[轉貼/鬼故/一齊驚] 40年圍村佬真人真事

Live 左

終於睇哂樓主貼個堆

LM

87. 夜釣

各位師兄都知道, 小弟生活喺新界西, 屯門元朗就出名釣魚好地方, 尤其係冬天, 火水鱸就更加出名. 話說小弟嗰年中二, 聖誕節假期. 就同幾個老死跑去踏石角發電廠附近釣夜魚. 當然我地唔係坐車, 係由屋企踩單車出發.

想當年, 交通無而家咁方便, 我地經過龍門路, 船廠, 再入蝴蝶灣, 而經過蝴蝶灣後就差不多經過漁民墳場. 講真一句, 我地對墳場唔會驚, 因為都由細睇到大, 接觸得多, 習以為常. 已無特別感覺. 去到目的地, 準備好一切就開始釣魚. 當時唔只得我地, 仲有好幾個大人喺度釣夜魚. 

話就話釣魚, 其實吹水食嘢居多. 因為等上釣過程好辛苦. 等等下又無魚. 去到12點, 又無魚, 見周公又嚟搵我地. 就搵咗個無咁大風嘅地方休息. 等有魚上釣再算. 嗰時真係好佩服啲大人, 天氣咁凍, 都可以咁堅持. 

訓咗唔夠一陣, 見條魚絲有反應, 我就立即醒及拉吓, 希望釣到魚. 唔想空手而回. 到拉上嚟都係中空寶, 心諗算啦, 今晚都係食白果, 都係再去休息下, 等天光返出元朗食早餐好過, 當我擰轉頭, 咦, 班老死去咗邊呢? 連附近嗰幾個大人都唔喺度. 會唔會班死仔走咗漏低我一個呀? 咁我就行返上行人路, 睇見佢地嘅單車仲喺度, 即係未走啦. 可能行開咗啩.

就喺嗰刻, 我離遠見到有個男人行緊嚟, 當時街燈比較暗, 我睇唔清楚, 當佢行到好近, 見到係個50歲左右嘅男人, 佢嚟到我身邊就問: 有無釣到魚呀, 我話: 今日手氣麻麻, 咦, 你又係過嚟釣魚呀, 個男人就話: 唔係, 我附近住嘅. 嗰刻我就諗個男人應該就係住龍鼓灘嗰頭, 因為最近有人住就係嗰邊, 而且去發電廠返工嘅多數都係坐廠車, 好少行路.

同個男人寒暄咗幾句, 佢就一路向前走, 我就繼續等朋友, 過咗陣, 又見到幾個男人由發電廠嗰邊行過嚟, 今次呢幾個男人就停喺我位置附近, 我細心留意佢地乜都無帶, 唔似係嚟釣魚, 但見佢地望住個海好耐. 我就問下: 你地喺度等咩呢? 其中一個男人就話, 我地喺度等船, 我聽完就諗, 等船? 呢度又唔係碼頭, 等咩船呀. 我話, 你地喺度等船, 諗住去邊呀, 佢地就話, 我地等船,然後出海捕魚. 哦, 原來佢地係魚民, 唔怪得喺度等船啦. 咁我又望一望手上隻錶, 咦, 點解仲係12點, 由我剛才訓著到而家, 應該都過咗好耐, 無理由仲係12點, 我心諗, 一定唔正常, 嗰刻, 個心一直好驚, 我其實去咗邊呢, 而且無理由班老死會唔喺度. 

當我定過神, 就見到嗰幾個男人已經上咗船, 點解我無留意到有船泊咗埋嚟? 跟住嗰幾個男人就向我招手, 問我要唔要一齊出海. 嗰刻我就知撞野了,  我企定喺原位同佢地講, 我唔係你地個世界嘅人, 你地去啦. 我講完之後, 就見到佢地開船離開.

就喺我好驚嗰時, 突然聽到朋友喺後面叫我, 我就擰返轉頭, 見到佢地幾個喺下面嘅大石度, 跟住我再望, 附近幾個大人都喺返到. 我就落返去, 我朋友問我咩事, 我就話頭先唔見你地, 就上去搵你地, 但我班朋友佢地一齊講, 頭先見你自己一個上去, 叫你又無反應, 淨係見你喺上面望住個海, 以為你撞嘢呀. 當我啲朋友講完, 我再望返隻錶, 時間原來已經一點了. 咁我剛才見到嗰幾個男人係咩呢.


後話: 好彩當時我無聽到嗰幾個男人話一齊上船, 如果唔係都無機會喺度寫故比各位師兄聽了.

88. 醫生

相信無乜職業會常常接觸死亡, 而醫生就係其中一種, 我細個認為做醫生係一種光榮, 但可惜小弟唔係讀書材料. 近排去廣州出差, 喺酒吧識咗位女醫生, 我就將嗰晚所見分享比各位師兄.

日子係上個月頭, 一個星期五夜晚, 當我完成工作返酒店, 廣州嘅同事就問有無興趣落吧飲返兩杯, 咁當然無問題啦., 難得聽日放假, 輕鬆一下都唔錯. 根據同事比嘅地址, 我好快就去到了. 

當去到, 原來仲有同事嘅朋友, 介紹後, 我就識咗位女醫生, 佢年齡大約細我10年, 容貌我好深刻, 因為就算喺好黑嘅環境, 都睇得出佢好白, 但唔係帶有光彩嘅白, 係帶一種青色嘅白. 另外睇見佢印堂非常黑, 似乎佢近期遇到一啲唔太好嘅事. 仲有就係我喺酒吧上發現咗件事, 之後再講.

各位去酒吧, 猜枚骰盅基本必玩, 但嗰位女醫生, 飲酒當水一樣, 大口大口就灌, 就連我呢個男人都自嘆不如, 去到尾聲, 我同事都訓著咗, 只有我同女醫生繼續玩, 喺呢刻我見酒吧無乜人, 就同佢講: 你係咪識一個年齡大約4, 5歲, 頭上有黃色蝴蝶結, 著碎花裙嘅細路女呢. 佢聽到之後就好驚, 問我點解會知, 我話我估嘅, 因為嗰位小女孩, 佢成晚都坐喺你身邊, 望住你, 佢係咪你個女嚟㗎? 女醫生聽到之後就更加驚. 

到呢刻, 我就話: 個細路女應該唔係近期先出現, 應該都出現咗好長一段時間了, 個女醫生就講, 斷斷續續應該有1個月, 佢係我其中一位病人, 因腦膜炎及併發症而死. 彌留時我地盡力想救返佢, 但唔成功. 聽完之後, 我望一望小女孩, 見佢點頭, 証明女醫生無說謊, 但點解都仲要跟住女醫生呢. 係咪有其他原因呢. 可能真係我多咀嘅關係, 女醫生話要跟我返酒店, 我就同佢講, 唔好嘞, 我送你返去啦, 個小女孩無惡意嘅. 你可以放心. (小弟有家室, 呢種便宜, 真係少惹為妙)

到星期六上晝, 我同事又問我, 而家有無時間可以一齊去女醫生屋企?, 搵得我應該無好事, 怪只怪自己多事, 唯有死死地去一次好啦. 去到後, 女醫生問我有無辦法令女孩離開自己. 我諗咗陣, 話咁啦, 不如我同你去一去個細路女屋企, 希望到時再想辦法令佢留返喺自己父母身邊. 

當晚, 我同女醫生一齊去女孩屋企, 原來佢家喺中山八路附近, 去到附近, 我見小女孩面上開始帶笑, 根據地址去到, 我就見小女孩一枝箭行上樓. 我地去到門口, 見女醫生企喺門前仲有帶點猶疑. 我倆按鐘後表明來意, 女孩父母知道後, 就雙雙喊個不停, 睇見佢地女兒房間所有東西都原封不動. 似乎對小女孩相當好. 而小女孩見到自己父母後, 就圍住父母四圍跳, 我感覺到佢應該真係好開心.

當我地離開, 我見到小女孩同我地揮手, 就知道今次任務完成了. 最後我想出一個答案, 就喺小女孩臨死時, 佢見唔到父母, 唯有跟住最後一眼望到嘅人. 可能又因為年紀細, 唔識回家嘅路, 所以就留咗喺女醫生身邊.


後話: 解決完呢件事後, 令我知道, 如果親人將死, 做至親嘅一定要留喺身邊, 完佢心願, 等佢可以安心上路.

89. 荒郊野嶺

近年開始興玩越野單車, 一到假日就好多市區客入嚟享受大自然, 我地由細到大都享受自然, 所以真係明白有啲人好似未見過鄉村咁, 見到牛牛就更加驚奇.. 當然市區人同新界人文化唔同. 但入到嚟喺村大搖大擺, 四處喧嘩, 更甚者口不擇言, 喺呢兩三年我都同市區客嘈過幾次, 大家入鄉隨俗就世界和平啦.

有次夜晚, 我食緊晚飯, 有幾位全套單車裝嘅男女衝入嚟, 開頭以為佢地尋仇, 但原來話有人喺山上失蹤, 失蹤嘅係位女士. 我就話: 失蹤梗係報警啦, 而家又唔同以前, 手提電話一定打到, 佢地幾個就眼望望唔知點算, 跟住話: 先生你可唔可以幫我地報警, 唉, 咁大個人唔係連報警都唔識呀…就問佢地喺邊度失蹤啦, 佢地就話近水塘附近. 我老豆聽完就話, 咁大鑊呀. 咁連我都覺得係大件事. 就叫我老婆先報警, 然後嗌幾位兄弟一齊上山幫手搵. 好彩唔係以前, 而家近西鐵站附近都好光, 所以上山一定唔會黑麻麻. 

上山途中, 我就問佢地係邊個水塘, 因為沿路有兩個水塘一大一細, 佢地就話喺細水塘附近. 咁都好啲, 唔使成個山頭搵. 去到, 已經見有警車, 警察就問嗰位失蹤女仕容貌係點. 記低佢手提電話號碼之後, 我地就分頭搵, 我同幾個兄弟喺壩上面諗, 最大可能會喺邊度搵到, 跟手試試打電話睇吓會唔會有反應, 不過都係唔好預嘞, 如果佢聽電話就唔叫失蹤啦. 但都希望佢將個鈴聲校得大聲, 可以聽到個位置喺邊.電話響咗陣, 就有位女仕接聽, 我見有人接就問你係唔係呀某某呀, 佢話唔係, 吓, 你唔係佢, 咁你係邊個呀, 我兄弟跟手就搶咗我電話同佢講: 小姐, 我地成村人嚟搵你, 你唔好玩喎. 我見我兄弟聽聽吓就將成部電話跌咗落地. 跟住兄弟就好驚咁同我地講, 個女人話: 佢得罪咗我, 我點樣都要懲罰佢..

我地聽完就諗到一件事, 荒郊野嶺, 最大可能就是去方便嗰陣唔小心得罪咗靈體. 不過而家知道佢仲在生, 只係被鬼上身罷了, 但都要盡快搵到佢, 唔係出意外就大件事. 

我地就沿路從最有可能方便嘅地方搵, 搵咗好幾個地方就見到架單車, 即係個女喺附近, 然後又喺前面附近見到啲女性用品, 我地就估今次無錯啦, 再行前, 過多陣, 就見到有個身穿單車裝嘅女人企咗喺度, 睇住手上個電話, 最恐怖嘅就係個女人企嘅位置, 隔離樹上有條繩吊落嚟. 睇嚟呢個位置曾經有人喺度掛臘鴨. 雖然驚, 但我地最後都行去個女人度, 見佢呆若木雞, 乜反應都無, 我地就將佢成個人抬出大路, 放佢喺地下, 然後就通知各位我地搵到佢.

其他人未到嗰陣, 我留意到嗰位女仕, 腹部微隆, 咀角有泥, 我就知道一定係鬼食泥. 我將粒玉取落嚟, 掛喺佢身上, 然後拍佢後腦等佢醒, 當佢一醒, 就幫佢扣喉將啲泥吐返出嚟. 當嗰位女仕真正清醒後, 我地就問返佢咩事, 個女仕就話只記得人有三急, 就叫隊友行先一步, 自己走去草叢擺低, 然後就聽到有把男人聲, 跟住就唔知發生咩事了. 其後警察同佢啲隊友嚟到, 就安排佢去醫院檢查. 我想, 洗胃都少不免了.


後話: 各位去荒郊野嶺, 真係要好小心, 因始終唔知嗰度曾經發生過咩事, 地下埋藏咗啲咩嘢, 最好就去公廁啦, 如附近無的話, 就切禁在樹下了, 因為鬼怪多數依附喺樹裡面. 或者用坊間普遍做法吧.

留名

3. 黎婆婆

另外有次, 我出去踢波,  踢到11點啦,返到村口都12點啦
我見到我條村個黎婆婆坐係巴士站度, 如果你地去過新界都有留意d巴士站有個亭.
我就問, 黎婆坐係到做乜啦, (圍頭話對答)
佢話等人接佢, 我話等人接你去邊呀, 去元朗市呀, 佢話唔係呀, 
咁我就無理佢返去啦.
到第二朝, 我同我阿媽講, 我話緊晚見黎婆婆坐係出面等人接, 間住呀媽問我幾時見到, 我話差唔多12點啦. 我呀媽話佢琴日下午四點過身啦, 你係咪眼花呀, 我話點會呀, 我都同佢講野.
跟手就去佢屋掛坐白燈籠就係真啦, 我同佢孫仔, 即係我老死講番理件事啦, 佢老頭講可能最後無見我, 在村口等我吧. 

後話: 黎婆婆當我係佢個孫看待

唸起鄉下都有個幾錫我既婆婆

幾好睇 但有時你打字怪怪地
會唔係幾明

阿叔真係好多口又八，咁多年都學唔精咁

89. 荒郊野嶺

近年開始興玩越野單車, 一到假日就好多市區客入嚟享受大自然, 我地由細到大都享受自然, 所以真係明白有啲人好似未見過鄉村咁, 見到牛牛就更加驚奇.. 當然市區人同新界人文化唔同. 但入到嚟喺村大搖大擺, 四處喧嘩, 更甚者口不擇言, 喺呢兩三年我都同市區客嘈過幾次, 大家入鄉隨俗就世界和平啦.

有次夜晚, 我食緊晚飯, 有幾位全套單車裝嘅男女衝入嚟, 開頭以為佢地尋仇, 但原來話有人喺山上失蹤, 失蹤嘅係位女士. 我就話: 失蹤梗係報警啦, 而家又唔同以前, 手提電話一定打到, 佢地幾個就眼望望唔知點算, 跟住話: 先生你可唔可以幫我地報警, 唉, 咁大個人唔係連報警都唔識呀…就問佢地喺邊度失蹤啦, 佢地就話近水塘附近. 我老豆聽完就話, 咁大鑊呀. 咁連我都覺得係大件事. 就叫我老婆先報警, 然後嗌幾位兄弟一齊上山幫手搵. 好彩唔係以前, 而家近西鐵站附近都好光, 所以上山一定唔會黑麻麻. 

上山途中, 我就問佢地係邊個水塘, 因為沿路有兩個水塘一大一細, 佢地就話喺細水塘附近. 咁都好啲, 唔使成個山頭搵. 去到, 已經見有警車, 警察就問嗰位失蹤女仕容貌係點. 記低佢手提電話號碼之後, 我地就分頭搵, 我同幾個兄弟喺壩上面諗, 最大可能會喺邊度搵到, 跟手試試打電話睇吓會唔會有反應, 不過都係唔好預嘞, 如果佢聽電話就唔叫失蹤啦. 但都希望佢將個鈴聲校得大聲, 可以聽到個位置喺邊.電話響咗陣, 就有位女仕接聽, 我見有人接就問你係唔係呀某某呀, 佢話唔係, 吓, 你唔係佢, 咁你係邊個呀, 我兄弟跟手就搶咗我電話同佢講: 小姐, 我地成村人嚟搵你, 你唔好玩喎. 我見我兄弟聽聽吓就將成部電話跌咗落地. 跟住兄弟就好驚咁同我地講, 個女人話: 佢得罪咗我, 我點樣都要懲罰佢..

我地聽完就諗到一件事, 荒郊野嶺, 最大可能就是去方便嗰陣唔小心得罪咗靈體. 不過而家知道佢仲在生, 只係被鬼上身罷了, 但都要盡快搵到佢, 唔係出意外就大件事. 

我地就沿路從最有可能方便嘅地方搵, 搵咗好幾個地方就見到架單車, 即係個女喺附近, 然後又喺前面附近見到啲女性用品, 我地就估今次無錯啦, 再行前, 過多陣, 就見到有個身穿單車裝嘅女人企咗喺度, 睇住手上個電話, 最恐怖嘅就係個女人企嘅位置, 隔離樹上有條繩吊落嚟. 睇嚟呢個位置曾經有人喺度掛臘鴨. 雖然驚, 但我地最後都行去個女人度, 見佢呆若木雞, 乜反應都無, 我地就將佢成個人抬出大路, 放佢喺地下, 然後就通知各位我地搵到佢.

其他人未到嗰陣, 我留意到嗰位女仕, 腹部微隆, 咀角有泥, 我就知道一定係鬼食泥. 我將粒玉取落嚟, 掛喺佢身上, 然後拍佢後腦等佢醒, 當佢一醒, 就幫佢扣喉將啲泥吐返出嚟. 當嗰位女仕真正清醒後, 我地就問返佢咩事, 個女仕就話只記得人有三急, 就叫隊友行先一步, 自己走去草叢擺低, 然後就聽到有把男人聲, 跟住就唔知發生咩事了. 其後警察同佢啲隊友嚟到, 就安排佢去醫院檢查. 我想, 洗胃都少不免了.


後話: 各位去荒郊野嶺, 真係要好小心, 因始終唔知嗰度曾經發生過咩事, 地下埋藏咗啲咩嘢, 最好就去公廁啦, 如附近無的話, 就切禁在樹下了, 因為鬼怪多數依附喺樹裡面. 或者用坊間普遍做法吧.

有次去行山急到痴線
但係起碼仲有半個鐘先有公廁
個時有諗過就地解決
但係又唔敢 一黎驚有人 二黎驚屙係d唔應該嘅地方
最後跑落山搵公廁

日日Live

多成咁有排睇

Live again

屌po文未啊

有貨未呀

快啲。。

書簽

仲未有既

文呀

巴打係米廈村人?

文呢

3. 黎婆婆

另外有次, 我出去踢波,  踢到11點啦,返到村口都12點啦
我見到我條村個黎婆婆坐係巴士站度, 如果你地去過新界都有留意d巴士站有個亭.
我就問, 黎婆坐係到做乜啦, (圍頭話對答)
佢話等人接佢, 我話等人接你去邊呀, 去元朗市呀, 佢話唔係呀, 
咁我就無理佢返去啦.
到第二朝, 我同我阿媽講, 我話緊晚見黎婆婆坐係出面等人接, 間住呀媽問我幾時見到, 我話差唔多12點啦. 我呀媽話佢琴日下午四點過身啦, 你係咪眼花呀, 我話點會呀, 我都同佢講野.
跟手就去佢屋掛坐白燈籠就係真啦, 我同佢孫仔, 即係我老死講番理件事啦, 佢老頭講可能最後無見我, 在村口等我吧. 

後話: 黎婆婆當我係佢個孫看待

睇到最得個句真係有啲眼濕濕
因為我都好掛住過咗嘅婆婆

一開始D圍村故仔幾好睇
之後出黎做工程果D越黎越長又太假