為金媽嘅主題解一解畫,至少被大家知道我其實想表達咩野
由遺書故開始,有時會有讀者問我會唔會幫人寫遺書,小弟都會一一拒絕,我做到嘅最多只能係去聽大家有咩困擾,無乜實質幫到咩。
我係絕對尊重每個個體嘅自由意志同選擇,但我始終覺得當年遺書故嘅探討忽略咗「家人」面對子女死亡嘅部分,成個故事當中缺乏對家人嘅刻畫,冬姐係死嗰個、miki父母又仆街、金仔又已經無哂屋企人、布甸仔父母算半個仆街、阿dick老豆又係死、阿文爸爸亦唔需要經歷喪女之痛,所以今次係想對依部分做少少補完。
我知就咁同人講,你死咗父母會好傷心,但咁唔足夠令人真正理解。我唔係話所有父母都一定關心仔女,有大把人生而不養。不過我希望睇完金媽嘅遭遇,而且阿金已經唔係主動尋死,但對依世人嘅支柱都係阿金嘅媽媽嚟講會造成幾大衝擊。我諗咁樣相比同人講自殺前要考慮父母嘅感受更加入心。如果考慮過所有情景,仍然選擇死亡係無問題,因為每個人都有權利選擇繼續生存定死亡。
大家放心,金媽會頂得順,所以先會舖十八子係佢「半個女」嘅情節
護士故唔會再死人,大家到時睇書可以安心服用。