春泥
2019-06-30 00:47:47
在房間內的我聞得宛琳珊的驚呼,以及布正麗的聲音,我禁不住敞開房門。
當我瞧見布正麗真的出現在我的面前,我不禁重覆宛琳珊的說話:「布正麗,點解妳會喺到嘅?妳唔喺係台灣咩?」
布正麗瞧著我默然,宛琳珊澄清道:「布正麗,講明先啊!我啱啱嚟探成皇志咋,我地無野架!其實依件事都係因為成皇志為咗救我,佢先搞成咁,我嚟探佢都好合情合理吖!但係妳明明喺台灣,點解突然間返咗嚟香港?」
宛琳珊見布正麗只是瞧著成皇志沒有回應自己,她只好道:「咁無乜野,我走先喇!」
宛琳珊走後,屋內只剩下我與布正麗,我見布正麗依舊一話不說,呆呆地瞧著我,我苦笑道:「我知道依家我個款一定好難睇,嗰日嗰個北大人想老強宛琳珊,宛琳珊幫過我地,點可以唔救佢吖?之後我畀人打咗鑊金,我做依一行,我怕入醫院會搞大件事,而且對方嘅勢力咁大,我報警都無用啦!之前我唔同妳講,因為唔想妳擔心,但係妳居然喺台灣返嚟,依件事我唔同妳講都唔得啦!」
一顆淚珠滑過布正麗的臉頰,然後她上前擁著我,而我的雙手亦很自然去圈著她。
每當我在最艱難的時刻,她總會在我身邊。
此時,阿興推門而進,他瞧見我與布正麗相擁在一起,便很識趣輕輕把門關上,然後從原路退去,心想:「布甸姐,真係喺台灣返咗嚟。」