[轉貼/鬼故/一齊驚] 40年圍村佬真人真事

好睇

一開始D圍村故仔幾好睇
之後出黎做工程果D越黎越長又太假

圍村果啲係幾正
工程果啲feel到係作作地

樓主呢

樓主

今日冇既

成個post最恐怖就係樓主唔見左

等你丫樓豬

90. 首飾盒

講起過年前, 老婆拜託我幫朋友搬屋, 由紅磡搬入元朗. 當然有酬勞. 睇地址, 原來係近大酒店附近. 好似喺曲街. 我都唔明白我老婆, 好事唔做, 呢種事就諗都唔諗就幫我應承. 假期想懶下都唔得. 

去到, 我以為仲有其他人幫手, 點知得我一條傻仔搬, 好彩佢都係租人地方, 得隨身物品同埋一啲書, 唔係真係搬死人. 個朋友係女人, 叫Kitty, 睇嚟都係剩女啦, 唔係點會無其他男人幫手呀, 

上到去, 一入門口我就發覺單位裝修非常懷舊, 唔講以為去咗60年代, 格仔階磚, 天花吊扇, 連冷氣機都無. 甚至連傢私都唔係而家呢個年代會見到. 我就諗, 好地地一個女仔都唔會租呢啲單位, 除非佢本身好大問題. 唔係都無乜理由嘞. 而最恐怖就係入屋後, 有一種比人監視嘅感覺. 係種有啲不友善嘅感覺.

當我問Kitty有咩需要搬, 先留意到佢成個人, 面無血色, 雙眼無神, 講說話陰聲細氣 講明啲就係成個人都係青色. 我心諗唔係啩, 老婆點會識到呢啲朋友? 見Kitty個款, 十成十比鬼搞, 我見佢手上執住個酸枝做嘅首飾盒, 就多口問句, 個首飾盒係咪你媽媽㗎? 話都未講完, 背脊就好似比人打咗下, 我擰轉頭又唔見有人, 心諗已經證實有嘢喺度啦, 而且一定同首飾盒有關.

但係, 都係唔好再多事嘞, 快啲搬完, 快啲返元朗. 之後我就再無理咁多. 過咗大約一個鐘, 見都差不多搬完, 我就問Kitty不如一齊去食飯啦, 食完再開車返元朗. 但Kitty就話佢唔去嘞, 叫我食完再上返去搵佢.我就一個去食飯人, 順便打比隻老虎, 問佢點識Kitty啦, 老婆就話喺facebook識, 見都未見過呀, 只知道佢話想搬屋, 問有無人幫到手喎, 唉…我聽完真係想用哂平生所識粗口鬧爆佢, 但講唔出口罷了. 

食完飯, 我就上返去話可以走得啦, 點知上到去, 拍極門都無人應, 咁見大門無鎖, 就入去望望啦, 搵哂成間屋都唔見Kitty. 唔通佢都落咗街食飯? 我就打比佢啦, 接通後我就問佢喺邊啦, 話我食完飯啦, 可以出發啦. 但電話有把聲回覆: 你想帶佢去邊? 而呢把聲唔係Kitty嘅. 我就話: 我搵Kitty, 你係邊位呢, 而把聲就答: 你唔需要知道我係邊個, 總之唔好帶走佢, 佢係屬於我嘅. 呢把聲好似係由個上咗年紀嘅女人講. 

呢刻, 我聽完都打咗個冷震, 而最驚嘅事係Kitty喺背后拍咗我一下, 我就問佢, 剛才我打比你, 你有聽嗎, 佢話: 你都無打比我, 我點會聽呀, 我叫佢check下手機記錄, 點知真係無, 咁我剛才打咗比邊個呀. 當我定一定神,

再問佢咁走得未呢, 佢話可以走得. 

落到樓, 我見太陽好猛, 就再問佢: 個首飾盒係邊個留比你㗎, 佢就話見個盒好靚, 業主話送比佢做禮物. 我就同佢講, 個盒好似唔太適合你, 不如我幫你放返上去啦, 佢諗咗陣, 話都好啦, 你幫我放返上去啦, 我喺架車度等你. 當我一接到個盒時, 一陣寒氣傳遍全身. 我今次行返上去, 先將粒玉除低. 一入門口, 就見到有個老婆婆坐咗喺度, 雙眼好似想殺咗我咁, 我就將個盒放喺張檯, 然後就對佢講, 應上路, 就上路, 留喺呢度對邊個都唔好. 講完我就出返去, 到落樓後都唔見個婆婆, 即係佢無跟我地了. 當返到元朗新居時, 我發覺Kitty面色似返個正常人了. 之後日子同Kitty就再無聯絡。



後話： 好多時舊物都容易比靈體附上，喺舊社會，死者遺物多數都當陪葬或火化，就係唔想物主死後附上唔願上路，所以收到呢類物件時，真係諗清楚先好。

成個post最恐怖就係樓主唔見左

我好驚 而家晏晝睇都好撚寒
細膽咗好多
都唔敢正面經過殯儀館

以前係好大膽
希望貼哂之後個人唔再陰陰地

91. 出竅

以下故事發生喺80年代初, 當時我都10幾歲人仔啦.

記得嗰年小弟代表元朗出去踢可樂杯, (年記大或識踢波嘅朋友都應該聽過).小弟喺賽事中受傷所以入住咗廣華醫院, 因當時仲係好細個, 就入咗兒童病房, 住咗一星期. 記得病房可住6人, 但當時加上我只有兩人. 另一位病人係心臟有問題, 所以一直訓喺床, 唔能夠四處走動, 聽講佢由6歲開始就留院. 開頭我都唔知佢唔可以落床. 因為喺第一晚我就發覺到不尋常.

喺我訓到死魚嗰陣, 嗰位小朋友過嚟拍醒我, 話訓唔著, 不如一齊玩飛行棋, 我見都醒咗, 就話: 不如捉象棋啦, 佢話都好, 就捉咗一陣. 跟住我尿急話去廁所, 返嚟再捉過, 到返轉頭見佢已經上咗床了. 第二朝食完早餐, (講真, 醫院啲早餐真難食, 當時早餐係麵包加奶, 啲奶係用奶粉開, 我呢個元朗仔真係頂唔順.) 我就走去呢位朋友度講, 尋晚我去完廁所返嚟你就訓, 你真係無禮貌. 

點知我講完, 姑娘就同我講, 小朋友, 呢個病人係落唔到地嘅, 你係唔係發夢呀. 我聽完都諗, 唔通真係發夢? 咁就無再理佢. 到當晚又係半夜三更, 我又比佢拍醒, 又話不如捉棋呀, 我就問佢: 你唔係落唔到地咩, 佢就話我點會落唔到地呀, 你睇我行動自如就知啦. 呢刻我真係搞唔清楚邊句真, 但所無謂啦, 反正無聊, 咪同你玩一陣. 第二朝, 我就埋去同佢講, 點解你可以落床? 佢就話我從來都未落過床, 你幾時見過我落床呢, 我心諗: 你都得㗎喎, 明明兩晚都可以同我捉棋, 而家就話未落過床. 如果你今晚再過嚟, 我實唔同你客氣.

到夜晚, 佢又真係唔識死又走過嚟, 今次我就好大聲同佢講, 你行得走得, 就唔好再扮可憐, 我唔知點解你咁做, 但唔好再搵我嘞, 我而家好似傻仔咁比你玩! 因為我講得好大聲, 所以姑娘都走過嚟, 問我, 小朋友你做咩咁大聲? 我就話: 佢明明行得走得, 點解你地話佢有病落唔到床呢.

點知嗰位姑娘就講, 小朋友, 你發夢吧, 呢度得我同你, 你講嗰位就一路都訓喺床, 唔信你望下. 我聽完都望一望, 咦, 係喎, 佢真係訓喺床上面. 咁我身邊嗰位又係邊個? 我就同姑娘講, 你真係剩係見到我一個, 無其他人? 佢話: 係呀, 小朋友, 你會唔會撞親個頭有幻覺呀?…呢刻, 我真係好混亂, 明明佢企咗喺我隔離, 但又訓咗喺張床上面.. 究竟發生咩事? 跟住嗰位小朋友就同我講: 我都係唔阻你嘞, 我返去訓嘞. 到而家我都仲好記得, 佢行返去佢張床度, 之後成個人訓落去, 然後就消失咗. 

姑娘見我突然無晒反應, 就行過嚟問我有咩唔妥, 我都唔知點同佢講, 話我見鬼, 但又唔係. 我只問咗姑娘一句, 我幾時可以出院, 另外可唔可以轉第二個病房.


後話: 到出院後, 我返去同阿如講, 佢話呢種現象叫靈魂出竅, 佢都未見過, 鬼就見得多. 咁我又問世伯, 你見過未呢, 佢答我都係一樣未見過, 不過就聽過, 呢種人會好容易無啦啦死, 可能靈魂去得太遠, 唔識返嚟, 又或者比靈體纏上返唔到嚟.
唔知各位師兄又有無遇過呢種人?

成個post最恐怖就係樓主唔見左

我好驚 而家晏晝睇都好撚寒
細膽咗好多
都唔敢正面經過殯儀館

以前係好大膽
希望貼哂之後個人唔再陰陰地

你有冇諗過阿叔自從 13 年無出post 係去咗邊？

又live左 樓主加速

樓主呢

作者所講既鋪仔係唔係事發地點附近既鋪頭

鋪仔=士多
圍頭話來的

幾正

追左幾日終於睇哂，好刺激

live 左

正

成個post最恐怖就係樓主唔見左

我好驚 而家晏晝睇都好撚寒
細膽咗好多
都唔敢正面經過殯儀館

以前係好大膽
希望貼哂之後個人唔再陰陰地

你有冇諗過阿叔自從 13 年無出post 係去咗邊？

我屌你咩

追左幾晚終於live了
好好睇

成個post最恐怖就係樓主唔見左

我好驚 而家晏晝睇都好撚寒
細膽咗好多
都唔敢正面經過殯儀館

以前係好大膽
希望貼哂之後個人唔再陰陰地

你有冇諗過阿叔自從 13 年無出post 係去咗邊？

我屌你咩

係因為佢覺得再寫落去自己無料寫，連自己都唔信

lm

留名