是咁的，照顧過我嘅護士死咗 完

金媽好好笑
終於有一篇係會笑出聲

金媽好sweet

「十八子係你新抱候選人，都要佢鍾意我先得架嘛，但佢鍾意嗰個係依個男仔，大雄吖嘛！」

「咁⋯⋯如果佢其實係鍾意你呢？」

咦？

內心好似被重錘敲咗一下咁。

我慢慢扭轉身體，望向低頭嘅大雄。

「⋯⋯你⋯⋯亂講乜野？」

「如果⋯⋯如果澄澄真正鍾意嘅人係你⋯⋯咁又點？」

大腦思維一時短路，唔知應該點反應。

「我先係以男朋友嘅身分同佢相處嘅人，但佢成日都將你掛喺嘴邊，每次講起你好似同另一個女仔有火花就會呷醋，生活上唔理發生咩事都會同你扯上關係，我地會分手，唔淨止係因為佢去照顧你一件事⋯⋯」

媽媽輕輕搭住我膊頭：「仔呀，人地都咁講，你信未？其實我地明眼人一睇就睇得出架喇。係你兩個自己唔知咋。就算係作為青梅竹馬，佢都做得太多喇。」

「其實我都覺得幾明顯。」阿連都加把口。

難以置信，而且我依家分唔清，到底係眾人皆醉我獨醒，定眾人皆醒我獨醉。

我一直都覺得十八子唔鍾意我，甚至中學嗰陣佢都已經拒絕過我，所以無再亂諗過我地之間嘅關係。

但媽媽同大雄根據十八子嘅行為去推測佢嘅心意，喺當事人失去話說權嘅依家，將佢地推論出嚟嘅真相講到似層層，搞到我失去咗判斷能力。

當所有人都話「係」嘅時候，原來作為少數嘅個體要肯定咁話「唔係」係好困難嘅事。

「咁⋯⋯你點解釋十八子對你認真嘅事？佢會為你喊，會同你拍多過一個月拖，依啲係佢真心鍾意你嘅表現，唔係咩？」

大雄失落咁搖頭，由佢聽到十八子入院就即刻撲過嚟，同埋依個失落嘅表情，我可以肯定佢係真心愛十八子。

「你知唔知佢點解會鍾意我？」

大雄好似唔想承認咁，咬住下唇：「佢話覺得我了解佢，好似明白佢嘅過去所以好體諒佢做嘅每個決定。但依啲⋯⋯其實都係我偷聽返嚟架咋⋯⋯由一開始，佢嘅過去就係同你分享，我只係咁啱喺你地後面，我只係你嘅替代品嚟⋯⋯」

大雄講到安全眼鏡內現出霧氣：「嗰日喺餐廳，佢望住嘅人係你，唔係坐喺你後面嘅我⋯⋯」

只係一張凳背之隔，已經係兩個世界。

「無論係佢嘅過去，定佢點解做護士，抑或佢屋企人嘅事，其實佢都無同我講過。」

大雄耷低頭，令人睇唔到佢嘅表情，但淨係聲線都聽得出佢嘅心痛。

「我會嚟睇澄澄，係因為我愛佢。但我唔會同佢復合，因為佢愛嘅唔係我呀。」

咁樣搞一搞

十八子仲唔死硬？

大雄幫手立埋死亡flag

十八子 金仔

一係就無女鍾意，一係就起雙飛，我真係想同過去嘅自己講頂住，依個世界其實好奇妙。

大雄、媽媽同阿連都企喺我嘅對立面，唯一可以反駁佢地講法嘅人依家仲喺隔離病房。

但事實上就算十八子話鍾意嗰個係大雄都好，大家都會認定佢愛嘅人係我。

「我諗⋯⋯我地無人有權估十八子嘅心意。」無論大多數外人講乜都好，我覺得依啲咁私人嘅感覺，只要唔係十八子親口承認的話，就唔值得相信。

「大雄，你就等十八子好返之後，先再親自再確定佢嘅心意，好無？」

大雄無答我，反而靜靜唱起幾句我最熟悉不過嘅歌詞：「唯獨我不甘心，我有愛卻說不得⋯⋯拾起畫筆， 再向過去潑點墨⋯⋯輪迴幾個夏與秋，再也不可忍受了⋯⋯前塵不再顧，如能向月澄盡訴⋯⋯」

只係歌詞同原本我所寫嘅有少少出入。

就只係一個人名嘅分別。

「點解⋯⋯你會識唱？」

「係澄澄嚟我屋企嘅時候唱，我諗⋯⋯啲詞係你改嘅，係咪？」

十八子煮飯洗碗嘅時候會唱，食飯嘅時候都會哼，大雄都係因為聽得太多次先會記得。

「⋯⋯係⋯⋯」

不過原本嘅歌詞係「向穎林盡訴」，但「穎林」同「月澄」嘅音調其實都一樣係三聲同四聲，所以即使改咗都係啱音。

「⋯⋯你⋯⋯明白未？」大雄靜靜咁問。

十八子係想⋯⋯我對佢唱依首歌⋯⋯

嗰晚佢陪我坐喺彩虹橋聽我唱依首歌向林林表白，但佢實際上⋯⋯希望我獻唱嘅對象係佢⋯⋯

「佢一直以嚟都搵緊自己真心鍾意嘅人，所以先會不停試咁多男仔。不過佢之所以搵唔到，係因為佢一開始就排除咗你依個答案。」

大雄兩隻手都放喺我膊頭上：「佢只係無察覺到自己對你嘅心意，但我察覺到。如果佢今次捱得過，佢一定會好清楚自己喺生死關頭徘徊嗰陣，個心係諗緊邊一個。」

我不知所措，因為我唔知應該點回應十八子嘅心意。

「所以⋯⋯唔使等澄澄醒，我都知我已經輸咗⋯⋯」

但十八子嘅生死已經定左

真係要認真聽多幾次首改歌先得

主角係佐助形毒撚

仆街金又死亡flag

未必死嘅 老人bb就死硬姐 正常成年人死亡率好似話30%

繼續負皮 推到冚家鏟

上個post有個人救唔返喎
你唔係以為金仔咁善良下話

十八子下世搵住好人家啦

真相真係留返拜山先講

出街先，預計今晚10至1時段結局

留意到佢迴避咗呢個comment

好想快d繼續睇埋落去

咁快

咁快結局