[轉貼/鬼故/一齊驚] 40年圍村佬真人真事

終於追到live 留名

樓主唔見左

Live 80篇開始睇到寒

樓主去左邊呀？

係咪有原link?

46. 電話 (由一個救護員講)

我有個踢波老死, 佢本人就好想做消防, 不過衰在近視. 咁做救護都好呀. 做呢份工最基本要唔怕血, 唔怕核凸, 唔係真係頂唔順...嗰年應該係1993年啦, 我地d中五仔畢業無耐, 想搵份好d, 做政府工就最好, 人工比出面高嘛..

有晚通宵更, (聽佢講夜更最繁忙, 好多時成日出車), 接到要出車call, 地點係逢吉鄉附近,  根據個台消息係個女性, 30~40歲左右. 佢地一行三個人就出發.

去到沙埔村附近就call返上台問正確位置, 個總台話係逢吉鄉路直入到尾, 總台話有人喺路度等. (嗰時手電都未普及, 又無彗星導航), 咁揸車嗰位師兄咪直入去, 聽老死講嗰條路多數係d鐵倉, 豬場, 又多分叉路, 去到尾都無乜人住..跟住就係林村郊野公園....

差唔多去到尾, 都唔見有人喺到等, 咁又call返上台, 個台又話個女人等咗好耐都唔見佢地. 聽完, 都唔知去邊度先正確, 唯有開警號啦, 希望個病人聽到啦.. 佢地三個兜左好耐都唔見有人, 咁call上台就問清楚, 並要求報警嗰個人嘅電話, 等佢地直接聯絡.. 

當佢地出返大路就搵個電話亭打嗰個電話號碼, 點知係一個空號. 打幾次都係一樣.. 咁就call返上台話無呢個電話號碼, 但係個台就話無好能, 佢地打過去幾次比事主, 都係有人接, 咁佢地叫個台打多次啦, 個台就話接通咗, 並話比個事主聽, 叫佢唔好用電話, 話我地d伙計會直接聯絡你.

咁等個台講完, 佢地等左一分鐘後再打, 但係和之前一樣, 都係空號, 打唔到比事主...再等多幾分鐘又再打, 結果都一樣..

嗰陣佢地心諗係唔係比人玩呀, 另外又心急, 救人如救火, 時間越短, 救人機會越大.. 咁唔理啦, 再返入去兜兜啦, 如果再搵唔到就收隊.

當佢地再返轉頭入去, 差唔多去到上山嗰條路附近, 我老死就發覺有d嘢啦, 佢見到喺山腰附近有個女人企喺到, 佢地就停車, 攞個電筒望望個女人嘅位置啦, 當佢地一照, 嘩.......見個女人向佢地招手, 但係個女人就企喺個墳頭上面.. 佢地就知咩料報警啦.. 佢地立即上返車, 並開晒警號就走啦..

當佢地出返大路, 就call返上台話見到頭先嘅嘢, 個台長緊係唔信啦, 我老死話叫佢打108 問問電話公司個電話有無人登記啦. 等咗一陣, 個台長叫佢地立即收隊返去. 聽我老死講, 返到去, 都打上電話公司check, 原來個電話無人登記. 咁佢地report上去當值個大sir度, 佢話都唔係第一次啦, 做夜更成日都會有呢d call. 但係唔通唔去咩...如果真係都無辦法啦.. 

後話: 聽我老死講, 佢做到依家, 見d怪事都好多, 下次問佢邊次最得人驚先.

彗星導航

一晚睇哂

樓主呢

留名

樓主呢

未寫就錯手撳咗post
個故仔本身係香討嗰邊連載左幾年，但係個樓主亦都已經失蹤咗幾個月

好驚呀媽咪

樓主呢

樓主呢

未寫就錯手撳咗post
個故仔本身係香討嗰邊連載左幾年，但係個樓主亦都已經失蹤咗幾個月

原作者最後update唔係喺2013年咩

樓主呢

未寫就錯手撳咗post
個故仔本身係香討嗰邊連載左幾年，但係個樓主亦都已經失蹤咗幾個月

原作者最後update唔係喺2013年咩

唔鬼記得啦好耐之前睇完,好似16年？

樓主呢

未寫就錯手撳咗post
個故仔本身係香討嗰邊連載左幾年，但係個樓主亦都已經失蹤咗幾個月

原作者最後update唔係喺2013年咩

唔鬼記得啦好耐之前睇完,好似16年？

唔見左幾年啦
最尾個篇係講文革

live

rip~

樓主都唔見埋

樓主呢

未寫就錯手撳咗post
個故仔本身係香討嗰邊連載左幾年，但係個樓主亦都已經失蹤咗幾個月

原作者最後update唔係喺2013年咩

唔鬼記得啦好耐之前睇完,好似16年？

唔見左幾年啦
最尾個篇係講文革

係講文革呀，個故都未完
最後話待續

Live 左

Live 左

此post已完

92. 阿欣

呢個故事唔係我經歷, 係由阿如所講, 寫出嚟比各師兄分享.

阿欣係個圍村女仔, (而家圍村不再係以前守舊, 佢同大部份人一樣, 出去讀書, 工作, 然後嫁人.) 佢出面識咗個男仔都正正常常, 但係對方家長思想守舊, 好似仲停留喺清代, 男主外, 女主內. 而且唔准婚後搬出去住. 所謂相見好, 同住難, 大家生活習慣唔同, 經常有衝突發生. 佢老公夾喺中間, 手心手背都係肉, 兩面做人難.

有次又因為瑣事, 但奶奶今次一時睇唔開, 跑去窗邊, 喺阿欣面前跳咗落去. 發生呢次慘劇, 受到老公同家人嘅怪責, 阿欣心裡亦唔好過, 所以就搬返圍村娘家暫住. 最壞打算係離婚, 同埋要揹住罪名一世. 返嚟圍村, 頭一星期阿欣每晚都訓唔著, 腦海中不斷重現奶奶跳樓嘅一剎. 


又過咗一段日子, 阿欣腦海仲係時刻想起當日嘅事, 佢父母認為可能係壓力大, 精神出問題, 就叫佢去睇醫生. 睇完醫生都話可能係咁樣, 叫佢之後再返嚟睇睇. 但之後日子越久, 阿欣精神越見差, 再加上佢老公唔肯接佢返去, 雙重打擊下, 行為開始越嚟越古怪. 佢父母都擔心遲早會精神病.

有一晚, 阿欣老豆半夜小解, 返房途中, 突然聽到佢喺房大叫. 世伯就入房看個究竟, 見佢喺度發開口夢, 不停大嗌: 叫奶奶放過佢.世伯諗住拍醒佢, 又叫佢, 但拍極唔醒, 毫無反應. 世伯嗌埋老婆同阿仔嚟幫手, 但結果都係一樣, 阿欣淨係不停大嗌: 叫奶奶放過佢. 最後全家無哂辦法, 唯有報警送去醫院. 但檢查身體一切正常, 只係腦電波過度活躍, 醫生都唔知咩事, 唯有開鎮靜劑治咗標先, 要留院觀察. 其間阿欣都係未醒過, 但奇怪係, 日間佢會好安靜, 係到半夜先嚟嘈, 內容重複, 大叫: 求奶奶放過佢..阿欣父母見到咁都六神無主, 諗住搵佢地女婿過嚟, 但人地家人餘氣未消, 仲發悔氣話一命換一命都應該. 日子又過咗排, 阿欣一直無起色, 兩老決定搵師父幫手, 但搵咗好幾個師父, 使咗好多錢, 都係無用. 

有一日, 阿如去醫院探病, 離開時, 喺大堂見到兩位老人喊到豬頭咁, 呢啲情況喺醫院普遍不過. 但經過時聽到佢地提個"鬼"字, 阿如就自然地停低望, 兩老又不其然同佢對望, 先發現原來大家係認識. 阿如老豆同兩老係世交, 但雙方好少見面. 阿如聽完兩老講發生咩事, 都話佢地個女可能真係比鬼搞. 

阿如就同返兩老去病房睇睇, 離遠已見到一位中年婦人坐喺阿欣旁邊, 雙眼眼神好怨毒. 阿如拉兩老埋一邊, 講返嗰位婦人嘅特徵, 兩老聽到都異口同聲話: 佢就係阿欣嘅奶奶. 

阿如諗咗陣就將自己粒玉除低, 幫阿欣帶上. 呢個時候佢奶奶立即退開, 但未有離開, 然後將矛頭指向阿如. 阿如扮睇唔到, 同兩老講, 世伯, 伯有, 你地放心, 佢應該好快就會醒, 如果醒咗, 叫佢切勿除低粒玉, 直至我話要還, 先交比返我. 然後阿如話都係返屋企先, 若再有咩問題, 就叫兩老打比佢.

阿如開車返去途中, 嗰位奶奶一路都坐喺司機位旁邊. 阿如就同佢講: 我唔知你咩事有咩仇, (奶奶嗰刻都露出驚奇嘅眼神), 阿如解釋: 其實我一直都見到你, 所謂新抱仔半邊女, 做長輩都唔會想見到半邊女有事. 你做咗咁多, 點會真係想佢地搞到咁. 奶奶聽完, 好平靜咁繼續坐喺度. 阿如就再佢講, 過咗啖氣就算嘞, 如果再繼續落去, 你種嘅因, 後人就要食返你嘅果, 所以不如放下怨恨. 另外我會叫你新抱去墳前叩頭認錯, 你安心上路吧.


奶奶聽完, 無耐就喺車度消失咗. 之後電話響, 係阿欣父母打嚟, 話佢地個女醒咗, 而家俾醫生檢查緊. 阿如就同兩老講, 等阿欣好返少少, 帶阿欣去奶奶墳前叩頭認錯啦, 之後粒玉就可以比返我.

後話: 而家時代唔同啦, 後生同年紀大好難並存. 後生有自己一套, 老嘅又有佢地一套. 所謂相見好, 同住難. 如果雙方都肯退讓一步, 就少啲磨擦. 始終都係半個仔女, 半個父母, 多溝通大家就和和氣氣.

93. 重建


因為市區重建, 而家好多舊區都要清拆.當中嘅樓房有超過40 ~ 50年, 或者更耐, 而最先開發重建嘅港島區, 尤其灣仔、西環一帶, 有好多呢類舊樓. 以下故事係我一個經歷, 現在寫出嚟比各位師兄分享.

2005年冬天, (小弟已經出嚟工作咗10幾年), 公司接咗單唐樓清拆工程, 喺堅尼地城附近, 樓高5層, 似乎係40~50年代嘅產物. 公司接手後我地就開始封板、搭棚, 所有住客都搬走哂, 我地可以喺各單位自由出入, 雖然人去樓空, 但都仲好多垃圾及雜物, 而且大多數係唔值錢嘅嘢.

拆卸工程展開前, 工人會先將值錢嘅嘢拆落嚟變賣, 例如爛鐵、水喉、電線, 當做下欄. 至於不值錢嘅就會連同拆卸廢物一併處理. 當中我最印象深刻係三樓一個單位, 業主離開後, 仲留有好多雜物, 牆身掛滿好多舊相片, 從相中背景估都有好多年歷史. 而最離奇係, 業主連神主牌都唔拎, 塊牌寫住梁門, 照道理業主姓梁.

有一日, 我喺天台做完工程, 準備收工, 經過三樓聽到有人聲, 就望下由邊度發出. 見個單位入面好似有人, 就走埋去睇下, 但四周人影都無. 心諗可能係聽錯. 就喺離開單位門口時, 耳邊聽到一句: 帶我走呀, 我立即就再擰返轉頭, 走返入去再望望, 但真係乜都無. 可能真係我聽錯吧.

到第二日開工, 班工人問我喺三樓聽唔聽到人聲. 我話都聽到呀, 但入面一個人都無呢, 會唔會係隔離樓啲電視開得大聲? 佢地都話有咁嘅可能. 跟住大家就無再理會繼續正常開工. 到收工時, 大家再經過三樓, 成班人都聽到有聲, 我地就停低留心聽下, 確實喺嗰個單位裡面傳出嚟, 咁我地就入去睇下. 但入面真係乜都無, 同時亦無再聽到有聲, 成班人都覺得好奇怪. 我叫其中一個工友行出門口再聽聽, 佢都話無哂聲傳出嚟啦, 我地見無乜野, 就行返出去然後離開.

前期功夫做完哂, 我地就要交場比負責拆卸嗰班人. 當工人走晒, 我就由天台向下巡一次, 睇吓有無地方做漏. 行到三樓, 又聽到有聲. 我就大叫, 係咪有人喺度? 等咗幾秒, 就聽到有把男人聲: 有呀, 再過多幾秒, 仲有另一把女人聲: 我地喺裡面呀. 

當時我諗, 會唔會係道友或露宿者? 咁我行入去想叫佢地離開, 點知入到去, 人影都無隻, 淨係聽到一男一女喺到講: 放我地出去呀.. 放我地出去呀., 嗰種叫聲, 係聽到人起晒雞皮. 我企喺個廳度大叫, 你地喺邊度呀, 但只繼續聽到: 放我出去呀.

呢個時候, 我諗起牆上啲舊相, 啲聲有無可能喺裡面傳出嚟?, 當行埋去睇, 見到相入面嘅人向我招手及移動, 講真, 咁大個仔, 真係第一次見, 比見鬼更加震撼. 當時我真係連跑帶滾衝落樓, 落到地面, 過咗好耐先平復. 我喺度諗, 點解相入面嘅人會移動, 會唔會係有高人將對男女嘅靈魂困咗喺照片內?

到第二日, 我都唔敢再入去嗰個單位, 更加唔敢同人講昨日遇到嘅事. 之後幢樓正式拆卸, 嗰啲舊相片應該去咗做泥頭, 或者填海, 又或者去咗堆填區啩.


後話: 大千世界無奇不有, 有啲事未見過唔等於無可能, 但到你見過, 講出嚟又唔會有人信. 所以做個平凡人就最幸福.

94. 奪舍

各位師兄, 有無聽過以上名詞呢? 我講嘅唔係屋, 係人體, 係有關凶靈搶奪人體嘅故事. 而呢個故事係由我世伯所講. 我之前都講過世伯係天生陰人, 佢好多時都見到靈體, 所以都習以為常, 但如果佢有得揀, 佢都唔想見到.

時間太久, 世伯都唔記得年份, 大約係60年代尾吧, 話說村內有人生咗男丁, 請全村人食盤菜慶祝. 由傍晚開始, 食到你走, 流水宴, 嚟到就食, 無任歡迎. 差不多全村嘅人都嚟哂, 人來人往, 根本無人留意, 邊個有嚟, 邊個無嚟. 但就喺宴會期間, 世伯望向主家席, 發覺有兩個陌生人企咗喺度, 佢地係世伯從來都未見過, 當再留心睇, 就突然喺世伯眼前消失咗. 咁嘅情況十居其九都唔係好野. 

就喺第二晚, 宴會完結, 世伯回家途中, 離遠見到有個陌生人企咗喺添丁主人家屋企出面. 他就跑去望望, 去到後見嗰個人消失於無形, 世伯有不祥預兆, 唔通呢個人想搵替身?

過咗兩日, 就聽到個初生男丁突然發高燒, 而且食咩藥都唔見效. 

喺嗰個年代, 因為醫學無而家昌明, 小朋友好容易死. 男丁父母四出求醫, 但醫生都檢查唔出病因, 有幾個話係懷疑腦膜炎, 又有啲話係小兒麻痺, 都無一個定論. 全村嘅人都擔心個男嬰會唔會死. 此時世伯就向各村民講返之前所見, 因為都知道佢係陰人, 所以村民都信佢. 但係點樣制止呢, 世伯無學過法, 都唔識點做, 唯有話試下去拜土地, 希望土地會幫佢地. 

日子越來越久, 個男丁就越來越虛弱, 而且嗰個人出現在他家門口越來越頻密. 世伯心諗個男丁都凶多吉少了, 可能是天命難違吧, 有啲事天大本領都唔可以逆轉. 但又無理由見死不救, 雖然明知方法愚蠢, 但盡量試下, 就係世伯企喺初生男丁屋企門口, 當兩個陌生人一出現就趕佢地走. 不過世伯都心中有數, 成數不高. 

當晚, 差不多過咗11點, 嗰兩個人又出現, 世伯就大喝, 你地搵替身行遠啲!, 但佢地毫無反應, 只目無表情咁望住世伯, 並原地不動咁企咗喺度.當時四圍嘅狗及牛都喺度狂吠狂叫, 世伯當時心想, 唉, 都阻止唔到了. 之後過咗一陣, 嗰兩個人就開始向前移動. 

就喺呢刻, 屋內傳來BB仔及細路仔嘅笑聲, 仲越嚟越大聲, 但啲笑聲係令人越聽越舒服. 嗰兩個陌生人聽到笑聲, 就開始越退越後, 退返去屋前. 同時啲狗及牛好似因為笑聲, 突然變得安靜, 但奇怪係牠們一齊走到屋前並訓咗喺度. 此時嗰兩個人見到, 好似心生不忿, 繼而就消失得無影無蹤. 當佢地消失後, 屋內笑聲就停咗, 啲狗同牛都好自然咁散返開.

世伯見到咁樣, 心諗: 唔通嗰兩個人放棄咗? 但一場嚟到, 就喺屋外守過夜啦. 不過可能因太夜和太累, 世伯都唔知由幾時開始訓著咗, 喺夢中, 佢見到有三位小朋友同佢講: 叔叔真係辛苦你啦. 當時世伯立即彈醒, 發現原來已經天光. 佢聽見BB父母喺屋度講, 真係神仙保佑嘞, BB無事啦. 世伯聽完個心都安樂晒, 就帶著疲倦嘅身軀回家好好休息.


後話: 嗰三個小朋友會唔會係土地公呢? 但根據世伯所形容, 特徵又唔似我以前見到嘅一樣. 不過比著我, 除非至親, 我都唔敢去惹佢地. 如果各位師兄遇到, 你地又點會做呢?