是咁的,照顧過我嘅護士死咗 完
做金庸的男人
990
回覆
347 Like
27 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
浪漫大師2019
2019-04-13 18:31:33
好想知林林嘅心路歷程
究竟係點樣捱落黎
夢已化煙
2019-04-13 18:43:10
來淫亂派對
2019-04-13 19:09:21
我只係希望金仔可以送到張畫比林林
Prince_Torres
2019-04-13 19:57:10
葬禮送
小毒毒
2019-04-13 20:03:13
彈簧咁 好似會爆獲勁既咁
做金庸的男人
2019-04-13 22:30:54
萬幸嘅係,林林父母雙亡之後,喺大陸透過社福機構嘅幫助,申請單程證嚟香港投靠佢嫲嫲。
由出世到大個都從來無見過面嘅嫲嫲,第一次見面就攬住林林。
「乖呀下乖孫⋯無事架喇。」
雖然林林經爸爸嘅教導學過少少廣東話,但其實佢當時根本唔明嫲嫲講緊乜。
但小朋友嘅直覺好準,至少林林感覺到,眼前依個老人家係好錫自己。
嫲嫲喺香港無人無物,之前一直靠林爸每月寄返嚟嘅家用生活,都係掹掹緊,依家多咗個細嘅,就要靠綜緩同執紙皮先夠兩嫲孫生活。
林林係個好生性嘅小朋友,佢知道嫲嫲已經夠辛苦,所以會做個乖女,唔想為嫲嫲再增添乜野麻煩。
於是就算佢喺學校被人欺凌,亦無出過一句聲。
雪中琳琅
2019-04-13 23:14:43
黑椒牛丸河
2019-04-13 23:25:47
薯仔三號
2019-04-13 23:31:00
林林
做金庸的男人
2019-04-13 23:42:11
林林被同學欺凌嘅理由多到數都數唔哂。
唔識講廣東話係其一,生得靚女唔再講,著嘅校服殘舊發黃,用嘅文具無一樣係新,無零用錢,比其他人早發育,個胸生得大,多男仔鍾意⋯⋯
整個小學時期,林林都好畀心機學好廣東話,因為只要講到相同嘅語言就可以少一個被人蝦嘅理由。
但到學識,又被人話有口音,於是佢就落力去糾正自己嘅發音。
係人都知廣東話難學,而林林苦練後嘅咬字同讀音,比一個本地香港人更加準確。
自己學識洗乾淨件校服,返學用布紮住個胸⋯⋯總之喺能力範圍內,盡量減少自己被欺凌嘅理由。
咁多個理由入面,林林最討厭就係「大陸落嚟」,因為無得改變,同時亦被人話得最多。
林林唔想人知道佢大陸人嘅身分,但已經太遲,當時讀緊初中嘅佢,真正身分已經被全級同學知道哂。
超級英雄就算被揭露真身都會得到外人嘅喝采。
但林林唔係超級英,一旦身分暴露就會成為眾矢之的,永無翻身之日。
「又唔係我想先落嚟嘅!依啲咁嘅地方,你估我好想嚟呀?」
「咁你咪躝返上大陸囉大陸雞!」
雪中琳琅
2019-04-13 23:46:54
認真
代入我係林林既同學既話
我諗我雖然唔會欺凌埋一份 但會對林林既遭遇視而不見
不過十幾年前中港矛盾應該未有咁誇張
至少08年果陣好多香港人仲以自己係中國人為榮
轉圈轉圈哈姆共你
2019-04-13 23:48:47
姓柳真係一睇就知係大陸人/韓國人
做金庸的男人
2019-04-14 00:18:42
每次有咩爭執,林林就出手打人,好似打大籮咁失哂控,無人㩒住就一定打到對面重傷。
於是被人標籤成不良少女,無論識唔識佢嘅人都對佢無好感。
「喂,柳穎林下話?聽講你好好打喎。」
大概係初中嘅時候,林林就識咗大家姐。
「你以後跟我,就無人夠膽蝦你架喇。我地依度唔會理你係咩人,總之打得就係一家人,就係好姐妹!」
人生第一次被人接納,林林已經唔理群埋一班不良少女身邊會令佢變成點。
雖然嫲嫲講過近朱者赤,近墨者黑,唔好群埋啲壞人度。但只有墨者願意同佢一齊玩,只有壞學生先肯接納佢。
既然係咁,染黑又有咩所謂?
林林由嗰陣開始學識食煙同飲酒,因為大家姐話依兩樣野,食咗同飲咗之後啲煩惱都會少咗好多,個人會開心啲,無咁大壓力。
以尼古丁同酒精麻醉自己嘅大腦,尋求短暫而虛無縹緲嘅快感,慢慢成癮,想一直沈醉於輕鬆同血脈賁張嘅狀態入面,希望煙同酒嘅效力永遠持續落去。
大家姐帶領嘅四五個姐妹,連同林林在內喺學校搞惡作劇、打老師、上堂搗亂、破壞公物、講粗口、食煙、飲酒、欺凌其他同學,無惡不作。
「當時我無發覺,但其實唔知幾時開始,其他同學唔鍾意我嘅理由已經唔係因為我喺大陸落嚟。佢地對我嘅疏遠、敵意同喺背後講壞話,係因為我嘅行為乞人憎。」
但嗰陣嘅林林仍然認為,自己會犯眾憎係因為佢係個大陸人。所謂當局者迷就係咁解。
雪中琳琅
2019-04-14 00:26:35
金仔呢個故仔d女主角全部都打架打大咁既
做金庸的男人
2019-04-14 00:28:48
因為最初諗十八子同林林其實係一體兩面嚟
小薯蓉
2019-04-14 00:32:30
啱啱睇完呢段都有咁嘅感覺
雪中琳琅
2019-04-14 00:32:46
唔怪得兩個第一次見就咁大火藥味
同性相斥
between 十八子可愛d
天滅笨士
2019-04-14 00:45:54
終於寫到林林嘅成長故事
感覺好現實同有啲似自己嘅成長
一樣係不被接受嘅一群
Btw
十八子係咪同林林同性相拒
金仔有福啦有得左擁右抱
做金庸的男人
2019-04-14 00:52:39
但林林從來唔會同嫲嫲講學校嘅事,返到屋企又會變返一個乖乖女。
如果當時佢有講出嚟,可能嫲嫲講一兩句說話已經可以點醒佢。
林林討厭學校,討厭醫院,唯一鍾意嘅地方就只有屋企,只要見到嫲嫲,就無論幾苦都捱得過。
就算見幾多次家長,嫲嫲聽過幾多次林林喺學校同人鬧交打交嘅事,都從來無鬧過佢。
依種對孫女近乎溺愛嘅方式,只有阿公阿婆級嘅長者先做得到。
做孫嘅面對依種愛嘅方式只有兩種取向,一係就當公公婆婆爺爺嫲嫲嘅愛視為理所當然,輕視佢地嘅存在,直到失去先後悔。
另一種就係由心底感受到佢地嘅愛意,對佢地產生超越對父母嘅依賴同尊敬。
林林就係後者。
為咗嫲嫲可以放棄一切,只要係嫲嫲嫲講過嘅人生道理就一定會銘記於心,佢叫過唔好做嘅野就唔做,亦會為咗佢做兼職將成份糧上繳,只要嫲嫲一有時間就兩個去飲茶晨運⋯⋯
林林嘅煙酒錢全部都係由大家姐幫佢畀,因為林林話過佢唔會將錢用喺娛樂自己之上,只會用喺嫲嫲度。
做金庸的男人
2019-04-14 01:05:49
中五嗰年,林林嘅大腦已經習慣咗快感嘅刺激,於是食嘅煙、飲嘅酒都愈嚟愈哽,份量愈嚟愈多。
而佢亦漸漸發現,自己其實根本唔鍾意同大家姐佢地喺埋一齊。
「嗰一日我記得好清楚,我地幾個女仔喺廁所將一個女同學個頭塞落屙完尿嘅馬桶入面。大家姐同其他人好似都好享受成個過程咁,由心而發咁大聲笑出嚟。但我當時笑唔出。」
不過林林唔可以唔笑,因為喺學校,大家姐嘅團體係佢唯一嘅歸宿。如果依個地方都無埋,佢就又會得返一個人。
「我唔想再得返一個人⋯⋯我唔想再孤單⋯⋯於是⋯⋯」
林林試過突然得返自己一個嘅滋味,好清楚身邊一個人都無嘅無助,而且成個小學都無朋友,佢唔想喺中學難得識到嘅好姐妹都離佢而去。
「林林,到你嚟!」
如果仲想留喺依個大家庭,就唯有做埋一份。
一切都係因為唔想失去喺學校唯一接受佢嘅群體。
唔想又得返自己一個人。
於是佢掛起歡笑嘅面具,由大家姐手中接力,將女同學個頭挫落馬桶。
雪中琳琅
2019-04-14 01:10:02
讀書果陣既孤獨令我對十八子呢類型既角色好有好感
但係現實無咩可能會發生
除非有咩特殊原因 唔係根本無可能會杯葛全班去企係你隔離
到最後都係要自救
講開欺凌
其實小學生之間既欺凌先最嚴重
未知善惡既小屁孩 去欺凌他人完全係因為忠於自己既慾望
好彩大個左都有遇過好人 唔係真係會對人性絕望
做金庸的男人
2019-04-14 01:16:13
有得教就教,無得教我會打佢一身,所以我唔做得老師
有啲真係自己試一次咩味道先會停手
做金庸的男人
2019-04-14 01:20:29
淨200正皮加更
佢好想欺凌其他人嘅時候可以由心而發咁大笑出嚟,但佢其實笑唔出。
唔可以被班姐妹發現自己無笑,因為一旦唔笑,就係異類。
如果被人問到自己點解唔笑,就要承認自己同大家唔同,無辦法透過欺凌其他人而覺得開心。
同大家有差別的話,下場只有一個。
林林比任何人都清楚下場係乜,因為一開始佢會被人欺凌同排斥,都係因為差別。
香港人同大陸人嘅差別。
唔可以被班姐妹知,佢地嘅「內側」唔同,所以只能夠偽裝「外側」,令大家唔會發現相異之處。
由嗰日開始,佢每日都戴住面具返學,自己匿埋喺面具之後,假裝行兇嘅人唔係自己。
咁就可以⋯⋯一直留喺依個大家庭。
「一個人如果唔知自己有問題,都仲算情有可原。但知道自己有問題都當唔知,仲唔停手,就會有報應。」
林林話,佢嘅報應之一,係食煙同飲酒可以帶嚟嘅快感已經無限度接近零。其實再食再飲都無幾多快感可言,但已經上咗癮,只係食開就食埋落去咁解。
「你知唔知,所謂報應,最痛嗰種,永遠都係報喺你最重視嘅人身上。因為咁,我地先知咩係痛。」
林林最重視嘅人,就係佢嫲嫲。
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞