是咁的，照顧過我嘅護士死咗 完

直到最後一間，都唔見林林嘅身影。不過房入面有阿正喺度為病人量血壓。

我稍為走近。

喺我隔離病床上嘅女病人，係以前被林林照顧過嘅單程證大媽，佢睇緊報紙，投訴緊繁體字睇死人，問有無人民日報。

阿正一路量血壓，一路用力索鼻水，不時伸手用力擦對眼。

「阿正？」

阿正聽到我叫佢，轉頭過嚟，嘴唇微微震動。

我嘅眉毛不受控咁跳咗下。

阿正眼紅紅咁索鼻水，寫埋病人嘅血壓記錄就行過嚟。

「野吖嘛？感冒呀？」

「無事⋯⋯做咩？」

「唔好意思呀阻你做野。我想問林林喺邊呀？我搵極都唔見佢，我有禮物要送畀佢呀。」

聽到「林林」兩個字同時，阿正嘅淚水亦湧咗出嚟。

心跳加速。

林林揞住心口嘅畫面佔據我嘅視線。

「你搵柳姑娘？你無睇報紙咩？佢死咗啦，猝死吖嘛。」睇緊報紙嘅大媽插嘴。

望向阿正，佢谷到塊面紅哂，緊閉雙唇忍住唔好喊出聲，但都有啲聲喺嘴角穿出嚟。

「阿正⋯⋯佢⋯⋯講真嘅？」

阿正點頭。

我嘅靈魂離開咗身體。

金仔我頂你個肺又係呢個套路一幸福少少就要黎料

我感覺到我有排食負皮
但大家第一篇就已經知林林會死

之前正皮左負皮唔到就算知結局 但塑造左林林嘅角色設定咁耐再殺死左佢

你以後post咩我都會負皮你 唔使擔心

阿正嬲爆爆咁擦眼淚，盡力冷靜落嚟。

「我⋯⋯我做野先⋯⋯」

我一個人棟喺病房中心，呆咗，唔識畀反應。

「該燴喇，報紙話佢屋企有冰壼呀，你慌佢唔係吸毒嚟咩？」

眼球扭向旁邊嘅大媽。

「⋯⋯佢無⋯⋯吸毒。」

「報紙話有冰壼吖嘛，唔係吸毒係咩？你唔食飯買筷子做咩？」

左手包住咗唔郁得，但我仲有右手，就算包住咗都係拳頭狀。

「我話，佢無吸毒。」

「你唔信自己睇報紙喇！」

舉起手。

手被捉住，阿正耷低頭，我睇唔到佢嘅表情，我淨係見到佢搖頭嗰陣，滴落地上嘅眼淚。

「魏先生⋯⋯請唔好喺⋯⋯病房打人⋯⋯」

「但係！」

「入得嚟醫院就要守醫院嘅規矩！」我等一次見阿正咁大聲講野。

佢慢慢放低我隻手：「如果佢仲喺度，都一定會喝住你⋯⋯」

阿正放開我，由始至終都無望我一眼，或者係唔想我見到佢喊嘅樣。

「林林講過嘅說話⋯⋯希望你⋯⋯唔好唔記得⋯⋯」

Live
點解金仔要咁對林林
點解一刻嘅幸福都唔可以比阿金同林
比金仔講出口送咗份禮物出去都好
已經feel到下一個就係十八子中埋肺炎sad end

我想負皮樓豬

負評
點可以咁快 仲要咁多咁多遺憾
今次又無做到咩

對住林林無機會講出口
然後對住十八子中左肺炎臨死果陣終於講到出口
講完對十八子既感覺之後就死埋

死喇諗落都灰

咁會變做
是咁的，照顧過我既護士死晒

金仔既故係咪擺脫唔到杏加橙既宿命

十八子 救金仔呀

唔會冚家剷㗎，就算冚球剷，都一定會死淨主角

離開醫院後，我獨自一個坐喺家樂坊旁邊嘅小公園。

附近有啲阿伯阿叔，但無人過嚟坐我旁邊。或者係因為我左右手都有包紮，又或者因為我個樣同喪屍一模一樣。

我望住人來人往嘅旺角，由日光照射大街坐到街燈一盞盞著起。

馬路嘅燈號由紅色轉為綠色，綠公仔閃閃下，又變返紅公仔，週而復始、循環不息。

的、的、的、的、的、的的的的的的的的的、的的的的的、的的的的的、的、的、的⋯⋯

呼吸同心跳都減慢落嚟，眼前嘅人群、車輛之上運連嘅時間好似比我快好多咁，掠過眼前嘅時候留低殘影。

紅橙色嘅車尾燈喺路上拉出彎曲嘅尾巴，路人行過嘅時候會拖出長長嘅鬼影。

我頓時察覺到，我甩骹嘅左手同斷開嘅右手腕已經唔識痛。

全身嘅痛楚好似江河匯聚咁湧入同一個地方。

心口好痛，心臟每一下收縮同放鬆都好痛。好似全身上下所有痛覺神經都集中喺心臟，一秒一下，一秒一下，每秒都痛過全身骨折。

喺一分鐘內，我嘅骨頭全部碎裂咗六十次。

由朝早到夜晚，我呆坐咗十二個鐘頭，全身嘅骨頭碎裂咗四萬三千二百次。

又過一秒，四萬三千二百零一次。

原來依個世界上，死亡並唔可怕，因為人類充其量只會死一次。

原來最可怕嘅唔係死，係聽到心愛嘅人死，而你仲未同佢講，我鍾意你。

我屌

一直都未正評 而家決定要負評

我抵死

我終於鼓起勇氣勉強用手機上網睇新聞，係時候接受現實。

有啲野唔係睇唔到就代表可以否定。

但我就天真到覺得一日未睇新聞，就代表依個世界仲未承認林林死咗嘅事實。

打開手機，社交媒體又好，新聞網又好，都充斥住「美女護士猝死」嘅新聞。話推斷係今晨大約十二點半左右死亡，亦即係我同佢分開無耐之後。

我好唔忿氣，好憎自己，但我左右手都無力握實拳頭。

如果⋯⋯如果我早啲向林林表白，就有一半機會做到佢男朋友，咁我就可以名正言順陪佢一晚⋯⋯林林一有事就送佢去醫院，咁佢就唔使死⋯⋯

係我嘅錯⋯⋯我早啲表白的話，就有五成機會救得返林林⋯⋯

垃圾。

廢物。

一齊用負皮追擊金仔