰蓋好這些機器? (未完)

我就說: 當然是我啦! 昨夜那夜更打電話叫我返來嘛. 這時早更阿叔就跑過來說: 真的是夜更打比你嗎?

我說: 是呀! 不然我怎會回來? 然後阿叔就好嚴肅地說: 昨天公司打比我, 話尋晚無夜更來輪班. 叫我一路值班下去. 但我同主任講, 我要回去休息食飯, 夜班沒人來不關我事, 然後我就在7點下班了. 

我對阿叔說: 可能是你公司安排咗人來呢. 但阿叔說: 今朝個主任又打來, 話叫我今後一定要連班. 佢話還未請到人呀. 所以我們都不明白, 昨晚是誰通知你呢? 

我聽了之後就去更亭看看. 見到我昨晚留下的那包煙, 原封不動, 開都沒開過. 那昨晚是誰打比我叫回來呢? 我見到的夜班看更又是誰呢?


後話: 這個世界, 很多人都說有鬼, 但太迷信都不好, 因為有些有歪念的人會利用鬼神巧立名目. 做人其實只要行得正企得正, 便夜半敲門也不驚. 行事光明磊落, 便心清則明.

114. 心瘋
終於到終點 恭喜哂

以下的故事內容或許值得反思,
寫出來和各位師兄分享.

軍伯, 是我在上海時在樓下小區認識的. 因小弟在假期無聊, 見他一個人在樓下捉棋, 就過去陪他打發時間, 順便騙一頓午餐.

認識越久, 我就越了解他, 而且還見到一些不該看到的事. 最初我每天上班都見他一人獨自在小區捉棋, 每日如是. 甚至到我放工, 他的棋局還未捉完.

某個星期六, 我正無聊, 就過去看他捉棋. 他見我望住棋盤, 就問我有沒興趣和他對奕一場.

我自問棋藝不差, 以前常在村內和老人家對奕來幫補零用錢. 就和軍伯說不如10元玩一局, 但可惜, 我10局9輸. 

下一個星期六晚, 我又見無聊, 就落樓看看軍伯在不在. 他果然是棋癡, 風雨不改. 但這次圍觀他捉棋的人很多, 離遠看都大大話話有十幾人在觀看.

但當我走近, 發現這班人的衣著和現代人格格不入. 再看清楚那些穿藍和綠服飾的人, 他們就像是從記錄片中走出來. 而和軍伯正在對奕的竟是一個小我很多的女士.

當我站過去看棋局, 這班人及那位女士同一時間望向我, 我又望一望他們, 發覺他們眼神全帶空洞及好有壓迫感. 我直覺這班人不是善類.

這刻軍伯見到這個情況, 就咳了兩聲. 突然在場圍觀的人和對奕的女士都在我眼前消失. 當我定下神來, 心想, 怪不得他們的眼神這麼奇怪, 原來是一班鬼魂來的.

軍伯見我沒有太驚訝, 就好奇問我: 你好像不怕似的? 我就他微笑一下: 這盤棋局還是等那位女士來下吧.

之後某一晚, 軍叔拍我屋門, 問我有沒空下棋. 我見反正無聊, 就和他捉幾局吧. 當大家擺好棋準備時, 我就問他: 軍伯, 我每次見你都是一個人, 你家人呢?

他聽了就說: 現在只剩下我一個人. 我又問: 你兒女呢? 他說: 我年青到現在都是孤身一人. 我繼續問: 那上次我見到的那班人又和你有甚麼關係?

這刻, 軍伯的面色不太好, 而且還雙手放在頭上. 他說: 年青人, 既然你看到了, 我都不瞞你. 他們是我從小的同學, 那個女的就是和我一起學習象棋的鄰居. 都是我害死他們的.

我聽了就問軍伯: 是不是文化大革命那年代? 因我聽好多人說, 那時甚麼你鬥我, 我鬥你, 甚麼紅衛兵; 在內地是一場大浩劫來呢.

軍伯說: 是的. 那時我就參加了紅衛兵. 為了邀功, 就向組織說我這班同學是走資派, 最後他們就在學校操場活生生被鬥死. 

軍伯雙眼通紅: 經過這次, 我在組織內的位置越來越高. 而我為了繼續有好表現, 連自己的雙親、妹妹都捉去批鬥. 最後我看著他們絕望的眼神, 逐一在我面前死去.


告一段落
多謝支持
比啲掌聲阿叔

完post lm

多謝樓主

56. 阿玉

我有個朋友, 想想下都死咗15年, 不過都想分享一吓佢死前嘅故仔比各位師兄聽

1995年小弟那年25歲, 從中學畢業出來做嘢都5~6年啦, 以前玩開嘅朋友都唔會成日見, 其中有個女同學叫阿玉. (我地嗰個年代唔係好興叫英文名). 記得佢係我地同班同學最早結婚, 加上有了家庭更加少來往.

有次朋友聚會聽到阿玉患了末期肝癌, 我地成班人都覺得好奇怪, 點會咁後生就有癌症, 更加唔明白一個唔飲酒嘅人都有肝癌..

成班朋友約好去探病, 見到阿玉喺病床上, 個樣真係好痛苦, 當時我地心都酸晒, 男人就話眼淚不輕彈, 但係女同學個個都喊到想死.. 聽阿玉家人講, 最多只有2個月命. 我聽到, 連我自己都喊……那種感覺真不好受…

如是者, 過左一個月, 有晚突然接到阿玉電話, 問我地聽日得唔得閒食飯, 我聽到就話: 你好返晒嗱, 你無事咩, 阿玉講: 係奇蹟呀, 醫生話無事可以出院啦. 

咁聽佢把聲真係好精神, 應該真係奇蹟出現啦, 我就將呢個好消息同朋友講, 開頭個個以為我玩嘢, 有D聽到就鬧我咪攞呢D野嚟玩, 我就話真係呀, 聽日約左7:00食飯呀. 

到咗嗰晚, 成班人都到晒, 唯獨阿玉未出現, 我就比人一路等一路鬧.. 心諗: 唉. 會唔會真係比人玩呀, 醫生都話只剩返2個月命, 無理由會突然無事㗎. 嗰陣我都有D信心動搖啦,

等多一陣, 阿玉真係出現. 見佢個樣比以前更加精神, 言談比正常人更加正常, 我地成班都覺得係奇蹟出現. 不過喺食飯嗰陣時, 我發覺有D野係好難形容, 就係阿玉全身好似發光咁, 另外我個高人朋友平時唔多講嘢, 個晚轉死性, 同阿玉喺度雞啄唔斷咁講嘢, 其中有句我到依家都好記得, 就係不要將煩惱記喺度. 

當成個飯局完都差唔多10點, 我另外一個朋友問阿玉使唔使車妳返去, 阿玉話唔使啦, 佢話想行多陣先返去. 咁我地就各散回家.

返到屋企都唔夠5分鐘, 我個高人朋友打比我, 佢話: 聽日叫我一早打比朋友, 話阿玉過咗身啦, 我聽完: 吓, 你唔好攞呢D嘢嚟玩啦, 明明阿玉無事, 你叫我話佢死咗? 個高人朋友講, 真係呀, 你信我就得啦, 剛才你地見到阿玉係迴光反照, 當佢心願完晒就會走㗎啦. 另外剛才喺飯局嗰陣, 阿玉後面有兩個鬼差喺到, 咁嘅情形, 最多過唔到1點. 

我聽完, 既然高人咁講, 一定係真, 我就逐個朋友打電話通知啦, 有些朋友同我講都應該係, 有些就鬧到我狗血淋頭..

嗰晚, 我記得係張床坐左一晚, 到天光打去阿玉屋企, 佢先生接電話, 聽佢把聲都知比高人朋友講中咗, 佢先生講, 阿玉喺12:30a.m.過左身…我聽完就自己一個喺房喊到收唔到聲.. 


後話: 當身邊親人, 朋友離世, 那種痛真係筆墨難而形容. 今日就係阿玉死忌, 祝佢早點投胎.

係
幫佢地完埋未了事

辛苦曬樓主
Btw最後個篇個啊伯好賤 但係睇得岀佢好後悔

72. 被困的小孩

昨天假期, 同一大班舊同學返深圳按摩食飯, 其中我個高人朋友都去, 喺按摩休息其間, 來來去去話題都係關於靈界. 我就唔係好想講, 怕比人以為我地危言聳聽, 更加以為我地吹水唔抹咀. 不過高人朋友同我地講咗個故仔, 聽落去令我有反思.

話說高人朋友佢係做冷氣安裝及維修生意, 有次接咗單生意, 喺南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 提供最好方案.

咁要去睇位, 去到間屋嗰陣, 個感覺好怪, 喺路口就見放咗對開咗光嘅石獅子, 鐵閘附近就擺咗個好奇怪風水陣, 心諗唔通呢度有嘢?

入到屋內, 戶主係一對外藉人仕, 聽佢地講, 剛剛從代理買入呢間獨立屋, 所有裝修都好新, 唔使翻新就住得, 不過冷氣系統就舊咗啲, 想重新安裝(外國人就係有環保意識, 認為用得就唔會掉, 唔學而家香港人, 乜都要新, 要豪) 報完價及講明細節後, 過兩三星期就開工, 預算六日左右完工. 對外藉人仕就臨時搬去酒店住. 

但係有個問題喺佢心中, 點解上手業主放一個咁既風水陣喺度, 睇又唔係催財嗰隻, 尤其對石獅子, 方向都有問題, 唔係對出面而係對入屋? 呢兩個問題喺佢心中一陣, 但好快就唔再理啦, 世間事, 千奇百怪, 理得幾多呀.

到真正開工, 喺天台準備更換冷氣系統嗰陣, 奇怪事就發生, 事源佢喺天台準備拆部舊機落地下, 當時天氣唔係好好, 高人朋友喺天台望落鐵閘個位置, 見到有一個6~7歲細路仔想出去. 但係細路仔去到鐵閘時就停低, 兩隻石獅子就好似狗咁喺咁叫. 咁嘅情形, 高人朋友就知道嗰個陣係用來困住個細路, 但係點解要咁做呢? 唔通一間屋內有鬼會令人發達? 又或者係其他原因要困住佢?

當日收工, 佢行出去, 就見到個細路仔跟住, 但係一過鐵閘, 個細路又停咗喺度, 佢擰返轉頭望吓佢, 見個細路係咁喊. 當時佢真係想問吓個細路點解喊, 但係好多工人喺度唔多方便, 因為正常人見到你對住空氣講嘢, 唔嚇死都話你神經病.

第二日再開工, 佢成日都心不在焉, 喺度諗住尋日嘅事, 不過自己係老闆, 返工發夢無所謂啦. 到收工, 佢就叫班工人走先, 等多半個鐘天都黑晒佢先走, 當佢走出去嗰陣, 個小孩又跟住佢, 佢就問個細路仔: 你做咩唔出去? 個細路就指住個鐵閘及石獅子, 然後又停喺個鐵閘度係咁喊…佢就唔理就走, 因為有師父擺啲咁嘅陣, 當然係有佢理由, 都係唔好咁多事理人啲嘢啦

當佢走到出路口, 準備拎車走嗰陣, 喺路口見到一男一女企喺度, 唔使講當然唔係人啦, 嗰對男女用好誠懇眼神望住佢, 想佢幫吓個細路. 但佢心諗無謂去惹事, 就開車返去. 到夜晚返到去食飯嗰陣, 佢望住自己老婆同個女, 心諗, 嗰對男女會唔會係個細路嘅父母? 喺人間都有親情, 何況係鬼.. 

嗰晚佢同老婆講返佢見到嘅情況, 佢老婆就話幫吓佢地, 等佢地一家團聚, 可以轉世投胎.. 但係有樣嘢佢真係好唔明白, 點解要困住個細路喺間屋度呢? 因為一唔小心, 萬一放錯咗隻惡鬼出去, 擔心有後遺症.

如事者, 差唔多每日收工都見到一樣情形, 去到工程完前一晚, 佢走去度鐵閘嗰度, 用塊紅布將個陣遮住, 塊紅布當然唔係普通布啦. 然後個細路仔就可以過到度閘, 到差不多到石獅子又照辦煮碗. 等個細路仔可以經過. 到出到路口, 見個細路仔跑去嗰對男女度. 佢見到對男女攬住個細路仔係咁喊. 到佢行埋去嗰陣, 佢地三個向佢躹躬完就消失咗. 我地聽完, 就問跟住點啦, 佢就用一個笑容來回答我地. 


後話: 我聽完佢講, 比著我都會咁做, 但我有個疑問, 係唔係所有鬼魂都一定係有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 但既然遇到, 必有因果. 或者無你地想像中咁可怕呢.

係咪上一手養鬼仔

72. 被困的小孩

昨天假期, 同一大班舊同學返深圳按摩食飯, 其中我個高人朋友都去, 喺按摩休息其間, 來來去去話題都係關於靈界. 我就唔係好想講, 怕比人以為我地危言聳聽, 更加以為我地吹水唔抹咀. 不過高人朋友同我地講咗個故仔, 聽落去令我有反思.

話說高人朋友佢係做冷氣安裝及維修生意, 有次接咗單生意, 喺南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 提供最好方案.

咁要去睇位, 去到間屋嗰陣, 個感覺好怪, 喺路口就見放咗對開咗光嘅石獅子, 鐵閘附近就擺咗個好奇怪風水陣, 心諗唔通呢度有嘢?

入到屋內, 戶主係一對外藉人仕, 聽佢地講, 剛剛從代理買入呢間獨立屋, 所有裝修都好新, 唔使翻新就住得, 不過冷氣系統就舊咗啲, 想重新安裝(外國人就係有環保意識, 認為用得就唔會掉, 唔學而家香港人, 乜都要新, 要豪) 報完價及講明細節後, 過兩三星期就開工, 預算六日左右完工. 對外藉人仕就臨時搬去酒店住. 

但係有個問題喺佢心中, 點解上手業主放一個咁既風水陣喺度, 睇又唔係催財嗰隻, 尤其對石獅子, 方向都有問題, 唔係對出面而係對入屋? 呢兩個問題喺佢心中一陣, 但好快就唔再理啦, 世間事, 千奇百怪, 理得幾多呀.

到真正開工, 喺天台準備更換冷氣系統嗰陣, 奇怪事就發生, 事源佢喺天台準備拆部舊機落地下, 當時天氣唔係好好, 高人朋友喺天台望落鐵閘個位置, 見到有一個6~7歲細路仔想出去. 但係細路仔去到鐵閘時就停低, 兩隻石獅子就好似狗咁喺咁叫. 咁嘅情形, 高人朋友就知道嗰個陣係用來困住個細路, 但係點解要咁做呢? 唔通一間屋內有鬼會令人發達? 又或者係其他原因要困住佢?

當日收工, 佢行出去, 就見到個細路仔跟住, 但係一過鐵閘, 個細路又停咗喺度, 佢擰返轉頭望吓佢, 見個細路係咁喊. 當時佢真係想問吓個細路點解喊, 但係好多工人喺度唔多方便, 因為正常人見到你對住空氣講嘢, 唔嚇死都話你神經病.

第二日再開工, 佢成日都心不在焉, 喺度諗住尋日嘅事, 不過自己係老闆, 返工發夢無所謂啦. 到收工, 佢就叫班工人走先, 等多半個鐘天都黑晒佢先走, 當佢走出去嗰陣, 個小孩又跟住佢, 佢就問個細路仔: 你做咩唔出去? 個細路就指住個鐵閘及石獅子, 然後又停喺個鐵閘度係咁喊…佢就唔理就走, 因為有師父擺啲咁嘅陣, 當然係有佢理由, 都係唔好咁多事理人啲嘢啦

當佢走到出路口, 準備拎車走嗰陣, 喺路口見到一男一女企喺度, 唔使講當然唔係人啦, 嗰對男女用好誠懇眼神望住佢, 想佢幫吓個細路. 但佢心諗無謂去惹事, 就開車返去. 到夜晚返到去食飯嗰陣, 佢望住自己老婆同個女, 心諗, 嗰對男女會唔會係個細路嘅父母? 喺人間都有親情, 何況係鬼.. 

嗰晚佢同老婆講返佢見到嘅情況, 佢老婆就話幫吓佢地, 等佢地一家團聚, 可以轉世投胎.. 但係有樣嘢佢真係好唔明白, 點解要困住個細路喺間屋度呢? 因為一唔小心, 萬一放錯咗隻惡鬼出去, 擔心有後遺症.

如事者, 差唔多每日收工都見到一樣情形, 去到工程完前一晚, 佢走去度鐵閘嗰度, 用塊紅布將個陣遮住, 塊紅布當然唔係普通布啦. 然後個細路仔就可以過到度閘, 到差不多到石獅子又照辦煮碗. 等個細路仔可以經過. 到出到路口, 見個細路仔跑去嗰對男女度. 佢見到對男女攬住個細路仔係咁喊. 到佢行埋去嗰陣, 佢地三個向佢躹躬完就消失咗. 我地聽完, 就問跟住點啦, 佢就用一個笑容來回答我地. 


後話: 我聽完佢講, 比著我都會咁做, 但我有個疑問, 係唔係所有鬼魂都一定係有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 但既然遇到, 必有因果. 或者無你地想像中咁可怕呢.

究竟點解要困住個細路

我都想知 不過寧可信其有 不可信其無 細個都會聽人講 如果你好心幫d鬼了左d心願 佢地會報答返你

利申:9up

人心肉做 咁心酸好難唔幫佢地一家團聚