[轉貼/鬼故/一齊驚] 40年圍村佬真人真事

元朗公園咁多年乜都成佛，不過夜晚嗰到真係幾寒，寧願行外圍遠少少都唔要行入去

留名

深夜睇有氣氛

你係鄉土抄嘅

都話明轉貼
諗住貼過嚟圍爐無咁寒

好狗⋯ 鄉土都留返條link吖
我由佢幾年前出到第20幾篇章 睇到依家

27. 殯儀館

話說我出嚟做野都好多年, 有d白事, 點都要去, (我諗無人學似我, 全香港殯儀館差不多都去過, 九龍, 香港, 世界, 萬國, 永恆, 寶福山等啦) 之前都講過, 我又時會見到個d野, 另外呢d地方, 基本上我都見唔少... 咁, 我就講一個最奇一個比各位師兄分享一下.

多數出殯程序係前一天守夜, 第二朝先上山或火葬啦. 有次有個九龍朋友老豆過身出殯, 其實我都未見過佢老豆, 但係做朋友點都去鞠躬一下...我記得個日係星期六, 咁下午唔駛返工, 我就早d去, 然后返元朗吃飯.

差唔多4:30左右, 我記得我是最早去的, 見到我朋友都剛剛到, 我就做返d儀式, 然後幫手摺下元寶衣紙.  可能真係早得滯, 到5點都無乜人嚟, 咁我朋友就開飯, 問我一唔一齊食, 我話你地食啦,等你地食完, 我就走. 

個時個靈堂得我一個人, 連堂官見無人, 都走開左.. 我就係到摺元寶啦.. 突然有個人拍我背脊, 咁我望返後面啦, 見到個呀伯(企/坐? 原文漏字)咗喺到, 佢問我係邊位, 我話係死者個仔嘅朋友, 過來鞠個躬.

呀伯講, 你真係有心. 點識我朋友, 我話踢波識...跟住我就無理佢係到摺元寶啦,. 跟住又有人拍我, 今次係個婆婆, 佢又問返頭先d野. 咁我就再講一次.  我諗, 可能佢地d親戚朋友未見過我吧...

等我朋友食完飯, 我就話走啦... 我朋友話, 你都未見過我老豆, 去後面睇下好唔好, 我話好啦. 見完就鞠躬就走啦. 我朋友個靈堂係三樓盡頭, 咁我就走啦, 經過尾二個靈堂, 咦, 頭先個阿伯.... (我又見到啦), 咁, 我唔理啦, 去最前個靈堂, 頭先個阿婆... (唔係啩...)

去到LIFT口想走啦, 唉....既然見到, 無理有唔鞠躬啦. 咁我走返去朋友個靈堂, 問佢攞D吉儀信封, 封101, 我就走返尾二個靈堂鞠躬, 佢地D親友問我, 你係邊個呢, 我話係佢朋友, 鞠個躬... 然後又到最前個靈堂做返一模一樣既野.. 

剛落樓準備走, 我朋友打比我, 問我係唔係有病呀, 我話, 遲D先同你講啦, 你先忙..(唔通我講比佢聽, 我見到隔離個D先人咩)

所以我個朋友奇人講, 有陰陽眼都唔好去殯儀館, 而家我就明晒.. (唔見左幾百)






本樓主已經由分享鬼故變捉字蚤遊戲...

你係鄉土抄嘅

都話明轉貼
諗住貼過嚟圍爐無咁寒

好狗⋯ 鄉土都留返條link吖
我由佢幾年前出到第20幾篇章 睇到依家

哦 http://m.discuss.com.hk/index.php?action=thread&tid=12951987&extra=&authorid=300906&page=1

睇足幾年咁撚好嘢呀

樓住用拼音打字??

btw, 留名支持

留明

「過到邊左yoho town」
睇撚到我

13.再見黎婆婆

到我都差唔多30歲啦, 應該2000年中秋節啦, 我地好傳統要返圍村做節, 個時元朗以經無咁落後啦, 
成個元朗真係個不夜城. 話說放工返去做節, 吃完飯就同d兄弟吹水啦, 飲下酒啦, 見都無乜酒, 就出村口士多買啦, 買完就行返入去. 

咁個時都差不多11點, 行行下, 見到個婆婆係村行出理, 個婆婆問我記唔記得佢, 我諗左好耐, 話真係唔記得啦, 咁個婆婆要我再諗真d, 我笑住同佢講, 我真的唔記得呀, 我又多口問佢, 返來做節呀, 佢話係呀, 依家返去啦. 咁我問駛唔駛車你返去呀. 你住邊到呀, 佢話唔駛啦, 我慢慢行就得啦. 咁我就叫佢小心d啦. 佢話知啦, 另外講, 都無見你廿幾年, 你都大左咁多呀.. 

哈哈, 我諗, 婆婆識我, 但我好次我無印象, 咁返到去, 同d兄弟繼續啦, 個時先記得係黎婆婆, 咁我就同我老死講啦, (黎婆婆孫仔), 佢話唔係褂, 咁我地去佢屋企look look, 發覺神檯d野郁過. 

個時成班兄弟及佢老豆都上香啦.. 雖然太夜唔好上香.

後話: 我同我女朋友講, 其實見鬼未必一定是壞事呀. 不過佢就話一世都唔好比佢見到

連登會唔會真係有四十幾歲巴打

13.再見黎婆婆

到我都差唔多30歲啦, 應該2000年中秋節啦, 我地好傳統要返圍村做節, 個時元朗以經無咁落後啦, 
成個元朗真係個不夜城. 話說放工返去做節, 吃完飯就同d兄弟吹水啦, 飲下酒啦, 見都無乜酒, 就出村口士多買啦, 買完就行返入去. 

咁個時都差不多11點, 行行下, 見到個婆婆係村行出理, 個婆婆問我記唔記得佢, 我諗左好耐, 話真係唔記得啦, 咁個婆婆要我再諗真d, 我笑住同佢講, 我真的唔記得呀, 我又多口問佢, 返來做節呀, 佢話係呀, 依家返去啦. 咁我問駛唔駛車你返去呀. 你住邊到呀, 佢話唔駛啦, 我慢慢行就得啦. 咁我就叫佢小心d啦. 佢話知啦, 另外講, 都無見你廿幾年, 你都大左咁多呀.. 

哈哈, 我諗, 婆婆識我, 但我好次我無印象, 咁返到去, 同d兄弟繼續啦, 個時先記得係黎婆婆, 咁我就同我老死講啦, (黎婆婆孫仔), 佢話唔係褂, 咁我地去佢屋企look look, 發覺神檯d野郁過. 

個時成班兄弟及佢老豆都上香啦.. 雖然太夜唔好上香.

後話: 我同我女朋友講, 其實見鬼未必一定是壞事呀. 不過佢就話一世都唔好比佢見到

連登會唔會真係有四十幾歲巴打

自膠

樓住用拼音打字??

btw, 留名支持

係轉貼呀 住你老母
由#26. 開始會執返好啲字先po

留名聽晚訓教睇

28. 分流

又講一個經歷比各位師兄分享, 記得讀書嗰陣時, 我地都好興去露營, 因有個同學係民安隊, 所以一年都會有三四次露營.

個年小弟中四, 應該係1988年吧, 我地班同學仔又去香港最西南的地方叫分流露營,(大嶼山西南面) 如果有師兄去過, 只有兩條路入去, 一係在石璧水塘行入去, 第二條就係大澳行入去.

個日我班同學先入去先, 因我有d事要夜晚先去,, 我就行大澳嗰邊入, 其實我都行過, 不過係日頭行, 今次就夜晚行. 記得嗰條路有條荒廢咗嘅村,都幾陰森恐怖, 但係就會最快到分流...

咁小弟差不多由6:00香港出發到大澳都8:30左右, 咁先吃d嘢再行啦, 個麵舖老闆問我去邊, 我話去分流嗰邊, 個老闆都話我好大膽, 夜麻麻一個人行都敢, 我話我係圍頭仔, 呢d環境習慣晒啦. 

不過老闆講, 你經過荒廢村, 聽到有人叫你個名, 點都唔好向後望.. 我話我知, 我地圍頭仔都由細聽到大, 所以叫老闆放心.. (講真, 我地村d老人家個個由細灌輸呢d知識比我地, 所以都會好小心. 另外行d山路, 一定要將玉墜掛出來..)

咁差唔多9:30, 我就開始出發, 行過大澳之後就無乜屋, 跟住就進入山路, 咁其實我點會唔驚呀, 一個人, 不過就將walkman有咁大聲整到咁大聲. 到差唔多一半就會進入嗰條村, 心諗要特別小心, 聽我地d老人家講, 一條村無啦啦唔會無人住, 經過要特別小心.. 

突然前面聽到d跑步聲及電筒擺來擺去, 我諗, 咁夜都人行呢條路出大澳? 當我見到原來有兩男個人, 佢地見到我都嚇一跳, 其中一個就話: 你行返轉頭啦, 前面唔對路呀, 頭先聽都有人叫我地個名, 我地就跑啦...我諗, 唔會咁猛啩...

咁就問返佢地, 你地原本去邊㗎, 佢地都話係去煎魚灣, 都係有事自己入去.... 咁我就話去分流, 如果行返出轉頭要成個鐘, 咁不如一齊行好唔好?

個兩個諗左一陣, 見我細過佢地都敢行, 佢地都行啦, 不過要我行前面. 咁我話好啦, 我都行過呢條路, 所以都識點行.

咁大家一齊行好過我一個人行啦, 到咗嗰條荒廢村, 我地都特別留心有咩野啦...突然我聽到有人叫我個名, 我諗死啦, 唔會啩.. 我就無理繼續行啦, 我後面兩個友仔喺到又驚又叫, 話今次死咁.. 心諗, 我頭先都同佢地講咗, 聽到咩野聲都唔好理, 跟住我就得..

好彩, 我地平平安安過咗條村, 我地個心都鬆一口氣, 喺個山丘仔休息一下啦. 佢地話, 仔估唔到你都好大膽. 我話都係老一輩d人教. 咁就無事啦, 

咁我地都休息完, 都要出發, 咁佢地就話今次佢地行頭, 我行尾啦.. 我話無問題, 都就快到煎魚灣, 一陣我都要一個人行去分流. (煎魚灣到分流好快, 唔駛15分鐘路), 

咁行下啦, 我今次押尾, 所以就見到佢地背脊, 今次大鑊啦... 點解佢地隻腳踭唔掂地嘅...唔係啩....
咁我都唔敢大叫啦...只有跟住佢地.. 我d汗係咁流, 雖然都係夏天, 但今次感覺到係冷汗呀....

咁跟住佢到煎魚灣, 佢地就講我到啦, 唔該晒你, 我話唔駛客氣, 咁我走先啦....(原來根本就得我一個人行)

好彩去到會合我d同學都無事發生. 我都無講比我d同學知剛才d野. 到第二朝, 就問下個邊d人 (分流係有人住, 不過出入都係坐船, 好少行路), 我話近排有咩大事, 佢就話幾個月前有兩個人係煎魚灣露營游水浸死左).. 我諗會唔會係頭先個兩位人兄呢?

到走個日, 我堅決行返出石璧, 雖然係耐d, 但係我唔想再見到啦..

後話, 經過呢一次, 我暑假一定唔會再去露營, (應該講農歷7月點都唔去露營)

29. 青山公路 - 米埔段

呢個都好耐好耐啦, 個時還未有新田公路, 如果元朗去上水粉嶺只有行兩條路, 一是行青山公路, 另一條行林錦公路.. 我就行林錦嗰邊多, 因近我地條村...

嗰年我差唔多14, 15歲, 有晚要去上水古洞踢9:00, (我係幫人踢, 只有我一個喺元朗住, 其他都係上水, 粉嶺個邊d人), 我就如常喺元朗坐小巴上去啦, 踢完都10:30, 換埋衫都11:00啦. 係嗰個年代, 夜晚真係好少人出夜街, 尤其是元朗, 上水嗰d鬼地方...

咁係河上鄉附近等小巴, 小巴比巴士快好多嘛, 點知等左好耐都無一架, 有都係滿坐, 咁見到架76k, 唔好理都照上先啦, 唔係唔知要等幾耐. (個陣d巴士尾班車多數係11:00開, 唔似而家). 可能係尾班車啩, 樓上一個人都無, 下面就有2, 3個左右. d公公婆婆係唔鍾意上上層坐, 加上係舊式巴士 (如果你地係巴士迷就知邊一款)

踢完波鬼咁熱, 就坐前排開大隻窗涼下啦, 另外可能真係好夜, 都無人等車, 架巴士都開得好快. 咁差不多去到新田郵局附近, 見巴士埋站啦, 我以為有人等車落車, 又好似唔係, 但係架巴士就停左好耐..(唔會係死火啩...) 好彩唔係, 咁就繼續行啦, 差唔多到米埔左右, 我聽到口後面有d聲, 望返轉頭, 見有d公公婆婆坐係後排.., 唔通d公公婆婆去中景墟賣菜, 都無理由咁早褂 (中景墟係元朗好大個菜墟)

咦, 明明頭先都無人架..最好唔好理咁多啦.. 最好不變應萬變... (其實有時都怕佢地, 唔知佢地想點)
但係個陣我d冷汗係到流緊, 

跟住, 架巴士去到竹園村附近, 架巴士又停車, 呢次又停左好耐, 望返出窗, 又係無人上落車. 跟住擰轉頭睇下, 班公公婆婆就唔見晒, 如是者就平平安安返到元朗, 咁到總站, 問個司機大佬啦, (做得元朗巴士司機都係元朗屯門見), 咁個大佬就話, 你都見到班公公婆婆呀, 我話係呀...佢就話, 週不時都見到佢地, 無惡意架, 下次你咁夜坐車, 坐下層會就會好過d...

所以我老豆講得對, 夜晚坐小巴安全d.

30. 井

我地條村, 由盤古初開到而家, 都有d禁忌, 咁都分享給各位師兄.

我地條村, 係有個廢井喺山邊附近, 我出世到依家, 應該係我老豆出世到依家, 都有舊石封住, 上咗年紀的長輩都唔知點解有舊石封住, 我諗被封都有成過百年過外. (嗰舊石都有返咁上下大, 我諗當時要10幾人先搬得郁)

不過聽d長輩講, 無乜事都唔好行過去, 咁, 我諗, 當然人地咁講, 都有佢理由.....

話說, 有一次, 應該9, 10歲左右, 我同d同村兄第玩, 記得係兵捉賊啦, 我做賊, 咁就諗匿埋喺個廢井嗰邊, 等人嚟捉我啦, 不過唔知點解去到廢井個時, 我感覺唔好自在, 及有d涼意...

咁我唔理啦, 光天化日, 應該無嘢㗎.. 突然係背后聽到呀黎婆婆把聲,(嗰時黎婆婆未死㗎) 我擰返轉頭但係唔見到佢. 但係就聽到佢嗌我.. 但我真係聽到, 點解唔見人呢... 之後就聽唔到佢叫..

咁喺到等, 等人嚟捉我啦, 有個做兵的朋友過嚟我嗰邊, 我咪繼續匿埋啦, 點知佢跑過來, 係我前面都好似見唔到我咁, 跟住又跑咗去第二度啦, 我諗唔通我變左做兵, 我要去捉佢. 咁我就跑去捉佢啦, 點知我捉佢嗰陣,掂佢背脊我隻手會穿過佢呢...個時心諗, 唔通我見到係鬼....?

咁我就無再追佢, 我喺度驚啦及跑返屋企啦, 我見到阿媽, 想話比佢知剛才我見到d野, 點知點叫佢都唔理我, 咁我就想用手捉住我呀媽啦, 咦. 點解和剛才一樣啦...

個時我都唔知點解會咁, 個時我就又聽到呀黎婆婆把聲, 就出左去搵啦..咁就沿住把聲搵啦, 然候又番去個廢井個邊. 去到就暈坐.

到我醒番原來以經係自己間屋企, 我問剛才明明係廢井個邊點解會係屋企, 話呀黎婆婆叫人抬我返嚟. 佢話我喺嗰邊暈左喎... 咁剛才係夢境吖, 定係乜呢..

最後, 我地條村喺個廢井度起咗間磚屋, 唔比所有人行入去...

後話: 到依家, 我都唔知點解封咗個井, 另外更加唔知道個井有咩嘢喺度?

31. 秋季旅行

小學嗰陣時, 秋季旅行唔係去新娘潭, 就係去城門水塘.

咁寫個六年班左右發生嘅故仔. 我間鄉村小學大約11月就去所謂秋季旅行, 咁我六年班就去流水響, 其實我都羨慕五年班去植物公園... (我嗰時真係未出過香港呀.)

咁個日天氣都差, 落雨, 真係老鬼套, 去旅行先落雨..都11月啦. 咁我由元朗去到嗰邊都好耐, 其實睇返真係好近, 可能細個, 覺得好鬼耐

去到目的地. 聽完老師訓話, 話3點集合, 就各自四散, 我就四個傻仔週圍行啦. 食下呀媽整嘅飯. (你地唔好以為會有三文治, 汽水, 果汁..一D都無, 我地鄉下仔無呢D福氣)

唉..又落雨, 都唔知有咩行, 咁就向山嗰邊行啦, 或者捉D豹虎玩 (如果你地有返咁上下大, 一定知咩叫豹虎)

我地有個傻仔捉到隻紅孩兒, 我地當然唔忿氣啦, 咁就向山上面行, 希望我地都捉到幾隻就發達啦. (個時一隻紅孩兒可以賣$10.00. 喺我個年代好好使. 咁行入草叢搵啦, 點知我地其中一個傻仔踢到D野. 咁望下係咩嘢啦, 原來係頭骨一個... 咁就再望下其他地方. 見有堆人骨係到, 我地嚇死啦, 係山上面踢到呢D野. 

咁我四條傻仔就跑返落山, 其他同學問我地咩事, 我就話踢到剛才D野.., 咦. 最肥嗰個呢...佢係邊呀...
咁剛剛隔離班個女老師行過, 我地話比佢聽剛才D野. 咁佢就行返我地條路搵嗰個肥仔...

但係等咗好耐都唔見回頭, 所以都係搵佢地個班主任先啦. 見到佢又講返剛才D野, 佢真係醒, 叫我地帶路睇下啦.. 

去到嗰度, 唔見女老師同肥仔, 咁話前面有堆人骨啦, 點知我地班主任話無嘢喎, 你地班死仔老作呀!

明明真係見到...唔通我地真係眼花.., 個班主任都醒, 係到四圍望, 會唔會有金塔呢.. 我都有睇, 又無喎. 咁就比佢扭耳仔返去啦, 突然個天又落大雨, 咁唯有返旅遊巴避雨. 點知見到肥仔喺架車上面.. 咁我問佢頭先去咗邊, 可能嬲我地啦, 佢一粒聲都唔出. 咁鬼小氣架. 

個天係咁落雨, 班老師決定提早回塘... 準備開車個陣, 我地班主任問我地係唔係見過隔離班個女老師, 我話係呀, 話佢去咗頭先嗰度搵肥仔呀.. 

咁頭先我地都去過, 證明唔喺嗰邊啦, 咁我地班主任問個肥仔見唔見個女老師啦.....個肥仔就話..

"佢喺我個墳度, 你地去搵下" 嗰時個肥仔把聲原本係男仔聲變左個女人聲.. 我地個班立即喺到大叫啦..(我老豆講D野, 真係全中), 咁我地嚇到全部落晒車啦, 比雨淋都唔敢返上去啦, 嗰D女同學嚇到個個流馬尿呀...(我好D, 我見過三、四次)

都係成年人夠膽, 就問佢個墳喺邊處.., 咁我最好彩, 要陪嗰D老師搵, 咁就去返頭先嗰度啦, 都唔喺度.. 咁我就再向山高D地方搵啦, 今次就見到個墳啦, 但係個墳就爛左, 可能落雨沖爛個墳啩, 但係我老死都唔敢行埋去啦, 係嗰處嗌D老師上去啦, 我記得我地班主任就跑上去. 真係見到個女老師訓喺嗰度... 咁就拍醒佢啦. 問佢點解喺到.. 佢話搵肥仔.. 之後就唔知咩事, 我見佢望一望嗰度, 都嚇到流馬尿呀....

既然無咩事, 就返去旅遊巴, 仲有肥仔個單嘢要解決, .... 返到去, 見到肥仔訓著左, 我個班主任又拍醒佢, 佢今次正常啦. 好彩無咩事, 問返佢, 佢就話唔知呀...

咁大家暫時都無野, 就開車走啦, 不過我地點迫, 都唔敢坐肥仔嗰邊, 連個司機叔叔都話,"大佬, 我係揸車咋.. 唔好搵我呀"

去到路口, 見我地班主任落車, 去一間士多, 之後又上返車, 然後我地安全回到元朗, 咁聽返肥仔老豆講又係捉佢去村口土地公公拜神燒野啦..

後話: 跟住我就升中一啦, 然後聽返, 我地班主任係同個女老師有嘢, 怪唔知咁鬼緊張啦..., 另外有次係錦田D吧見到佢, 就問佢點解要落車, 佢諗咗好耐, 真係年紀大, 佢話同士多個D人講, 個墳主個名, 叫佢地通知佢後人善後.

其實係咪得我一個睇緊

其實係咪得我一個睇緊

深夜睇到好不可思議

有啲寒啊媽呀

32. 蕉林 (呢個係朋友講)

我地元朗地方都算大, 有d村名, 我依家都識唔晒, 呢個故仔係一個波友講比我聽.

我的朋友叫呀強, 佢唔係元朗大, 係近呢幾年由香港搬入元朗一個人住, 佢條村村口附近有一片竹林. 竹林後邊係蕉林, 日頭行過, 都會覺得陰森, 夜晚更生人勿近. 但是出入都係必經之路. 

聽老一輩講, 蕉林好惹鬼, 所以會喺蕉林綁條紅繩, 防止d鬼/人走出走入. (我條村就無咁多人種蕉, 所以我都唔清楚係點樣)

講返呀強, 有次星期六出去飲酒, 佢話自己都飲到貓左,, 返到村口都2:00左右, 咁落車行返去啦, 夜麻麻加上都咁夜, 除咗d要交菜嘅人, 都好少人行過.

咁差唔多行到竹林附近, 突然聽到有d聲, 佢就停係到聽清楚啦, 呢d聲喺蕉林傳過嚟. 咁就雙眼focus嗰邊. (嗰條村係有街燈, 所以都唔會黑麻麻)

佢見到個蕉林d樹係咁郁, 但嗰晚又無乜風, 咁鬼奇怪?. 唔通有人係蕉林打野戰? 可能呀強飲左酒, 膽就大咗, 所以佢就去睇下係咪啦, (聽佢講 佢都未見過人打野戰).

咁佢靜靜地行過去啦, d 聲就越來越清楚, 睇真d, 原來有隻牛喺蕉林食緊d蕉, 唉, 以為有得睇打野戰㖭....

咁就擰轉頭走啦, 突然又聽到d聲, 呢次真係女, 係人聲啦, 咁呀強就走入去啦, 睇下係咪有人打野戰, 但蕉林有d紅繩綁住, 所以就穿過入去睇吓... 個把聲越來越大, 咁佢就越心急要睇吓, 到蕉林中央, 都係聽到d聲而無人喺度.. 咁奇怪?.. 唔通飲大咗會有幻聽? 算! 都係返去大覺睡好過...

當佢想走嗰陣, 突然全身郁唔到, 好似定晒形咁, 佢感覺背脊有隻手係佢後面摸佢... 心諗, 死啦, 今次一定撞鬼, 嗰度隻牛好似知危險咁, 都跑出個蕉林...佢話當時情況就好似時間停頓咗咁... 

呀強諗返起當時感覺到有人扒喺佢背脊咁, 個身就好重嗰d感覺.......都唔知過咗幾耐, 佢聽到有人叫佢, 咁雙眼又focus把聲喺邊處傳過來. 原來喺路邊有個男人喺度. 個人應該係交菜出村口.. 但係佢想叫, 又叫唔出. 想郁又郁唔到.

好彩個男人行過來睇下佢咩事, 當佢走到過嚟嗰陣, 全身又郁得返啦, 咁就老死都跑啦. 到個男人前面, 個男人問佢咩事, 佢就講返剛才d野啦. 點知個男人就鬧佢, 你無見到條紅繩咩, 佢話見到, 見到都仲入去, 你想死呀.

當時佢邊會知呢d事呀, 所以就唔該前唔該後叫個男人陪佢返去... 到第二朝起身, 見背脊好痛, 咁就出去舖仔食早餐兼比人睇下佢背脊, 個老闆幫佢睇吓啦. 一望, 見有d抓痕, 另外又講, 你去過蕉林嗰邊? 呀強講, 你又知道我去過..

跟住個老闆講, 你地d外姓人當然唔知啦, 喺新界地方, 見到d紅繩, 切記唔好入去. 信不信由你. 但係有咩事就關人鬼事.. 

咁個老闆都好好人, 叫佢等下, 佢幫呀強整d藥叫佢飲啦.. (個時都唔知乜東東,就飲啦.) 佢飲完問係咩藥啦, 佢話唔係藥, 係符水...一陣就無事, 咁就係舖仔等一陣, 咦, 真係無咁痛喎...跟住就問清楚個老闆, 呢條村d野啦, 唔好下次又懵盛盛地瀨野.


後話: 有時d外姓人, 都唔係好清楚每條村d嘢, 所以真係入去住, 就問問有咩習俗, 有咩唔好做最好.

留名

牛屎仔留名

深夜睇好正 仲有無