[轉貼/鬼故/一齊驚] 40年圍村佬真人真事

完全信樓主所言
我自己都係圍頭仔

有幾個係真

睇左咁多個我都想分享一個

之前去飲野識左個男仔，佢同我地講的
話說佢有次同女朋友有日係尖沙咀飲完野，之後就坐通宵小巴返天水圍，如果搭過呢架小巴都知，晚晚都有好多人等車同埋好耐先有一架車，於是佢地排左半個鐘隊終於上到車，咁岩係司機位後二排都空左，於是佢地就坐左係司機後邊果排，點知架車就關門開車，佢女朋友都好奇點解仲有兩個空位都照開車，不過飲左酒又夜佢地都無理咁多就訓陣，一起身已經到屯門市中心，再經過屯門某幾個邨再去天水圍，後來去到天水圍佢地差唔多到要落既地方個男仔都醒左

男仔：司機前面巴士站有落
司機：（舉手），後邊兩位姐姐仔邊到落架？（可能因為如果唔係呢幾個位
落車就會行第二條路去總站）
女朋友：即刻喊左出黎，後邊無人呀司機

於是個司機無出聲一路去到果個巴士站就停左車仲落埋車打電話，於是佢女朋友喊左成晚

我夜更住屯元天坐咗三年呢架小巴……

呢樣野 我有朋友係下白泥 夜晚8點左右撘小巴都試過發生 仲要係廿幾人一齊見證

搭小巴廿幾人

完全信樓主所言
我自己都係圍頭仔

有幾個係真

同問

呢個阿叔D政治觀真係........ 好五毛

Lm

自己都係住圍村
好有感覺D故事

書簽

留名

69. 丁屋

話說2004年左近, 小弟公司接咗個丁屋工程, 地點喺西貢清水灣附近, 村名就不便公開, 當時個男戶主仲細過我, 去到起屋嗰度, 問佢攞地政處文件及圖, 佢話仲未有, 我地就話唔會違例建築, 除非你有証明文件. 就拉大隊走嘞, 點知未到村口, 老闆電話到, 就話比個男人鬧到狗血淋頭.. 原來個男人打去投訴..我話佢乜文件都無, 開工會犯法㗎. 如果地政處過來charge我地會好麻煩. 但最後老闆收咗錢都要照做. 咁就同判頭交帶一下, 間中返去睇進度, 預期三個月左右交貨.

過咗差唔多一星期, 地基平整差唔多做完, 小弟就返去望進度, 順便同判頭傾吓有無咩特別嘢啦, 判頭話都無乜野, 幾順利, 不過就有個公公成日嚟地盤睇. 都唔係好特別, 可能係戶主d屋企人啩. 過多一個星期, 某日判頭又打電話嚟, 叫我去地盤, 我問佢咩嘢啦, 佢就話你快d趕嚟啦. 去到地盤, 真係大吉利是, 原來有個金塔埋喺度. 中國人最忌郁人山墳. 咁嘅情形, 唯有叫戶主過嚟處理啦, 我叫判頭先停工, 等處理完再開工.

過咗唔夠兩日, 男戶主打嚟, 話攪掂哂, 叫安排復工, 我心諗, 咁快攪掂.? 但都係唔好理咁多, 早D開工, 早D收錢.. 就叫判頭返去復工. 點知班工人唔係發燒肚痛, 就比嘢扑親頭, 一係就比嘢整親. 攪到我成日去勞工處解話. 老闆就鬧到我狗血淋頭, 單工程真係黑過墨斗, 為怕再出甚麼意外, 小弟決定去地盤跟緊D.

頭幾日, 見班工人都無事無幹, 可能係巧合啩, 但就留意到, 每日差不多同一時間, 有對公公婆婆每到傍晚就出現喺地盤. 我問班工人, 嗰兩個公公婆婆係唔係日日都嚟㗎, 佢地話係呀, 由開工第一日到依家, 每日都係同一時段出現.. 聽完我就無再理落去, 可能嗰兩個係村內嘅老人家, 得閒過嚟望吓.

有晚訓覺, 朦朧中, 應該係夢入面, 我入咗一間用磚砌的嘅舊屋, 裡面就見到嗰兩個公公婆婆喺度食飯, 仲問我一唔一齊食, 跟住我就責醒咗.. 點解會喺夢見到佢地呢. 咁奇怪?

到第二朝去地盤時, 喺村口士多問吓人, 嗰撻地之前係乜嘢啦, 開頭個士多老闆都唔想講, 但係其他人就無佢咁口密, 原來嗰撻地之前係放金塔, 因為村內無地起丁屋, 所以就將d金塔搬去第二處. 唉, 聽完就明白晒點解咁唔順利啦, 返到地盤, 我就認真望下撻地, 班工人問我搵乜, 我就話可能仲有金塔喺到, 班工人都跟我三四年, 所以都見怪不怪. 

我喺地盤行咗幾轉, 都無頭緒, 就諗吓發夢嗰陣, 兩個老人家食飯嘅位置,  叫班工人幫手挖吓, 點知一挖就中, 仲打孖兩個金塔. 之後當然又係叫返戶主嚟處理.


後話: 近排有事, 又去返嗰條村, 見到間屋出售, 就到士多八吓, 聽到話嗰家人一搬入去, 個男戶主不久就喺村口附近交通意外死咗, 個老婆就無啦啦有精神病, 依家喺葵涌醫院長住, 仲話間屋夜晚經過會有怪聲.. 我喺到諗, 要做我地都做晒啦, 唔通又有d特別理由?

68. 帶喜

話說我地條村有個拜神婆, 之前都有講過, 喺我細個嗰陣, 成日都有市區人入去搵佢問米, 因我都無見過問米, 所以一直以為係同電視劇一樣, 尤其係品姨做問米婆真係深入民心. 點解會無啦啦講帶喜呢, 因為之前講做紙紮嗰位陳伯, 佢就係講咗呢個關於帶喜嘅故仔比我聽. 

聽陳伯講, 舊時代中國人好鬼迷信, 過年過節, 紅白二事, 一年到晚做香燭紙紮 
都唔休做. 咁喺佢後生年代, 應該都幾耐. 嗰時醫學無現代昌明, d人有60歲係大事, 不論男女都要慶祝一番.

有次, 佢喺舖頭趕工紮公仔, 突然喺門口有個女人問佢做唔做帶喜, 當時陳伯都唔知咩叫帶喜, 就走去問師父, 話出面有個女人問做唔做帶喜, 跟住佢師父就走出嚟應酬個女人, 見佢寫低日期時間地點, 就同個女人講叫佢放心, 叫佢返去.

陳伯就問佢師父咩叫帶喜啦, 師父話係一個廣東習俗, 類似問米同照水碗, 係叫先人上來陽間一種儀式, 多數出現喺做大壽時做. 呢個儀式多數由女人做, 未見過由男人做, 可能女人屬陰, 男人屬陽. 陳伯繼續問落去, 咁男人唔做得, 你又接來做, 師父就話佢傻仔, 我唔識做啫, 唔代表我唔識人做嘛., 

咁過咗一排, 有日佢師父話帶佢出去見識咩叫帶喜, 佢就跟師父去灰沙圍附近, 見好多人已經喺到食緊盆菜, 佢兩師徒就坐埋去食, 當賓客飲飽食醉走晒, 就見到一個女人出現, 經師父介紹個女人就叫媚姨. 嗰時媚姨年紀同師父差唔多. 寒暄幾句後就入正題, 話帶個徒弟嚟見識咩叫帶喜, 

媚姨佢話只準睇, 唔可以出聲. 跟住佢就走去主人家嗰度, 叫主人家叫其他人出去, 唯獨只有陳伯, 媚姨同主人家喺間屋內, 跟住媚姨叫主人家比佢生辰八字佢, 見媚姨口中唸唸有詞, 但d話陳伯從來未聽過, 又唔係圍頭話, 又唔似客家話..
跟住媚姨把聲由一把女人聲轉為一把好重音男人聲. 見佢一輪咀同主人家講D野, 因陳伯佢當時企得遠, 所以好多都聽唔到講乜, 只聽到有句係話叫佢買多d田, 日後子孫就會過得好好.. 當同主人家講完, 就到佢個仔, 然後就孫, 但係全部無女人份.. 

我聽完之後, 就好好奇問陳伯, 如果媚姨死咗, 咁咪無人做, 陳伯就話我傻仔, 當然由佢徒弟繼承啦, 咁我又問陳伯, 依家仲有無人會做帶喜呢個習俗, 佢話已經好少人做啦, 佢退休前都仲有一兩單, 依家就一單都無, 現代人都唔興做啦. 咁問佢如果要做, 我可以搵邊個, 因我老豆都差不多要做大壽. 陳伯笑住同我講, 搵佢老婆就得. 原來陳伯個老婆就係媚姨個徒弟..


後話:這個習俗講真, 我都係第一次聽, 咁我就返去村內問下D老人家聽過未, 點知個個都聽過仲做過. 佢地問我喺邊度知道, 我就話有個伯伯講比我聽, 點知一講就問係唔係舊墟個陳伯. 原來全部都識佢㗎. 

另外因為我從來未見過, 如果各位師兄知道, 請指點是不是真偽, 不無論真的假. 過多一排都會失傳. 或者等我老豆擺大壽就便知 (都要問過佢老人家先得)

帶喜的意思, 就係從陰間叫先人上來, 
然後指點後人日後怎樣做. 

但帶喜只可以叫你的直系親人, 如爸爸..
其他就不可以..

70. 鎮魂石

如果各位師兄行過新界郊區, 有留意的話應該都會見到有d馬路有個石碑, 碑上寫上"喃嘸阿彌佗佛", 呢啲碑多數係有人死於意外先樹立, 我地就叫鎮魂石, 其一作用當然係鎮魂, 其二就俾司機留意係交通黑點.

話說我地元朗以前交通唔方便, 主要出入得幾條路, 夜晚好少街燈, 過馬路設施又無咁好, 常常都有交通意外, 尤其夜晚. 因為真係黑鬼麻麻, 好多司機都睇唔清楚路面而撞死人. 有D司機有良心就報警, 無嗰D就不顧而去. 或者根本都唔知撞到人.

話說都30年前, 興伯喺我地條村耕田種菜, 每朝都好勤力送菜去菜站, 因我地條村無菜站, 所以要推一段路先到, (最近嗰個菜站喺石湖塘), 但係呢次一去無回頭, 因為途中佢老人家比車撞死, 架車撞到人就不顧而去. 到現在都搵唔到兇手. 

講返30年前, 嗰時d人好早就訓, 元朗郊區9點後就好似死城咁. 以前睇午夜場係21:00, 子夜場係23:00, 你地想像吓咩環境. 有次隔離世伯同我老豆講, 喺錦上路附近見到興伯推住架菜車. 我老豆就話, 會唔會眼花? 世伯話開頭都以為睇錯, 但係見到佢架木頭車就話一定係佢, (我世伯養豬, 所以凌晨會出豬)

我老豆嗰時都以為佢吹水就無理, 但係村內好多人都話喺夜晚見到, 咁就唔係吹水. 所以村長決定做返場法事超渡吓. 但過咗唔係好耐, 連附近菜農都話喺夜晚見到興伯推住架木頭車. 咁就好大件事.

最後聽老豆講, 村長搵咗幫我地條村睇風水嗰位師父問佢點樣做, 師父就教村長喺興伯出事位置放舊鎮魂石, 當然仲有唔少儀式. 但聽老豆講都唔係咁順利, 因為出事位置係人地村口, 所以反對聲音一定有, 但最後大家為求安心, 都比塊碑豎立喺度.

聽老豆講, 有些事, 真係唔講你唔信, 豎立咗塊鎮魂石之後, 真係無聽過話見到興伯出現. 其後日子進步, 元朗郊區開始裝路燈, 夜晚車死人亦逐漸少咗. 

後話: 到我大個D, 就聽到點解好多人喺新界撞到人之後不顧而去, 因為有次有個司機撞到人後, 落車睇吓個傷者, 就無啦啦比人喺後腦打咗棍, 最後個傷者無事, 但個司機就就咁比人打死咗. 所以嗰個年代好多司機撞到人或者動物都唔敢停車. 怕連命都無埋. 不過隨著時代進步, 都無再聽過.

71. 碟仙

有次去隔離村, 同個朋友食飯, 無無聊聊, 就搵個世伯吹水, 問下佢老人家有無鬼故, 佢就講咗個關於碟仙嘅故仔比我聽

我諗現在都無乜人仲玩碟仙, 但喺我後生年代, 應該小學年代, 玩碟仙, 筆仙, 銀仙好流行, 上至大人, 下至細路都玩. 

可能當時社會無咁富庶, 好多人都會問前程, 問幾時中六合彩, 六合彩開咩號碼. 不過玩呢d都有禁忌, 如不能問碟仙咩名? 點樣死等? 因為易請難走. 想當年小弟都同幾個兄弟喺屋企玩過, 真係越玩越驚, 記得個玩法係, 三個人用右手中指放喺碟上面, 然後誠心向碟仙問卜.

事發經過係有三個女仔玩碟仙, 我諗都係問邊個係白馬王子, 邊個鍾意邊個等, 但係好似犯咗禁忌, 問咗碟仙點死同貴姓, 其中一個女仔就比碟仙附體.  聽說日頭就正正常常, 一到夜晚就變成另一個人. 四處亂叫亂跳, 更加恐怖係到夜晚會失蹤, 無人知佢去咗邊, 成條村所有人都去搵佢,  搵到就係喺個山墳上面訓覺..墳主係一個後生男子.  嗰時女仔父母嚇都嚇死啦, 呢個狀態維持咗好耐, 又做法事, 又軀鬼, 都好似唔係好得. 當時個師父就教不如找墳主親友去解決. 係無辦法之中嘅辦法. 但個山墳都日子久遠, 邊可能找得到佢d親友. 根據個墳主姓氏, 可能係錦田附近某條村人氏. (以前好少外姓人入圍村住, 所以多數都係同姓族裔)

喺舊社會, 每個都守望相助, 差不多動員成條村幫手去搵, 好好彩真係搵得到. 其中過程唔係好記得. 後遺症就係個女仔之後都成日瘋瘋癲癲, 可能永遠無法回復正常. 而另外同佢一齊玩嘅兩個女仔就好少少, 只係病咗成半年. 

後話: 近排我都無乜點聽過有人玩碟仙, 筆仙, 可能已經失傳咗, 另外可能我人大咗, 對這些玩意再無興趣. 不過希望各位師兄切勿玩一些牽涉靈界嘅玩意.

由 里美 巴打提供

睇完d分享都覺得香港其實都幾猛

分享下個人經歷，唔知算唔算

仲記得中二定中三個陣，好鐘意襯屋企人訓哂就起身玩電腦。

咁個晚就好似2點左右起身，照常打機啦

咁大概3點幾左右，聽到出面廁所有人開水喉（間房就係廁所對面，廁所有小小聲都會聽到）

咁我諗可能阿妹去完廁所無熄水喉，但係諗落有人出黎去廁所應該好應聲，我無理由會唔知。

咁算啦照出去睇睇，開燈睇又無野，個洗手盤個乾既，個陣都不以為然，照返去打機

隔左陣，又聽到水喉聲，今次開始識驚啦，心諗唔通奶野
膽粗粗開哂成間d燈 衝去廁所睇，個洗手盤又係乾既

咁個下我知奶野喇，夜媽媽唔通叫醒老豆老母起身 話有污糟野咩

突然靈光一閃，醒起個陣老死同我講（佢應該都天生有陰陽眼，有次行夜山，佢拎住大燈行緊前面開路，無啦啦黎隊尾話一齊行，咁我問佢做咩，佢話有咩聽日講。原來個晚佢行行下見到有個阿婆拖住個細路女，同埋個細路女拖住隻狗。佢話我陽氣重 同我行就無咁易見到。）

入番正題，咁佢叫我如果真係覺得好似奶野，就即刻打開到道門同窗，有咁大開咁大，再開哂d燈，然後講：唔好意思 打擾哂 不過我好唔舒服，麻煩你離開。仲要記得唔好應承任何野，例如話 如果你走，我就比d咩你。一講左 ，你無比 ，就後果自負。

我最後開左d門窗15分鐘到，突然一下涼風，個心就靜左落黎 之後就一覺訓天光，起身發現成身汗。返到學校即刻同老死講番。佢話好在你記得我教你d野，我專登同你講係有原因 我心諗 你唔早講我屌你

太長既話，唔好意思

巴打你個名 好驚
以前睇恐怖短故有陰影
好似係1個主角嘅名

我改個我鐘意既av女優名咋 唔好嚇我

72. 被困的小孩

昨天假期, 同一大班舊同學返深圳按摩食飯, 其中我個高人朋友都去, 喺按摩休息其間, 來來去去話題都係關於靈界. 我就唔係好想講, 怕比人以為我地危言聳聽, 更加以為我地吹水唔抹咀. 不過高人朋友同我地講咗個故仔, 聽落去令我有反思.

話說高人朋友佢係做冷氣安裝及維修生意, 有次接咗單生意, 喺南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 提供最好方案.

咁要去睇位, 去到間屋嗰陣, 個感覺好怪, 喺路口就見放咗對開咗光嘅石獅子, 鐵閘附近就擺咗個好奇怪風水陣, 心諗唔通呢度有嘢?

入到屋內, 戶主係一對外藉人仕, 聽佢地講, 剛剛從代理買入呢間獨立屋, 所有裝修都好新, 唔使翻新就住得, 不過冷氣系統就舊咗啲, 想重新安裝(外國人就係有環保意識, 認為用得就唔會掉, 唔學而家香港人, 乜都要新, 要豪) 報完價及講明細節後, 過兩三星期就開工, 預算六日左右完工. 對外藉人仕就臨時搬去酒店住. 

但係有個問題喺佢心中, 點解上手業主放一個咁既風水陣喺度, 睇又唔係催財嗰隻, 尤其對石獅子, 方向都有問題, 唔係對出面而係對入屋? 呢兩個問題喺佢心中一陣, 但好快就唔再理啦, 世間事, 千奇百怪, 理得幾多呀.

到真正開工, 喺天台準備更換冷氣系統嗰陣, 奇怪事就發生, 事源佢喺天台準備拆部舊機落地下, 當時天氣唔係好好, 高人朋友喺天台望落鐵閘個位置, 見到有一個6~7歲細路仔想出去. 但係細路仔去到鐵閘時就停低, 兩隻石獅子就好似狗咁喺咁叫. 咁嘅情形, 高人朋友就知道嗰個陣係用來困住個細路, 但係點解要咁做呢? 唔通一間屋內有鬼會令人發達? 又或者係其他原因要困住佢?

當日收工, 佢行出去, 就見到個細路仔跟住, 但係一過鐵閘, 個細路又停咗喺度, 佢擰返轉頭望吓佢, 見個細路係咁喊. 當時佢真係想問吓個細路點解喊, 但係好多工人喺度唔多方便, 因為正常人見到你對住空氣講嘢, 唔嚇死都話你神經病.

第二日再開工, 佢成日都心不在焉, 喺度諗住尋日嘅事, 不過自己係老闆, 返工發夢無所謂啦. 到收工, 佢就叫班工人走先, 等多半個鐘天都黑晒佢先走, 當佢走出去嗰陣, 個小孩又跟住佢, 佢就問個細路仔: 你做咩唔出去? 個細路就指住個鐵閘及石獅子, 然後又停喺個鐵閘度係咁喊…佢就唔理就走, 因為有師父擺啲咁嘅陣, 當然係有佢理由, 都係唔好咁多事理人啲嘢啦

當佢走到出路口, 準備拎車走嗰陣, 喺路口見到一男一女企喺度, 唔使講當然唔係人啦, 嗰對男女用好誠懇眼神望住佢, 想佢幫吓個細路. 但佢心諗無謂去惹事, 就開車返去. 到夜晚返到去食飯嗰陣, 佢望住自己老婆同個女, 心諗, 嗰對男女會唔會係個細路嘅父母? 喺人間都有親情, 何況係鬼.. 

嗰晚佢同老婆講返佢見到嘅情況, 佢老婆就話幫吓佢地, 等佢地一家團聚, 可以轉世投胎.. 但係有樣嘢佢真係好唔明白, 點解要困住個細路喺間屋度呢? 因為一唔小心, 萬一放錯咗隻惡鬼出去, 擔心有後遺症.

如事者, 差唔多每日收工都見到一樣情形, 去到工程完前一晚, 佢走去度鐵閘嗰度, 用塊紅布將個陣遮住, 塊紅布當然唔係普通布啦. 然後個細路仔就可以過到度閘, 到差不多到石獅子又照辦煮碗. 等個細路仔可以經過. 到出到路口, 見個細路仔跑去嗰對男女度. 佢見到對男女攬住個細路仔係咁喊. 到佢行埋去嗰陣, 佢地三個向佢躹躬完就消失咗. 我地聽完, 就問跟住點啦, 佢就用一個笑容來回答我地. 


後話: 我聽完佢講, 比著我都會咁做, 但我有個疑問, 係唔係所有鬼魂都一定係有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 但既然遇到, 必有因果. 或者無你地想像中咁可怕呢.

完全信樓主所言
我自己都係圍頭仔

唔係我 我係轉貼
係佢: http://m.discuss.com.hk/index.php?action=thread&tid=12951987


雖然阿叔有時好長氣
有啲故又有頭無尾
佢有啲價值觀我亦唔認同
但打咁多篇真係唔容易
由心度R.E.S.P.E.C.T佢

由 里美 巴打提供

睇完d分享都覺得香港其實都幾猛

分享下個人經歷，唔知算唔算

仲記得中二定中三個陣，好鐘意襯屋企人訓哂就起身玩電腦。

咁個晚就好似2點左右起身，照常打機啦

咁大概3點幾左右，聽到出面廁所有人開水喉（間房就係廁所對面，廁所有小小聲都會聽到）

咁我諗可能阿妹去完廁所無熄水喉，但係諗落有人出黎去廁所應該好應聲，我無理由會唔知。

咁算啦照出去睇睇，開燈睇又無野，個洗手盤個乾既，個陣都不以為然，照返去打機

隔左陣，又聽到水喉聲，今次開始識驚啦，心諗唔通奶野
膽粗粗開哂成間d燈 衝去廁所睇，個洗手盤又係乾既

咁個下我知奶野喇，夜媽媽唔通叫醒老豆老母起身 話有污糟野咩

突然靈光一閃，醒起個陣老死同我講（佢應該都天生有陰陽眼，有次行夜山，佢拎住大燈行緊前面開路，無啦啦黎隊尾話一齊行，咁我問佢做咩，佢話有咩聽日講。原來個晚佢行行下見到有個阿婆拖住個細路女，同埋個細路女拖住隻狗。佢話我陽氣重 同我行就無咁易見到。）

入番正題，咁佢叫我如果真係覺得好似奶野，就即刻打開到道門同窗，有咁大開咁大，再開哂d燈，然後講：唔好意思 打擾哂 不過我好唔舒服，麻煩你離開。仲要記得唔好應承任何野，例如話 如果你走，我就比d咩你。一講左 ，你無比 ，就後果自負。

我最後開左d門窗15分鐘到，突然一下涼風，個心就靜左落黎 之後就一覺訓天光，起身發現成身汗。返到學校即刻同老死講番。佢話好在你記得我教你d野，我專登同你講係有原因 我心諗 你唔早講我屌你

太長既話，唔好意思

巴打你個名 好驚
以前睇恐怖短故有陰影
好似係1個主角嘅名

我改個我鐘意既av女優名咋 唔好嚇我

即刻唔驚啦
係人地啲翻譯短故 唔係真
唔撚使驚啦

留名

睇左兩日終於live左

73. 老鼠州

如果喺屯門元朗大嘅師兄, 一定聽過老鼠州, 我就講一個經歷比各位分享吓, 講返時間係70年代尾, 屯門係剛剛開始發展嘅新市鎮, 好多土地都係填海出嚟, 屯門市廣場到安定村都係填出嚟.

話說小弟老媽嗰邊有人係漁民出身, 所以每年都會去青山灣青山畫舫飲, 記得嗰時, 三聖村都係入伙無耐. 講返去畫舫一定要坐駁船, 就好似而家珍寶海鮮舫一樣. 老鼠州就正正係青山灣出面一個小島.

記得嗰年9歲左右, 老媽又帶我去飲, 去飲係我每年最祈望, 因為可以坐船及喺船上玩 (細個邊有機會坐呀). 小朋友去飲就玩多過食啦. 記得隻畫舫只有兩層高, 做飲宴多數用低層, 上層就會空喺度, 我地小朋友就最鍾意喺樓上玩.

嗰次去飲特別難忘, 因為一上到上層, 已經見有好多小朋友喺上面玩緊, 但係一個我都唔識, 因為每年都係同d表哥表姐喺上面玩. 咁唔識嘅我就落返去啦. 老媽問我點解唔上去, 我就話上面一個都唔識. 表哥表姐又未到. 到夜少少, 班表哥表姐都到晒, 咁我地就衝上去玩啦. 但係之前班小朋友已經唔喺度. 我就同表哥表姐講, 頭先你地未到, 上面已經好多人喺度玩緊, 但係唔知點解而家無晒人, 我其中一個表姐就話落去睇下. 到佢返上嚟就話, 小朋友只係得我地呢班. 根本無其他人喺度.

班表哥表姐話我講大話, 但係明明我眼見係有嘛, 做細路明明講真都比人話講大話, 我當然喊住叫呀媽啦. 落到去, 我媽問我咩事, 我就原原本本講比佢聽, 佢聽完就話: 你唔好再上去嘞, 喺度邊度都唔好去.

到差不多開席, 班表哥表姐落返嚟, 就同我講, 頭先玩玩下, 唔知點解多咗一班人出嚟又喺到玩, 佢地就問嗰班人, 但係嗰班小朋友只繼續玩無理佢地. 我同老媽講, 表哥佢地都見到呀. 跟住成圍檯嘅人都靜晒無出聲. 嗰時細個, 都唔知佢地點解.

到走,坐駁船, 喺駁船上見到嗰班小朋友繼續喺樓上度玩, 我就同老媽講: 嗰班小朋友仲喺度, 你見唔見到呀, 當然隻駁船上d人個個鴉雀無聲.我老媽就話: 你唔好講野嘞收聲. 當時我唔知點解, 返到村口, 就被老媽捉住拜土地公. 到我大少少, 我老媽就同我講: 話原來嗰日我係見到鬼, 佢話青山灣嗰度d漁民, 喺年幼體弱, 意外浸死, 無錢安葬, 好多時就會隨便葬喺老鼠州. 所以青山灣夜晚都成日鬧鬼.

後話: 隨住屯門發展, 而家老鼠州附近海域都已經填晒, 而家變咗個兒童公園, 位置就係兆麟苑一部份. 如果屯門師兄一定知喺邊, 但係個山仔實在太多人骨, 所以政府無將個山仔剷平. 驚會嚇怕住嗰邊嘅人..

72. 被困的小孩

昨天假期, 同一大班舊同學返深圳按摩食飯, 其中我個高人朋友都去, 喺按摩休息其間, 來來去去話題都係關於靈界. 我就唔係好想講, 怕比人以為我地危言聳聽, 更加以為我地吹水唔抹咀. 不過高人朋友同我地講咗個故仔, 聽落去令我有反思.

話說高人朋友佢係做冷氣安裝及維修生意, 有次接咗單生意, 喺南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 提供最好方案.

咁要去睇位, 去到間屋嗰陣, 個感覺好怪, 喺路口就見放咗對開咗光嘅石獅子, 鐵閘附近就擺咗個好奇怪風水陣, 心諗唔通呢度有嘢?

入到屋內, 戶主係一對外藉人仕, 聽佢地講, 剛剛從代理買入呢間獨立屋, 所有裝修都好新, 唔使翻新就住得, 不過冷氣系統就舊咗啲, 想重新安裝(外國人就係有環保意識, 認為用得就唔會掉, 唔學而家香港人, 乜都要新, 要豪) 報完價及講明細節後, 過兩三星期就開工, 預算六日左右完工. 對外藉人仕就臨時搬去酒店住. 

但係有個問題喺佢心中, 點解上手業主放一個咁既風水陣喺度, 睇又唔係催財嗰隻, 尤其對石獅子, 方向都有問題, 唔係對出面而係對入屋? 呢兩個問題喺佢心中一陣, 但好快就唔再理啦, 世間事, 千奇百怪, 理得幾多呀.

到真正開工, 喺天台準備更換冷氣系統嗰陣, 奇怪事就發生, 事源佢喺天台準備拆部舊機落地下, 當時天氣唔係好好, 高人朋友喺天台望落鐵閘個位置, 見到有一個6~7歲細路仔想出去. 但係細路仔去到鐵閘時就停低, 兩隻石獅子就好似狗咁喺咁叫. 咁嘅情形, 高人朋友就知道嗰個陣係用來困住個細路, 但係點解要咁做呢? 唔通一間屋內有鬼會令人發達? 又或者係其他原因要困住佢?

當日收工, 佢行出去, 就見到個細路仔跟住, 但係一過鐵閘, 個細路又停咗喺度, 佢擰返轉頭望吓佢, 見個細路係咁喊. 當時佢真係想問吓個細路點解喊, 但係好多工人喺度唔多方便, 因為正常人見到你對住空氣講嘢, 唔嚇死都話你神經病.

第二日再開工, 佢成日都心不在焉, 喺度諗住尋日嘅事, 不過自己係老闆, 返工發夢無所謂啦. 到收工, 佢就叫班工人走先, 等多半個鐘天都黑晒佢先走, 當佢走出去嗰陣, 個小孩又跟住佢, 佢就問個細路仔: 你做咩唔出去? 個細路就指住個鐵閘及石獅子, 然後又停喺個鐵閘度係咁喊…佢就唔理就走, 因為有師父擺啲咁嘅陣, 當然係有佢理由, 都係唔好咁多事理人啲嘢啦

當佢走到出路口, 準備拎車走嗰陣, 喺路口見到一男一女企喺度, 唔使講當然唔係人啦, 嗰對男女用好誠懇眼神望住佢, 想佢幫吓個細路. 但佢心諗無謂去惹事, 就開車返去. 到夜晚返到去食飯嗰陣, 佢望住自己老婆同個女, 心諗, 嗰對男女會唔會係個細路嘅父母? 喺人間都有親情, 何況係鬼.. 

嗰晚佢同老婆講返佢見到嘅情況, 佢老婆就話幫吓佢地, 等佢地一家團聚, 可以轉世投胎.. 但係有樣嘢佢真係好唔明白, 點解要困住個細路喺間屋度呢? 因為一唔小心, 萬一放錯咗隻惡鬼出去, 擔心有後遺症.

如事者, 差唔多每日收工都見到一樣情形, 去到工程完前一晚, 佢走去度鐵閘嗰度, 用塊紅布將個陣遮住, 塊紅布當然唔係普通布啦. 然後個細路仔就可以過到度閘, 到差不多到石獅子又照辦煮碗. 等個細路仔可以經過. 到出到路口, 見個細路仔跑去嗰對男女度. 佢見到對男女攬住個細路仔係咁喊. 到佢行埋去嗰陣, 佢地三個向佢躹躬完就消失咗. 我地聽完, 就問跟住點啦, 佢就用一個笑容來回答我地. 


後話: 我聽完佢講, 比著我都會咁做, 但我有個疑問, 係唔係所有鬼魂都一定係有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 但既然遇到, 必有因果. 或者無你地想像中咁可怕呢.

究竟點解要困住個細路

72. 被困的小孩

昨天假期, 同一大班舊同學返深圳按摩食飯, 其中我個高人朋友都去, 喺按摩休息其間, 來來去去話題都係關於靈界. 我就唔係好想講, 怕比人以為我地危言聳聽, 更加以為我地吹水唔抹咀. 不過高人朋友同我地講咗個故仔, 聽落去令我有反思.

話說高人朋友佢係做冷氣安裝及維修生意, 有次接咗單生意, 喺南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 提供最好方案.

咁要去睇位, 去到間屋嗰陣, 個感覺好怪, 喺路口就見放咗對開咗光嘅石獅子, 鐵閘附近就擺咗個好奇怪風水陣, 心諗唔通呢度有嘢?

入到屋內, 戶主係一對外藉人仕, 聽佢地講, 剛剛從代理買入呢間獨立屋, 所有裝修都好新, 唔使翻新就住得, 不過冷氣系統就舊咗啲, 想重新安裝(外國人就係有環保意識, 認為用得就唔會掉, 唔學而家香港人, 乜都要新, 要豪) 報完價及講明細節後, 過兩三星期就開工, 預算六日左右完工. 對外藉人仕就臨時搬去酒店住. 

但係有個問題喺佢心中, 點解上手業主放一個咁既風水陣喺度, 睇又唔係催財嗰隻, 尤其對石獅子, 方向都有問題, 唔係對出面而係對入屋? 呢兩個問題喺佢心中一陣, 但好快就唔再理啦, 世間事, 千奇百怪, 理得幾多呀.

到真正開工, 喺天台準備更換冷氣系統嗰陣, 奇怪事就發生, 事源佢喺天台準備拆部舊機落地下, 當時天氣唔係好好, 高人朋友喺天台望落鐵閘個位置, 見到有一個6~7歲細路仔想出去. 但係細路仔去到鐵閘時就停低, 兩隻石獅子就好似狗咁喺咁叫. 咁嘅情形, 高人朋友就知道嗰個陣係用來困住個細路, 但係點解要咁做呢? 唔通一間屋內有鬼會令人發達? 又或者係其他原因要困住佢?

當日收工, 佢行出去, 就見到個細路仔跟住, 但係一過鐵閘, 個細路又停咗喺度, 佢擰返轉頭望吓佢, 見個細路係咁喊. 當時佢真係想問吓個細路點解喊, 但係好多工人喺度唔多方便, 因為正常人見到你對住空氣講嘢, 唔嚇死都話你神經病.

第二日再開工, 佢成日都心不在焉, 喺度諗住尋日嘅事, 不過自己係老闆, 返工發夢無所謂啦. 到收工, 佢就叫班工人走先, 等多半個鐘天都黑晒佢先走, 當佢走出去嗰陣, 個小孩又跟住佢, 佢就問個細路仔: 你做咩唔出去? 個細路就指住個鐵閘及石獅子, 然後又停喺個鐵閘度係咁喊…佢就唔理就走, 因為有師父擺啲咁嘅陣, 當然係有佢理由, 都係唔好咁多事理人啲嘢啦

當佢走到出路口, 準備拎車走嗰陣, 喺路口見到一男一女企喺度, 唔使講當然唔係人啦, 嗰對男女用好誠懇眼神望住佢, 想佢幫吓個細路. 但佢心諗無謂去惹事, 就開車返去. 到夜晚返到去食飯嗰陣, 佢望住自己老婆同個女, 心諗, 嗰對男女會唔會係個細路嘅父母? 喺人間都有親情, 何況係鬼.. 

嗰晚佢同老婆講返佢見到嘅情況, 佢老婆就話幫吓佢地, 等佢地一家團聚, 可以轉世投胎.. 但係有樣嘢佢真係好唔明白, 點解要困住個細路喺間屋度呢? 因為一唔小心, 萬一放錯咗隻惡鬼出去, 擔心有後遺症.

如事者, 差唔多每日收工都見到一樣情形, 去到工程完前一晚, 佢走去度鐵閘嗰度, 用塊紅布將個陣遮住, 塊紅布當然唔係普通布啦. 然後個細路仔就可以過到度閘, 到差不多到石獅子又照辦煮碗. 等個細路仔可以經過. 到出到路口, 見個細路仔跑去嗰對男女度. 佢見到對男女攬住個細路仔係咁喊. 到佢行埋去嗰陣, 佢地三個向佢躹躬完就消失咗. 我地聽完, 就問跟住點啦, 佢就用一個笑容來回答我地. 


後話: 我聽完佢講, 比著我都會咁做, 但我有個疑問, 係唔係所有鬼魂都一定係有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 但既然遇到, 必有因果. 或者無你地想像中咁可怕呢.

究竟點解要困住個細路

我都想知 不過寧可信其有 不可信其無 細個都會聽人講 如果你好心幫d鬼了左d心願 佢地會報答返你

利申:9up

google老鼠洲
有d人話d細路係果個公園度玩又會見到班鬼細路

74. 人間蒸發

近期睇報紙, 見報導話好多年前有幾個人無啦啦人間蒸發, 最留意有一個女製片喺城門水塘搵景嗰陣唔見咗及有個行山人士喺西貢失蹤, 出動大批警力都搵唔到. 最後連問米都出埋都係搵唔到. 令我聯想到以前喺我條村, 有位長輩講過嘅一個故仔. 呢個長輩而家已經不在人世, 係我好細個嗰陣聽嘅故仔, 長輩嗰陣佢都成80幾歲.

記得佢講過, 話喺山頭荒野往往存在住一種靈體, 個名叫山魅, 喜歡陰暗潮濕及喺長期無陽光照到嘅地方出沒, 佢地出沒地方係靈界同人間界接口附近. 如果萬一喺荒山野嶺聽到有人叫你, 切記唔好擰轉頭, 如果唔係就會比山魅帶走.

講返嗰位長輩, 喺好多年前..我諗時間係20~30年代吧, 佢嗰時成日都要去荃灣趕墟期, 嗰陣邊有巴士、交通工具, 所以一定係行路出去荃灣. 如果有行山師兄都知道有條路叫元荃古道, 呢條路以前就係元朗出荃灣主要要道. 

墟期往往清晨開始, 到8, 9點就完, 而且由元朗出荃灣最快都2, 3個小時, 所以差不多去墟期要零晨3點左右就出發.

有次仲夏時間, 佢同同村一位兄弟出墟, 兩個人由錦田出發去荃灣, 走到去田扶仔附近就坐低休息一下, 佢位兄弟去搵水飲. 但等咗好耐都唔見佢返轉頭, 所以就去睇下佢有咩事發生 (條路佢地成日都行, 邊到有水源一清二楚), 當去到攞水地方只見到個水壺, 人就唔見, 佢就大叫佢朋友個名, 睇下佢位置喺邊, 但叫極都無回音. 心諗係唔係遇到山賊呢. 但睇環境又唔似, 嗰時佢六神無主, 突然就聽到有把聲叫佢, 而嗰把聲係一聽就令人毛骨悚然. 佢心諗會唔會係山魅出現呢. 聽得多但未見過係咩樣. 佢跑返頭先休息嗰度. 但係把聲一路無停咁喺耳邊聽到. 聽佢講當時嚇到一路跑, 一路叫救命, 到跑咗一陣, 見到前面有幾位都係出荃灣人士先停低. 而個把聲就跟住停咗. 

當時另外幾位人士問佢發生咩事, 佢一五一十講返頭先遇到發生嘅事, 可能太驚, 當定過神時, 先發覺佢同村兄弟喺個班人其中, 開頭以為係比山賊挾持, 但細心留意就發覺嗰班人雙腳離地, 明顯就唔係人, 聽佢講當時就咁嚇暈咗.

當佢醒返嗰陣, 已經比當時返元朗經過嘅人救起, 返到村內佢就向村長講返經過, 當時全村所有男丁都上山搵, 包括我阿爺都去, 但係點叫, 點搵都搵唔到. 連屍都搵唔到. 情況就好似開頭所講, 無啦啦人間蒸發.

後話: 其實山魅真係存在定真係有地方可以通往靈界呢, 我就唔敢講, 大千世界, 乜都有可能, 但係我有個疑問, 就係既然活人可以入到靈界, 咩方法可以走返出嚟呢? 而靈界係點樣呢. 看來現今科技都無可能解釋得到.