(校園、穿越、奇幻)今年我三十三歲,回到了1998(21)

春泥

1001 回覆

119 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

春泥 2019-05-17 23:45:16

最近籌備快將推出的大碟，忙於出席各種宣傳活動，已經很久沒有放假了。這天難得有空，想起已經有一段時間沒有與爸爸見面，於是我便前往赤柱監獄去探望爸爸。

與電影的情節一樣，一塊玻璃將我們分隔，我們對話要靠著電話。

當我與爸爸碰面時，我瞧到他額上瘀青了一遍，我連忙問道：「爸爸，點解你額頭腫咗嘅？你畀人打啊？」

「唔係，自己唔小心整親啫！依家監獄好文明，唔似啲電影咁黑暗，每日作息定時，生活好有規律架！」

我記起了湯仲謀亦是被判入這所監獄，不禁問道：「爸爸，你有無喺到見到嗰個湯仲謀啊？」

「之前放風離遠見過一兩次，你唔係以為我額頭嘅傷，係佢整架？講打，有五個佢，都唔係我嘅對手啦！」

「爸爸，我無坐過監，唔知裡面喺點？我好想叫你，畀人蝦要出聲，但係又怕咁樣會加長你嘅刑期。」

「阿志，你好好啊！唔好學老豆。你放心啦！仲有半年時間，就算再難頂，我都會頂住，出返嚟同你地一齊飲茶食飯。」

想起全都是因為我自把自為去改變歷史，才讓爸爸入獄，我不禁眼泛淚光，一時間作聲不得。

可能爸爸亦不想再討論這些不快的事情，他話題一轉道：「之前收到你嘅信，話你入去娛樂圈做明星，點啊？習唔習慣啊？」

我點頭道：「ＯＫ啊！準備緊出ＣＤ，已經有歌派上台喇！係呢！爸爸，你依到聽唔聽到電台架？」

「都得架！你首歌叫咩名啊？」

「首歌叫『我的宣言』，都係啲情情搭搭嘅歌嚟。」

我心想：「下次出碟應該加番一兩首講貞親情嘅歌入去，一時間諗唔起有邊位歌手唱過啲關於親情嘅歌添。」

「之前收到阿興寄嚟嘅信，話你出席啲音樂頒獎禮到攞獎，之前我都唔知你識作歌咁犀利。唉，我依個做老豆嘅連你地嘅野都知得唔多。」

其實我不懂作歌填詞，只是從未來回來這裡，剽竊了別人的作品。

我道：「爸爸，半年後，你出返嚟我地大把時間坐低慢慢傾，或者到時，我地一家人去次旅行吖！」

爸爸點頭道：「好啊！我地一家人好耐無去過旅行喇！」

這時探望的時間結束，我與爸爸揮手道別。

春泥 2019-05-17 23:46:09

或者更早,依家製作中