[轉貼/鬼故/一齊驚] 40年圍村佬真人真事

留名

留名

一口氣睇晒

以前有追開

留名

強帖留精

lm

留名

今晚係咁多 訓

等唔切或可無障礙閱讀理解火星/5p字
可去呢度:http://m.discuss.com.hk/index.php?action=thread&tid=12951987
原post

由呢位開口就話人狗嘅香土資深會員帶路

轉貼唔一早貼link仲係到串人
小學雞到

留名

留明

夜媽媽呢係被睇好爽，正評

7. 消放員

有次, 個時我都13, 14歲啦, 係我條村唔見左個細路仔, 好似係3, 4歲啦, 當時好鬼緊張, 咁我都有去搵啦, 怕又係去左魚塘個邊, 個時臨近新年, 個魚塘會放水清塘, 我諗只有一呎水, 但搵左好耐都無結果,

咁就報警啦. 個時警察懷疑個細路仔都係魚塘, 但去到有唔多似啦, 咁咪call埋消防落塘搵啦.但係都沒結果. 

到最後, 原來個細路仔理埋左係床下底, 咁d警察消防收隊啦, 但過左10分鐘後折返, 哩次係唔見左個
消防呀, 原來開車先發覺少左一個, 個時無手提, 無call機年代, 咁我地全村又出動去搵, 記得都太陽落山.

都係搵左好耐, 都係無結果, 咁有個消防記得佢頭先有落魚塘搵個細路仔, 咁又返番去睇下啦.
咁差不多4, 50人去睇下, 結果真係魚塘底搵到佢... 但個時都以經死左啦.

但明明個時好多人係魚塘都唔見佢出事? 另外只有1呎水深, 會浸死個消防?

結果, 村長覺得太危險將個魚塘填平, 我聽d長輩講, 個魚塘係有d野, 但係咩呢, 連佢地都唔知.

https://zh.m.wikipedia.org/zh-hk/香港殉職消防人員列表

80後元朗撚要問阿媽先知呢啲故

36. 生葬 (人柱)

記得大約10年前吧, 轉工去了一間做建築工程, 有時都會接d丁屋工程, 我呢d圍村仔 對新界又熟, 所以嗰時老闆叫我跟呢d工程啦.

記得有次接咗個工程係將一間有接近百年歷史舊宅拆左然後起返一間全新.地點喺上水附近. 咁我就同則師一齊去look, look, 影d相返去比designer點設計啦. 去到先在村口打電話叫屋主帶我地入去. (各位師兄你地唔好亂入圍村呀, 唔係無啦啦比人打鑊金就唔好啦) 等咗佢差唔多30分鐘先出現. 佢就帶我地幾條友仔入去啦, 差唔多要行30分鐘啦. 唔怪得啦.

去到先發覺原來間屋喺邊境出面, 我地無禁區紙, 點都唔入去, 點知屋主話無問題啦. 有咩事佢負責, 好啦, 橫掂都嚟左, 去look, look啦, 形容間屋, 係一間木屋, 用瓦做頂, 有d似祠堂風格.睇嚟以前係一個好有錢地主起. 聽屋主講佢地唔喺度住都有40~50年, 間屋想整返好, 然后搬返過來.

咁我地準備開工度呎啦, 但我同parnter成日都感覺都有人望住我地, 但係點望又唔見有人. 我個parnter就問我, 嚟到就成身都有d寒. 我話, 呢d屋有咁歷史, 多數都唔好惹. 但有屋主喺度, 我地都係做嘢啫. 無事嘅. 

其實我望隻窗有個人望住我地. 但係我望入去點都望唔清楚佢係乜呢.男定女呢.  都係唔好理啦. 度完就影相返去啦. 

返到公司樓下放低菲林 (嗰時數碼相機未流行), 然後就同老闆report啦, 真係接的話, 要去警處申請禁區紙, 另外開工好麻煩. 咁老闆話諗諗先.. (接唔接就睇下屋主比幾多budget), 去食午餐順便攞d相返去做report. 去到攞相, 個店員話個菲林有問題, 所有野都影唔到. 心諗, 有無咁撓呀..返去同老闆講啦, 被佢鬧到我呀. 邊關我事呀.  要我聽日自己再入去影啦.

我同個parnter講啦, 問佢去唔去, 佢話有第二個job,, 聽日唔得啦, 咁我再聯絡屋主話聽日再去影相, 叫佢12:00係間屋等我啦.(老人家講, 嗰時陽氣最盛)

返到我自己屋企, 就去問d長輩要注意嘢啦, 講真我都覺有d嘢, 所以要小心點, 聽長輩講, 以前d有錢佬會用d生人做地基, 柱位. 話對後人好有利. (都唔知古時邊個諗埋呢d野, 咁做法唔怕折墮). 話如果d柱位地下有記號, 因為真係重建, 咁就放左d冤氣出嚟. 最好唔好做, 真係做就返去辭工, 唔係就麻煩. (聽完我就記喺心度.), 咁第二朝去之前打比老闆就話返佢聽個d野啦. 咁佢都叫我睇咗先決定.

第二朝到咗, 我就喺間屋四圍睇下, 發覺有四條柱真係有d記號, 好次係符嗰種, 我就再影相, 今次連屋都唔入啦, 影完就算.

跟手問下屋主個背景啦, 聽佢講話間屋係佢太爺嗰時起, 都有返咁耐, 就問佢有無住過啦, 佢話無住過, 不過見間屋咁大, 重建再賣出去可能賣到吓錢...

返到公司, d相都係晒唔出, 我就同老闆講返, 我話如果接咗就會好麻煩, 加上去邊境出面, 成本都好大.另外你接咗, 我就唔做.  最後老闆都決定唔接. (心諗, 我同佢都有d驚), 最後聽返, 嗰間屋都無人接嚟做, 可能真係成本高啦.

後話: 好似喺九龍都有呢d建築物, 聽講係雷生春堂 (塘尾道, 荔枝角道交界), 真係唔好重建, 無穿無幹, 都唔好諗..

36. 生葬 (人柱)

後話: 好似喺九龍都有呢d建築物, 聽講係雷生春堂 (塘尾道, 荔枝角道交界), 真係唔好重建, 無穿無幹, 都唔好諗..

日日行過 又唔覺得寒喎

留名

37. 阿娣 (聽老人家講)

話說新界喺40~50年代都係農村, 比九龍, 香港落後好多, 嗰時d人都好純樸下, 受教育機會都唔多. 加上傳統男尊女卑. 嗰時喺新界d婦女地位真係好差.

另外是戰後, 好多男人喺戰亂喪生, 好多女人都無咗老公. 嗰時圍村傳統係老公死咗, 所有田地財產就要轉比d叔伯兄弟. 如果同d叔伯兄弟關係唔好, 好多時女人就會被趕出村成為無家可歸. 孤苦伶仃. 

話說嗰陣有個女人叫阿娣, 喺粉嶺嗰邊嫁過嚟元朗無耐, 佢老公就戰亂中俾日軍所殺. 當香港重光嗰陣, 就俾佢老公d兩個兄弟迫佢交出田地財產. (如果係今日, 報警拉人啦) 講真, 喺我懂性嗰陣都有呢d傳統, 所以我覺得真係唔公平. 

咁阿娣好無奈就比佢老公d兄弟趕出村, 一個女人之家去得邊吖, 加上嗰陣d人超級迷信, 返娘家又會比人當做不詳人.

過幾日, 有個村民係魚塘發現咗阿娣條屍, 死時係著晒紅衣. (傳說著成咁係會變成厲鬼), 嗰時個村長見到都覺得將來會好麻煩, 咁就叫d道士做d法事超渡吓.

如是者, 差唔多過咗兩個月, 惡夢就開始, 有朝早, 有個村民發然一具男性屍體喺魚塘到, 原來係阿娣其中一個叔仔, 死嗰陣係全身著到紅色衫褲.. 當時所有村民都驚啦. 咁村長知道後都去搵d高僧返來超渡. 但係村長覺得點都要喺魚塘把守, 防止再有人被害.

咁又過左幾日, 今次就到阿娣個大伯啦, 死狀同佢叔仔一樣, 但係今次明明派人喺魚塘把守都會死人. 但把守d人個個都話無見到, 更加唔知點解佢會喺到...

當時每個村民都提心吊膽啦, 怕下個係自己..個個都跑去村長嗰邊嘈, 問佢點解決啦. 個陣村長都六神無主啦, 你問我, 我問邊個呀. 

咁村長好無奈就走去青山寺, 搵個高僧同佢講啦. 咁個高僧同佢講: 佢目的都達到, 唔會再有人受害, 另外防止悲劇再發生, 建議以後廢除呢d野.. 但講真係嗰個年代係無人會咁做...

各位看完, 會唔會覺得有d熟呢.. 其實講個個魚塘就係之前d post. 消防員同大肚婆個個魚塘. 最後比填平左...


後話: 雖然我都係原居民, 我都覺得以前d傳統真係唔好, 希望時代進步, 唔會再有呢d野啦...

38. 影

記得差唔多喺1995年左右, 我有個老死一個人搬出香港嗰邊住, 地點應該喺西營盤, 西環附近, 都係d好舊嘅唐樓分租出來. 聽佢講係見到電車路...

記得佢搬去嗰陣就問我得閒去坐坐, 嘩.. 唔係啩, 喺元朗去嗰邊, 無三個鐘都去唔到啦. 所以我就一次都無去過. 

點知唔夠兩個禮拜, 佢就搬返元朗, 我地就串佢, 無啦啦搬返來元朗, 一定無好嘢啦. (我都覺得啦, 唔好學我搬咗間陰宅.) 咁我地成班就捉佢去宵夜吹水, 聽佢講為乜搬返元朗啦.

聽佢講返佢個單位喺四樓, 合共三伙人, 個包租公講係 一男一女, 加埋佢就係兩男一女 (真係個嬲字),可能個女住客係返夜班嗰類啦, 所以無見過佢. 

另外d舊唐樓, 嗰d樓梯特別陰森恐怖, 尤其是夜晚, 有d燈係壞添.. 真係黑到乜都見唔到. (心諗, 明知就唔好租啦, 係要搵d平租嗰隻)

聽老死講, 搬去嗰晚, 可能陌生地方, 點訓都訓唔著, 咁就開住收音機聽下啦. 佢係張床望上天花板有個大黑影, 咦個影喺邊到嚟呢? 咁就開燈睇下會唔會係d水印啦. (可能d舊唐樓成日都會天花漏水) 開燈又唔見喎. 佢用張凳再望清楚. 原來個個位係翻油過, 所以先覺得係有個黑影. 咁佢就唔理訓啦.

到第二朝準備返工出門嗰陣, 剛剛有個女人喺五樓行落嚟. 我老死就同佢打下招呼, 咁個女人問佢係唔係住喺度, 佢話係, 剛剛尋日先搬嚟. 嗰個女人講, 夜晚小心d呀, 咁就走咗, 我老死嗰陣都無會意佢講d野, 可能舊唐樓d保安差啦..

個晚喺公司ot到10:00 返到去都11:00, 一開門, 點解張被有d好大榻血漬既. 咁佢就跑出去叫另一個男房客去睇下啦, 點鬼知返入房, 個d血漬無晒...唔通ot做到傻咗? 咁佢唔好意思同個房客講sorry啦..

到夜晚訓啦, 佢望住個黑影, 頭先明明見張被有血漬架.. 當佢諗下點解, 咁佢望到天花有嘢滴落嚟, 咁佢開燈睇吓, 原來天花滴緊嗰d係血嚟..當堂佢嚇到死咁滯, 原來係發夢... 但諗下, 唔通真係上面有d野發生?

當佢準備出門嗰陣, 又見到尋日個女人, 今次我老死就問佢呢座樓d野啦, 但嗰個女人就話無野呀. 無事發生, 但佢又問點解要佢夜晚小心d, 嗰個女人又唔講....

如是者, 過咗幾日, 每晚都發埋同一個夢, 佢就覺得真係上面有d野, 到星期日嗰日, 佢就就上五樓拍門, 應門嗰位係個阿婆, 咁就問一下呢度發生乜嘢事啦, 呀婆話幾個月前有個女人喺間房割脈自殺死, 到發現個女人嗰陣全個地板都係血. 你好似係第三個人問...

聽完終於明白係乜啦, 咁就call包租公插佢啦, 明知有d野都租比佢, 想佢死呀, 插完個包租公都退返d按金比佢. 

我聽完就諗, 其實都唔關樓下事, 點解會咁? 之後我老死就打聽到話個女人自殺原因就係我老死住嗰個單位前手個租客騙左佢d錢同感情. 我聽完就明晒啦.

後話: 怪唔之得香港人住樓一定要新啦. 如買二手樓或者租樓, 如上手唔乾淨, 分分鐘嚇死都未天光...

點解可以咁撚多錯別字/5p字
睇撚死人

點解可以咁撚多錯別字/5p字
睇撚死人

因為原文係40幾歲啊叔手寫打字
由第26篇開始會執完先re-post

啲字好難睇但又好好睇

39. 守護神

各位師兄如果睇過或聽過d新聞, 好多時會聽到有d細路仔喺好高處跌落嚟都無事. 例如喺10樓跌落嚟. 另外嗰d細路仔都係5歲以下. 可能你地會覺得好好彩, 但係用科學解釋好難話一d傷都無. 連輕傷都無..

聽老一輩d人講, 嗰d細路仔基本還未懂性, 另外要見到d神靈/鬼嗰類係要好純真才會見到. 但佢地大咗就會入世, 到時就唔會再睇到.

所以有d人買樓, 一定帶d細路仔去睇下, 如果個細路仔正正常常, 就會安心好多, 相反, 個細路仔無啦啦喺到喊, 或者笑, 呢間屋就唔好買啦. 一定有d野係到..

咁. 有個朋友同我講, 話佢親戚嗰隻豬仔 (我地圍村, 喺我個年代, 所有細路仔都會改返一d乳名, 例如, 狗仔, 豬仔, 牛仔等, 話咁先會快大喎)成日喺新買嗰間屋笑..問我點睇, 我就話可能係佢d先人或者係d土地公公成日同佢玩啦. 應該無事嘅. (我細個都見過, 但大咗就無晒印象) 如過你驚就安返d神位/祖先啦.

如是者, 過咗幾個月, 我朋友有日急call我, 我就問乜叉啦, 佢話佢隻豬仔喺8樓跌咗落街, 最奇怪就係一d事都無, 連去到醫院檢查都話無事. 問我點解?
我就話只有兩個可能, 一就係好好彩, 二就係比佢守護神保住..雖然我朋友講唔係好信, 但真係好難解釋連一d傷都無㗎.

我話不如我返去問一問d長輩啦, 佢地食鹽多過我食米. 佢地話好多時細路仔背後都有d祖先睇住, 所以bb仔一定要帶玉, 又可以辟邪, 又可以保祐佢, 但當個細路仔大咗, 佢地就會無能為力啦.我聽完就覺得同我諗都大致一樣

所以各位師兄有仔女, 最好比佢地帶玉, 有時真係要信下中國人既智慧.