[轉貼/鬼故/一齊驚] 40年圍村佬真人真事

53. 阿明

我有個同學阿明, 都好耐無聯絡, 最近見佢都係10年前, 上年成班同學出去飲嘢先知佢去咗葵涌醫院, 話好似係思覺失調. 講返阿明係一個基督徒, 係元朗原居民, 好似得佢條村係無祠堂, 得教堂..

一場同學, 點都要去探病, 聽佢老婆講佢兩年前發病, 話成日有人佢耳邊講嘢, 去醫生度檢查話係重型思覺失調, 要留院觀察.

我地幾個老死約埋一齊去, 到病房見到佢, 其實同平常人無分別, 對答都無問題, 但問起點解有呢個病, 佢就話兩年前開始成日聽到有人喺佢耳邊講嘢, 係把女人聲. 尤其夜晚訓覺最厲害, 係不斷聽到, 整到佢無晚好訓.

我留意到阿明額頭非常黑, 加上雙眼無神, 好似唔多似精神病, 似係比朋友搔擾多. 不過我唔係好肯定. 

我其中一個同學同佢講, 你會唔會比嘢攪呀.. 佢話唔會, 我係教徒, 有天主保護, 神會保祐我.. 有時我都好怕同d病態聖徒講嘢, 開口埋口就天父. 聖母瑪利亞. 唉, 我地d入咗俗世既人, 點會明白你講嗰d嘢呀.

到我地返去, 我地異口同聲講, 不如搵阿如過去look look, 我個高人同學, 佢叫呀如, 佢老豆連改個名都特別d, 男人就改個女人名.

返到去元朗, 搵阿如出嚟食飯, 話比佢聽阿明d野, 佢話都有可能, 叫我地聽日再去過. 講真, 我地新界仔, 做兄弟一生一世, 朋友有難, 兩脇插刀.

到第二晚, 我地和阿如去探病, 入到去見到阿明嗰陣, 阿如就話走啦, 唔使再望啦.  我地問點解, 佢話返去元朗先講.

既然阿如咁講, 當然有佢理由, 返到去, 坐喺到食飯佢就講, 無錯, 你地估嘅嘢無錯, 但係今次無可能幫到佢, 我地就問點解?

阿如話見到阿明後面真係有嘢, 但係嗰位朋友佢都見過, 我地話你都見過, 即係你好耐之前見過啦, 佢話係, 而嗰個就係阿明喺深圳嘅二奶, 佢話五六年前喺深圳食飯時阿明帶出嚟比佢見, 叫佢保守秘密.. 不過事後好耐無再見過. 所以唔知阿明以後嘅事啦.

但話哂同學一場, 唔通蹺埋雙手唔理? 阿如就講咗一句好玄說話, 天作孽由可恕, 自作孽不可活. 日後就睇佢造化啦. 講真除咗佢有方法外, 我地點會有方法呀, 唯有真係等阿明嘅造化啦, 我地又唔敢講返比佢老婆知. 怕佢頂唔順. 

後話: 其實好多時有d野係用科學解釋唔到, 解釋唔到嗰d就可能叫迷信啩...加上鬼魂之說, 古時全世界都有記錄, 所以真係信者有不信者無.

依家阿明都不時出入葵涌醫院.
但阿如比咗道符佢, 比之前好好多.

54. 壽衣 (一個婆婆講嘅故仔)

近排去咗一個有錢朋友家作客, 我呢個朋友都有d家底, 佢應該係富三代吧, 我都好怕去呢種朋友屋企, 怕啲咩? 怕大富之家生活習慣同我地平民唔同. 位置唔講喺邊啦, 喺南區某獨立屋啦. (阿叔真幽默，話唔講又講)

去到當然世伯前, 伯有後啦, 佢屋企仲有一個嫲嫲, 都有80歲左右, 但係好鬼精靈, 精神更加唔錯. 當世伯, 伯有問起我資料, 我就話世世代代原居民一個, 無乜學歷, 更加係無乜錢啦. 問起點識佢地個仔, 我就話球場最容易搵到朋友. (根據我經驗, 識踢波點壞都有個譜)

另外佢嫲嫲見到我就好似執到寶咁, 成日問我地圍村d野, 問食盆菜係咪好熱鬧, 又問我地細個會做乜玩乜. 我都一五一十講比佢聽, 

食完飯吹水時間, 我就問佢嫲嫲以前有乜奇怪事啦, 問長輩就知, 以前香港好多習俗和習慣. 佢就講返一個關於壽衣故仔比我聽.

話說嫲嫲佢老豆50年代擺大壽, 聽佢講個時好興做返件壽衣用來做大壽, 往往用料都好貴, 平民用料會平d, 大富大貴就用上乘料. 好記得嫲嫲講, 嗰個年代好多人都幫襯梁津煥記. 嫲嫲問我知唔知喺邊,… 我話我點會知呀, 我地D圍頭仔, 我平日都好少出城, 對香港島嘅事物唔清楚.

再聽返佢講, 佢嗰年都係20歲左右, 屋企人買壽衣用咗差不多成500蚊, 如果用當時物價, 係真係好貴好貴,. 聽佢講, 當時500樓蚊都買到啦. 另外嗰個年代唔係好興喺酒樓做壽, 多數都係喺屋企做, 況且係大富之家啦. 

聽嫲嫲講, 當日下午5點左右, 佢想準備入房攞嗰件壽衣比佢老豆嗰陣, 入到房, 就見到有個老人家著起件壽衣, 而嗰個人年紀應該大過佢老豆, 但係從來無見過佢, 更加唔識佢. 最特別嘅就係個頭仲有辮, 嫲嫲就問佢係邊個, 點解著住佢阿爸件壽衣啦. 只見嗰個人微笑住對佢講, 你地真係有孝心, 想當年我嗰件都無你地呢件好..再望清楚嗰個人, 原來佢都著住件壽衣, 但係料同款式就無咁好.

見到個陌生老人家, 又唔知佢係邊個, 嫲嫲心諗一定係小偷啦, 聽嫲嫲講, 嗰個年代, 衣服, 綿胎係可以用嚟抵押㗎. 咁佢就搵工人過嚟捉小偷, 點知叫完, 擰返轉頭就唔見嗰個人啦, 只喺地下留返低件壽衣. 

到咗幾年後, 因為政府要開路, 所以佢地去拜山兼幫佢地阿爺起骨, 因為嫲嫲出世前,佢阿爺已經過咗身, 到開棺個陣, 嫲嫲見到阿爺件壽衣好似喺邊度見過? 咦..好似前幾年喺屋企見嗰個人著一模一樣….唔通嗰日個老人家係阿爺…..


後話: 我聽完嫲嫲講, 我都話有可能架..我地新界都聽過先人成日返來探家人, 不過唔係個個會見到, 多數係d小朋友先見到, 因為佢地還未入世嘛.

講明轉貼都比人屌，我係樓主都走啦

唔怪得人地話連登低質，吃力不討好，轉貼完比你睇有錢分咩

我想講
原post最後更新係2013
第1個撲出嚟話轉貼唔貼link條友
話自己由第2X篇開始追 睇到而家
個圍村阿叔由2010開始貼
咁起碼都追咗成4、5年(以上)
唔叫 資深香土會員 咁係乜

又話人串緊佢
中老年真係心理脆弱

貼埋來源好難咩？咁撚串 抵你比人屌

講明轉貼都比人屌，我係樓主都走啦

唔怪得人地話連登低質，吃力不討好，轉貼完比你睇有錢分咩

我想講
原post最後更新係2013
第1個撲出嚟話轉貼唔貼link條友
話自己由第2X篇開始追 睇到而家
個圍村阿叔由2010開始貼
咁起碼都追咗成4、5年(以上)
唔叫 資深香土會員 咁係乜

又話人串緊佢
中老年真係心理脆弱

貼埋來源好難咩？咁撚串 抵你比人屌

轉貼放原link其實係啱…

點解一歲都記得

55. 主人房

小弟都活咗咁耐, 有些事, 真係現今科學解釋唔到, 或者將來科技進步可以解釋得到啩. 我就講返一個你地好難想像到嘅故仔比各位師兄聽.

話說小弟出來工作無耐, 對市區真係唔好認識, 有次要去九龍城嗰邊幫手做裝修, 係一間獨立屋要做翻新,去到後發覺間屋真係好舊,不過屋周圍就種咗好多植物, 我估間屋至少有50~60年左右. 聽講無人住都有10幾年.

嗰時我負責起油, 剷灰, 咁我就由2樓其中一間房開始做, 我諗應該係主人房, 間房所有擺設都無郁過, 床, 櫃, 鏡, 燈都喺到, 但係比其他方唔同, 就係間房明顯係有人住, 一d塵都無. 但係明明又話無人喺到住? 我就去問個管工啦, 個管工就話理得人咁多吖, 你做你的就可以.

佢咁講, 我就開工啦, 但係一開工做, 就感覺背脊有人望住, 但擰轉頭就乜人都無...如是者, 一路做一路覺得唔妥. 成日比人望住嗰種感覺係好難受, 唔通間房有古怪? 都係將粒玉放返出來先. 當我將成間房d油剷晒都差不多12:00, 咁我地就去食飯啦.

下午返來, 準備做第二間嗰陣, 管工嚟搵我, 我問咩事啦, "佢話: 唔係呀, 你成個上晝有無做嘢㗎", 我話點會無呀, 我上晝先剛剛剷起個主人房d油!
佢話你過去睇吓, 我以為係有d地方未做, 點知返到嗰間房, 係封不動, 連地下一d灰都無, 所有我頭先移過嘅傢私, 櫃, 鏡, 都係返原來位置.

我同管工講, 明明有做, 點解會係咁? 個管工話, 細路, 無做就無做, 你講大話就係你唔啱. 嗰時我真係頭都爆, 但係事實就係間房原封不動. 我話: 好, 我再做多次, 不過就叫個管工望住我做半個鐘. 咁個管工見我咁認真咁講, 佢都話: 好, 我就睇一陣. 差不多剷晒都五點放工. 我就喺間房叫個管工睇吓, 個管工睇完就收貨. 

到第二朝返工, 準備做第二間房嗰陣, 我去睇下嗰間主人房. 唔係啩, 又係咁, 所有嘢原封不動, 唔係咁邪呀. 我就叫個管工和其他人上去睇, 佢地睇完都話好邪. 管工叫業主過嚟, 個業主話我都係剛剛先買, 所有嘢真係唔知....

但當我地成班人同個業主喺間房討論緊嗰陣, 我就發覺有d嘢, 我望向塊鏡嗰度, 見到有個女人喺度. 我再望返班工友, 係一個女人都無, 再望返塊鏡, 個女人真係喺度呀. 我就拉住個喉嚨細細聲同管工講: 喺鏡照出嚟多咗個女人. 佢擰返轉頭望下, 就同我講: 我地都係出返去先啦.

當我地出返間屋個陣, 管工同個業主講: 李生, 呢次裝修, 你都係搵另外一間裝修公司啦, 我地賠返d訂比你啦. 當然個業主媽聲四起, 但係最後管工堅持唔做, 所以賠返個訂就算啦


後話: 點解嗰間房咁特別? 喺塊鏡見到個女人就知啦, 其實係唔只個女人, 仲有個細路仔, 個女人d衣著好似睇粵語殘片咁, 我諗50~60年代個種. 

之後, 我有時去踢波都見到嗰間屋都係無變過. 不過近排經過, 見到有人起棚架準備做嘢, 我就祝佢地好運嘞. (嗰間屋位置對面有間教堂, 各位師兄自己諗諗啦)

樓主潛水

無潛 係一次睇太多故 想唞唞
同埋原post個阿叔 睇佢寫嘢
我估現實都係好長氣
啲故好似越嚟越長 又累贅



繼續

辛苦晒

樓主潛水

無潛 係一次睇太多故 想唞唞
同埋原post個阿叔 睇佢寫嘢
我估現實都係好長氣
啲故好似越嚟越長 又累贅



繼續

但幾好睇

講明轉貼都比人屌，我係樓主都走啦

唔怪得人地話連登低質，吃力不討好，轉貼完比你睇有錢分咩

我想講
原post最後更新係2013
第1個撲出嚟話轉貼唔貼link條友
話自己由第2X篇開始追 睇到而家
個圍村阿叔由2010開始貼
咁起碼都追咗成4、5年(以上)
唔叫 資深香土會員 咁係乜

又話人串緊佢
中老年真係心理脆弱

貼埋來源好難咩？咁撚串 抵你比人屌

兩樣嚟㗎 好無呀
你話轉貼唔引source ok補返link囉
但一開口就話人係狗 唔見得幾有家教喎
講事實 原post由2010貼到2013
追足幾年 比人用"資深"嚟形容
請問有幾唔適當 有咩咁唔適當？
又答唔到

扮理性懶持平 但係又屌得無內容
死咬住 來來去去就係話一開波無放link
前面已經貼咗




煩過厲鬼 死唔斷氣

講明轉貼都比人屌，我係樓主都走啦

唔怪得人地話連登低質，吃力不討好，轉貼完比你睇有錢分咩

我想講
原post最後更新係2013
第1個撲出嚟話轉貼唔貼link條友
話自己由第2X篇開始追 睇到而家
個圍村阿叔由2010開始貼
咁起碼都追咗成4、5年(以上)
唔叫 資深香土會員 咁係乜

又話人串緊佢
中老年真係心理脆弱

貼埋來源好難咩？咁撚串 抵你比人屌

轉貼放原link其實係啱…

係 當你做一樣嘢係政治正確
用任何手法都ok
仲會有光環 身份係聖人

掉轉呢 就係衰人
會講足一萬年



咁講返話唔放link
前面放咗嘞 跟住仲要點啊(真心)
使唔使好似粵語殘片/TBB啲劇咁
婆婆媽媽

56. 阿玉

我有個朋友, 想想下都死咗15年, 不過都想分享一吓佢死前嘅故仔比各位師兄聽

1995年小弟那年25歲, 從中學畢業出來做嘢都5~6年啦, 以前玩開嘅朋友都唔會成日見, 其中有個女同學叫阿玉. (我地嗰個年代唔係好興叫英文名). 記得佢係我地同班同學最早結婚, 加上有了家庭更加少來往.

有次朋友聚會聽到阿玉患了末期肝癌, 我地成班人都覺得好奇怪, 點會咁後生就有癌症, 更加唔明白一個唔飲酒嘅人都有肝癌..

成班朋友約好去探病, 見到阿玉喺病床上, 個樣真係好痛苦, 當時我地心都酸晒, 男人就話眼淚不輕彈, 但係女同學個個都喊到想死.. 聽阿玉家人講, 最多只有2個月命. 我聽到, 連我自己都喊……那種感覺真不好受…

如是者, 過左一個月, 有晚突然接到阿玉電話, 問我地聽日得唔得閒食飯, 我聽到就話: 你好返晒嗱, 你無事咩, 阿玉講: 係奇蹟呀, 醫生話無事可以出院啦. 

咁聽佢把聲真係好精神, 應該真係奇蹟出現啦, 我就將呢個好消息同朋友講, 開頭個個以為我玩嘢, 有D聽到就鬧我咪攞呢D野嚟玩, 我就話真係呀, 聽日約左7:00食飯呀. 

到咗嗰晚, 成班人都到晒, 唯獨阿玉未出現, 我就比人一路等一路鬧.. 心諗: 唉. 會唔會真係比人玩呀, 醫生都話只剩返2個月命, 無理由會突然無事㗎. 嗰陣我都有D信心動搖啦,

等多一陣, 阿玉真係出現. 見佢個樣比以前更加精神, 言談比正常人更加正常, 我地成班都覺得係奇蹟出現. 不過喺食飯嗰陣時, 我發覺有D野係好難形容, 就係阿玉全身好似發光咁, 另外我個高人朋友平時唔多講嘢, 個晚轉死性, 同阿玉喺度雞啄唔斷咁講嘢, 其中有句我到依家都好記得, 就係不要將煩惱記喺度. 

當成個飯局完都差唔多10點, 我另外一個朋友問阿玉使唔使車妳返去, 阿玉話唔使啦, 佢話想行多陣先返去. 咁我地就各散回家.

返到屋企都唔夠5分鐘, 我個高人朋友打比我, 佢話: 聽日叫我一早打比朋友, 話阿玉過咗身啦, 我聽完: 吓, 你唔好攞呢D嘢嚟玩啦, 明明阿玉無事, 你叫我話佢死咗? 個高人朋友講, 真係呀, 你信我就得啦, 剛才你地見到阿玉係迴光反照, 當佢心願完晒就會走㗎啦. 另外剛才喺飯局嗰陣, 阿玉後面有兩個鬼差喺到, 咁嘅情形, 最多過唔到1點. 

我聽完, 既然高人咁講, 一定係真, 我就逐個朋友打電話通知啦, 有些朋友同我講都應該係, 有些就鬧到我狗血淋頭..

嗰晚, 我記得係張床坐左一晚, 到天光打去阿玉屋企, 佢先生接電話, 聽佢把聲都知比高人朋友講中咗, 佢先生講, 阿玉喺12:30a.m.過左身…我聽完就自己一個喺房喊到收唔到聲.. 


後話: 當身邊親人, 朋友離世, 那種痛真係筆墨難而形容. 今日就係阿玉死忌, 祝佢早點投胎.

57. 龍鳳鐲 (冥婚)

記得時間係我小學時代, 差唔多1, 2年班左右, 有日喺回家路中草堆有嘢喺到閃, 我就走去睇吓係咩嚟啦, 喺我個年代, 玩具最貴就係超合金公仔, 唔係有返d家底都唔會買. 當時我都以為係超合金啦, 點知係一對手鐲. 

當時我真係好細個, 加上唔知咩叫龍鳳鐲, 以為係超合金, 喺地上執到寶, 當然攞返屋企玩啦, 如果有留意我個 post, 都知我細個係無人同我玩.

每當我放學返到屋企, 除咗做功課, 就會攞我個寶物箱d寶物出來玩, 嗰時我老豆老母都無乜時間理我, 所以唔知我執到對龍鳳鐲. 我依稀記得嗰時就出現咗d奇怪事..

好似由我執到對龍鳳鐲嗰日開始, 夜晚訓覺, 就成晚都聽到我養嗰隻狗喺度吠, 起身就會見到成班牛喺我屋企出面訓喺度. 我同老豆講, 佢就話我發夢, 但無可能成日發夢都係咁㗎?

日子又過了一排, 就有個姐姐開始日日接我放學去玩, 之前都講過呢個姐姐係隔離村我朋友個呀姐. 佢1960年出生, 死時係1969年 而我就係1970年出生.

點解又講返呢個姐姐呢, 因為近排去朋友家拜年, 佢老豆老母講起關於姐姐嘅嘢比我聽, 佢地講完後, 就令我想起要去搵返d嘢, 就係我個寶物箱...

原來喺我6. 7歲嗰陣, 如果我無估錯, 姐姐嗰年應該係16歲冥壽, 世伯伯有幫姐姐做咗個冥婚, 雙八年華, 就係16歲, 佢地準備所有結婚儀式, 而最重要係嗰對龍鳳鐲. 而嗰對龍鳳鐲又比我執咗. 怪不得我會見到姐姐啦. 可能我執到嗰對龍鳳鐲, 所以姐姐就跟住我了.

我用盡我所有記憶, 先記得我將個寶物箱放咗喺邊, 原來就係藏喺我屋企後面龍眼樹地下 (可能細個睇過d卡通片, 好似時間囊咁藏喺某個地方), 當我打開個寶物箱, 個對龍鳳鐲依然喺度, 而我老豆老母阿哥就問係幾時執到, 我就話都成廿幾三十年前, 點會記得呢. 

我將對龍鳳鐲喺今年正月十五點燈嗰日交返比世伯伯有, 又係一模一樣, 喊到停唔到.

後話: 有些事, 在冥冥之中, 可能係緣啩, 或者真係命運安排, 另外喺街上見到有金器, 切勿執呀. 老人家講, 唔會無啦啦喺街度有金執, 執到都唔係好嘢..

睇左咁多個我都想分享一個

之前去飲野識左個男仔，佢同我地講的
話說佢有次同女朋友有日係尖沙咀飲完野，之後就坐通宵小巴返天水圍，如果搭過呢架小巴都知，晚晚都有好多人等車同埋好耐先有一架車，於是佢地排左半個鐘隊終於上到車，咁岩係司機位後二排都空左，於是佢地就坐左係司機後邊果排，點知架車就關門開車，佢女朋友都好奇點解仲有兩個空位都照開車，不過飲左酒又夜佢地都無理咁多就訓陣，一起身已經到屯門市中心，再經過屯門某幾個邨再去天水圍，後來去到天水圍佢地差唔多到要落既地方個男仔都醒左

男仔：司機前面巴士站有落
司機：（舉手），後邊兩位姐姐仔邊到落架？（可能因為如果唔係呢幾個位
落車就會行第二條路去總站）
女朋友：即刻喊左出黎，後邊無人呀司機

於是個司機無出聲一路去到果個巴士站就停左車仲落埋車打電話，於是佢女朋友喊左成晚

坐緊紅van司機位後面

58. 睇樓記

上年有個踢波朋友約我去睇樓, 地點係康怡附近, 詳細地點就唔講啦.. 聽佢講佢本身住觀塘, 但喺香港返工,  話想轉吓環境.

嗰日星期日踢完波, 就約好去睇樓. 去到目的地就約埋個代理上去, 到門口個陣, 就感覺門口涼震震.. 直覺有兩種, 一係好好風, 一係就無好嘢.

當打開到門, 見間屋乜都無, 地下就好多塵, 睇離空置咗好耐, 不過在這w旺區無乜可能空置咁耐啦. 入到去四圍睇吓, 間屋就好似無乜問題, 就問吓代理個價啦, 佢話200萬左右.. 我聽完, 唔係啩, 200萬咁平? 佢話放左好耐都無人買, 所以業主話大平賣喎, 另外個業主話趕住移民, 所以就諗住平d賣.. 但係真係有無咁好死會大平賣呀?

我估間屋係有嘢, 但係我就感覺唔到, 見就嚟1點, 就拉開話題, 話食完嘢再嚟睇過.. 落到樓, 問我朋友你信唔信咁平呢? 佢話開頭都唔信, 但係依家樓價咁高, 個價咁平, 佢都想買左佢.

我話不如比我試試先啦, 佢話點試, 我叫佢返去帶佢個3歲仔過嚟, 我同佢個仔再入去睇吓. 佢問點解? 我話秘密啦..

之後, 我地就同埋佢個仔上樓, 去到門口, 個小朋友就喺到喊, 死都唔入去,  我就叫我朋友帶返個仔落去, 由我同個代理再入去, 不過今次我就將我粒玉除低, 今次就唔同啦, 見到個廁所和之前唔同咗. 我就再入去望望. 

今次唔同嘅地方就係, 見到廁所天花有條繩, 我問個代理, 你見唔見到呀, 佢話無喎.., 我話可能我睇錯..出返廳, 我好似見到有個人喺窗臺跳落去, 我都比呢個動作嚇親呢.. 之後我就立即掛返粒玉啦...落到樓, 我就問個代理知唔知業主D野, 佢話唔知,不過我直覺佢講大話啦.

我朋友問我間屋點, 我就話, 如果你夠膽, 百無禁忌, 你就買啦, 佢聽完就問點解啦, 我話你信我, 唔好買啦.

後話: 根據老人家講, 你唔肯定間屋有無嘢, 就帶個小朋友去, 最好係2,3 歲左右, 另外就係去買D牙灰洒喺地下, 等第二日再去睇下有無異樣, 不過好多代理為求佣金, 好多時都揞住良心, 將有些凶宅放盤.

去香燭舖就知咩叫牙灰, 多數放喺香爐戥用

59. 母女

講返一個近來嘅故仔比各位師兄分享一下, 小弟無做工程項目都幾年, 講真做工程真係好困身, 加上年紀都開始大, 想搵份安安定定嘅工作. 小弟見到有間日本公司請行政, 就膽粗粗去見工, 佢地又請我喎.

但係話做行政, 原來係要負責在國內開廠事宜, 可能貪我又做開工程項目先請我, 所以返唔夠一個月就要返國內出差. 開頭當然在廣東. 記得嗰次去東莞麻涌, 廠房地點以前係農地.

原來做行政真係好鬼煩, 又要去攞批文, 又要乜又要物.. 煩都煩死.  當真係開到工都成個月後喇. 開頭我都日日返香港, 但係來來回回都好攰. 咁我就同公司講留喺上面follow, 一個星期先返公司一次. 

到正式開工, 都過唔夠兩日, 差唔多收工嗰陣,  聽到地盤傳來壞消息, 話喺地盤挖到副棺, 唉, 真係大吉利是... 我去睇吓, 心想農地都會有人葬喺度?,不過最好都係叫公安去處理. 費時麻煩. 點知嗰班人民警察嚟到, 又話乜又話物, 話要開棺, 又話要驗屍.. 好啦, 你地想點就點啦. 交比國內d同事follow, 我就行遠d, 無謂惹麻煩. 

突然我背後傳來有個小妹妹喊聲, 我擰轉頭望吓, 見到個小妹妹企喺度. 心諗唔係啩, 點會無啦啦有個小妹妹呢.. 我就問個妹妹點解喺到喊, 佢又唔出聲, 淨係指住個棺材. 我再問個妹妹, 你想講咩呀, 小妹妹淨係識喊....我就話: 妹妹你想點就話比我聽, 唔係我幫唔到你呢.. 

個妹妹聽完,就走咗去個棺材旁邊, 然後手指指向地下... 開頭我都唔知佢咩意思, 不過諗諗吓唔通係......?

我行返埋去, 同d公安講, 你地等等... 然後叫工人喺個妹妹指住嘅地方挖, 開頭班工人唔知點解, 不過當佢地挖挖下就挖到另一副棺材, 係一副小棺材. 嗰陣我就知個小妹妹點解喺到喊啦. 班公安同工人問我點解知道. 我唔通話佢地聽我見到咩...最後去公安局解釋一輪, 然後就放我走啦. 

過幾日, 當地公安局派人嚟同我講, 原來嗰兩副大小棺材嘅主人係母女關係, 佢地調查過無可疑就話你地可以繼續開工. 我就問返個公安你地點處理, 聽佢講多數會火化.

後話: 我就係怕咗做工程上成日都撞到朋友, 所以先轉行, 唉, 點知點都無得避...

60. 貨倉

原來做行政工作比做工程更加麻煩, 以前就聽個客講想點做, 我地照做, 依家做行政就要臨時去做, 寫計劃書, 然後又要計數...真後悔呢.. 好聽d叫行政, 唔好聽叫阿四..加上我半途出家, 對做行政知識一知半解, 好多時都行冤枉路...唉.. 不過都做咗, 逆來順受吧. 

有次老頂話星期日要我去幫手去做點倉, 做行政都要去點倉? 唔係啩...好似同做行政無關係......但最後都去啦, 我地個倉喺葵涌, 去到先知原來個倉有7層, 每層都有3萬呎咁大, 我同其中一個女同事負責其中一層 (你地唔好諗衰嘢, 我工作時好鬼正經)

咁各自各去點貨, 到差不多食中午飯嗰陣, 我去洗手, 跟手打電話比女同事話去食飯, 點知就聽到佢手機響, 唔見佢接電話. 我就跟住電話鈴聲去搵佢啦, 只見到個iphone,手袋. 人呢? 我大嗌佢個名啦, 但係都無人應, 唔通匿埋咗訓覺? 行哂成個倉都唔見佢, 唔通喺廁所? 去到又唔見..  我再重新搵一次. 走遍每個角落, 都唔見佢蹤影. 心諗, 唔通落咗街又無帶電話? 唯有自己一個人落去食飯啦. 

去到樓下飯堂, 見到其他同事, 但嗰位女同事就唔見影, 我就問其他同事有無見到佢, 佢地話無見呀, 我講返剛才喺倉個d野比佢地聽, 佢地都話, 可能出咗去唔記得帶電話, 可能一陣就返, 到食完飯返上去, 都唔見佢出現, 心諗, 小姐你唔係蛇王走咗去唔理啩, 個倉咁大, 我一個人做到今晚都做唔完. 唉, 鬼叫你窮頂硬上, 聽日返到公司我一定小到你七彩. 

咁唔理啦, 開工先. 但我一路做一路諗, 點解佢出去唔攞電話呢? 再留心一下, 咦, 係喎, 點解個倉無冷氣都咁涼?. 我就越覺越唔對路.. 不如試試睇吓啦. 我就將粒玉墜除咗, 跟住就再搵一次, 今次我就搵到佢啦, 原來佢暈咗喺d貨旁邊, 我就拍拍佢啦, 見佢開始醒返, 我就問佢咩事啦, 佢話點點下貨就暈咗, 都唔知咩事.

我見佢面無血色, 我就問佢有無事呀, 佢話無, 我同佢講, 如果你無事就同我落樓晒晒陽光啦. 落到樓後, 我比我粒玉佢, 叫佢帶住, 我同佢講, 你唔好問點解, 更加唔好諗錯隔離. 過左一陣, 見佢塊面好好多就上去繼續開工, 上到去, 我叫佢帶住我粒玉直至走先比返我. 到最後平平安安點完晒都無事發生.

後話: 其實個貨倉有咩嘢喺到呢, 我都唔知道, 傳聞未係倉前, 有個女人喺嗰度吊頸死, 更加話以前火燭燒死人. 

另外嗰位女同事, 真係好口疏, 返到去公司話我對佢有意思, 又話我將粒玉比左佢又收返, 話我好cheap. 唉...真係好人難做, 好命d, 我都做得你老豆啦, 早知我就當睇唔見好過.

壹健劉明

61. 楊柳樹下的哭聲

以前細個我地就無乜娛樂, 放學唔係捉魚, 就係去山上玩, 以上山嗰段路有一棵楊柳樹. 我地從村中父老口中知道, 呢棵楊柳樹係有故事, 不過嗰時我地好細個, 點會記得喺心裡面呀. 不過隱約記得係有個女人喺楊柳樹吊頸自殺. 時間就唔係好清楚. 現在諗返下, 依稀記得有件事......印象中,
嗰年應該小四, 小五吧, 

記得有次我地幾個同村兄弟放學後又跑上山捉豹虎..我個年代真係好多人玩, 上至我老豆, 下至我地班死仔, 原因就係可以用來賭錢....又可以幫補吓零用錢. 

記得個次係捉豹虎, 捉咗幾個鐘, 我幾個兄弟就捉到紅孩兒, 老督. 而我來來去去都係金絲貓, (講真我手氣好鬼差, 紅孩兒都係捉過3, 4隻), 佢地就滿心歡喜啦, 而我就唔多老黎啦, 差不多5點, 佢地話返去啦, 我就唔多願意啦, 一隻都無, 聽日返學就比人笑到面黃. 我就叫佢地返去先啦, 我一定要捉到先返去.(唉, 我都唔知點解咁硬頸) 我d兄弟當然走, 唔怕比老豆打咩. 

咁我留返喺到繼續捉啦, 見太陽都差唔多落山, 無奈都要走啦, 講真, 夜晚喺山上面真係乜叉都睇唔到, 連落山條路都唔知喺邊㗎. 到我落到山嗰陣, 都差唔多天黑.

當時滿懷失望回家路上, 剛經過棵楊柳樹時, 突然聽到有把女人哭聲, 我擰返轉頭睇, 一個人都無, 當時以為自己聽錯, 但係把哭聲真係越來越大聲. 心諗... 唔係啩..無咁好彩啩. 我當時好細個, 遇到咁既情況當然跑為上著, 但係雙腳好似黐住喺地面, 點郁都郁唔到...連想喊都喊唔到. 記得當時心諗, 今次死梗喇.. 個把哭聲係好凄厲, 基本上係唔想聽入耳嗰種... 

到天真係黑晒, 嗰時更加唔知點算.. 唔知係我好驚定潛意識啦, 我喺嗰棵楊柳樹隱約見到個人影, d聲就係喺棵楊柳樹度傳出嚟.. 當時我越來越驚.連尿都瀨晒出嚟. 突然聽到我老豆老媽子把聲, 跟住就可以郁得返, 嗰時立即就跑啦, 沿住老豆老媽子把聲搵到佢地, 我真係喊到停唔到口..

當時老豆老媽子問我咩事, 問我係唔係撞到嘢, 我就話唔知, 只知係唔郁得同好驚, 不過見到佢地就安樂晒...當回到屋企, 我老媽子話, 聽我老豆講, 佢以前細個, 都經歷過頭先嘅事, 好彩當時全村去搵佢先無事....


後話: 其實嗰棵楊柳樹有咩野呢, 我都唔敢講, 不過全村嘅人都知, 唔可以斬, 又唔可以用紅繩圍住. 只知道話以後唔好夜晚經過...
經過這件事, 老媽子就將我阿婆粒玉比咗我, 叫我無論如何都唔好除低.

留名 睇到13

睇得好辛苦
睇咁耐都係睇到20

live咗 快啲更新啊啊啊啊啊

講明轉貼都比人屌，我係樓主都走啦

唔怪得人地話連登低質，吃力不討好，轉貼完比你睇有錢分咩

我想講
原post最後更新係2013
第1個撲出嚟話轉貼唔貼link條友
話自己由第2X篇開始追 睇到而家
個圍村阿叔由2010開始貼
咁起碼都追咗成4、5年(以上)
唔叫 資深香土會員 咁係乜

又話人串緊佢
中老年真係心理脆弱

貼埋來源好難咩？咁撚串 抵你比人屌

樓豬真係好撚on9
唔貼link 唔貼source 一句轉貼就搞掂？
鬧你狗而唔係鬧你蝗咪算好囉

btw 一百毛當年抄完高登都係就咁一句轉至網絡就完

幾好睇

LM