347 Like
27 Dislike
做金庸的男人
2019-04-21 13:45:02
真亦假
2019-04-21 13:48:51
正所謂,一日不見如隔三秋..
你走左整整三秋啊
唔使多謝啊,如果唔追返舊作我都唔知點算好
冇左金仔故嘅人生,度秒如年
牙賢
2019-04-21 13:49:53
睇金仔嘅文就好似煙癮酒癮毒癮咁 唔可以停㗎嘛
做金庸的男人
2019-04-21 16:23:30
林林唯一鍾意嘅屋企,佢都漸漸討厭。
唔想讀書、唔想返工、唔想返屋企,唯一想嘅就係留喺醫院陪住嫲嫲。
而本身由細到大都好憎醫生護士嘅林林,喺嗰四個月入面,慢慢了解到醫護人員其實同佢自己嘅想像唔太相同。
「柳妹妹,又嚟睇嫲嫲呀?」
「啊⋯⋯係呀。」
「佢今日精神幾好,你可以帶佢落花園散下步。」
「唔⋯⋯唔該。」
「一陣㩒鐘叫我地幫你扶佢落床啦。」
林林向護士姐姐微微點頭。
除咗屋企之外,依度係第一個,無因為佢係大陸落嚟而排斥佢嘅地方。
「入得醫院嘅人,就只係病人同病人家屬。我地係咁分架。」
當年林林識咗唔少護士朋友,都係腫瘤科負責照顧嫲嫲嘅人,見得多,久而久之就傾多兩句。
唐寧瞓教瞓靈堂
2019-04-21 16:37:21
金仔啲文成日都要搞到人眼濕濕
大佬震波
2019-04-21 16:40:06
準備匿喺房睇 又要喊喇嗚
做金庸的男人
2019-04-21 17:02:29
林林喺嗰四個月入面,親眼睇到好多荒謬事,而且佢係唔明點解會咁,於是成日趁護士姐姐同嫲嫲檢查嗰陣問下係咩事。
比如見人投訴,話醫院做咩畀橙做飯後果,病人無力摵橙皮點食,又話醫院啲餐具唔衛生,又話啲椰菜點解唔可以轉菜心生菜,又話護士唔幫手斟水依樣嗰樣。
「有啲病人之前住開私院,一間病房先得幾張床,空間又多,病人又少,護士工作量自然細,同埋佢地叫入院嘅人係cilent即係客人。自然咩要求都會盡量滿足佢地。」
林林留意到,醫生護士往往都比較願意去幫禮貌好嘅病人同解答家屬嘅問題。
而林林喺嫲嫲面前一向都係乖乖女,唔該前唔該後,所以啲護士都對佢好好。
「不過我地公立醫院係叫入院嘅人做patient即係病人,我地係幫佢地做基本護理為主。仲有你都有眼見啦,我地一對十幾個,評估過病人係有基本自理能力的話,我地一定係照顧咗比較嚴重嘅病人先。」
嗰時嘅醫院情況都未至於今日咁差,但問題已經醞釀緊,只係當時仲算頂得順。
而今時今日,大部分醫護人員都已經頂唔順。
不過就算係當年嘅醫院,都已經幾乎爆滿,只係差在未喺走廊加床咁解。
大犬之女皇
2019-04-21 17:17:15
推
做金庸的男人
2019-04-21 18:04:04
「我地人就得咁多,病人就源源不絕咁湧入嚟。你係我,一個有手有腳嘅叫你斟水,另一個下半身唔郁得要放尿,手得一對,人得一個,你會幫邊個?」
喺人力不足嘅環境之下,幫一個人,就代表幫唔到另一個人。
拯救一個人,就代表無辦法拯救另外一個。
「除非醫院增加人手,多啲人入行,體制有改革,如果唔係過多幾年真係會爆煲。唔好話過多幾年,依家再嚟多次沙士我地都死梗。」
林林沈默一陣。
「我做野先喇。嫲嫲今日幾精神,你同佢傾下計啦,唔阻你地。」
「姑娘!」正當姑娘要行嘅時候,林林叫停咗佢。
「唔?」
「係咪如果多一個護士,就可以幫多一個病人呀?」
姑娘點點頭:「唔止一個,我地一對十架嘛,起碼幫多十個病人啦。」
林林望向張開眼,對住自己微笑嘅嫲嫲,深深吸咗口氣。
「我想做護士。」
感性老母(有鳩)
2019-04-21 18:41:14
林林
做金庸的男人
2019-04-21 19:32:28
林林知道以自己依家嘅身世,無論點急起直追都無可能做到醫生。既然係咁,做護士都係一個可行方案。
佢去咗做相關嘅資料搜集,知道有註冊護士同登記護士之分,註冊佢做唔到,但可以入護士學校讀兩年出嚟做登記護士。
「但係我讀書咁廢⋯⋯唔知掂唔掂⋯⋯」佢將自己嘅目標同最熟嘅護士姐姐講。
「只要你係有心幫病人,就一定掂。」
林林終於有咗人生目標同努力嘅方向,佢除咗返工同去醫院照顧嫲嫲之外,就係返學同去自修室溫書。
為咗唔會考到全科唔合格搞到無得讀,林林用返多幾倍嘅努力去追返自己學習進度。
亦因為當年試過依種每日瞓幾個鐘嘅生活,林林真係做咗護士之後先會咁快習慣幾乎無得休息嘅編更。
做金庸的男人
2019-04-21 20:22:50
「林林呀,咳。你聽日考試,最後一日。加油呀。」
會考最後一科,前一晚林林如常去醫院照顧嫲嫲。
臥床不起嘅嫲嫲已經每日都迷迷糊糊,好少聽到佢咁清楚咁講說話。
林林好清楚,嫲嫲嘅鼻喉情況令佢每講一個字都會好痛,所以好耐都無聽過佢把聲。
但唯獨考最一科前嗰晚,嫲嫲好似特別精神。
「嫲嫲,你⋯⋯你講到野?係咪覺得好咗?」
點頭。
「你放心啦,我好有信心一定全科合格架,之後我就會報護士學校,你要等我呀,我好快可以做到護士。到時等我嚟照顧你!」
點頭。
「你⋯⋯仲有無,咳,吸毒呀?」
「無呀嫲嫲,我無吸過,將來都唔會。絕對唔會!」林林捉緊嫲嫲粗糙嘅手心,想佢感覺到自己嘅決心。
嫲嫲面上嘅肌肉用力咁擠出一個微笑。
「咁就好喇。咳咳。聽日考試,加油呀,乖孫。」
「知道!」
天水圍攞你命三千
2019-04-21 20:27:18
林林😭😭😭😭😭😭
harmonican1234
2019-04-21 20:44:15
轉圈轉圈哈姆共你
2019-04-21 21:00:25
迴光反照
有人有心沒有人
2019-04-21 21:37:23
嫲嫲又準備死
感性老母(有鳩)
2019-04-21 22:33:11
迴光反照
大佬震波
2019-04-21 22:57:07
林林 你要頂住呀
嫲嫲會喺天上睇住你
問妹何所肉
2019-04-21 23:15:47
迴光返照
唔撚係吾囉
2019-04-21 23:41:57
考完返來見到張空既床
趕老婆出廳
2019-04-21 23:53:30
我相信金仔一定係咁