(校園、穿越、奇幻)今年我三十三歲,回到了1998(21)

鐘一憲 麥貝夷個堆都夠玩

今天是最新一期四方周刊出版的日子，Mandy經過報攤時，看到四方周刊醒目的標題──人氣新星父傷人涉黑，滅罪之星竟是警黑共同體。

Mandy看見這周刊封面不禁大樂，這種醜聞一旦曝光，成皇志的星途已經進入倒數階段，而且她聽Martin說，他掌握到關於成皇志的醜聞陸續有來。數年前曾有位人氣不俗的藝人，因為被傳力追玉女，惹怒了玉女的男友，對方要旗下雜誌不斷唱衰抺黑，最後讓對方在香港娛樂圈消失。

Mandy與四方的娛樂版總編甚有「交情」，當這一行與傳媒打好關係是很重要的，大家互惠互利，平常給他們好處，現在便可以利用他們作為自己的口舌，肆意唱衰競爭對手。

Mandy瞧著雜誌封面，在心中暗笑：「你就好好享受依排成日上Ｃ１嘅機會啦！之後，之後你都無乜機會再喺娛樂版到出現架喇！嘿嘿嘿。」

呢排春巴咁多文

呢啲老姑婆上司永遠都咁撚黑人憎

今日好早

有文

仲有無?

自從上一季完咗就無再入講故台

個腦好實

落街跑步

今晚再打過

KYLE氣急敗壞推開dream music的門，今早他得知四方周刊登出了成皇志的負面新聞後立即趕回公司，他一走進公司便碰上了蔣學勤，立時追問道：「蔣少，你今日有無睇新聞啊？有報導話阿志個老豆係黑社會，話佢之前衰傷人，入咗去赤柱坐監，頭先我仲收到唔少傳媒朋友嘅電話，不停追問我依件事，我都唔知點答？」

人生閱歷尚淺的蔣學勤，面對這突如其來的驟變亦急如熱鍋上的螞蟻，他不知所措地道：「公司今日都有好多記者打嚟問，一時間我都唔知點去拆，阿志今日下晝有一個公開活動要出席，到時一定會有好多記者追問依件事，依家應該點做啊？」

「阿志又係嘅，之前又無講佢屋企人嘅背景，佢老豆居然係監犯，都唔同我地報定案先。」KYLE驀地靈光一閃，道：「蔣少，不如咁啦！我地同記者講，話成皇志已經同佢老豆脫離咗父子關係，佢嘅事同成皇志完全無關。」

在旁的阿葆聞言不禁搖頭，道：「蔣少、KYLE，你地冷靜啲，依個時候千祈唔好自亂陣腳，我地睇下文光義有點睇先啦？」

KYLE嗤之以鼻道：「嗰個文光義真係吖！公司發生咁大件事，居然到依家仲未見人。」

此時，蔣學勤的手提電話響起，他看到這個來電的號碼是屬於文光義，他連忙按下了通話掣，他連忙問道：「喂！光義，你依家喺邊啊？你知唔知道阿志…」

KYLE和阿葆把焦點投放到蔣學勤身上，蔣學勤閉上了嘴巴，聚精會神聆聽著文光義的每一句說話，片晌他才自言自語道：「光義…你話今日成皇志嘅公開活動會取消，而且下晝會係酒店為依件事開記者招待會？」

KYLE和阿葆聞言面面相覷，一時間二人仍不知文光義葫蘆裡賣什麼藥？

我顛峰時期出好多文架！

依家回晒塘喇

咁早就有文

盡量出埋依幾日

星期日應該出唔到文

嗰日有啲野每位真正愛香港的人都要做

應該唔太老，否則無理由仲有床戲

連平時唔會遊行嘅屋企人，同學都話今次要企出黎，就知星期日一定要出現了

一個壞咗嘅人

唔好咁講，依家都好好，曾經一排覺得你真係出到好灰，近排幾好啊

春巴去完旅行，個人都爽d

我都好想去旅行

？

下午一時，香圖圖按照既定的行程，出席位於尖沙咀海港城的公開活動，埸外有為數不少的粉絲舉起了支持自己的標語和旗幟，而另一邊人數猶有過之的群眾是來支持另一出席者成皇志的。

今早成皇志的醜聞已經見街，Mandy告訴自己成皇志的醜聞陸續有來，對方就算本事再大，亦難以再在香港的娛樂圈立足。

香圖圖撇了撇嘴，他難以明白成皇志為何可以出道不久人氣便蓋過自己，這是不合邏輯的。只有俊男美女才可以當明星，單以樣貌來說，成皇志遠遠比不上自己，他並沒有資格與自己在同一個場合出現。

香圖圖以嘲諷的眼神瞧向那群成皇志的支持者，心想：「成班都係人頭豬，成皇志嘅醜聞揚咗，佢今日邊會出現喔！不過佢出現都好，成村記者喺晒到，我就想睇下佢點畀人問到口啞啞。蠢人啊！你地嘅品味同審美眼光真係差劣得過分，快啲睜開你地雙眼，睇清楚邊個先係你地值得膜拜嘅偶像啦！」

這時負責這次活動的公關走上台，宣佈道：「唔好意思啊！咁多位，我地啱啱收到消息，成皇志因為私人理由，未能出席今次嘅公開活動。」

香圖圖嘴角上揚，看著那些成皇志的支持者一臉失落的樣子，不禁心中大樂，心想：「成皇志玩完架喇！蠢人啊！我先係你地真正嘅偶像，快啲跪係我面前崇拜我，好好懺悔、好好反省你地之前有眼無珠嘅錯啦！」

在這裡久候成皇志現身的記者，聞得成皇志沒有出席，便轉向訪問香圖圖。

四方周刊的記者問道：「圖圖，今朝有報導話成皇志嘅爸爸因為傷人喺監獄服刑，又有傳佢爸爸係黑社會成員，但係警方都搵佢做滅罪之星，你地嘅公司都係屬於掌天下，都可以叫做同事，你對依件事有咩睇法呢？」

Mandy曾經告誡過香圖圖在娛樂圈工作，說話要留有餘地，而且要小心記者的提問，如果一不小心落入了記者的圈套便麻煩了；可是香圖圖惱恨有些原來屬意自己的廣告商轉投到成皇志懷投，加上又覺得成皇志的星途已經走到了盡頭，難以翻身，所以他抱著打落水狗的心態。。

「雖然dream music同beauty song都係掌天下嘅母公司，但係我地只係喺公開場合見過幾次面，我同嗰個人唔熟。我份人好潔身自愛，而嗰個人嘅背景咁複雜。」

「你會唔會覺得警方搵成皇志做滅罪之星好不智呢？」

「警方點解搵佢做代言人我唔評論，但係我覺得身為滅罪之星應該為年青人樹立榜樣，而唔應該從事違法嘅行為，加入黑社會同傷人都係刑事，無論有咩理由都唔應該咁做。我覺得身為年青人嘅偶像，要注意自己嘅言行舉止，我地嘅品格係對ＦＡＮＳ有好大嘅影響；身為公眾人物，我地有義務去正面影響其他人，好似我成日都叫我啲ＦＡＮＳ要畀心機讀書，唔好做犯法野嘅。」

香圖圖暢快淋漓去明嘲暗諷成皇志，同時又捧了自己一把。

這時，有一名女記者問道：「圖圖，聽你咁講你都好著重自己嘅公眾形象。」

香圖圖瞧見提問的是隸屬蛇果日報的女記者，他一向對這份報章沒有好感，他笑道：「依層當然啦！我地身為公眾人物，一言一行都受到注視，我地嘅行為會影響到好多人架嘛！」

這名蛇果女記者正是金碧韻，她續道：「係呢！圖圖，之前有人影到你同某名牌藥油高層喺車上面錫錫，其實你係咪對男人有興趣呢？」

香圖圖尷尬笑了笑，解釋道：「依啲係影相嘅角度問題，當時佢唔舒服，我只係扶起佢，咁啱畀人影到就亂寫一通。」

「之前有人影到你上咗去對方屋企，第二朝先出嚟…」

香圖圖斷然道：「我係同成班朋友一齊去，當時係有一大班人在場，只係唔知點解啲記者無影到。」

「之前有傳你搞大女ＦＡＮＳ個肚，佢投訴你成日打佢，又要佢返大陸落仔喎！」

香圖圖聞言臉色變得鐵青，道：「依啲係有人惡意抺黑，人格謀殺…我依家只係想專心工作，暫時唔會拍拖住，公司亦都唔想我因為拍拖分心，所以我點會做出依啲事呢？」

「之前有人話你去完韓國，塊面尖咗，個鼻又高咗，你係咪去整過容啊？」

對於金碧韻的狂追猛打，香圖圖再也按捺不住，他怒道：「妳嘅問題好無聊！我要向妳公司投訴妳。」

香圖圖話畢，怒氣沖沖把一眾記者拋在身後。