[轉貼/鬼故/一齊驚] 40年圍村佬真人真事

75. 昏迷

話說喺幾年前, 經朋友介紹認識咗一對夫婦, 佢兩個住喺西九嗰邊想搵人裝修, 住嗰度應該經濟都幾好, 但近排再見返個男人, 聽佢講受到經濟不景及投資失利, 好快要將層樓賣出嚟套現, 最慘係佢老婆, 無啦啦患咗怪病, 突然無晒知覺昏迷成半年, 連醫生都唔知咩病. 我當時聽到就安慰吓佢, 跟手講返幾句叫佢唔好過分擔心就算.

到今年年中, 又收到嗰位男人電話, 內容係將會搬屋想我再介紹裝修比佢, 另外問我有無時間出嚟食飯吹水, 心諗兩條佬有咩好吹呀, 不過我都好耐無出城飲嘢, 所以就應承佢.

飲飽食醉準備閃嗰陣, 佢同我講不如上去佢屋企睇吓, 我見時間都算早, 就去睇吓, 因我都未去過嗰邊, 都想睇下嗰邊環境. 去到佢屋企原來係面向昂船州. 咁我問佢老婆病情如何, 佢話都係咁啦, 無乜起色. 佢叫我入去睇吓啦, 咁我同佢入到房, 見佢老婆訓喺張床度, 根本就唔似係病人, 當我地兩個準備出返廳, 突然我就聽到有一下女人聲, 擰返轉頭望, 開頭以為係佢老婆發出, 但望吓又唔似.

出返廳坐, 就問佢老婆點解無啦啦係咁, 佢話都唔知, 只知個印傭見佢喺廳訓, 就到現在都未醒過. 我同佢再吹多一陣水就話 唔阻你啦, 下次再約. 準備出門口走嗰陣, 我又聽到頭先把聲, 心諗咁奇怪, 呢間係一手樓, 無理由有嗰D嘢? 落到樓, 我好奇心又返嚟, 都係返上去再望清楚. 

當我返到上去, 佢見到我就問係唔係漏咗嘢, 我話想再望望佢老婆, 佢見我咁問都好奇怪, 不過都比我入去, 再入到去, 我就將粒玉除抵, 今次就見到佢老婆個魂魄坐咗喺窗邊.

我睇完就將粒玉帶返, 跟住就出返去, 然後打電話比我個高人朋友, 我一五一十講返頭先見到嘅嘢比佢聽, 佢話聽日放工後同我去睇吓.講完之後, 我朋友問我咩事, 我就話, 你信又好, 唔信又好, 你老婆唔係昏迷, 係離魂, 唔知點解佢魂魄返唔到肉身, 我朋友聽日會上嚟幫你. 

到咗第二晚, 我同高人朋友一齊上去, 介紹完, 高人話你地兩個喺廳度等啦, 咁佢就入咗房. 大約過咗半個鐘, 見佢出返嚟, 話無事啦. 我地就入去房啦, 見佢老婆醒返及喺度喊. 話自己發咗個惡夢. 到我地走嗰陣, 高人朋友話比粒玉佢老婆, 叫佢老婆無論如何都唔好除低, 如果唔係, 就無咁好彩可以醒返. 

我問高人點解會咁, 佢話有D人天生就可以離魂, 但自己係唔知, 會當發夢. 當時運底或肉身三顆明燈(眉心及兩邊膊頭)暗咗嘅時候就唔識返入去. 要粒玉或其他方法帶返佢魂魄入去肉身到.

後話: 其實夢境同離魂有無關係, 我就唔敢講, 但有時發夢見到嘅事物, 有時會喺街上感覺曾相識. 有d陌生地方, 從來未去過, 但我去到後又知道嗰度有咩野. 真係唔知點解釋..

會唔會太假，昏迷病人喺屋企昏，咁點維持生命呀？

可能同植物人差唔多case?

睇左香討個post
原本個樓主講到紅衛兵之後就消失左 但明明寫住續

9. 水牛嶺 (現在是元朗公園)

這個是聽回來, 由村中一個80多歲老人家講的,  唔知係唔係真
都好似有60年左右啦, 個時日本仔打過來時, 個時元朗是新界區比較人多及有錢的
個時日本仔見到乜人都殺啦, 有時捉埋成班殺, 老人家是其中之一, 那時處決地方就是水牛嶺, 那坐小山是元朗市內比較高的地方. 聽老人家講, 佢詐死先無事.

個時細個, 我地d長輩千叮萬囑我地午好去個邊玩, 我都算幾聽話, 我未去過.

到近20年, 元朗發展, 在水牛嶺要起公園, 咁先發覺好多人骨, 另外做了法事, 及起左個百鳥塔安放所有骸骨.

有無元朗師兄知否真的

呢個真事，利申呀媽以前住個頭

我細個住水牛嶺
之後收地做公園就上左水邊圍邨公屋
公園後面仲有個石碑，紀念二戰死者

不過其實果時四圍都係亂葬崗
無得避

83. 招魂

各位師兄, 我諗大多數人一聽到鬼神, 都敬而遠之, 但有啲人就硬想要接觸靈體, 可能真係未見過, 好奇心驅使, 想知道鬼是甚麼. 但鬼同人一樣, 喜歡你就會出現喺你眼前, 唔喜歡你就算用盡方法都唔會出現. 以下係我位高人朋友講聽嘅經歷, 分享給各位師兄.

阿如; (我高人朋友嘅名字, 之前都講過, 唔明白世伯要幫佢改個女人名 ), 有一日, 佢收到個電話, 係一個女仔打嚟, 開頭以為有冷氣生意, 但原來係想搵人招魂. 

阿如同個女仔講, 你搵錯人喇, 呢度係做冷氣工程, 唔係做乜鬼招魂、問米, 你不如上網搵啦, 點知個女仔就同佢講, 係我地同學介紹.. 阿如聽到, 心中就媽媽叉叉, 佢話, 我唔識咩招魂. 然後就收線. 跟手佢就打比我地同學, 第一句就媽叉佢啦. 但我同學話, 嗰個係佢世姪女, 可否幫忙一次咁多. 講講吓, 就知道個世姪女叫玲玲, 年紀大約22歲左右, 我同學話佢係個100%公主病, 而佢要招魂嘅, 就係死去嘅男友. 阿如聽到我同學咁講, 就話考慮吓, 但亦都話: 唔好咁大期望, 我唔係啲咩世外高人. 並不是乜都做到.

過咗一星期, 有日, 佢公司有對夫婦搵上門, 原來呢對夫婦就係玲玲雙親, 上嚟目的當然無好嘢, 就係叫阿如幫下佢地個女, 開個價, 幾多錢都肯比. 阿如聽到, 真係火都嚟, 有咁樣嘅家長, 唔怪得有個咁嘅女. 要求人幫手, 都要有禮貌啲啦. 阿如懶得同佢地講, 就叫佢兩夫婦唔該走, 唔走報警. 到兩夫婦走咗, 阿如心諗; 唉, 而家香港人由幾時變得咁無禮貌, 唔通真係世風日下, 一蟹不如一蟹?

咁又過咗一個月, 今次嚟咗位長者, 話就話長者, 其實只不過60歲左右, 佢上嚟目的同之前對夫婦一樣, 不過今次, 呢位長者說話就好得體. 都係年記大比較世故. 經一輪傾談, 阿如話可以試吓, 但唔好抱好大期望. 就叫佢孫女後晚, 單獨一人上嚟佢公司. 

到咗當晚, 玲玲真係一個人上嚟, 阿如係第一次見佢. 點形容呢, 聽阿如講就係比時下年青人更加誇張. 問返佢點解要招魂, 佢答話: 想招佢男友個魂返嚟, 鬧爆佢, 講吓叫佢去死, 佢就去死, 都無腦. 阿如聽到嗰刻, 望住玲玲真係目定口呆, 阿如話, 如果玲玲係佢個女, 佢會跳樓算罷嗰隻.

阿如就問佢男友叫咩名, 玲玲話叫世強, 阿如就話: 唔使招啦, 玲玲問佢點解, 跟手又一輪咀話老千, 神棍等. 到阿如可以開口嗰陣, 佢就話: 你男友根本就喺你後面, 生前你對人唔好, 連死後都無尊重佢, 我諗你好快都有報應. 小朋友, 我唔知你喺咩環境成長, 令你變成而家咁, 不過都無所謂啦. 條路自己揀, 要承受返後果. 跟住就請玲玲離開公司.

過咗幾個月, 之前嗰位長者又上嚟公司, 佢同阿如講, 話佢孫女飲大咗過馬路, 比架貨車撞死咗. 阿如就安慰長者, 同佢講, 世間有啲事, 任你天大本領都改變唔到, 呢個可能就係天意. 節哀順便吧.


後話: 我經常聽到話80後, 90後, 乜都唔識, 樣樣都倚賴, 不懂面對問題 我都唔係好認同呢種說法. 但講真一句, 喺我個年代, 真係好少聽到後生仔尋死, 跳樓更加係大事上頭版. 唔通而家年青人真係被寵壞過櫳? 定係即食文化影響呢? 到最後我都奉勸一句, 退一步, 海闊天空.

人仲未死, 有咩事都可以解決, 死咗, 就咩都解決唔真到, 仲令身邊嘅人更傷心.



講真, 我對時下年青人沒有帶有色眼鏡, 因我都做過年青人, 知道剛出來工作苦況, 
尤其我呢種讀書不成, 只識踢波的人..

但只要有向上的心, 不怕蝕低, 做好每件事,
人家會看到你的努力, 會給你好多機會.當然剛出來人工係好少, 累積經驗後, 人工自然就多.

我老豆喺我出來工作前, 已經同我講, 受人錢財, 為人消災, 既然要做, 就做最好.
人天生下來唔係乜叉都識,  唔識就虛心求教.睇多啲書, 人生漫漫長路, 活到老, 學到老.

好多都好假 但又恐怖
用左三個鐘睇曬 唔信都會當故仔聽
反正聽下無壞

個呀叔真係好7煩，係咁話而家後生

痴Q 線
成日叫人蝕底

留個名

個呀叔 應該說教說到走火入魔

一開始 禍從口出 個種簡潔清晰都好地地

老子什麼鬼都不怕
有咩事搵返樓豬 唔該

佢又好野喎 個個故仔最後總有金句

個呀叔 應該說教說到走火入魔

一開始 禍從口出 個種簡潔清晰都好地地

咁佢見得呢d野多 自然對因果報應體會更深
所以都不厭其煩咁勸勉大家

個呀叔 應該說教說到走火入魔

一開始 禍從口出 個種簡潔清晰都好地地

咁佢見得呢d野多 自然對因果報應體會更深
所以都不厭其煩咁勸勉大家

係
同你user name 一樣

我都想分享一個，不過係關於我朋友嘅
以前中學放咗學都會同個frd睇恐怖片
一時佢屋企，一時我屋企咁
有次佢上嚟我到睇，佢坐電腦櫈，我坐圓櫈
冬天晏畫六點幾就天黑，我哋又無去開燈
睇睇下佢成個櫈pan被人壓咗一下掹後咗咁，我唯有認係我嚇佢
到依家佢都唔知真相
第二獲係我去佢屋企過夜，佢屋企係有條走廊左邊一間房，右邊兩間，直入係主人房嗰種
十一點幾十二點，我眼尾瞄到佢啊爸行入房，有個着白色衫嘅女人跟住佢，隔兩、三個身位嘅
但十幾分鐘後佢啊媽着住紅色衫喺廳個方向經過咗我frd間房
好彩我有撞嘢嘅經驗 好冷靜咁同佢講返
佢仲驚過我

又要驚又要睇

85. 墳前人


就嚟又清明節, 各位孝子孝女呢個時節都會去拜祭先人. 對我呢個圍村人嚟講更係每年大事之一. 講起拜山, 我想起好耐之前一個經歷.


話說都30年前, 小弟當時12歲, 嗰年清明節落好大雨, 我地成條村喺嗰日上山祭祖, 我地祖墳喺大帽山某個位, 位置當然唔可以講, 只可以話都幾難去. 記得細個係好唔願意去, 加上又落好大雨, 又大霧, 唔係我老豆用殺手鐧我都唔去. 


到出發, 我就同幾個同村兄弟一馬當先, 由村中步行上山, 可能我地行得快, 離大隊都好遠, 大約行咗30分鐘, 由大路轉山路, 以前山路無而家咁好行, 泥濘加雜草. 可能嗰度係風水地, 都有好多先人葬喺度. 有啲墳比較新, 但都有40~50年, 有啲睇落就都過百年.


山路差唔多行到一半, 離遠見到前面個墳頭, 有個公公拎住把遮坐咗喺度,  到我地行近, 個公公就望住我, 問我地係唔係姓王, 我就話唔係, 我地姓陳嘅. 我問公公, 你坐喺度等你啲人嚟拜山呀? 公公點頭示意. 


我就同公公講, 我地個祖墳喺前面, 我地早啲去清雜草做清潔, 之後等大人嚟到就可以開始準備祭祖. 個公公聽到我地咁講, 就耍手叫我地走. 跟住我地行咗一陣, 同村兄弟問我剛才對住個墳講乜? 我就話同個公公講嘢囉, 你地頭先都見到㗎? 幾個兄弟就話, 淨係見你一個人對住墳頭講嘢咋, 你唔係又見到嘛.. 因我都唔係第一次了, 所以同村兄弟都見怪不怪. 我就話可能係啦, 個公公問我地係唔係姓王, 所以我諗佢都應該姓王啦.


終於到祖墳, 我地就各自各去除草及清潔, 等過咗陣, 大隊就到, 當然所有儀式都係由村中長老負責, 我地呢班後輩就等完哂之後食燒肉及派利是. 到差唔多完, 我就同老豆阿叔講返頭先見到嘅嘢啦, 阿叔就話, 嗰個墳頭, 應該都好多年無人嚟拜啦, 可能後人唔喺香港, 可能喺寶安嗰邊啦, (寶安即係而家深圳)


之後回程, 我阿叔就拉住我一馬當先行先, 到走到剛才個墳頭, 就從膠袋內拎出冥鏹同燒肉, 佢話: 一場嚟到, 見無人拜, 以後經過就幫你燒香吧.


直到現在, 我每次拜山都順便燒香, 不過講真, 呢個墳由我細個到而家, 一次都無見過有人拜, 可能後人已經忘記喺邊了.


後話: 如果各位師兄見到咁情形, 會學我一樣咁傻嗎?

86. 傻人公園

話說小弟剛出來工作, 識咗個判頭, 當時佢都就快退休, 喺一次飯局, 佢老人家就講咗個鬼故我聽, 寫出嚟分享比各位師兄.


如題目上寫, 個公園位於金山附近, 名係啲晨運客自己起, 點解叫傻人公園, 連判頭佢都唔知. 何況係我呢個元朗仔. 聽佢講, 去呢個公園有兩條路, 一係從九龍水塘出發, 另一係從葵涌石籬出發. 判頭家住石蔭, 就由第二條路上去. 話明晨運, 天未光就出發, 時間應該係清晨四、五點, 20年前, 街上人流比而家少好多. 

話說判頭喺冬天某個清晨, 一支公由屋企出發, 到石籬貝村16座附近上山. 途中經過引水道前面, 離遠就見到有對男女坐喺個亭度, 對男女年齡30歲左右, 點解咁留意呢, 因為晨運客好少有咁後生嘅. 當再行近時, 發覺個女嘅喺度喊, 男嘅就好似面無表情. 判頭年紀大就直行直過就算了

去到差不多練靶場附近, 判頭佢喺背後聽到有怪聲, 開頭以為係班馬騮仔喺度叫, 但一路行, 一路聽到越嚟越大聲, 原來唔係怪聲, 係喊聲, 嗰種哭喊係令人好驚嗰種. 咁佢就停喺練靶場出面四圍望, 聽下啲哭聲由邊度發出. 佢聽真少少, 原來係由練靶場入面傳出嚟, 再望清楚, 隱約見到有兩個人企咗响裡面, 但係男係女就睇唔到, 因當時只有月光, 所以視線唔多好. 

判頭就好大聲問, 係唔係你地喊呀. 嗰兩位人兄無理到佢, 但哭聲就比頭先更加大聲. 判頭心諗, 有無攪錯呀, 晨咁早, 天未光就跑嚟呢度喊. 可能人就係天生愛八卦, 判頭就諗住行入去睇下嗰兩位人兄發生咩事啦.

當佢越行越近, 發覺就係頭先亭嗰對男女, 當再繼續行, 就覺得奇怪, 咦, 無理由佢地會快過我喎, 頭先一路上都唔見佢地兩個!. 到呢刻判頭就知嗰對男女唔多妥. 當時下意識想行返出去. 但雙腳就唔聽使, 點用力都無反應. 

眼見對男女開始從裡面行出嚟, 判頭心諗, 今次死緊啦. 當對男女對正面咁行緊過嚟, 判頭見到佢地頸上都有條繩痕, 而且雙眼突出嚟. 諗住實係嚟搵替身啦, 點知佢地只係喺佢身邊走過. 

幾分鐘後, 判頭聽到有人叫佢, 嗰刻佢就恢復原狀, 擰轉頭見到係熟悉嘅晨運客, 個晨運客問佢咩事, 喺個練靶場耍太極嗎? 判頭就將頭先嘅事一五一十講出嚟.
晨運客聽完就話: 聽講好多年前, 好多人喺呢度吊頸, 可能你時運高見到吧..之後: 判頭就無再去嗰度晨運, 改喺周圍附近行下就算.

後話: 我聽完, 都半信半疑, 因為金山嗰邊真係未去過. 何況練靶場呢. 如果各位師兄去過, 煩請講比我知.

Live左

當故仔睇下好啦

留名支持

75. 昏迷

話說喺幾年前, 經朋友介紹認識咗一對夫婦, 佢兩個住喺西九嗰邊想搵人裝修, 住嗰度應該經濟都幾好, 但近排再見返個男人, 聽佢講受到經濟不景及投資失利, 好快要將層樓賣出嚟套現, 最慘係佢老婆, 無啦啦患咗怪病, 突然無晒知覺昏迷成半年, 連醫生都唔知咩病. 我當時聽到就安慰吓佢, 跟手講返幾句叫佢唔好過分擔心就算.

到今年年中, 又收到嗰位男人電話, 內容係將會搬屋想我再介紹裝修比佢, 另外問我有無時間出嚟食飯吹水, 心諗兩條佬有咩好吹呀, 不過我都好耐無出城飲嘢, 所以就應承佢.

飲飽食醉準備閃嗰陣, 佢同我講不如上去佢屋企睇吓, 我見時間都算早, 就去睇吓, 因我都未去過嗰邊, 都想睇下嗰邊環境. 去到佢屋企原來係面向昂船州. 咁我問佢老婆病情如何, 佢話都係咁啦, 無乜起色. 佢叫我入去睇吓啦, 咁我同佢入到房, 見佢老婆訓喺張床度, 根本就唔似係病人, 當我地兩個準備出返廳, 突然我就聽到有一下女人聲, 擰返轉頭望, 開頭以為係佢老婆發出, 但望吓又唔似.

出返廳坐, 就問佢老婆點解無啦啦係咁, 佢話都唔知, 只知個印傭見佢喺廳訓, 就到現在都未醒過. 我同佢再吹多一陣水就話 唔阻你啦, 下次再約. 準備出門口走嗰陣, 我又聽到頭先把聲, 心諗咁奇怪, 呢間係一手樓, 無理由有嗰D嘢? 落到樓, 我好奇心又返嚟, 都係返上去再望清楚. 

當我返到上去, 佢見到我就問係唔係漏咗嘢, 我話想再望望佢老婆, 佢見我咁問都好奇怪, 不過都比我入去, 再入到去, 我就將粒玉除抵, 今次就見到佢老婆個魂魄坐咗喺窗邊.

我睇完就將粒玉帶返, 跟住就出返去, 然後打電話比我個高人朋友, 我一五一十講返頭先見到嘅嘢比佢聽, 佢話聽日放工後同我去睇吓.講完之後, 我朋友問我咩事, 我就話, 你信又好, 唔信又好, 你老婆唔係昏迷, 係離魂, 唔知點解佢魂魄返唔到肉身, 我朋友聽日會上嚟幫你. 

到咗第二晚, 我同高人朋友一齊上去, 介紹完, 高人話你地兩個喺廳度等啦, 咁佢就入咗房. 大約過咗半個鐘, 見佢出返嚟, 話無事啦. 我地就入去房啦, 見佢老婆醒返及喺度喊. 話自己發咗個惡夢. 到我地走嗰陣, 高人朋友話比粒玉佢老婆, 叫佢老婆無論如何都唔好除低, 如果唔係, 就無咁好彩可以醒返. 

我問高人點解會咁, 佢話有D人天生就可以離魂, 但自己係唔知, 會當發夢. 當時運底或肉身三顆明燈(眉心及兩邊膊頭)暗咗嘅時候就唔識返入去. 要粒玉或其他方法帶返佢魂魄入去肉身到.

後話: 其實夢境同離魂有無關係, 我就唔敢講, 但有時發夢見到嘅事物, 有時會喺街上感覺曾相識. 有d陌生地方, 從來未去過, 但我去到後又知道嗰度有咩野. 真係唔知點解釋..

會唔會太假，昏迷病人喺屋企昏，咁點維持生命呀？

可能同植物人差唔多case?

植物人即係唔識醒，食唔到嘢啦，唔飲唔食半年喺屋企瞓，會唔死？？

個女搵完你問米冇耐就死於非命，屋企人仲可以咁心平氣和搵番個問米佬傾計

好恐怖 邊條村