[轉貼/鬼故/一齊驚] 40年圍村佬真人真事

lm

留名

33. 綠光

我周不時 去上海北京等地方出差, 講返一個上海嘅經歷比各位師兄分享.

話說應該係1992年左右, 小弟第一次出差就去上海, 嗰時個機場係叫虹橋機場, 小弟一到埗就有嗰邊同事接去酒店. 嗰時我都唔知住邊間酒店, 係上海同事幫我訂的.

去到酒店, 嘩, 唔係啩....係一間民初建成的酒店, 個名叫金門大酒店, 好次喺南京路左近啦. 去到房間, 打開門, 我又嘩...d裝修真係民初一樣...床上面係有蚊悵...連冷氣機都無.....

好彩去嗰時係4月左右, 所以天氣都好似香港冬天一樣. 咁無所謂啦. 最緊要有熱水, 電視有都無用, 係講普通話, (小弟嗰時都未識聽講) 我諗, 死啦, 係呢度要住8日, 悶都悶死啦..

咁第一晚都平平安安, 可能真係好累, 所以無乜事啦..但係第二晚就有d奇怪事啦.

嗰晚同d大款吃完飯就返去酒店, 咁就去沖涼啦, (我一個人住所以無閂門就沖涼) 突然聽到出面有d聲, 係一男一女對話, 我就問, 是誰呀? 但又無人應喎, 唔通係電視機, 咦. 明明返來都無開㗎...咁就拿淋沖完出去look look 啦. 真係驚d小偷入咗嚟, 嗰時聽d同事講, 一定要小心.

出咗去, 見電視機無開著, check check d証件銀包喺唔喺度啦, 又喺度喎? 唔通係隔離傳過來?

唔, 都有可能, 咁就訓啦, 差唔多訓咗一個鐘左右, 我又比d男女聲嘈醒, 當我一開眼睇吓, 咦, 個天花板上面好似有d綠光喺上面, 望咗唔夠5秒, 個d綠光就無晒, 連d男女聲都無埋...

我諗...唔係啩, 出差都咁邪...住咗間咁嘅房? (根據經驗, 有綠光出現都係唔會好野) 都係望清楚好d. 咁喺床上用隻右眼睇下啦, 見到有個女人坐咗喺近窗邊張凳度.面向大街..郁都唔郁.. (應該係啦, 我只見到佢背脊) 跟住我老死都當睇佢唔到啦, 雙眼合埋...但係就聽到d聲係耳邊傳過來, 我記得就係用普語講 “你見到我….?” 嗰時老死都當聽唔到, 喺心到諗, 唔好有反應呀. 過左一陣, 嗰把聲就無咗.

到第三晚,我就要求換房啦.. 嗰時識英文同志真係好少, 好彩有個識講廣東話男經理喺度, 佢就問點解換房啦, 我話唔好問, 我一定要換房, 咁就問我住邊間, 我話住322號. 跟住見佢聽完,就跑去reception個度鬧d女仔鬧得好大聲.

然後就同我講, 唔好意思, 我幫你換一間. 係8樓, 802啦. 我話好呀, 我就問返個男經理係度鬧咩, 佢話無事..

上到房, 之後就無事, 安安樂樂..


到近幾年, 我唔覺意同d上海同事講返啦, 個老上海同我講, 你係唔係住喺322呀. 我話係呀, 佢就話個間房成個上海都知係唔租出去㗎, 跟住就問我有咩經歷啦. 我就照講啦….

後話: 住酒店一定要新, 嗰d有返60~70年歷史,切記唔好注. (喺大陸, 新嘅酒店無得頂, 舊嘅酒店無得整...)

34. 赤徑

又講返出嚟做野頭嗰年, 去西貢露營, 今次係冬天啦, 老死都唔夏天去, 怕鬼節嘛.

今次是同事攪, 我又成日去露營, 所以諗應該無事啦. 我記得呢次露營有3男3女去. 唉, 原來公主病, 喺90年代初已經開始啦.

我地3個男奴隸, 要幫個3個公主攞嘢, 我還好d, 我呢d圍村仔基本體格還可以, 但嗰兩位師兄就慘d, 好彩, 由北潭涌入去都唔係好辛苦.

去到目的地, 都有唔少人喺度啦, 咁就搵個離人群遠d地紮營, 男一個, 女一個. 嗰兩位打壞, 話點都要去女仔個營訓, 我就一個訓. 我無所謂啦, 仲好, 一個人靜下. (我當時係一個圍頭仔, 思想單純到你唔信個隻)

到夜晚, 見個天d星星真係比元朗多, 咁有個打壞提議講鬼故啦, 我就話唔好啦, 無啦啦講乜鬼故呀. 點知比人話細膽, 好, 你講我咪聽啦. 嗰3個公主又要驚, 又要聽, 真係吹漲. (我其實無所謂, 不過始終係郊野. 另外聽我d老人家講, 切記唔好係郊野亂講嘢, 怕得罪d嘢)

咁嗰陣去係冬天, 圍喺個火度講啦, 暖d嘛. 咁兩個打壞講個佢地d鬼故啦. 不過我n咁多年前聽過啦, 所以我無乜感覺. 

咁差不多講咗幾個左右啦, 我就尿急, 就去方個便, 去完就坐返係度繼續啦.
當完左一個故事, 準備講第二個嗰陣, 見到其中一個公主舉手, 可能想講啩.

咁佢兩個當然lady first啦. 點鬼知一開聲, 咦....點解係圍頭話 / 客家話嘅? 仲係好塵嗰隻聲. (基本客家話同圍頭話好似) 我再望一望個公主, 好似有d唔對路. 唉, 都話唔好郊野講鬼故啦.......

其他人就嚇到喺咁叫... 連其他營都走過來睇下咩事, 見個公主坐喺個地係咁講嘢... 可能嗰班營友都未見過啦, 都唔知點處理..

我迫於無奈啦, 其實我唔想比人知我識個d知識. 我就行埋去, 用隻中指按佢眉心, 另外用左手夾佢中指. (我條村d老人家教..) 見佢過咗一陣就暈咗. 

跟住嗰班人問咩事, 我都費時講, 怕越講越黑, 就一個人行去舖仔拍門啦, 見個老闆就話要d衣紙啦, 個老闆真係經驗老到, 可能赤徑成日發生啩, 好快就執好.. 到我返來, 喺個火堆燒d衣紙. 燒完一陣個公主就醒, 就問咩事啦, 我就話你聽聽下累得滯, 訓著咗...

到要訓啦. 我都攞返粒玉墜出來, 怕會搵我. 訓咗唔夠5分鐘, 嗰三個公主話要同我一齊訓喎. 我無問題. 一齊啦, 咁兩個打壞點算.. 佢地一齊講, 佢地自己訓....咁無事無幹又到天明, 我好早就起身啦. 見到個草地有達地方少少拱起...唉, 早知睇清楚先紮營啦. (應該係d先人個墓地, 好似聽過有d人唔會有墓碑, 後人會記得喺邊嗰種). 我就話, 有怪莫怪, 細路仔唔識世界..

到佢地起身就拆營, 去碼頭嗰邊開餐. 

後話: 各位師兄, 去到d陌生地方, 唔好講鬼故, 唔好亂講嘢. 另外睇清楚d環境呀.

高汁

35. 船 (聽返來的)

喺香港未開發之前, 就有人喺度生活, 在陸地統稱就是原居民, 在海就係漁民. 喺香港, 各位都知道有好多避風塘, 漁港.. 香港仔, 鯉魚門就最出名, 以在我地嗰邊, 就有流浮山, 青山灣. 呢個故仔係一個上咗岸老漁民講比我地聽..

話說都有60~70年啦,  嗰時屯門元朗真的很落後, 聽講青山公路剛剛起好.,但當時起好都無用啦, 唔會有巴士入去,  (年代久遠, 所以唔會求證), 如果你真係要出城/香港等地, 坐船是唯一最方便. 而老人家嗰時都係11, 12幾歲. 聽佢講, 嗰時d船好多都係用帆, 好少用機器, (嗰時邊有錢買呀.)

如各位都知香港3~4月最大霧, 嗰邊更加大霧...好多撞船意外, 另外8~10月就係風季. 更加大獲啦.

聽佢講, 有次出海, 嗰日天未光就出發, 到天光左右就去到吸水門附近, (馬灣, 柏麗灣嗰邊) 嗰時天氣真係差到連前面3呎都睇唔到, 所以老人家個老豆要好小心揸船, 另外吸水門係當時最危險地方, 好容易有意外. 當差唔多入吸水門時. 見隻船擺得好犀利, 嗰時佢都驚隻船撞到石, 咁就大吉利是.

嗰時佢老豆決定停低隻船, 真係怕出事, 等d霧散晒先再行, 但係等左好耐, d霧都唔散. 當時好無聊就走去船頭. 見前面乜都睇唔到, 點知,行返到船倉, 船尾都唔見佢成家人, 搵埋成隻船都唔見咗? 佢地去咗邊呀.. 嗰時聽老人家講, 佢嚇到喺度喊. 

當個天散晒d霧嗰陣, 佢發現跟本就唔喺吸水門, 原來喺赤臘角附近, 唔通頭先隻船漂返轉頭, 但當時水流無理由漂去嗰邊. 但最重要係搵返d家人先. 唔通頭先喺船頭嗰陣, d家人跌晒落海? 當佢六神無主嗰陣. 個天d霧又再起返. 但照理霧散咗, 就好少會再有霧. 突然佢聽到船尾有人叫佢, 佢諗都唔諗就跑去船尾啦, 但只聽到d聲喺海面傳過來, 當佢個頭向下望嗰陣, 就被人用手拉咗落海.

當佢醒返就發然喺馬灣, 原來佢比嗰邊d村民救起, 當佢話點解喺度啦, 嗰d村民就指一指嗰邊, 見佢隻船擱淺咗喺嗰邊, 咁就問佢d家人啦, 佢地有指一指另外一邊. 見佢d家人死晒, 只死剩佢一個....

聽到呢度, 我就問老人家點解會係咁呢, 老人家講佢都唔知道, 但係只知日後好凄涼. 我都無再追問, 不過聽老一輩講, 以前吸水門係船嘅墳墓, 好多時d船會被吸左入海.. (我就未經過, 可能現代d船好大隻同好快啦.)

後話: 搵日要走入去馬灣聽聽嗰度d老人家講下嗰度d見聞先得.

9. 水牛嶺 (現在是元朗公園)

這個是聽回來, 由村中一個80多歲老人家講的,  唔知係唔係真
都好似有60年左右啦, 個時日本仔打過來時, 個時元朗是新界區比較人多及有錢的
個時日本仔見到乜人都殺啦, 有時捉埋成班殺, 老人家是其中之一, 那時處決地方就是水牛嶺, 那坐小山是元朗市內比較高的地方. 聽老人家講, 佢詐死先無事.

個時細個, 我地d長輩千叮萬囑我地午好去個邊玩, 我都算幾聽話, 我未去過.

到近20年, 元朗發展, 在水牛嶺要起公園, 咁先發覺好多人骨, 另外做了法事, 及起左個百鳥塔安放所有骸骨.

有無元朗師兄知否真的

讀元中 細個經過童軍果個位有d 寒 d 金塔成山都係，
有傳百鳥塔起來鎮住d 亡靈

Lm一齊驚

今晚係咁多 訓

等唔切或可無障礙閱讀理解火星/5p字
可去呢度:http://m.discuss.com.hk/index.php?action=thread&tid=12951987
原post

由呢位開口就話人狗嘅香土資深會員帶路

一見劉明

lm

頂...睇咗幾個已經好撚驚 不過又好正

睇緊

今晚係咁多 訓

等唔切或可無障礙閱讀理解火星/5p字
可去呢度:http://m.discuss.com.hk/index.php?action=thread&tid=12951987
原post

由呢位開口就話人狗嘅香土資深會員帶路

😂😂😂😂

好想撞下鬼

咁猛

留名屙完屎番入被竇睇

留明

以前有追開，但後尾個d愈黎愈假，但佢細個遇到0既真係好睇

留名

好想撞下鬼

乜咁睇唔開

加速