[轉貼/鬼故/一齊驚] 40年圍村佬真人真事

文筆同錯別字令到d故完全唔恐怖

追到悶悶地

假假地 不過幾好睇

佢粒玉都幾勁

老子什麼.....都不怕

65. 和合石站

有次去上水做嘢, 識咗個伯伯, 從佢口中聽到個故仔, 咁就同各位師兄分享下.

時間應該係戰後左右吧, 嗰時九廣鐵路有條支線, 喺由粉嶺站至和合石站, 條支線作用係平日用來運送死屍, 到春秋二祭就運送考子去拜山.

伯伯嗰陣喺九廣鐵路做職員, 聽佢講嗰時政府為處理大量屍體要喺和合石起墳場. 加上嗰個年代北區算係落後地區, 四圍都係田野, 嗰時和合石支線唔係日日都開, 一個星期開幾班, 視乎有幾多屍體而定, 

聽伯伯講, 嗰時高鋒期, 成架貨運列車都係死屍, 冷凍又技術落後, 好多時D屍臭真係令人作嘔, 尤其夏天最犀利. D屍血又會喺架列車度流出嚟, 所以嗰條鐵路生人勿近, 

但係做職員, 因為要檢查鐵路有無損壞, 所以佢每星期都要去檢查一次, 佢記得有次去檢查, 喺途中見到有D手手腳腳, 當時佢都見怪不怪, 不過今次就係見到有個女人頭, 真係第一次見到, 可能係途中跌左出嚟, 佢當時就好心, 就喺鐵路旁邊挖個窿葬咗. 之後就繼續去檢查.

過左幾日, 朝早, 佢天未光就返到粉嶺站準備開工, 準備緊嗰陣, 突然背後有個女人企喺度, 佢望吓個女人, 佢衣著唔似新界人, 係九龍香港嗰種, 佢問: 小姐, 你點入到嚟, 我地門都未開, 但個女人無出聲, 淨係望住和合石嗰邊, 
阿伯伯開頭都以為個女人想去和合石拜祭先人, 就同佢講, 呢段時間係無車去, 要去就要行路去. 點知個女人聽完就自己行落路軌, 一個人行咗去, 伯伯就無理個女人繼續工作.

又過咗幾日, 檢查路軌時又見到個女人喺度, 伯伯就好奇怪啦, 要拜先人都唔會拜咁密啩, 就問佢做咩啦, 個女人都係無出聲, 佢就無理到個女人, 繼續做檢查.

如是者, 喺半個月內見到個女人好多次, 每次個女人都係著同一件衫, 嗰時佢就諗, 會唔會係撞鬼呢, 為咗呢件事, 佢走咗去問和合石班忤作啦, 問下呢半個月內有無咩特別嘢, 其中就有個忤作就話, 有件女屍無咗個頭, 佢地搵勻成架列車都無, 咁就幫佢葬咗先啦. 阿伯伯聽完, 心諗會唔會係嗰日個女人頭呢….

又過左幾日, 佢又見到個女人, 今次佢就問同個女人, 你係咪搵野呀, 個女人又係無出聲, 但就示意係, 阿伯伯就話, 你跟我嚟啦, 我帶你去搵, 聽佢講, 嗰時佢都好驚. 佢帶個女人去到嗰日埋葬個頭嘅地方, 問佢係唔係搵呢樣嘢, 個女人示意係, 跟住伯伯話: 我聽日幫你放返佢啦, 跟住個女人就開口同佢講 “多謝” . 伯伯講, 佢係第一次, 同最後一次聽個女人講嘢. 之後就消失喺佢眼前…

最後, 我就問, 咁之後你仲有無見到佢呀, 佢就話無啦, 佢話係唯一一次撞鬼, 不過就話完事後, 一切順順利利, 每次遇到危機, 都逢凶化吉喎..

後話: 我聽完伯伯講, 都半信半疑, 就上網查吓啦, 原來真係有條和合石支線, 另外又諗起中文大學辨子姑娘, 時間同伯伯講嘅年份差唔多.. 會唔會辮子姑娘又係同伯伯所講嘅差唔多呢.

幾有人情味

留名

好多5p字 成日有時唔明
不過留名

7. 消放員

有次, 個時我都13, 14歲啦, 係我條村唔見左個細路仔, 好似係3, 4歲啦, 當時好鬼緊張, 咁我都有去搵啦, 怕又係去左魚塘個邊, 個時臨近新年, 個魚塘會放水清塘, 我諗只有一呎水, 但搵左好耐都無結果,

咁就報警啦. 個時警察懷疑個細路仔都係魚塘, 但去到有唔多似啦, 咁咪call埋消防落塘搵啦.但係都沒結果. 

到最後, 原來個細路仔理埋左係床下底, 咁d警察消防收隊啦, 但過左10分鐘後折返, 哩次係唔見左個
消防呀, 原來開車先發覺少左一個, 個時無手提, 無call機年代, 咁我地全村又出動去搵, 記得都太陽落山.

都係搵左好耐, 都係無結果, 咁有個消防記得佢頭先有落魚塘搵個細路仔, 咁又返番去睇下啦.
咁差不多4, 50人去睇下, 結果真係魚塘底搵到佢... 但個時都以經死左啦.

但明明個時好多人係魚塘都唔見佢出事? 另外只有1呎水深, 會浸死個消防?

結果, 村長覺得太危險將個魚塘填平, 我聽d長輩講, 個魚塘係有d野, 但係咩呢, 連佢地都唔知.

https://zh.m.wikipedia.org/zh-hk/香港殉職消防人員列表

搵唔到嘅

quote返前面巴絲嘅分享

由 樂極生悲殺人夜 巴打提供

睇左咁多個我都想分享一個

之前去飲野識左個男仔，佢同我地講的
話說佢有次同女朋友有日係尖沙咀飲完野，之後就坐通宵小巴返天水圍，如果搭過呢架小巴都知，晚晚都有好多人等車同埋好耐先有一架車，於是佢地排左半個鐘隊終於上到車，咁岩係司機位後二排都空左，於是佢地就坐左係司機後邊果排，點知架車就關門開車，佢女朋友都好奇點解仲有兩個空位都照開車，不過飲左酒又夜佢地都無理咁多就訓陣，一起身已經到屯門市中心，再經過屯門某幾個邨再去天水圍，後來去到天水圍佢地差唔多到要落既地方個男仔都醒左

男仔：司機前面巴士站有落
司機：（舉手），後邊兩位姐姐仔邊到落架？（可能因為如果唔係呢幾個位
落車就會行第二條路去總站）
女朋友：即刻喊左出黎，後邊無人呀司機

於是個司機無出聲一路去到果個巴士站就停左車仲落埋車打電話，於是佢女朋友喊左成晚

再分享多個

我有個朋友好鐘意車，成日揸車周圍遊，有次叫埋我同埋兩個朋友去遊車河就揸左上大帽山，咁去到果個停車場就落車吹下水同埋睇下人地d靚車啦（果個停車場好多揸車友係到），咁吹完水就走啦，於是我坐車頭，兩個朋友就坐後邊，因為條路又黑又多彎我個朋友都好專心揸，去到中段佢無啦啦好正經咁問

揸車朋友：後面坐左幾多個人呀？
朋友a/b：兩個
揸車朋友：後面坐左幾多個人呀？
我/a/b：咪兩個囉
揸車朋友：比人坐架，仲唔走？
我/a/b：

落到山去左餐廳食野再問佢，佢話見到倒後鏡多左個...之後佢話聽佢老豆教落要咁樣問先會走

如果比著我見到應該炒左都似

由 里美 巴打提供

睇完d分享都覺得香港其實都幾猛

分享下個人經歷，唔知算唔算

仲記得中二定中三個陣，好鐘意襯屋企人訓哂就起身玩電腦。

咁個晚就好似2點左右起身，照常打機啦

咁大概3點幾左右，聽到出面廁所有人開水喉（間房就係廁所對面，廁所有小小聲都會聽到）

咁我諗可能阿妹去完廁所無熄水喉，但係諗落有人出黎去廁所應該好應聲，我無理由會唔知。

咁算啦照出去睇睇，開燈睇又無野，個洗手盤個乾既，個陣都不以為然，照返去打機

隔左陣，又聽到水喉聲，今次開始識驚啦，心諗唔通奶野
膽粗粗開哂成間d燈 衝去廁所睇，個洗手盤又係乾既

咁個下我知奶野喇，夜媽媽唔通叫醒老豆老母起身 話有污糟野咩

突然靈光一閃，醒起個陣老死同我講（佢應該都天生有陰陽眼，有次行夜山，佢拎住大燈行緊前面開路，無啦啦黎隊尾話一齊行，咁我問佢做咩，佢話有咩聽日講。原來個晚佢行行下見到有個阿婆拖住個細路女，同埋個細路女拖住隻狗。佢話我陽氣重 同我行就無咁易見到。）

入番正題，咁佢叫我如果真係覺得好似奶野，就即刻打開到道門同窗，有咁大開咁大，再開哂d燈，然後講：唔好意思 打擾哂 不過我好唔舒服，麻煩你離開。仲要記得唔好應承任何野，例如話 如果你走，我就比d咩你。一講左 ，你無比 ，就後果自負。

我最後開左d門窗15分鐘到，突然一下涼風，個心就靜左落黎 之後就一覺訓天光，起身發現成身汗。返到學校即刻同老死講番。佢話好在你記得我教你d野，我專登同你講係有原因 我心諗 你唔早講我屌你

太長既話，唔好意思

巴打你個名 好驚
以前睇恐怖短故有陰影
好似係1個主角嘅名

忍唔住去原POST睇
發現自己香討個AC有回過 原來已經咁多年

66. 紙公仔

近排同一班老人家北上渡假, 班長輩最細都65, 但係個個都鬼咁精神, 有D仲成個老頑童, 其中有個叫陳伯, 佢同我同宗, 所以特別好傾. 其實依家好多後生仔, 都好唔鍾意同老人家一齊, 代溝和煩係其中最大問題, 但係好多時老人家的經驗, 當有事發生, 可能就係呢班老人家可以幫到你.

陳伯佢以前喺一間紙紮舖做師父, 聽佢講以前生意多到不得了, 每逢過年過節, 都忙到死咁滯, 尤其係元朗呢個傳統地區, 每條鄉、村都成日有紅白二事.

話說佢入行嗰年係13, 14歲, 師徒制, 佢師父老婆仔女都無, 所以要幫師父安排一切起居飲食, 而且住喺舖頭內. 講返陳伯個年代, 喺元朗除咗軍營, 政府建築物,元朗新墟,  好多地方都係無電供應. 到夜晚就要用火水燈, 或者蠟燭嚟照明. 而陳伯嗰間舖頭就喺舊墟, 所以仲未有電到.

佢話有次, 因為要趕工做打醮, 要做鬼王, 公仔, 燈籠. 所以佢師父同佢就晚晚開夜, 因為係全人手做, 工序又多, 所以做到好夜. 做完佢師父就上樓上訓, 佢就喺地下同埋d紙紮品一齊訓. 當初佢都好唔習慣, 因為佢師父做紙紮公仔d表情真係好似人一樣, 加埋燈光又唔夠, 一到夜晚就好鬼驚.

佢地舖頭有對男女紙公仔, 師父叮囑, 呢對公仔多多錢都唔會賣, 更加唔準徒弟掂,  聽街坊講對公仔都放咗喺舖頭最少十幾廿年, 但好似全新一樣.  

有晚又係做到好夜, 可能係夏天關係, 人都燥D, 加上可能係後生, 點都要叻, 所以就同師父嘈咗幾句, 然後就跑咗出去, 當佢下咗度火之後, 返去舖頭都已經好夜...入到去師父都訓左, 佢就去沖涼, 沖沖下, 佢就聽到有對男女喺到講嘢.. 開頭佢以為自己聽錯, 咁就開度門再聽下, 一粒聲都無, 但係佢一閂埋門又聽到, 唔通有賊入咗嚟..? 再聽真D, 個男同個女講嘢嘅內容係話佢後生, 所以不知天高地厚....當佢沖完涼就返出去舖面, 睇下係唔係真有賊入咗嚟, 但係乜都無, 咁既然無嘢就訓覺, 聽日又要晨咁早起身整早餐同開工.

當佢訓訓吓, 朦朦朧朧又聽到有人喺度講嘢, 今次佢唔敢打草驚蛇, 淨係單眼望四週, 一望就見到嗰對男女公仔把口喺度郁, 而嗰D人聲就係來自嗰對紙紮公仔.... 當時佢見到咁情況唯有瞌埋眼扮訓啦, 加上咁大個仔都未見過, 嚇到冷汗都出.. 而且嗰兩個公仔好似有腳咁, 喺舖面行來行去.. 當時佢都唔知點算好...突然佢聽到佢師父大喝一聲, 話唔好嚇D細路仔, 跟住就靜晒.

到第二朝起身, 佢喺到諗明明唔係發夢, 唔通舖頭有鬼? 當見到師父嗰陣, 佢就第一時間道歉先, 並且問師父間舖係咪有鬼啦, 點知佢師父笑住同佢講, 就話, 做我地呢行, 根本就係要同鬼打交道, 日後你就慢慢知點解. 佢跟住問舖頭嗰對男女紙紮公仔嘅嘢, 師父就話, 嗰兩個公仔係佢仔女, 你當佢地係一家人就得喇....經過嗰晚後, 因為有師父喺度, 所以佢都習慣晒, 佢師父就慢慢教佢做紙紮技術及一些習俗. 擇時辰, 八字, 命理等, 到佢學滿師嗰陣, 佢都27, 28歲, 佢師父就話無嘢可以再教你, 你可以自立門戶, 但係有個要求, 就係當師父百年歸老嗰陣, 嗰兩個公仔一定要燒埋比佢..

過左5, 6年後, 佢師父過身, 當時所有安葬儀式就由佢唯一一個徒弟負責, 聽陳伯講, 一日為師, 終身為父, 所以見師父過身佢都喊到死咁, 當最後要燒嗰兩個公仔嗰陣, 佢隱約聽到對公仔喺火堆講, 終於可以同老豆一齊.

最後打點晒所有嘢, 佢返去間舖整理吓師父遺物, 喺其中一個木箱內搵到兩張相, 係一男一女小童相, 相背後寫咗佢地姓名, 出生, 時辰八字. 咁佢諗, 呢兩個可能就係師父親生兒女...

後話: 聽完呢個故仔, 我就問陳伯好多傳統及習俗, 講真, 我雖然都識唔少但係有好多我都未聽過, 加上依家無後生仔入行, 辛苦加上人工唔高, 好多時都係口傳, 我諗呢門手藝好快會失傳.

68. 帶喜

話說我地條村有個拜神婆, 之前都有講過, 喺我細個嗰陣, 成日都有市區人入去搵佢問米, 因我都無見過問米, 所以一直以為係同電視劇一樣, 尤其係品姨做問米婆真係深入民心. 點解會無啦啦講帶喜呢, 因為之前講做紙紮嗰位陳伯, 佢就係講咗呢個關於帶喜嘅故仔比我聽. 

聽陳伯講, 舊時代中國人好鬼迷信, 過年過節, 紅白二事, 一年到晚做香燭紙紮 
都唔休做. 咁喺佢後生年代, 應該都幾耐. 嗰時醫學無現代昌明, d人有60歲係大事, 不論男女都要慶祝一番.

有次, 佢喺舖頭趕工紮公仔, 突然喺門口有個女人問佢做唔做帶喜, 當時陳伯都唔知咩叫帶喜, 就走去問師父, 話出面有個女人問做唔做帶喜, 跟住佢師父就走出嚟應酬個女人, 見佢寫低日期時間地點, 就同個女人講叫佢放心, 叫佢返去.

陳伯就問佢師父咩叫帶喜啦, 師父話係一個廣東習俗, 類似問米同照水碗, 係叫先人上來陽間一種儀式, 多數出現喺做大壽時做. 呢個儀式多數由女人做, 未見過由男人做, 可能女人屬陰, 男人屬陽. 陳伯繼續問落去, 咁男人唔做得, 你又接來做, 師父就話佢傻仔, 我唔識做啫, 唔代表我唔識人做嘛., 

咁過咗一排, 有日佢師父話帶佢出去見識咩叫帶喜, 佢就跟師父去灰沙圍附近, 見好多人已經喺到食緊盆菜, 佢兩師徒就坐埋去食, 當賓客飲飽食醉走晒, 就見到一個女人出現, 經師父介紹個女人就叫媚姨. 嗰時媚姨年紀同師父差唔多. 寒暄幾句後就入正題, 話帶個徒弟嚟見識咩叫帶喜, 

媚姨佢話只準睇, 唔可以出聲. 跟住佢就走去主人家嗰度, 叫主人家叫其他人出去, 唯獨只有陳伯, 媚姨同主人家喺間屋內, 跟住媚姨叫主人家比佢生辰八字佢, 見媚姨口中唸唸有詞, 但d話陳伯從來未聽過, 又唔係圍頭話, 又唔似客家話..
跟住媚姨把聲由一把女人聲轉為一把好重音男人聲. 見佢一輪咀同主人家講D野, 因陳伯佢當時企得遠, 所以好多都聽唔到講乜, 只聽到有句係話叫佢買多d田, 日後子孫就會過得好好.. 當同主人家講完, 就到佢個仔, 然後就孫, 但係全部無女人份.. 

我聽完之後, 就好好奇問陳伯, 如果媚姨死咗, 咁咪無人做, 陳伯就話我傻仔, 當然由佢徒弟繼承啦, 咁我又問陳伯, 依家仲有無人會做帶喜呢個習俗, 佢話已經好少人做啦, 佢退休前都仲有一兩單, 依家就一單都無, 現代人都唔興做啦. 咁問佢如果要做, 我可以搵邊個, 因我老豆都差不多要做大壽. 陳伯笑住同我講, 搵佢老婆就得. 原來陳伯個老婆就係媚姨個徒弟..


後話:這個習俗講真, 我都係第一次聽, 咁我就返去村內問下D老人家聽過未, 點知個個都聽過仲做過. 佢地問我喺邊度知道, 我就話有個伯伯講比我聽, 點知一講就問係唔係舊墟個陳伯. 原來全部都識佢㗎. 

另外因為我從來未見過, 如果各位師兄知道, 請指點是不是真偽, 不無論真的假. 過多一排都會失傳. 或者等我老豆擺大壽就便知 (都要問過佢老人家先得)

Shit, 追到live左

Live

個啊叔係咪玉鋪打手

Live

姑勿論真假，我自己係90後，又咁啱住大西北，睇完都感覺到屬於舊時代既人情世故。下次撘輕鐵時可能會諗返起啲故仔

66. 紙公仔

近排同一班老人家北上渡假, 班長輩最細都65, 但係個個都鬼咁精神, 有D仲成個老頑童, 其中有個叫陳伯, 佢同我同宗, 所以特別好傾. 其實依家好多後生仔, 都好唔鍾意同老人家一齊, 代溝和煩係其中最大問題, 但係好多時老人家的經驗, 當有事發生, 可能就係呢班老人家可以幫到你.

陳伯佢以前喺一間紙紮舖做師父, 聽佢講以前生意多到不得了, 每逢過年過節, 都忙到死咁滯, 尤其係元朗呢個傳統地區, 每條鄉、村都成日有紅白二事.

話說佢入行嗰年係13, 14歲, 師徒制, 佢師父老婆仔女都無, 所以要幫師父安排一切起居飲食, 而且住喺舖頭內. 講返陳伯個年代, 喺元朗除咗軍營, 政府建築物,元朗新墟,  好多地方都係無電供應. 到夜晚就要用火水燈, 或者蠟燭嚟照明. 而陳伯嗰間舖頭就喺舊墟, 所以仲未有電到.

佢話有次, 因為要趕工做打醮, 要做鬼王, 公仔, 燈籠. 所以佢師父同佢就晚晚開夜, 因為係全人手做, 工序又多, 所以做到好夜. 做完佢師父就上樓上訓, 佢就喺地下同埋d紙紮品一齊訓. 當初佢都好唔習慣, 因為佢師父做紙紮公仔d表情真係好似人一樣, 加埋燈光又唔夠, 一到夜晚就好鬼驚.

佢地舖頭有對男女紙公仔, 師父叮囑, 呢對公仔多多錢都唔會賣, 更加唔準徒弟掂,  聽街坊講對公仔都放咗喺舖頭最少十幾廿年, 但好似全新一樣.  

有晚又係做到好夜, 可能係夏天關係, 人都燥D, 加上可能係後生, 點都要叻, 所以就同師父嘈咗幾句, 然後就跑咗出去, 當佢下咗度火之後, 返去舖頭都已經好夜...入到去師父都訓左, 佢就去沖涼, 沖沖下, 佢就聽到有對男女喺到講嘢.. 開頭佢以為自己聽錯, 咁就開度門再聽下, 一粒聲都無, 但係佢一閂埋門又聽到, 唔通有賊入咗嚟..? 再聽真D, 個男同個女講嘢嘅內容係話佢後生, 所以不知天高地厚....當佢沖完涼就返出去舖面, 睇下係唔係真有賊入咗嚟, 但係乜都無, 咁既然無嘢就訓覺, 聽日又要晨咁早起身整早餐同開工.

當佢訓訓吓, 朦朦朧朧又聽到有人喺度講嘢, 今次佢唔敢打草驚蛇, 淨係單眼望四週, 一望就見到嗰對男女公仔把口喺度郁, 而嗰D人聲就係來自嗰對紙紮公仔.... 當時佢見到咁情況唯有瞌埋眼扮訓啦, 加上咁大個仔都未見過, 嚇到冷汗都出.. 而且嗰兩個公仔好似有腳咁, 喺舖面行來行去.. 當時佢都唔知點算好...突然佢聽到佢師父大喝一聲, 話唔好嚇D細路仔, 跟住就靜晒.

到第二朝起身, 佢喺到諗明明唔係發夢, 唔通舖頭有鬼? 當見到師父嗰陣, 佢就第一時間道歉先, 並且問師父間舖係咪有鬼啦, 點知佢師父笑住同佢講, 就話, 做我地呢行, 根本就係要同鬼打交道, 日後你就慢慢知點解. 佢跟住問舖頭嗰對男女紙紮公仔嘅嘢, 師父就話, 嗰兩個公仔係佢仔女, 你當佢地係一家人就得喇....經過嗰晚後, 因為有師父喺度, 所以佢都習慣晒, 佢師父就慢慢教佢做紙紮技術及一些習俗. 擇時辰, 八字, 命理等, 到佢學滿師嗰陣, 佢都27, 28歲, 佢師父就話無嘢可以再教你, 你可以自立門戶, 但係有個要求, 就係當師父百年歸老嗰陣, 嗰兩個公仔一定要燒埋比佢..

過左5, 6年後, 佢師父過身, 當時所有安葬儀式就由佢唯一一個徒弟負責, 聽陳伯講, 一日為師, 終身為父, 所以見師父過身佢都喊到死咁, 當最後要燒嗰兩個公仔嗰陣, 佢隱約聽到對公仔喺火堆講, 終於可以同老豆一齊.

最後打點晒所有嘢, 佢返去間舖整理吓師父遺物, 喺其中一個木箱內搵到兩張相, 係一男一女小童相, 相背後寫咗佢地姓名, 出生, 時辰八字. 咁佢諗, 呢兩個可能就係師父親生兒女...

後話: 聽完呢個故仔, 我就問陳伯好多傳統及習俗, 講真, 我雖然都識唔少但係有好多我都未聽過, 加上依家無後生仔入行, 辛苦加上人工唔高, 好多時都係口傳, 我諗呢門手藝好快會失傳.

好慘

留名

睇左咁多個我都想分享一個

之前去飲野識左個男仔，佢同我地講的
話說佢有次同女朋友有日係尖沙咀飲完野，之後就坐通宵小巴返天水圍，如果搭過呢架小巴都知，晚晚都有好多人等車同埋好耐先有一架車，於是佢地排左半個鐘隊終於上到車，咁岩係司機位後二排都空左，於是佢地就坐左係司機後邊果排，點知架車就關門開車，佢女朋友都好奇點解仲有兩個空位都照開車，不過飲左酒又夜佢地都無理咁多就訓陣，一起身已經到屯門市中心，再經過屯門某幾個邨再去天水圍，後來去到天水圍佢地差唔多到要落既地方個男仔都醒左

男仔：司機前面巴士站有落
司機：（舉手），後邊兩位姐姐仔邊到落架？（可能因為如果唔係呢幾個位
落車就會行第二條路去總站）
女朋友：即刻喊左出黎，後邊無人呀司機

於是個司機無出聲一路去到果個巴士站就停左車仲落埋車打電話，於是佢女朋友喊左成晚

我夜更住屯元天坐咗三年呢架小巴……

完全信樓主所言
我自己都係圍頭仔

睇左咁多個我都想分享一個

之前去飲野識左個男仔，佢同我地講的
話說佢有次同女朋友有日係尖沙咀飲完野，之後就坐通宵小巴返天水圍，如果搭過呢架小巴都知，晚晚都有好多人等車同埋好耐先有一架車，於是佢地排左半個鐘隊終於上到車，咁岩係司機位後二排都空左，於是佢地就坐左係司機後邊果排，點知架車就關門開車，佢女朋友都好奇點解仲有兩個空位都照開車，不過飲左酒又夜佢地都無理咁多就訓陣，一起身已經到屯門市中心，再經過屯門某幾個邨再去天水圍，後來去到天水圍佢地差唔多到要落既地方個男仔都醒左

男仔：司機前面巴士站有落
司機：（舉手），後邊兩位姐姐仔邊到落架？（可能因為如果唔係呢幾個位
落車就會行第二條路去總站）
女朋友：即刻喊左出黎，後邊無人呀司機

於是個司機無出聲一路去到果個巴士站就停左車仲落埋車打電話，於是佢女朋友喊左成晚

我夜更住屯元天坐咗三年呢架小巴……

呢樣野 我有朋友係下白泥 夜晚8點左右撘小巴都試過發生 仲要係廿幾人一齊見證